目前日期文章:200710 (33)

瀏覽方式: 標題列表 簡短摘要
  • Oct 31 Wed 2007 21:49
  • 胃口

經過三個月地獄式的嘔法,這兩個星期胃口好咗好多!
 
我由上次有卓希開始,一直都好控制自己的食量,尤其是食飯,因為我怕會肥係我身上。所以餐餐飯都只係食半碗,寧願食多d菜,上次係咁,今次都係。不過一出去食飯就不得了,好似今晚係bu返學前,去飯堂到食飯,嗰到有成碗的飯係碟到,已經好餓啦,咁就食啦!不過又要控制自己唔可以食咁多,但係唔食又好似好“哂”咁,食食下又食得哂(因為真係好餓!)但係食完要行去上堂就知唔得惦,因為太飽,頂住個心口,都係為食之過!希望今胎可以好似上胎一樣,只係重三十磅左右啦,但係我怕自己會為食。因為我覺得近一個星期應該係重咗,條腰痛麻,不過又唔敢上磅知道真相,唉!女人真係煩!

你話我有無肥到?????

suklaic 發表在 痞客邦 PIXNET 留言(1) 人氣()

卓希爸今日學校放假,所以一大早就負責送卓希返學,又可以接佢放學(我唔知幾想!)所以卓希今日好開心!
 
下午卓希訓醒後,佢哋兩父子居然嚟心光,預備接我放工。我開心到不得了,佢哋到時都差不多成五點,我便放下工作,帶卓希上四樓拿車車玩。由於有車車玩,我可以專心咁睇住晚禱,卓希同卓希爸係我辦公室到玩車車。
 
走時,落大雨,好塞車,都比平時遲了成十五分鐘先返到九龍灣。為咗避開tun姐姐的餸,我哋一家去咗椰林閣都食飯。係餐廳時,我哋叫卓希唔好咁嘈,免得嘈親別人,嗰衰豬居然識得句字重組:「個d人大聲嘈住bb(即是佢自己)!」^o^真係唔好睇少依個仔,已經唔係第一次將我哋講的句子改做佢自己的意願,真係好得意!

suklaic 發表在 痞客邦 PIXNET 留言(0) 人氣()

昨天提過關於facebook,今晚一開,就見到有回應。係我小學時的畢業相,當時我小學畢業,我細路係幼稚園畢業,所以大家都係張相到。不過回應的人應該係我細路的同學仔,因為佢話佢的行數係幼稚園班的。但係依張相都帶給我好多的回憶,當中我記得的如下:
校長,mrs balman
宗教主任,simon wong
同班同學,bernard、judy、lily、samuel、daniel
記得的係咁多,都只係記得佢哋的英文名,中文名唔記得啦!不過都好開心!

suklaic 發表在 痞客邦 PIXNET 留言(0) 人氣()

之前係吉媽的網站見過,不過無為意,因為一按下後,就一定要加入才可以看到別人的網站,我唔鐘意咁樣。不過前幾天和吉媽傾咗少少,佢鼓勵我開一個account,可以睇睇乜嘢係facebook。
 
咁我就本住睇下的心態去開囉,不過一開都唔知佢係玩乜,只係知道佢會search我的e-mail account裏的電郵地址,找那些人都有開facebook的。一找,同一晚就找到我在芬蘭影相好叻的表哥,佢仲主動同我傾。跟著原來連我在瑞典的弟弟也會難得開咗一個account,哎呀,連我個堂妹都有,我真係落後。
 
不過我真的唔係好識玩,今期壹週刋仲話會上穩,我睇我就唔會啦!(因為唔識玩,無乜心機去研究!)但係佢有佢好的地方,就係無login就無得入去,而且去過睇邊個的account就一定會留底腳毛,一定知係邊個。
 
我都想找返小學時的同學仔,不過都各散東西,依家連佢哋的真名我都唔記得啦!

suklaic 發表在 痞客邦 PIXNET 留言(0) 人氣()

今早卓希爸要帶隊返工,所以得卓希、tun姐姐及我在家。
 
我一大清早就帶埋佢哋兩個外出,去西貢行下,目的係用下卓希的能量。先先到北潭涌的上搖(音)村的博物館去行行走走,卓希好開心,我仲教了他很多有關客家人生活的瑣事。
 
佢話要同d豬(假的)一齊影相
 
仲話要野餐,不過只係食koko脆片
 
跟著我地就行咗去西貢的遊客中心到睇展覽,卓希梗係一路行就一路攪嘢啦!
 



