目前日期文章:200809 (22)

瀏覽方式: 標題列表 簡短摘要

     昨天,我告知卓希爸近兩天那些討厭的“瘋lan”好似消失了,又討論我的肝酵素是否回復到正常度數。今天我有答案了:就是未未完全康復。

 

點解我咁肯定呢?因為今天已經開始要返工,一返到心光,就好似上身咁好忙好忙咁做嘢,忙忙吓,又覺個身好似有少少癢,一睇,“瘋lan”又嚟探我啦!不過就少咗好多,但係都令到我條氣管有少少喘,要吸ventelin。長命工夫長命做!

 

下午,我又去了東區醫院,今次係為咗痛咗幾年的座骨神經而去做物理治療的。經過上次膽管炎一役後,我唔會再唔理自己身體的痛症。我左邊的座骨神經痛咗好多年,有睇開骨科(又係東區醫院),不過都無時間去做物理治療,因為我唔想請咁多假,又覺物理治療無乜用!

 

但係今日之後我的想法完全改觀,因為細述給這個高級物理治療師(sir)聽我痛的地方後,佢一按就對症藥,佢話我長期唔理佢,令到d根骨長期受壓,所以漲起咗,有少少發炎(一聽到發炎就怕怕),所以要我做微電流治療!初初做就真係有少少痛,但做做吓又幾舒服,差點訓著咗!

 

我以後唔會莫視自己的所有痛症,不竟,自已已經不是年輕人士,屋企仲有兩個小朋友要我去照顧同教導,所以我一定要養返好個身體,才有力氣同佢倆個玩!

 

 

妹妹生活點滴

2008-9-17 大笑姑婆

 

2008-9-21 已經識自已坐的妹妹

兩兄妹一齊“玩”

2008-9-25 老友鬼鬼

suklaic 發表在 痞客邦 PIXNET 留言(0) 人氣()

  • Sep 28 Sun 2008 20:55
  • 休養

好多都無寫blog,當然就係“懶”啦!其二就係做完手術後個人的集中力都唔係好得,坐無幾耐又要起身走吓,連我最鐘意玩的mero都無玩到(我開都無開到,我諗佢就快c)

 

唉!連功課都集中唔到,希望返咗工後,生活又上番軌道後,能再次提起精神啦!

suklaic 發表在 痞客邦 PIXNET 留言(1) 人氣()

住咗醫院幾日,日日都有泵奶的,不過相隔的時間有會長咗先泵,所以奶量就少咗d!

今日係屋企,兩小時就泵一次,感覺就返番去妹妹啱啱出世的第一個月咁,成日泵奶,係咁泵,為的是要佢上奶!

全日都可以趕得上妹妹的食量(佢依家一次食成八安,要泵兩次就夠),但係去到黃昏時間,唔知係咪有壓力,居然泵唔夠,要運用冰箱裏的儲備!

等我休息多幾日,我諗d奶量會返哂嚟,今晚仲叫姐姐煲咗木瓜湯我飲,希望在明天!也許仲會好似以前咁,多到可以儲係冰格,又或者做別人的奶媽,賣d奶出咗,等我有多少少外快先!哈哈哈

suklaic 發表在 痞客邦 PIXNET 留言(0) 人氣()

6:00    醒(成晚都無乜點訓,D婆婆好嘈,又成晚有醫生出出入入)

7:00   起床

10:50    主診劉醫生巡房,表示今天之內可以出院,但原來只是拿了膽管內的一粒石出來,個膽內另一粒還在(唉!幾時我才可以攪惦哂D討厭的膽石呢?)會給我期看外科,看看有沒有需要成個膽割去。

10:55    開始食嘢,係咁飲水,仲有飲葡萄適

12:00    醫生話可以走得(立即打電話給ANDERS舅父,佢可以好快咁出發嚟接我)

13:00    ANDERS舅父接到我

 

suklaic 發表在 痞客邦 PIXNET 留言(1) 人氣()

3:00    醒一醒,睡得不好

6:00    又醒

7:30    起床

8:53    打了一支piriton,因成身又起哂“瘋lan”

9:15    打一支抗藥物怠藥

9:45    主診劉醫生終於都巡房,他表示我的“瘋lan”出得咁利害,也許一陣會對做手術時落的顯影濟有敏感,所以要打多一支piriton

9:55    打多支piriton

12:00   由H5落去C5

13:45    正式入手術室,成個人要爬係到訓,向右打側少少,模眼,口含圓的膠圈,係無通知的情況下係黃荳到打咗兩支針(我自己感覺到d藥物流入我的身體),口噴痲醉藥。打咗針後無耐就訓咗,點知都未做完手術我便自己醒咗,好痛。而最辛苦係要Ur到道氣出嚟,我成口都係鮮黃色的膽汁,苦!

