目前日期文章:200611 (36)

瀏覽方式: 標題列表 簡短摘要
簡直笑到我都痛番!



suklaic 發表在 痞客邦 PIXNET 留言(0) 人氣()

不過係講到動物時,都會學個樣動物的叫聲,真的好好笑!



suklaic 發表在 痞客邦 PIXNET 留言(0) 人氣()

話說一星期前的星期四,我如常的返工返到晚上十點,便一個人渣車返屋企。今次我記得要行香港仔隧道〈咁樣行法,會快d入到紅隧〉。我當時又開咗個收音機,好少好少咁聽緊香港電台第二台〈星空奇遇鐵逹里〉,行到差唔多到隧道範圍時,突然見到police的捉快車的搶係我架車頂到,心諗!今次大鑊,睇一睇個咪錶,58,嗰段路係行50咋!

但係細心諗,枝搶又無閃,前面又無police block,會唔會係假的呢?我記得有的司士機講過,如果真係影到的話,就會三天後收到信。咁我就戰戰兢兢咁等啦,但係其實一放假同個仔玩就唔會記得單嘢,今晚再渣車返屋企時才記起依件事。到今日為止都無收到信,所以埋論上應該係:無事!要大呼:好彩!(感謝神,不過都係我唔啱,都唔可以開得太快!)

今晚我好小心咁行,好多車係咁過我頭,心想如果有得影快相你哋就一d都唔過癮,點知又無police,所以自己都幾黑仔!

卓希近來學講多咗嘢,我本來都唔係好agree咁細個小朋友睇電視,不過又真的俾到佢學習到英文,這個星期,卓希一路睇english time時(吉媽幫我bt的,叫我買就一定唔會),佢一路學人講英文。之前睇disney的demo時學了say“no”,今次就學講得正好多,係“apple”。

我今早問返卓希媽媽手好痛係點,個衰豬又真的做返我個樣出嚟!


我有好多好多ot要放,所以明天可以休息一下啦!

suklaic 發表在 痞客邦 PIXNET 留言(0) 人氣()

我今晚臨返bu返學之前,係屋企到快速食飯,係臨出門前一分鐘,就同卓希仲玩緊“捉”。點知自己真的無鬼用,撞到隻手損咗,真的痛到我好想“標尿”,我俾卓希爸睇時就係咁“un”,卓希見到又學我係咁“un”。卓希爸幫我貼膠布,卓希又要,一路貼膠布時一路貼佢就仲係一路“un”,笑到笑到我肚痛。(諗住放學返屋企先影佢隻手,點知卓希爸話已經唔要啦!)


放咗學後,我仲一個人走咗去新屋到睇進度,今日俾咗第二期的錢啦,卓希爸肉都痛埋!

門口鞋柜

廚房

有一個雜物柜,好大的,

連我個人都入到去

洗手間的柜同枱,不過好似地方細過以前的

suklaic 發表在 痞客邦 PIXNET 留言(0) 人氣()

  • Nov 28 Tue 2006 10:56
  • 觀課

昨天第一將臨期慶祝會時,班學生唔肯合作,在背應許時一d都好似無練過咁,仲俾我話完之後,係咁又公開,又大聲咁評論,仲想同我講數唔使罰,of couse無得傾。
咁今日係我個科觀課,我心諗今次一定係我做咗十幾年以來最差的一堂,因為仲要個題目係:權柄。學生們點會放過咁大好的機會係咁講!啍!又唔係wooo,我係咁引佢哋講,佢哋都唔講昨天所發生的事情。所以今次觀課又無得又無失,只是要留意用電腦時,弱視學生不能適應全部關燈。

卓希爸又好似好番d,今晚卓希唔使九點已經咗,我仲諗住可以寫完日記,十點前可以上床大覺訓,點知九點半時,卓希係咁咳,咳到又嘔,嘔到佢自己張兒童床又有、大人床又有、我的睡衣衫又有,卓希爸的衫又有、卓希爸的拖鞋都有,總知就係鍋結嘢。攪到我都想嘔埋一份,仲諗住十點訓,點知到依家仲先致寫日記同又開洗衣機,都唔知幾點先訓得啦!!!poor

suklaic 發表在 痞客邦 PIXNET 留言(0) 人氣()