 
下午返到屋企後,卓希就訓到成隻豬咁,梗係啦,依兩日都係一早五點幾就醒咗,真的俾佢玩c!等佢訓醒後,便叫佢做週未的功課。

卓希好鐘意做功課,做完之後,仲會幫手收起佢的枱同椅子,希望佢咁的態度可以維持落去啦!

suklaic 發表在 痞客邦 PIXNET 留言(2) 人氣()

今日係開校務會議之前五分鐘,東區醫院打電話嚟,話我上次抽血驗唐氏綜合呈陽性反應。我即是好唔開心,又係咁???記得有卓希時都係咁,嗰時我同卓希爸仲抱頭痛哭添,因為以為個仔會有事。
 
卓希爸同卓希的契媽都安慰我,話上次有卓希時的機會率係四份一,卓希都無事,今次係二百六十份之一,都一定會無事的。不過話唔係咁講,做人點都要為那一份而有心理準備,所以咪唔開心囉!
 
依家約了下星期五要返醫院到,抽羊胎水,又要照超聲波!我都已經request咗卓希爸要請假都要陪我啦,我唔想自己一個人面對著醫生同護士。其實我係擔心抽的時候會整到小b,而且要等成三個星期才有報告,那等的時間才是最難受!
 
本來我係諗住今胎一定無事的,因為有了上次的經驗,諗住自己小心d,應該唔會要去抽羊胎水,點知又係咁!我同卓希爸話,點解我哋加起嚟的嘢,往往會有咁的結果?乜唔可以好些嗎?卓希爸安慰我話今次的比率已經係細好多,已經咪好過上次囉!
 
求天父加給我們力量去面對!

suklaic 發表在 痞客邦 PIXNET 留言(1) 人氣()

今日返工返十二點,所以早上就可以帶卓希返學。由於今天我們晏了少少出門口,所以到學校的時間都差不多九點,我先“使”咗tun姐姐返屋企做嘢,然後企係卓希課室窗外看看這小子。

上星期許老師都表示卓希是一個開心的小朋友,不過動作就大咗些。今天是我親眼見到,因為可以睇到佢哋唱早操歌時,卓希d動作大到無輪。又好開心咁笑,仲成日“療”隔離同學仔要跳高d,真的好好笑。最抵c就係平時係屋企要佢執玩具時,就一定扭下計,不過今天係學校見到佢好主動地執玩具,連地上的玩具都唔放過,仲要追住個同學仔放番d玩具。屋企同學校表現真的好唔同,我學校咪又有好多學生都係咁!

suklaic 發表在 痞客邦 PIXNET 留言(0) 人氣()

  • Oct 24 Wed 2007 22:12
  • 產檢

今早有好多工作要完成,因為下午要去產檢,所以早上處理得幾多文件就幾多。不過都做到眼花,因為係咁安排十二月聖誕節的節目,日日做到無停手!
 
下午去產檢,問醫生我的糖水報告時,佢話未飲之前係5度,飲咗之後係7.6度,啱啱好pass,如果超過7.8度就要捉我入院住一日,聽見都怕怕!但係明年一月又要去飲過,我諗到時無今次咁容易過關啦!
 
依家公立醫院的醫生一d都唔會再咁容易開藥,今日醫生問我點解我咁重鼻音,係咪傷風?我話唔係,係鼻敏感,順便問佢要多少少piriton同panadol,佢話自己去藥房到配啦!乜咁兒戲的,自己去藥房到配?乜唔係大肚要小心食藥的嗎?怎可以這樣叫一個大肚婆自己去配藥?容乜易會配錯的?我知公立醫院要cut好多資源,但係都唔係找大肚婆開刀啦???唉!對依個政府好鬼失望!又唔放多d產假,但係又叫人生多d,唔使養咩?

suklaic 發表在 痞客邦 PIXNET 留言(0) 人氣()

數數手指及腳指,自己教學都超過十年,不過最無成功感就係今年!
 
