目前日期文章:200609 (36)

瀏覽方式: 標題列表 簡短摘要

eeeeeeeeeeeeeeeeeeee,一早起身後爸媽無換衫,即是佢哋唔使返工啦,好嘢!

爸爸去睇報紙時,我要同佢一齊睇!

跟著我哋仲一齊研究吓今日的新聞!

媽媽一早帶我去playgroup,本來係四個小朋友,今天多了一位小朋友,即是五個,你睇,上次係用顏色label貼屋屋,今次係要自己用手指搽膠水,然後貼顏色紙上毛巾到!好好玩!

坐小巴返屋企時,本來我已經好眼訓,點知爸媽又話要去玩滑梯,我就挨住眼訓咁玩!
  
我係屋企到挨到成兩點先訓覺,一訓就係兩個半小時,爽!跟著同爸媽去新屋,有d叔叔係度用d好長長的唔知乜嘢到週圍度。

媽媽本來想帶我去剪頭髮,但係太多人啦,要等遲多幾日先得!

晚上morfar來我家食飯,仲同我玩得好開心,然後又同我睇disney的a b c d。好開心呀,先,先係爸媽係屋企,令到我成日玩同有得出街,然後就係morfar來同我玩,我今晚玩到有d唔想訓添,成九點四十三分都未訓著!哈!哈!哈!如果日日都係咁我一定開心到不得了!

suklaic 發表在 痞客邦 PIXNET 留言(0) 人氣()

話說我日日睇爸爸媽媽係咁睇報紙,我今日決定一 試,等媽媽同芳ee唔得閒理我時,我就走去枱底到坐(我最鐘意去的地方),然後就攞d過期報紙出嚟睇!

當我發現媽媽影我時,我就同佢笑吓同拍吓手啦!

跟著我又再專心咁再睇報紙,睇定邊隻手機好用,下次叫媽媽買!

suklaic 發表在 痞客邦 PIXNET 留言(0) 人氣()

一早六點卓希便叫我開奶奶,依個衰豬,我要返工返早的日子佢可以訓到七點,但係可以返晏少少的日子就準時到乜咁六點鐘就起身。不過今早都要早起,因為要去機場接morfar(公公),佢由瑞典回來一個星期又會快返去。我同卓希八點就出門口,先先去麥當當到分享一個魚飽早餐,然後便開車去機場。

在家的互聯網上check過時間係九時零二分班機才會到達,但係當我們九時十分去到機場時便發現班機八時五十五分已經到香港。我們只等了十分鐘,爸爸便出來,無見兩個幾月,我都怕卓希唔認得,但係當我放他落地時,他又識得行去公公到,令到公公開心到不得了。

車爸爸返沙田家,已是十時多,小休十幾分鐘後,我便又出發,要帶卓希先回家,然後自己返工,幸好今天返晏,十二點,如果唔係都唔可以去機場接爸爸。

返到心光當然係做嘢做到傻哂,全天只可以打得一次電話回家睇個仔,崇拜完咗之後,頭極之痛,便到置富食晚飯同鬆弛一吓神經。回心光後又係一場大戰,因為今天晚上是兩個團契的中秋賞月夜,我同一班義工要照顧同學們。係精兵團,我切雪梨切到手指起水泡,然後成手濕疹又出過。

唉!一個煩忙的一天,如果我有七手八腳便好,可以同一時間做到好多嘢,但係我唔係,只得一雙手,又要照顧家人,又要返工,仲要讀書,有時我都會想,自己係咪太多嘢做呢?係咪時候再為自己的前路作多些打算呢?

suklaic 發表在 痞客邦 PIXNET 留言(0) 人氣()

我個同事好好人,好盡責咁嚟我家幫我整個ip cam,不過仲係差少少。由於我放工得遲,然後又要返BU返學,依個同事仲幫我拎個ip cam返去店舖到問d sales點樣整,真的有點不好意思,有機會要請佢食吓飯先!
 