今早一起身,卓希爸已經話我知佢好想嘔,都無食過早餐就返工。去到中午時段,佢又打電話給我留言話要去睇一睇醫生,個人都唔係好惦,點知醫生食午飯,佢無得睇。晚上見到佢成個人都紅紅的,探熱又未有燒著,不過個人就發冷。鬼咩!成日話自己身體好,又話唔使著咁多件衫,又話我同個仔訓覺時著得多衫,我一於唔理佢,佢病佢自己辛苦,唔好亞仔病就得啦!
其實我都唔好得幾多,近幾晚又係夜訓,背脊又開始痛,d“火”又嚟啦,我都唔理佢,因為自己都無時間理啦,又要讀書,又要湊仔,又要工作,邊有時間去埋d“火”。

suklaic 發表在 痞客邦 PIXNET 留言(0) 人氣()

唔知係咪昨天玩得太勁呢?卓希由昨天晚上九時十五分,訓到今早八時十五分,足足訓了十一小時,係佢出世以來最高的紀錄。卓希爸又要返工,所以佢只可享受訓到七點,我就可以享受到卓希起身為止。如果晚晚都係咁就好啦,不過日頭一定要玩到佢謝為止。
今天的行程很豐富,早上返教會,係教會到,卓希見到姐姐們去兒童主日學,佢又話要去,我心諗佢都只係三分鐘熱度,唔使五分鐘就會要落返去聽道,點知今次真的好叻叻。佢唔單只坐定定的,仲同d姐姐仔玩得好開心,令我大開眼界的是,佢居然識得大家合作做美勞,負責搽膠水,不過全程我唔係佢左右,我係枱的另一邊睇住佢,有一位玲玲姐姐教佢。
去完教會後,就約了卓希爸食一個快午飯,因為我哋約咗小魚媽同蝦蛟媽去睇睇有gathering的地方。先去粉嶺的香薰園,嘩!真的好遠,同交通唔方便。然後我哋去咗西貢飲下午茶,仲見到晴晴一家添!跟著就去睇埋西貢的花卉園,應該會係依到,因為交通方便些。
總括這兩天單人湊仔的經驗,其實一d都唔難,只係大人要set好一些rules,咁小朋友就容易跟,我好enjoy這兩天和卓希一起相處的時光,晚上臨睡前都會同佢做一個總結,今天去了那些地方,同見到甚麼人。卓希唔naughty時真的好可愛!

suklaic 發表在 痞客邦 PIXNET 留言(0) 人氣()

今日開始連續兩日,我都要一個人湊住卓希,因為卓希爸星期六同星期日都要返工,芳ee又請咗假去覆診。所以我由昨天晚上已經預備今日的尿片袋同去街的日用品。今日一早,只得我同卓希係屋企,不過佢成日都好合作,連出街時,通常佢要帶卓希爸買的那架城巴出街,但係我表示會同佢坐巴士,咁就唔使帶佢的巴士時,佢真的好乖咁放返係飯枱到,完全無同我扭計。我諗住早少少帶卓希出旺角,可以同佢去食少少嘢先,因為今日會晏d食飯,點知卓希係巴士到已經訓著咗,我就一個人,係咁“的”住卓希,十點已經去到旺角,咁點算呢?仲有半小時,我只好提早上去音樂農莊到坐,靜靜的睇住卓希訓覺。佢訓覺個樣真的好得意,好可愛,真的想一啖食咗佢落肚。 playgroup將要開始時,卓希就醒了,今日同小吉的交流多咗少少,尤其是係一齊作反時,兩兄弟間直係一條心。簡老師係到講解遊戲時,佢兩兄弟就係咁爬係地下到聽,好似自己屋企一樣,好好笑! 