話說教咗咁多年聖經,都儲咗好多教材,同不少的經驗。但係教今年的小一,真的無成功感可言!最少人就係今年嗰班,得四個,不過四個都有佢哋的特別之處。一個中文唔叻,有時識聽又有時唔識聽;一個係唔俾反應我,又唔肯出聲;一個同佢溝通唔到,佢只係自己的世界到,仲係超多口水;一個聽前面之後,就好似錄音機咁講返你所講的十份一。
 
唉!每次上佢哋堂就好似打扙咁,今天我仲預備咗手套上堂,預備同佢哋“連過”。攪得課室的秩序嚟,又要授課,一堂三十五分鐘,有成一半係要教他們秩序;一半講課,不過他們的吸收力真的很弱。
 
天父!求祢教導我應怎樣教他們吧!

suklaic 發表在 痞客邦 PIXNET 留言(0) 人氣()

今早我要去醫院驗唐氏綜合,所以早上便留在家,又可以帶卓希返學啦!
 
係返學之前,卓希一定又係“倒塔”咁早起身啦!睇完閃電王之後,就拿了自己心愛的pooh pooh同piglet係到玩,突然心血來潮,去櫃到拿自己的屋企衫(屋企衫的意思係只係喺屋企著,唔出得街見得人的!)將d衫褲全部著哂係pooh pooh同piglet到,好好笑!
 
跟著就帶佢返學,我真的好鐘意帶佢返學,如果有得接埋佢仲好,不過次次都只限於送返學,因為佢放學的時間我便要返工啦!

P.S.好嘢, 飲完糖水都已經一個星期, 醫院都無打到電話給我, 理應係pass咗的..... yeah yeah yeah!

suklaic 發表在 痞客邦 PIXNET 留言(0) 人氣()

話說今天是星期一,理應晚上返學的。一如以往,星期一大把堂,落咗堂之後仲要處理好多文件上的事情。晚禱後就要拖著疲倦的身軀楂車返學,行到半路,我的同學仔打給我,問我今晚是不是不用返學?
 
我真的一頭暮水,話唔知道,又唔可以拿個時間表出嚟睇,因為正在楂車。個同學另外問一個同學後再打給我,話真的不用返學,我簡直開心到飛起!
 
唉!其實我係有入到手提的日曆到的,不過真的太忙,而且潛意識係逢星期幾就要返學,無諗到有唔使返學的日子!所以真的是extra 的bonus。又可以同卓希係屋企啦!

suklaic 發表在 痞客邦 PIXNET 留言(0) 人氣()

記得當卓希出世那年,剛好電視正在播super nanny,那時的心態是:卓希仲咁細個,都未有用得著的地步,所以只係抱著睇下的心態來看。
 
不過當卓希漸長後,他的行為問題越來越多,一來是有人縱壞佢(明眼人一睇就知邊個),二來我一路都係對大的小朋友,對著咁細的小朋友都五體投地。當時好想睇番super nanny,不過已經好out了,連bt的種都找不到。但係我的記憶中,最深刻印象就係naughty chair了。
 
Naughty chair的原理就係當小朋友唔聽教時,一定要他坐係某一個地方,電視就用naughty mat,我哋屋企無地毯,所以就用naughty chair來代替。當小朋友係到坐時,係俾個空間佢先發洩內心的氣憤,給時間他安靜下來。到他冷靜後,就和他傾所做過錯的事件。
 
我就會加上要卓希自己講他今次錯的地方,因為這個仔真的很“硬頸”,要他正視自己的問題時。然後去向當時人講對唔住,又要攬番我!
 
經過昨天的家長日後,這兩天我又罰多咗少少,效果良好,一提naughty chair便會改少少。但我會努力的,因為這是長遠的戰爭!

如果再有super nanny做,我一定會錄起佢,慢慢研究研究!

suklaic 發表在 痞客邦 PIXNET 留言(0) 人氣()

卓希今天要見家長,一早我便和卓希爸出門口,因為卓希見家長的時間係“倒塔”的八時四十五分。
 
卓希班主任許老師話卓希是一個好開心的小朋友,不而且好熱情,但係連小朋友也會有些怕了他的熱情。許老師也表示卓希真的比較“硬頸”,正如在家一樣。雖然如此,整體上的表現都是很好的。不過許老師表示要穿波鞋,因為佢現時的鞋好容易鬆。
 
為咗咁,我第晚上就去了hollywood plaza,去買對波給卓希!又要用錢!

suklaic 發表在 痞客邦 PIXNET 留言(0) 人氣()