好攰呀,今日改了四班默書,改啦、貼label在錯的地方啦、打點字教他們改正啦、打分啦(依樣最容易)、仲要登分啦。改一次默書就係要做咁多步驟,真的難為了教語文的老師,他們還要改作文、改默書、如果是班主任、還要改週記。所以其實老師的工作量唔少的,好多人只係睇到老師多假期,但係又沒有睇到老師無時無刻在備課及改學生功課,真的有苦自己知。改完四班默書後個頭真的有點wing wing哋,係太集中睇點字睇得耐。不過見到自己枱面咁多嘢未做完真的有點無力的感覺,好想好想做快d,但係真的力不從心。
 
休息啦!唔寫啦!

suklaic 發表在 痞客邦 PIXNET 留言(0) 人氣()

今晚個同事嚟我屋企幫我set個ip cam同部電腦,只係差少少咋,不過都係未得。但係我已經好多謝依位同事,佢攰到c都嚟幫我!
 
在此,嚴重聲明給我的學生,睇完我的私人blog後唔准周圍去同人講,我唔知你哋點會有我的blog address,但係睇完然後去同當時人講係一種不道德的行為,下次俾我知道的話我一定會話鬼的。未問過我又睇我d嘢已經好唔啱,仲周圍講,完全唔能接受。再係咁我會下封殺令,唔俾某d人上嚟睇我哋一家的生活趣事。仲有,就係未問過我唔准係我的blog到copy and paste,要專重知識產權及我的創作能力。我講真的,再係咁我就會一係搬blog,一係封鎖個blog,只係俾自己的好朋友睇。唔好迫我行依步,我真的好唔明點會有我的e-mail同blog address,有都算,但係就唔可以咁煩住我!

suklaic 發表在 痞客邦 PIXNET 留言(0) 人氣()

話說我個同事JJ星期五幫我買咗個IP CAM,本來約好星期天(即是昨天)到我家幫我裝的。由星期五到星期日我已經好緊張,點知!點知!個衰高佬又話要去踢波,話今天星期一晚先來我家。我係一個心急到不得了的人,又要等,咁好啦!點知今早早會完咗之後,佢居然嚟同我講佢女友唔舒服,放咗工後要去睇佢!咁又係,女友病了係真的要去睇佢,但係又放我飛機,如果昨天佢唔係掛住去玩,我咪唔使晚上煩到佢啦!正一c嘢嚟的。如果我自己識做,就唔使佢啦,我係一個電腦白痴,今晚個心唔奮氣,自己咪試下裝,又係唔得!都唔知點解,次次自己想係電腦到整d嘢時,都係裝唔成,所以咪成日都搵番d IT人,點知我急佢哋唔急(咁又正常的)。我都唔想煩佢哋,真的鬼叫自己唔識咩!
裝依個IP CAM的原意係我好掛住個仔,日頭要返工,晚上要返學,真的無乜時間睇吓佢成長的路程,而且佢近佢頑皮了好多,有時要突擊睇吓佢同芳ee係屋企做d乜,所以係真的有需要。
 
依個cam都幾好的:
產品特性
● 高質素影像輸出
● 鏡頭機動化垂直及水平移動,水平: +170° ~ -170° ; 垂直: +80° ~ -40°
● 支援MPEG-4 及M-JPEG錄映格式
● 附上錄映軟件,可供十六支鏡頭同時使用
● 支援瀏覽器遠端控制
● 支援無線 64/128-bit WEP 及 WPA-PSK 加密
● 內置雙向傳輸麥克風
● 最高VGA (640 x 480)解析度,支援30fps高流暢度輸出
● 支援HTTP、FTP、TCP/IP、UDP、ARP、ICMP、BOOTP、DHCP、PPPoE、SMTP、DDNS、UPnP傳輸協議
● 支援多重視窗移動偵測及電郵通知
● 支援超低光量感應:0.5 lux
● 多種影像品質:自動白平衡(AWB)、自動暴光(AE)、自動增益控制(AGC)、對比度、飽和度及光暗度
● 數碼變焦
希望明天晚上真的會來幫我啦,我唔想又拖啦!

suklaic 發表在 痞客邦 PIXNET 留言(0) 人氣()

爸媽買了新床單給我,係pooh pooh嚟的,好可愛,我好鐘意,都未等到媽媽鋪好床,我已經彈左上床啦!