今日playgroup所學的到:(抄自http://www.mrswoo.net
七彩傘:卓希勁開心,老師都未叫入去,佢已經自己走咗入去玩。 
聽故事:小朋友都很留心聽,不過小吉同卓希成日都想坐頭等,你哋估係坐緊飛機咩,頭等! 
扮小動物過河:各小朋友帶著動物頭飾係咁走,不過卓希都只係知要係咁行,佢都唔知係過緊河。
小火車:教小朋友圍圈走,但係個個遊戲都係咁圍圈啦! 英文字墊跳跳跳:簡直攞我命,係咁“的”起卓希跳過d英文字母,仲要邊跳,邊話佢知依個英文字母點讀! 
太鼓逹人:卓希同小吉唔理三七二十一,係咁係到打鼓,我試過打,又真係幾好玩! 
走障礙物:d小朋友要爬過一個又一個的鼓,不過佢哋走得慢,對卓希嚟講無難度,佢唔知幾想由一個鼓跳到另一個鼓到。
 

上完堂之後,我哋就去咗尖沙咀到約咗吉媽的朋友ruby一家飲茶,卓希都算係咁,乖乖的坐著一個半小時係到食嘢,平時一食完就要出去週圍去,但係今日都可以等到其他人一齊走,所以話佢乖起上嚟真的好聽教!然後我哋就一行八人去咗玩具反x城到:玩玩具!卓希爸也在這個時間來join我哋,卓希好開心咁係好多玩具中係咁穿穿插插,仲有機會騎一騎隻成二千大元的假馬,好開心! 由於佢成日都只係訓咗少過半小時,所以在我們走時,一路行佢就開始訓,所以我仲有機會去esprit outlet到買幾件長袖衫給卓希,同去咗starbucks到嘆咗一杯心愛的咖啡!一上到巴士時,諗住卓希仲會訓啦,點知太多人係到講嘢,嘈醒咗佢,算啦,佢都無扭計,只是有少少on 居居咁! 晚上發生了少少的插曲,話說返到屋企,卓希鬼打咁精神,我便同佢洗澡先,然後才落街食飯。回家後,我係廚房到收拾物品時,卓希爸負責幫卓希換睡衣,但係一如以往,卓希一定會扭下佢爸爸的,卓希爸就同佢入咗房,仲把房門關上,我仲諗,嗯!今次輪到卓希爸發威啦,仲唔換到睡衣!!! 點知!過咗一陣,佢哋兩父子攬住出嚟,但係就乜衫到未過,我仲以為卓希爸今次會好威添,點知又係咁,不過我笑到肚痛。因為我真的以為卓希爸今次會成功的,原來又係俾個仔攪惦佢,咁都攪唔惦個仔!

suklaic 發表在 痞客邦 PIXNET 留言(0) 人氣()

今日係心光一年一度的學校旅行,我跟小六,去濕地去園。環境真的好舒服,不過如果唔係同依班monkies去就會仲好囉,佢哋不停咁講嘢,煩到不得了,就算回程時係旅遊巴到,都係咁講嘢! 
我今日有渣車返工,平時星期五我係唔會渣車的,不過昨天放成十點,今早又要八點前返到學校,唔渣車都唔得啦!而且我一放工,就要趕去ikea到買嘢。所以四點放咗工之後,好快咁四點半返到九龍灣!平時星期五我四點走得的話,都要最快五點半先返到屋企,所以又偷咗少少時間去電腦洗車屋到洗一洗架車。然後叫芳ee帶埋卓希茖樓,帶佢哋去德福的ikea,由得卓希係咁玩,我就去睇新屋的用品。之後我哋三個仲去咗「和民」到食晚飯,卓希食咗成大碗拉麵,仲要跟著我哋食抄烏冬,咁即是話佢就快好番哂啦! 
但係今晚仲要返bu返學,唔可以繼續帶卓希週圍玩,要佢返屋企,點知佢一返到屋企就已經好眼訓,因為下午無訓過,攰到佢不得了,仲唔俾我返學添,我只好出殺手簡「kawaii」,先至走得人!如果唔係渣車返工的話,一定唔可以在咁短而又有限的時間內做哂所有嘢!

suklaic 發表在 痞客邦 PIXNET 留言(0) 人氣()

  • Nov 23 Thu 2006 11:36
  • 空間

依個楊卓希,昨天我返咗工後,係屋企整欄咗我心愛的八逹通手錶。心愛的意思係因為我用依個八通錶儲咗好多分,可以當係錢咁用,有成三十幾元。就咁就欄咗隻錶,帶唔到,仲係前一陣子剛好換了錶帶!