14:55    返到H5病房,藥力未過,所以仲有頭暈暈,但心情唔錯,只是今天都不能進食就唔開心,超肚餓!連水都唔准飲!

18:15    卓希爸到

22:30    上床預備訓(因太悶,又唔想睇電視又無靈感做功課)

suklaic 發表在 痞客邦 PIXNET 留言(0) 人氣()

 

今晚要返醫院,唔知有無得睇,好彩有媽媽係網上post咗條link!

 

18:30    係屋企食飯

18:45    洗白白

19:30    anders舅父接我和卓希爸去醫院

19:50    到東區醫院

20:05    量血壓、量體溫

23:15    一位操流利美音英語的醫生到,為的是幫我種黃荳,但係佢的手劫就痛到我飛起,根本佢俾人的感覺就只係得個“趕”字,仲整到我成手都係血,而且d鹽水都未流得好的情況下就走咗人,好彩有個好護士幫我,如果唔係又要種多次的話,我一定話到個醫生飛起,我好記得佢叫乜名!

suklaic 發表在 痞客邦 PIXNET 留言(0) 人氣()

 我一話個仔,卓希爸就幫住,兩仔爺係咪想激c我?

 過唔過到星期一都唔知,咁樣樣對我,真係想喊.就算我真係有唔啱,都唔可以咁樣攬住個仔,日後我仲使有得企(仲有無日後都唔知),都唔同我合作.{#emotions_dlg.emotion_b11}

後記:我好嬲,係未夠十一點時走咗出街,這是自卓希出世以來我第二次半夜走出街!我自覺是一個很失敗的媽媽,因為我好生氣地同個仔話:「媽媽星期一後就會死,以後就無人會教你。」點知換嚟的是卓希對著卓希爸話:「星期一媽媽死咗之後我以後都可以嚟大床!」再忍受不了,楂車無目的週圍去,係咁跟下跟下就跟咗前面的車去到西貢碼頭,然後又一個人上飛鵝山。個仔咁唔需要我,全都係因為我教佢時卓希爸係咁攬住,咁個仔咪覺得唔係自己的錯!我好氣憤!為何永遠都係個仔行先過我,點解唔顧及我的感受呢?

suklaic 發表在 痞客邦 PIXNET 留言(3) 人氣()

 07:30    醒,仲吊住鹽水,好慘

10:00    主診醫生巡房,表示已可以進食,但要腸胃科醫生看過後才決定內kwai鏡問題

10:30    拆鹽水,但黃荳仍在

11:45    午飯

11:50    腸胃科醫生到,表示要我自己自費外出照持力共震,然後要睇報告後才決定是否星期一做內kwai鏡,不過在檢查我的肚時,痛得很,醫生擔心膽管炎(唉!我對咗幾個醫生都係咁講話我膽管炎啦,私家醫生話我知的,但係佢哋好似聽唔到我講咁!),突然又要我開始禁食

12:15    和灣仔林醫生通電,他解釋了很多給我知。

12:45    有高級的腸胃科醫生來檢楂我,表示我這麼痛時,那照持力共震的結果都是一樣,就係膽管有石仔,有膽管炎,所以唔使外出照持力共震,立即安排星期一早上做內kwai鏡手術,但這幾天可以給我請假回家!

13:45    離開醫院,返到屋企後,見到兩個小朋友開心到不得了

18:00    又突然痛過,比起係醫院時仲痛,心想快快做咗個內kwai鏡手術!

總結這幾天:要感謝神,因為覆診前內心祈禱時都希望醫生可以快些幫我解決問題,不過真係無諗到會快得咁緊要。星期日晚九時前要返到醫院報到

suklaic 發表在 痞客邦 PIXNET 留言(2) 人氣()

 06:30    醒咗

07:15    卓希爸來電

07:30    終於起床

10:30    醫生巡房,要禁食,吊鹽水

11:30    種最唔想要的黃豆,痛到c,吊鹽水,打一支piriton的針以控制我的皮膚敏感

14:00    照超聲波,照完後仲要禁食,等外科醫生到來

18:00    卓希爸到

18:45    anders舅父到

19:15    外科醫生到,表示暫時沒有即時做割膽的需要,因為膽管發炎,此時做手術好有可能會內出,故建議內科醫生做內kwai鏡,不過還是要等內科醫生看過後才決定能否進食。

21:30    睇「家好月圓」(係屋企都無咁準時睇)

22:45    上床休息

 

suklaic 發表在 痞客邦 PIXNET 留言(0) 人氣()

  • Sep 17 Wed 2008 12:33
  • 入院

 

10:30    預約了要到東區醫院內科覆診

11:15    得知要入院

12:15    返到麗晶,泊好車返屋企收拾到醫院的行李

12:45    搭八析的士

13:05    到逹東區醫院

13:35    護士收了我這個新症

15:15    抽血

16:00    心電圖

17:00    晚飯

17:30    卓希爸到

19:00    做吓畢業論文先

20:30    洗白白(因為有一個亞婆日又嘈,夜又嘈,嘈到我寫唔到嘢,所以決定去洗吓白白,清醒一下)

21:30    終於可以有機會睇吓「家好月圓」

22:45    上床休息

23:30    被叫醒,到地下照x-ray,要座輪椅,推我嗰個嬏嬏推到成身大汗,我幾唔好意思!