今早先先到鯉魚門掃墓,那是爺爺的嫲嫲。食過午飯後便回家,點知卓希在車上睡得很甜的同時,返到屋企就唔使再訓。為免一家人在家困野獸鬥,我們決定去大埔海濱公園行下。
 
去到海濱公園,卓希便有時要卓希爸抱,有時又自己行。見到小朋友赤腳在草地走,他又要試,不過好快就話要著番鞋。然後又學人行石春路,不過由於好痛的緣故,便轉咗行石春路隔離的石路。
跟著又可以同其他小朋友一齊玩,玩到唔願走。人哋重陽節就登高,我哋就去公園玩。我哋話,下次一定要帶d嘢食去野餐,因為坐係草地到真的好舒服!
 

suklaic 發表在 痞客邦 PIXNET 留言(0) 人氣()

今天收到卓希今個月的主題學習評估,哎呀!佢好多嘢都唔得,尤其是語文表逹,我都話要教多d啦,呀某人又唔信我!以下只寫卓希表現得唔好的地方。
 
語文:
能聆聽教師的說話和依指示進行活動(←即是唔聽話啦,同屋企表現一樣)
能說出誰送自己上學(←佢唔係唔識講,而係唔肯講)
能表逹想要加衣和上廁所的需要(←佢掛住玩的時候,就一定唔記得去廁所的需要)
能口述句式:「___老師/小朋友,再見。」(←佢又玩唔肯講)
藝術:
能弄紙花燈(←佢嗰段時間病咗,唔知要同佢一齊創作花燈)
科學興科技:
能聆聽搖鈴的聲音和音樂(→乜依樣嘢同科技有關的嗎?)
 
反而卓希係個人與羣體體能與健康兩方面全部都幾好,真的奇怪!

suklaic 發表在 痞客邦 PIXNET 留言(0) 人氣()

近來天氣成日轉變,攪到我個鼻無一日通,晚晚都要食過piriton先可以訓到覺。有時真的會覺得很對不起楊老二,因為以前有卓希時我戒口戒得好清,現在除了咖啡同茶之後,好多嘢都無戒口。就算食藥,以前都係自己頂得順的時候,就一定唔會食(就算醫生話無影響都會死頂!)但係自從有咗老二後,我都係咁食藥(piriton,嗰袋寫住一日三粒,不過我都係晚上先會食!),所以便覺得好對唔住老二,希望佢真的無受藥物影響啦!

又就快要交功課的日子,今日開始要係咁做,好彩今日都算順利,到今晚為止,做了三千一百字,離開四千五百字不遠啦!努力加油!

suklaic 發表在 痞客邦 PIXNET 留言(0) 人氣()

今日係心光110的生日,下午有簡單自家人的生日會。大家都好高興地吃著茶點,希望心光能有更好的將來!

弱視學生舞獅


美味的生日蛋糕

suklaic 發表在 痞客邦 PIXNET 留言(0) 人氣()

昨天學人浸了兩樽蒜頭米醋,其功效如下:(以下是copy別人的網)

材料:
四百七十三亳升的米醋一瓶,蒜頭粒一斤去衣 (一斤蒜頭有3條,一條有3隻)。

炮製的方法很簡單:
把米醋分裝兩瓶 (每瓶二百三十六點五亳升),把蒜頭粒平均的分別放入兩瓶醋內,封篕,放在陰涼的地方, 浸二十日後才開始飲用。

服用方法:
每一次一大茶匙,倒入杯中,用溫水或涼水稀釋飲服。
早餐後一次,晚餐後一次。

答有關蒜頭粒在米醋中藍色的問題

是正常現象,“初浸時的頭幾天,蒜頭出現了一些藍色,我當時也覺得奇怪,後來心想;靜觀其變吧, 看看它搞甚麼鬼,可是過了一個星期,那藍色消退了,蒜頭回復正常顏色,所以,這現象是正常的” 

健美減肥降血壓

皮膚好, 化妝也容易上粉, 不會出現裂紋之類的效果。常飲米醋, 對皮膚就有這個益處.

大家都知道, 便秘是皮膚的大敵, 天天飲一點米醋, 不僅能消除便秘, 還能增強腎和肝臟的功能. 原來米醋有利尿作用, 如果尿不適, 滯留體內, 日子有功, 好容易會有尿路結石, 膀胱結石, 腎結石等病,由於醋含有豐富氨基酸, 醋酸, 乳酸, 蘋果酸, 琥珀酸等多種營養, 所以有提高肝功能, 解毒功能和促進新陣代謝的功能,有諸內必形於外, 內臟清爽健康, 皮膚自然也細緻有光澤。有人因為飲了蒜頭粒浸米醋而治癒了心血管病, 開心得像中了千萬元獎券,蒜頭加米醋有這樣大的能力嗎? 主要是它能清除血液中的雜質和膽固醇, 擴張血管, 降低血壓, 同時它還能降低尿糖量, 所以能預防糖尿病呢 !