所以今早,我同卓希等芳ee咗之後,就同佢有兩人的私人空間,出去德福到嘆世界。想話去地鐵站到買番隻八逹通錶,點知地鐵站話無哂d款,要去photomax先有,但係個時只係早上八時十五分,photomax開九時半,咁我兩母子便去麥記食早餐,然後又打電話給堂家姐,因為佢要去德福返學,學九時正。原來堂家姐的班主任,就係卓希星期六返playgroup的老師,不過我真的對佢的教學無乜好感。

我哋終於等到連watsons開埋,去用咗八逹通錶的分買卓希平時用的葯膏,然後去photomax買咗一隻新的八逹通錶,我仲要上網登記用八逹通,用等多48小時先得,依個仔!

最慘係臨走時,卓希玩扭計(只係少少),點知咁就跌咗落地,整親個嘴,變咗豬嘴。

其實卓希同我兩人一齊時,佢真的好少扭,係無乜嘢個種,都唔知點解係屋企,三個大人係哂到時,會係咁扭?返到屋企,佢都有少少扭我的,不過我話唔可以咁樣,媽媽要返工,佢要乖乖咁樣先可以第時有得去街街,佢又似懂非懂咁。所以真的要多些單獨同佢相處,依家自從多咗芳ee後,有時我出去都會帶埋佢,起碼有多個人分擔抱吓卓希(我今日自己抱足兩個鐘),不過以後我自己一個放假,都會獨自帶個仔出去,要有多些兩母子相處的時間。

返到學校都未停過,我成日都無時間打過電話返屋企找個仔,真的好掛住佢架。

唉!晚上同精兵團練歌,點知carmen給我的file歌詞係錯的,我立刻好快的去整開眼同點字,都係要靠自己!做c人啦!

suklaic 發表在 痞客邦 PIXNET 留言(0) 人氣()

今日睇小息時,院長突然叫咗我入會議室,原來係有瑞典客人嚟咗。之前我都有聽珠珠講過,我又問過阿ben使唔使幫手做翻譯,佢話唔使咁就忘記咗這回事。咁啱今日又係我看小息,院長叫我入去同佢哋傾咗一陣計。媽媽無係香港一段時間,都無人同我講瑞典話添,好彩平時都有收開香港瑞典人的round letter,都仲記得吓點講瑞典話。
 
唉!今晚個人好攰同好暈,要早訓先!

suklaic 發表在 痞客邦 PIXNET 留言(0) 人氣()

今日除咗一般的上課,下午我出去了買報佳音時的禮物(老人院共四十五份,恩望學校六十份)。我原先都以為自己好醒,係網上先睇吉島的十元店有乜可以買給老人院的婆婆,諗住最有用的五指手襪,仲諗住係去絧纙灣的旗艦店,點知,點知,佢盤點!六點先開門再做生意。咁我諗住係依間吉島十元店姐,仲以為自己好醒咁可以去其他吉島十元店。咁我都只係識絧纙灣同樂富店的路同停車場,所以咪諗住去樂富的十元店,走之前都去咗實惠買咗張大班椅給卓希,佢好鐘意。渣渣吓車又諗起樂富的十元店唔大,萬一無我要的貨咁點算?突然諗到九龍城的圠島十元店都好大的,同可以有免費泊車,咁咪去囉。點知原來又係盤點,原來今日所有的吉島十元店都盤點,黑仔!
 
我心諗,咁點算呀,我今年真的所有嘢都好遲先做,下星期已經係第一將臨期,仲要找些學生嚟做少少的packing。咁係九龍城到行緊的時候,俾我見到有幾間的家庭用品店,去入去睇啦,本來諗住平平地買d袋仔給老人家,但都係打個電話給老人院的同事問問先。佢哋話手襪同袋仔都唔好實際,最實際係:廁紙!(我眼都差點跌出嚟!)吓!送廁紙,真的唔係好好睇,點知真的俾我找到樣嘢,就係,登!登!登!登!梳!
 