 

晚上媽媽係咁問我嘢,咁咪答佢一兩句囉!

媽媽話我乜都識聽!  

媽媽叫我學講嘢!     

suklaic 發表在 痞客邦 PIXNET 留言(0) 人氣()

不過都係一時時,唔係成日得的!




suklaic 發表在 痞客邦 PIXNET 留言(0) 人氣()


乜都明白, 真係大個仔啦!!!!!


suklaic 發表在 痞客邦 PIXNET 留言(0) 人氣()

卓希停了playgroup都一段時間,想他日日在家,便幫他報讀家附近的德福幼稚園的嬰兒playgroup,但係真的唔好,我已經好想問佢有無得refund.
1. 全班只得四個小朋友,都好,少d人,但係四個裏面有兩個小朋友係咁流nose水,我同芳ee係咁“的”卓希行開,我覺得d家長好無品,個小朋友係咁係nose水就唔好帶佢嚟啦,仲係綠色個隻nose 水。雖然個couse真貴,但係如果你咁樣將d病菌傳染到給其他小朋友就唔好啦。
2. 個老師完全唔理d小朋友的上課規則,有兩個小朋友係咁週圍走都唔理佢哋。又無請家長幫忙捉住d小朋友,個老師唱咗,又或者講咗就算,在做習作時都無個別睇吓,請家長留意那方面的問題,完全無!
3. 唱遊同講早晨點會放係最後,放學前?
4. d歌全無歌詞給家長一齊唱。

總之個感覺就真係唔係咁好,比較下廖太ee真的好pro,同又會補捉到每個小朋友的attention,又教到佢哋嘢,今次真的又哂錢又哂時間。

之後約了小吉一家去德福稻香飲茶,小吉同卓希真的好friend,佢哋仲玩得好開心,卓希想拖住小吉媽媽,但係小吉唔俾佢拖,兩個同一日出生的小朋友真的好好笑!

suklaic 發表在 痞客邦 PIXNET 留言(0) 人氣()

今日一早起身,媽媽話帶我出去玩,話係去家姐仔的學校的玩,去到的時候,原來計我在內只得四個小朋友,先先係玩玩具時間,然後便出去玩車車,跟著便就食茶點(媽媽帶的手指餅),然後就係要將d通芯粉入落個樽到,好好玩的,四個裏面我最細個,但係我入得最多。
最後就係要將一幅屋的畫係咁貼唔同顏色的貼子,你眼我幾叻叻!
 
然後就係我今日最開心的項目,見小吉,媽媽今次真叻叻,只係用戒片褲就可以引到小吉媽媽佢哋一家係屯門出嚟,等我哋兩個有得一齊玩!
 
 
小吉!我好掛住你呀!

suklaic 發表在 痞客邦 PIXNET 留言(0) 人氣()

我今晚就係週璇係依d terms到,其實個講師已經講咗成三個星期,但係我個人真的比較蠢,今堂先get到個意思,我同隔離個同學仔講,佢話唔係麻?真的,我無別人咁聰明,所以讀起書來就比別人吃力,吃力都不要緊,最衰就係依家都無乜時間睇返d notes,每次考試前就怕怕的,咁大個人仲怕考試真的無鬼用,只因我無時間讀。所以咪比別人弱,我只求合格便可以,最重要係唔好要re-take咁就得!

suklaic 發表在 痞客邦 PIXNET 留言(0) 人氣()

昨天晚上臨訓前係媽媽網到見到d媽媽留言,原來那些全職媽媽們約埋一齊去街街,等d bb熟絡吓,有d bb已經識得認其他bb同叫佢哋的名啦!我真的好好好想做全職媽媽,同卓希一齊學習,又可以同其他bb一齊玩,諗到都開心。不過,唉!無可能!
但有時,我又會想,依家卓希歲半,到佢兩歲半我就想佢返吓n1玩吓,如果我真的係全職媽媽,到時我的時間又點算呢?阿仔慢慢大,佢返學的時間長咗,咁我又點算呢?問題好似一籮籮咁係個腦到不停咁轉!
 
