目前日期文章:200502 (3)

瀏覽方式: 標題列表 簡短摘要

返到屋企,第一時間就係訓係爸媽張床到,嘩!認真舒服!正!



爸媽當時當我係好乖咁,我都唔理佢哋住,來日方長,有排佢哋嘆!


morfar(公公)好好呀!好鍚我哋一家,佢早上仲要開會同返工,下午就嚟醫院做柴可夫,同婆婆一齊接我們一家返屋企。一返到屋企,就見到爺爺同嫲嫲都嚟咗,不過我有理無理,一於訓覺,半夜先嚟同爸媽玩!


不過就你哋所見,我的面開始有少少黃,所以之後的一個星期,媽媽都係咁同我返東區醫院check住d黃色的度數!

suklaic 發表在 痞客邦 留言(0) 人氣()

依個係我的扭計樣!

三伯婆好忙架,佢都嚟睇我,仲成日要媽媽小心咁照顧我!

小小反豆星!

大姑婆抱住我呀!佢日日都嚟俾d陳皮水媽媽飲,話要媽媽放多些屁,因為個肚會有好多風!

美儀ee,佢一抱我就話無力,真係弱質女流!

一大班人影相,我都要望住媽媽,因為我只認得佢的味!奶味!

婆婆一嚟,就係咁唔想放底我,睇吓我幾好訓!

依個樣係我出世後十八時小時後,當時有好多人來探我,有媽媽的同事judy ee啦!爺爺、嫲嫲、大伯娘、大伯、家姐(偷運入房的)、三叔、三嬏、公公、婆婆、大姑婆、美儀ee!嘩!數到數到手仔軟。好開心同大家見面!

suklaic 發表在 痞客邦 留言(0) 人氣()


我叫做楊卓希
我係媽媽個肚到十個月啦,過了預產期都唔想出嚟住,因為媽媽個肚好舒服,好食又好住,媽媽的肚又好似搖籃咁,好鬼舒服。
但係醫生哥哥話怕我再多一個星期會大得濟,到時媽媽也許會生不出我,所以便在預產期的那天(2005年2月18日)入院(東區醫院),19日一早十點便開始催生,初初媽媽又也不覺得痛,但後來痛的次數密了及好痛。媽媽本來想自己試吓唔用任何葯物,但太痛,便要吸“笑氣”,點知每次吸“笑氣”時個人就一陣陣的暈,媽媽真的怕會暈過去,當時爸爸肚子餓,去找食,產房那時得媽媽和我兩個。在媽媽痛得喘不過氣來的時候,突然來了一位助產士check血壓,媽媽一手便捉住姑娘的手,用微弱的聲音說“我要無痛分娩”。
就係咁,姑娘去找痳醉師,當痳醉師來的時候仲解釋一大輪嘢先簽字,媽媽便用盡她的氣力揮筆一簽,醫生便立刻在背部插一枝粗的針來打葯。媽媽立刻舒服哂,慢慢的等子宮開。但係當子宮開到八度時,姑娘便打無痛分娩的葯關閉,好讓媽媽有痛的感覺可以迫我生出來。


到晚上十一時,媽媽已經要開始用力迫我出來,但是因為媽媽不懂用力的方法,及弄致氣喘病發,媽媽已經告知姑娘,請醫生來幫忙,但是她們未見過所以不相信。到晚上十二時十五分醫生才來,不出五分鐘我便出世啦,凌晨十二時二十一分出世,重八磅四。爸爸話當我一出世時,他第一眼見到的是我全身紫色的,不過便好快的變回白裏透紅,我仲哭得好大聲,姑娘話我好大聲。

我出世後,便由姑娘帶我到育嬰旁,媽媽由於生產過後要在產旁休息三小時,爸爸也在這段時間陪媽媽。爸爸今次唔話得,一直都陪媽媽及我。凌晨三點,便有嬸嬸推媽媽到產後房休息,爸爸也要回家了。

媽媽到產後房後由於太興奮,不能入睡,而且又不准起床,所以便用手機發信息給相熟的朋友及家人。到凌晨六時,媽媽想試吓自己去洗手間小便,便按聆請姑娘幫忙,但就於無痛分娩的葯未過,媽媽又要插尿喉來放尿。但在這起床去洗手間的過程中,媽媽氣喘到不得了,把嬸嬸也嚇怕了,立刻請姑娘來看媽媽及度血壓。不准再下床,所以頭兩次飲奶時間我都是由姑娘或嬸嬸喂食的。直到醫生來看媽媽,給了她vanterline吸後才有力氣來看我!當時我給媽媽的印象很乖(我扮的,返到屋企你就知)。

當我還在醫院時,媽媽要每三小時就喂一次人奶,所以真的好疲累,時間如下:6:00am,9:00am,12:00noon,3:00pm,6:00pm,9:00pm,12:00am,3:00am。你話如果唔累就真係騙你,好彩,我在育嬰室休息,而媽媽就在40號床休息,所以當我大聲哭時,媽媽聽不到也懶得聽到我的聲音。我都由得他,因為我有一個計劃,就是回到家後便會慢慢的對付她和爸爸!哈!哈!哈!哈

suklaic 發表在 痞客邦 留言(0) 人氣()