比起我原先的butget仲平咗好多,又買了毛巾仔給恩望的學生!
係家居用品店,我仲買了一個新的盒,來代替學校已經俾我跌破咗的筆盒!
 
跟著又去了ikea,買臨期用的candles
 
本來我係好鐘意出外幫學校shopping的,但係依個黃雨的天氣下一路硔釘同找禮物的同事,感覺有些lonely,真的有點兒凍!
 
返到屋企都成五點幾,點知我差點同芳ee抄大鑊,因為卓希連飲水都扭計,芳ee就係咁氹佢,我就俾菓汁加水給他,他是很喜歡的,不過都係要係咁楂住個杯係咁扭,我咪話唔好理佢,芳ee初初都唔願走,然後我叫多兩次佢就走開咗,點知唔夠一分鐘,就返轉頭,仲要抱起卓希,咪由鬼得佢咸囉,做乜佢扭計都要氹啫!我火都嚟,立刻去“搶”番個仔番嚟,好大力咁關上門,以表示我的不滿,由得卓希同我係房到,卓希係咁咸,我就係咁安裝佢的大班椅,佢都咸足半小時,然後走過嚟要我抱,同say sorry。跟著我先同佢講嘢,仲要佢同芳ee say sorry,點知芳ee無望我哋,咁由得佢啦,然後開english times給他看。
 
等卓希爸返咗嚟,我又告咗狀之後,便趁芳ee係廚房時走入去同佢講,話唔可以咁,點知佢話睇唔過眼我唔理個仔,咁嗰個係我個仔嚟的,我唔理佢都會有個譜,如果我咁解釋給她的話,佢一定唔明的,所以咪同佢講,如果你想卓希好的話,一定要硬心腸些。我同卓希爸話,係時候轉工人啦,咁樣落去,我一定會有一日激死的!
 
c啦!天氣係咁變,我條氣管又係咁,he he ha ha,吸咗藥都仲有,希望無事啦!明天唔可以病的,因為星期三有好多堂,唔想要人代堂。

suklaic 發表在 痞客邦 PIXNET 留言(0) 人氣()

近來卓希唔知做乜,晚上唔係好願訓。以前佢會九點就訓到第二天的六點,但係近來佢要成十點先訓,早上推遲少少,大約六點四十五分到就會醒。卓希一直以來晚上睡覺的時間都比起同齡的少,小吉都會訓成十二小時,其他小朋友都會有成十小時的睡眠,但卓希最多係九小時。依家佢日頭又訓少咗一次,日間只訓一次,大約兩小時,所以我怕他唔夠訓。
有時放工回家見到佢,都好想同佢相處多一段時間才睡,但又怕他的睡眠不足。不過近來佢好似見到我哋係屋企時,個人會好興奮咁玩,唔願訓,希望過多一個星期可以回覆原來的時間!

suklaic 發表在 痞客邦 PIXNET 留言(0) 人氣()

今日係心光的家長日,我哋老師們可以係電腦到睇到booking,真的好先進,唔係走嚟走去。今次我都見了兩位家長,無乜特別,不過個心就係掛住卓希爸同個仔。
今日我仲油咗灰水(化妝)先返學,真的是最簡單個隻,本來也影咗相,但係嗰個話自己好強的攝影組組長楊sir就影得一張都唔靚,所以就唔post上嚟。其實人老咗都要有時油吓灰水的,不過就要多十五分鐘,係一個咁忙的早上用多十五分鐘嚟油灰水係根本無可能的。
之前已經同卓希爸講好我唔去奶奶到食飯,放咗學之後,車卓希契媽回家,同車馮老師去德福,我本來係想去德福買麵包同睇ceu的衫,但係無哂車位,咁就諗住返屋企預備卓希洗澡的用具啦!好心咁打個電話給卓希爸,點知就聽到卓希唔肯食粥同要指定卓希爸餵食,咁我又知個仔係到扭同玩d大人。唯有急急腳咁又去奶奶家,同埋我之前叫卓希爸唔使拎飯給我,不過我諗都係過唔到老爺奶奶個關,如期佢要拎,咁不如我過去啦!去到卓希爸正在被佢的家人評擊佢縱個仔。好Y!唔係我講都有人話佢,早知我唔過去,等佢學吓嘢啦!哈哈哈!

suklaic 發表在 痞客邦 PIXNET 留言(0) 人氣()


在街見到一個婆婆係咁行,跟著就係咁跟著人行!笑c!