近來自己有少少自閉傾向,返工唔係好想離開三樓,唔係好想落二樓。有時諗吓自己咁樣唔惦,一定要見吓d同事先得,咁就交飯票落職員飯堂食飯啦!點知,食完之後個感覺仲衰,因為跟本接唔上佢哋的話題,我又唔知二樓正在發生的事情(係因為我想逃避去知,唔知就唔使煩麻)。有時寧願多d同d學生傾計。死啦!我今日同judy傾開,佢話我咁落下真的會有自閉,但係我又真的唔想去接觸,我想自己需要時間慢慢去想通一些問題。
其實我發現自己在內心的深處係唔多唔少都有好似我呀妹嗰種多愁善感的人,一有唔開心的事情,係會自己封閉自己,然後係咁諗呀諗的。幸好我有天父在我背後backup我,如果唔係我也許一早已經唔係依個世上。有時唔係唔想同卓希爸傾,而係d男人的觀點與角度都唔同,佢會第一時間認為係我唔啱,然後我越聽越火滾,跟著就唔使傾。所以有時我會選擇唔講,免得大家傷和氣(不過係我好嬲時,我會一輪嘴咁係咁講,講完個心真的會舒服好多,如果卓希爸唔駁嘴的話),咁樣自己又會唔開心。好似今晚我已經做到好夜(返到匤企差唔多成十一點),返嚟後成個人散哂,同卓希爸傾緊亞芳係我要卓希戒奶咀事情上的情況,佢會認為不能要求別人做自己要做的事情,鬼唔知咩,如果我唔使返工的話,我有好多嘢可以自己做,使鬼佢幫我咩。我唔想一個就快兩歲的小朋友,仲成日係屋企到食住個奶咀又週屋走,但係卓希爸又覺得食奶咀無問題。咁你叫我點同佢傾呀?
 
今日無心機,無力,同無時間下,惦都無惦過份功課,寫的字數只係能在一千多少少!

suklaic 發表在 痞客邦 PIXNET 留言(0) 人氣()

今晚 繼續做功課,已邁向一千字,還有三千五字要嘔出來!

suklaic 發表在 痞客邦 PIXNET 留言(0) 人氣()

今日沒有任何的特別,只是今晚要開工做功課,因為今期讀成兩科,真的需要時間去找資料!
 
上帝卻揀選了世上愚拙的,叫有智慧的羞愧;又揀選了世上軟弱的,叫那強壯的羞愧;
哥林多前書一章二十七節

suklaic 發表在 痞客邦 PIXNET 留言(0) 人氣()

卓希昨晚兩點己經無啦啦,訓訓吓就跌咗入放尿片個位置到,半夜三間係到求救叫我救佢,我本著好心就救吓佢啦,點知抱上手後都一路係咁咸,咸咗好耐。隔離塔床訓個卓希爸又訓到成隻豬咁,只好得我一個人攪惦,飲少少水先致訓番,算啦,我仲有少少時間訓,點知到到凌晨五點,又嚟料,又要飲奶,初我同卓希爸都話無奶奶,要天光先得,點知佢係咁扭,好啦,咪開給他,飲完又換埋片,佢居然唔俾我訓返,有無d咁惡的仔呀,今次唔發忟都唔得。我忟到火c咁,仲打了卓希兩下手板。佢斜我好嚴厲咁話咗後,就乖乖的和卓希爸返房訓覺,但係對我來說,正是起床預備佢d粥的時間,又可來有得訓?
我今日攰到c,渣車返工又sleepy,上早會又sleepy,上堂講嘢都無乜聲氣,仲要下午教好難教的小一班美勞,好彩今個星期開始有多個助教幫我,如果唔係就會c得人多的。
所以我又和卓希爸重提舊事,好想唔做嘢在家自己湊卓希,咁又唔使佢晚上幫我,因為我唔使返工,無得訓都唔使忟無時間訓要返工,不過依家有兩層樓,真的無乜可能。

suklaic 發表在 痞客邦 PIXNET 留言(0) 人氣()

今晚媽媽教我一個新的玩法,就係叫做“咪埋眼”,仲要用手放係塊面到,不過我係到偷睇!
 