有讀者問, 米醋蒜頭粒這個飲品可以減肥嗎? 告訴你, 這個飲品有利於健美減肥, 原因是醋中的氨基酸除了促進體內過多的脂肪轉化為體能消耗外, 還可令體內吸收的蛋白質, 糖等的代謝活動順利進行, 令體內多餘的脂肪消失, 這樣, 肥嘟嘟的你就變成苗條健康了。所以, 怎麼可以每日不呷兩茶匙米醋呢 !

飲第一次時真係feel到好利尿囉, 成日都要去小便, 不過之後就冇咁誇喇, 可能身體適應左, 不過大便係幾順暢.


所以為了半年後的減肥計劃,我現在已經浸,半年後剛好可以用得著!!!嘻!長遠的計劃啊!!!

suklaic 發表在 痞客邦 PIXNET 留言(0) 人氣()

今日下午在返工的途中,收到我哋租客的電話,話我又有信,會放係舊屋的看更到。我表示,自己近來有身孕,能否幫幫忙拿來我們的座數呢?因為我真的無時間行過去舊屋嗰邊,咁租客先生話可以。點知無幾耐,佢又打過嚟,今次要佢的太太和我傾,佢太太話佢哋返工都好攰,要佢哋行到嚟我的座數會唔方便!我開始生氣啦,當初租屋給他們時,我表示還有很多信件未轉到地址,他們自己立即話可以拿來我們的座數,而家我粗身大細,仲要帶著卓希,又要返工,又要返學,我邊有時間。依個租戶太太仲話叫卓希爸去攞信,有無攪錯,吩咐我哋做嘢?當初我哋都話未整好間屋,唔租住,係邊個係咁話ok ok,一定要租!

仲有呀,佢太太今日話我哋開的收據佢claim唔到錢,又話唔係要依種單,話書局有得買,又話佢哋開俾其他人的都有寫得好details。嘩!阿x太阿!我哋都係第一次租屋出去,你要單據時我哋立即一有時間就去買成本單據薄,依家你又要咁,又要咁,係咪超煩!我話過,如果佢再係咁煩時,又唔合作,我一定唔會再租俾佢!仲係讀緊master的神學,一點幫助人的心都無!

P.S.依個租戶太今晚仲打過電話嚟,d語氣串到不得了(幸好我聽唔到電話聲,係留言),連卓希爸都話:我哋唔好去拎信,咁其實嗰d信係我哋真的改唔到地址住,又申請咗郵政局的轉寄的漏網之魚。所以一d都唔重要,唔拎都得。咁串,第時點做傳道人的老婆呀???d態度太過差,我哋又唔係等著佢的租金嚟開飯,有就會鬆動d,無都無乜大不了。之前佢一話間屋有乜唔點,我哋都立刻去打點,連佢入咗伙後,洗手間燈我哋都包整埋佢。啍!煩到我又激親我,就係咁,我哋兩已經決定年半後唔會再租俾佢哋!!!本來以為係基督徒,又係神學生,應該態度會好好的,點知仲會衰過d非基督徒,一d都無好的見證!!!

suklaic 發表在 痞客邦 PIXNET 留言(0) 人氣()

今早去咗東區醫院到飲糖水,目的係睇我有無妊娠糖尿。嘩!去到有成大約三十個大孕婦,我個肚係最細嗰個,因為我十幾週已經去麻!
 
上一次都飲過,今次一飲,簡直係甜到想嘔。快快的飲下後,個心口頂住又頂住,真的好想嘔。今次仲慘,上次有卓希時都可以去走廊到行行,分散下注意力,但今次姑娘唔准走出去,要三十幾人係間房到等,同睇碟。我簡直係悶c!
 
仲要抽成三枝血,我雙手都有針筒,整到我雙手都有少少麻痺!
好啦!又要等一個星期,睇姑娘會唔會打給我,希望唔好打給我啦,一打給我即是話我fail咗,又要立即入院食糖尿餐測試。
 
今晚上網找到這“生命的誔生”,很有趣!令我想起有卓希時的情況!

suklaic 發表在 痞客邦 PIXNET 留言(1) 人氣()

1 2