 

suklaic 發表在 痞客邦 PIXNET 留言(0) 人氣()

媽媽今日帶我去一個新的地方玩,係旺角的音樂playgroup,不過之前媽媽仲帶咗我去花園街,話要買聖誕禮物給她的學生。但係!俾我見到一樣好得意的玩具,係我心愛的pooh pooh 車係咁轉,係咁轉。芳ee抱住我,我巴不得自己可以落地去“搶”。
 
跟著我哋上到去音樂playgroup的地方,嘩!有好多波波玩!原來小吉都係到,不過初時我哋無相認住,因為我趕住去mark一個micky的波波,之後仲一齊玩。也許小吉未慣上課的規則,所以我要以身作示範話佢知要乖乖的!
 
等我訓咗晏覺後,爸爸帶我去樓下的大公園到玩,我點都唔放個水杯,連爬上去玩都係咁咬住唔放,所以連爸爸今日都話我麻煩!

suklaic 發表在 痞客邦 PIXNET 留言(0) 人氣()

今晚看星期六檔案時,睇到講有關於網上日記。話很多人會開別人的來看,而且還會引起罵戰。其實我有時也會想放棄寫blog的,因為試過有學生copy我所寫的到她的blog裏,又睇完之後,週圍“唱”。另外,依家多咗好多唔知乜嘢人嚟睇,又有同事問過我,我寫學校的嘢咁詳細時,怕唔怕俾其他人知。
我開blog的原意係想寫下自己一家的生活點滴,日後如果萬一他日我係最先唔係到嗰個,咁卓希爸同卓希都大可以睇番我的blog,回味一下大家以往的經歷。寫一本本的日記唔可以咁快可以有相貼上,寫係自己部電腦到又會有壞的一天,所以借一些server係最安全的。
所以當我繼續寫下去時,也會堅持寫真我的一面,唔會因為怕某某人睇到而唔寫同唔講,那不是真的我。我認為寫得日記的話,就要對自己誠實,如果連自己都避開唔去講一d問題時,那便是對自己不忠,咁寫blog係作狀同一個假的我。
 
今天同卓希去了新的playgroup,係音樂農莊舉辦的音樂playgroup,之前已經聽過有媽媽的意見,所以都已有哂心理準備會“唔係咁好”的。
地方:就真係窄咗少少,同無窗給人的感覺唔係咁好。
師資:一般幼稚園教師的作風,不過少咗講解給家長每樣活動的背景。
意樂:很多時都係唱普通話同英文,依到我有少少失望,因為我只係想單一廣東話。
 
遊戲包括:(節錄自http://www.mrswoo.net)

七彩傘遊戲,卓希識得人哋老師未講已經走咗入去個圈中心到玩,因為玩正佢個番:亂咁嚟!

 三輪車遊戲,簡老師用波波嚟表示紅綠燈,但小朋友太矮,都睇唔到個波波,只得家長們玩!

 數字呼拉圈,老師叫到一個數字時,小朋友便要走到那個數字的呼啦圈。喂!我哋d小朋友識鬼咩!卓希只係識得講 12

 高中低音遊戲,圍圈走,高音時把小朋友舉高(唔怪得知我手臂都係咁粗),中音時小朋友自己走,低音時下來扮龜爬。小朋友都未識乜嘢係高、中、低音。攞命!最慘就係另一個高、中、低音的遊戲時,要把小朋友放在膝蓋上,高音便提高膝蓋搖(老師呀!老師,卓希成三十幾磅,仲加多一磅衫呢),中音平放搖,嘩!似足減肥班!

 認識搖鈴,每個小朋友有自己所選擇的搖鈴樂器,跟著老師的節拍快慢來搖,卓希就最鐘意唱反調,人哋搖佢就唔搖,人哋唔搖佢就搖。小吉就最有節奏感,唔知係咪受佢亞媽所愛的五月天的影響呢?