suklaic 發表在 痞客邦 PIXNET 留言(0) 人氣()

攞命呀,卓希半夜半點半叫我起身沖奶,當初因為無載眼鏡(訓覺梗係唔載),以為係凌晨五點,便隨口應承佢話起身開奶,點知一望個鐘,三點半,想反悔都唔得,因為已經應承咗。但係我發現佢都唔係好肚餓,因為只飲了四安。之後我哋又出個招天黑要訓覺,不過今次唔係好work,卓希係咁要佢爸爸抱(好彩啫),咁我就訓返,卓希爸話都抱咗佢好耐先肯訓返。早上七點十五分就醒啦,仲係飲哂所有奶,我話今晚打c我都唔起身,明天仲要返工的。
卓希今早一起身就係咁扭,我哋估係佢唔夠訓,但佢又心野,要玩唔去訓,我九點便強迫他同我係房到一陣佢就訓著咗,又見佢的咳未好得哂,所以今天便不返教會,等下星期佢好d就一定返。
 
我開始同卓希著戒片褲,不過佢有時都唔係好合作咁去小便,成日掛住要玩個花灑,但係我的規則係要痾到小便才可以開水玩,所以佢一無,我就“的”走佢,唔使俾佢玩咁耐。
 
唔知係咪昨天晚上收拾書桌上咗癮,今日見到屋企的地方就忍唔住都係咁執,簡單來說,係執芳ee的“手尾”,佢就最鐘意有少少地方就亂咁放東西,我就一日到黑跟手尾跟到黑,火都嚟!
卓希爸有時話我對執屋太執著,但係我覺得無小朋友時,一兩次懶都可以,但係有咗小朋友後,仲更加要整齊,一個榜樣麻,但係我就唔知點解自己成日執手尾。試過我返完bu後回家,洗完澡後只想到廚房飲杯水,但係就見到所有日品都放哂出嚟,又係要一樣一樣咁放回原位,一樣咁攞命!

suklaic 發表在 痞客邦 PIXNET 留言(0) 人氣()

依兩日媽媽都要我著住一條所謂的介片褲,依d戒片褲媽媽話係之前同其他媽媽一齊訂的,買了好幾個月,依家要我用。媽媽要我係屋企時,就著住依d戒片褲,要痾尿尿就要話俾媽媽知。不過次次都係媽媽問我,都唔係我自己報料的。

裏面係一塊舒服過膠的布,媽媽話如果我懶尿的話,會有唔舒服的感覺,但係就唔會懶到一地都係!

嘻!依兩日我成功地無懶濕褲,成功秘決係乜?哈!就係我近來飲得少水,同埋媽媽話出街同訓覺都要穿回尿片,咁爸媽一放假我地都一日出街出到黑,咁我又邊有機會長時間著呀!(不過媽媽話我病完,身體弱,出去的範圍都只係九龍灣,婦人之見!)

suklaic 發表在 痞客邦 PIXNET 留言(0) 人氣()

  • Sep 16 Sat 2006 21:23
  • 書桌

我和卓希爸在書房內一人一張書桌,我是一個喜歡整潔的人,但平時一早就返工,放工後就返學或要照顧卓希,卓希訓了之後才是我的私人空間,但我都無乜時間去整理自己的書桌。對自己的要求是一星期最少係咁e收拾一次,今晚寫完日記後,見到自己的書桌乜都有,銀行單啦、替卓希找playgroup的資料啦、bu的notes啦、照顧bb的書啦、手提電話的handsfree啦、卓希出街用的紙尿褲啦、數碼相機啦.............................等,都放在書桌上,一見到自己咁亂就唔可以容許自己咁懶,便“的”起心肝來收拾。
雖然執完之後都仲有一大堆平時要用的東西在桌上,但已經可以空出很多空間來了!(比起卓希爸那垃圾桌面好好多,佢長期都有一堆唔知乜嘢東西放係書桌上)。
唔知可以保持幾日呢?以我的經驗,星期一就已經有很多東西又放上去了!

suklaic 發表在 痞客邦 PIXNET 留言(0) 人氣()

1 2