 最後就係將一些大人椅子作障礙物,要小朋友誇欄咁誇過去,慘!返到屋企卓希咪以為以後都有得咁玩?我有排煩!

 

不過都算ok,其實最主要都係想引屯問化石倆母子出城,去玩吓同見吓面。我都知個吉媽有九百幾個理由的,但因為只是四堂,所以她都肯時咪一齊玩吓啦!雖然只係四堂,等小吉習慣一吓課室的運作都好!
 
有一樣好笑嘢一定要講,話說星期四我返十二點,咁十一點時卓希同芳ee便去送我攞車,他們買完餸回家時,見到一個老婆婆係前面行,咁卓希就係咁學佢行,仲跟著佢咁行咗好耐。仲有下文,就係當婆婆行到攰時,就坐底休息,咁就見到卓希係到學緊佢,婆婆就話啦:「你個衰嘢Y,學我咁樣行!」當芳ee星期五話我知時,我已經笑到肚爆,卓希聽到我哋係到講緊佢學婆婆行時,佢立刻仲做返個動作出嚟,今日仲做多次給卓希爸睇添!

 

suklaic 發表在 痞客邦 PIXNET 留言(0) 人氣()

今日我返十二點,一早起身,便帶著卓希同芳ee去新屋都睇吓整成點!
 
門口位
 
未來的廚房
 
未來的洗手間  主人房
 
跟著便同卓希去第八座隔離的遊樂場到玩,大家都玩得很開心,依個也是我夢未以求的生活,但都是未有可能的。 
 
今天和同事傾自己近來的情緒問題,其實近來的壓力真的很大,卓希出世後放完產假回心光後,好像很多事情都在很急的情況下完成,以前的我會快快手的做完,但這一年內,時間好像真的不夠用。所以在一些很少的事情上,自己的情緒便會控制得不好。其實這個道理我很再已知,也很想找人傾談,但真的找不到適合的人選。卓希爸有時會以男人的角度去睇,同佢一開口就會話係我不對,同事就更加沒有時,因為大家在學校都很忙。就算我有時間去一去二樓的教員室,他們也沒有時間和我傾。而我又唔想落職員飯堂到食飯,唔想聽d同事講到自己有幾偉大,又幾點去控制d學生,又邊個學生的壞話!我覺得身為一個教師,應該要有口德,不應以學生的資料作為在飯枱傾談的題目!最最唔想見到d好假的人,做完第三者仲扮無事咁坐係我身旁,所以今年已經好好好耐無落去食飯!而且也沒有動力,以前有位同事專負責幫我們交飯票,咁橫惦都交咗飯票都一定會落去食飯的。但因我有時帶飯,便自己負責返,所以大家的話題真的少之又少!
 
我真的需要一段時間去recover,唔知要幾耐,不過也許不會短時間內得。今晚本應返bu交功課,但我真的無乜心情返學,所以托一位同學仔幫我交咗份功課後,便同卓希爸及卓希去行吉島,唔係有嘢要買,而係想一家人出吓去,大家交流吓!心情好返d啦!

suklaic 發表在 痞客邦 PIXNET 留言(0) 人氣()

  • Nov 16 Thu 2006 12:18
  • 換季

今早我返十二點,不過卓希就一早六點四十五分已經起身,我等芳ee嚟到後,便入書房收捨少少換季的衣服。正好找到這條去年買的工人褲,立刻給卓希著上,再在吊帶到放鬆少少,咁就fit到不得了!
 
下午教美勞堂,教學生用泥膠做動物,好配合下星期的學校旅行。我即場示範怎樣做一隻大笨象,
做手工我比較叻,畫畫就真的不會,所以卓希爸成日笑鬼我話我教美勞!車!現在所講的美勞有多方面的麻,連電腦設計都算係美勞啦!
 
依隻狗係我一個失明學生做的
 
依隻狗係一位弱視學生所做的
 
  
晚上和精兵團一起預備將臨期的節目,攪到我都無乜聲啦!將臨期精兵團會獻這首詩歌:

上帝聽禱告


曲: 西伯    詞: 西伯/張崇德
(人說)
誰了解此時我心正淚流像火燙!

從我心燒如炭火,又像冰將我封鎖!

黑髮一夜白頭,我往絕望路走,

神啊,可否聽聽我禱?

(人說)
問你可聽到我在傾訴?今我無語問蒼天;

我看前路極灰暗,試問誰為我指引?

我軟弱可知道?我問誰可改變?

若你真的為我犧牲你定必會聽我禱告。

(天使說)

神了解此時你心,眼淚從未輕看。

從最初一如最初,從來都不變不改!

心裏不用懷疑,冀盼未盡未熄,

神會聽聲聲的嘆息!

(天使說)上帝聽禱告,(人說)我在禱告,

(天使說)因祂愛永不止息。

(人說)我看前路極灰暗。

(天使說)就讓神為你指引。

(人說)我軟弱,(天使說)祂擁抱! 

(人說)我未能,(天使說)祂可以!

(天使說)上帝應許讓你艱辛最後跨過, 

(人同說)今我禱告。(天使同說)聽你禱告。 



(合)上帝聽禱告,告別苦惱,

(人說)今我無言地感激。

(天使說)祂看靈魂極寶貴。

(人說)聽侯神為你指引。

(天使說)縱軟弱,(人說)祂擁抱! 

(天使說)靠著神,(人說)總跨勝!

(人說)上帝恩典藉教一生也願宣告!祂聽禱告。

唱片/詩集: 上帝聽禱告     出版: 影音使團有限公司

suklaic 發表在 痞客邦 PIXNET 留言(0) 人氣()

今日係學校公民教育組第一年攪的“拉濶愛的音樂會”,見到一班學生的成長,自己會很安慰。但這一陣子,真的好煩,原因是這個音樂會話就話係公民教育組辦的,但當看它的內容和rundown時,便會發覺很多宗教的氣氛。有唱詩歌,有見證.......等,前一陣子連我都未有這個rundown時已有同事嚟問我,話個programme咁重宗教氣氛的,為何無我的名及負責?
我未睇過,所以只好說唔知道,我終於見到rundown後,又有同事走嚟問我點解咁重宗教氣氛無你的祈禱,我又答唔知,我真的唔知!我個心已經有d唔舒服,我唔想知,因為我怕知道後已己會忍唔住嘴,我唔想得罪人,唔係我怕得罪人,係我唔唔知前因後果,覺得無這個需要去知道。今天音樂會後,又有大大話話幾個同事問點解咁好的分享和詩歌無祈禱呢?乜“愛”唔係先從上帝而來?我一一答,我唔知,因為唔係我負責!(連舊生都係咁問, 我真的唔知點答.)
我好好好耐之前已經覺得自己依個宗教主任,係心光可以話係可有可無的了,經過這次之後,我想我的唔開心又會將自己數埋一段時間。唔係話自己一定係好重要,也不是要自己出風頭,我一直都唔想去諗今日的音樂會,真的希望有好的回憶在心裏,但太多人有太多的問題了,所以如果再有人問我的話,我都係答:唔‧知‧道‧
 
近來已經對自己開始有點兒不滿,個工人教又唔係好聽我話,老公有時係教仔方面又唔合作,我對個仔嚴謹的時候,佢又多咗要爸爸都唔要我;工作上時常自己一個人去面對,學生都唔生性;自己身體又唔好,做功課都唔係好識;所有所有這一切都令我覺得自己已經好無用,再加上今天的事件,我真的不知如何是好!
 
其實如果唔係咁多人有問題係咁問我的話,也許我會蠢到唔察覺到,因為近來真的有好多嘢要做同跟。係我心目中,都只係諗住係公民教育的一個活動,完全無諗到咁復雜!
 
求天父醫治我心裏的傷痕!
 
我今晚返到屋企後決定唔返學,咁卓希爸係咁話我逃學,諗諗下又怕今晚所教的我會唔識,咁就去睇吓個TEACHING PLAN,睇吓今晚教乜先決定。點知!點知!原來今晚係唔使返的我真的大頭蝦,好彩今次無上次咁瘀,上次直頭返咗BU先知嗰晚唔使返學!不過下星期三要返! 

suklaic 發表在 痞客邦 PIXNET 留言(0) 人氣()

1 2