23:55    send sms給家人報平安

suklaic 發表在 痞客邦 PIXNET 留言(0) 人氣()

 

 睇吓,我返咗工後,就見到tun懶到咁!佢昨天才放完假,教我如何會同佢續約?

 

suklaic 發表在 痞客邦 PIXNET 留言(1) 人氣()

 昨晚係我人生中一大考驗,卓希自游水堂之後就一直咳,到晚上由堂家姐家走時,我聽到他的氣管有喘.回家後就要他吸ventalin(因為之前醫生給的口服後備藥無哂)

不過到半夜一點幾,他的情況變差咗,我要抱住佢嚟俾佢訓(佢有成四十磅),又要準時地要他吸藥.聽到他的氣管那樣辛苦,真的想打給趙醫生問可以點做,但係那時只是凌晨三點多,各人正在睡得最甜的時候,又怎忍心去吵醒他呢?

當一切好似平靜咗落嚟之後,卓希爸又嚟找我,話妹妹訓覺好似好大聲,嚇到我C,點知妹妹只係鼻塞所致,但係都吵醒咗佢,凌晨四點我又要餵人奶,只得一個字:攰!

早上打給趙醫生,他說他會在嘉x撒到on duty,叫我哋去嗰到找他,卓希食咗趙醫生d藥後成個人都舒服哂!

suklaic 發表在 痞客邦 PIXNET 留言(0) 人氣()

 今日節目真的排得好密,先係早上仲有幾堂的游水堂,然後就係返教會.

下午去咗旺角,親子蛋糕班,好好玩,仲有豆b,parco仔同sophie.













晚上仲去咗堂家姐的屋企做節,小朋友們玩得好開心.



suklaic 發表在 痞客邦 PIXNET 留言(0) 人氣()

 唉,今晚灣仔林醫生打給我,話驗血的報告出咗.佢話肝酵素中的ALT好反覆,本來已經落到去106(應該係細過41就正常),但係我上星期的度數係314,有可能係我的膽內不止一粒石係到,也許後面有其他石係到塞住咗,令到個肝發炎!

一定要頂硬上,快快的去到下星期三便可以拿著咁多報告去睇內科!

suklaic 發表在 痞客邦 PIXNET 留言(1) 人氣()

 我今日一早起身,雙腳就係咁:(昨天無相機,無法影到,今日係屋企,可以有記錄!)

suklaic 發表在 痞客邦 PIXNET 留言(0) 人氣()

 今早一起身,成身都癢癢的,跟著臨出門口時,成兩隻大脾位都係一粒粒。接咗卓希契媽之後,d一粒粒仲雙手都係,連條凸頸都係。返到心光後,同事們都叫我去睇醫生。快快的落灣仔林醫生處,佢話係敏感所致,然後連氣管都會有事(唔怪得知我楂車落去灣仔時,條氣管發作,要吸ventaline),然後個鼻都會有事!

醫生都係俾敏感藥我食,不過就真係好勁,因為我下午簡直係咁訓!希望明天無事啦!

後記:晚上連pat pat位都有,紅哂,好慘呀!

suklaic 發表在 痞客邦 PIXNET 留言(0) 人氣()

 雖然morfar星期一(8/9/2008)先生日,但係我哋夾唔到時間,只好今日就預先慶祝!

今晚卓希同morfar做好多平時我唔准做的嘢,飲果汁啦、食蛋糕時專係食嗰塊朱古力!唉!我都當睇唔到,到時卓希又要睇醫生,我就將張醫生單交俾morfar!

我今日都唔係太痛,不過成個人就lor lor 亂咁,坐又唔係,訓又唔係,行得多又唔得!而且小便顏色都係比較深色,莫非今次又要痛一排先?哦!辛苦呀!

卓希爸由昨天開始連聲都變埋,我猜他有多少感冒,佢話也許是成個暑假無大聲講嘢,一開學後就要大聲及講好多嘢,所以就係咁!我哋成為咗一間病的屋企!

suklaic 發表在 痞客邦 PIXNET 留言(0) 人氣()

 今日終於有一個醫生肯認真地,肯正視我痛的問題。醫生立即寫咭,給我去照超聲波,照超聲波嗰個人話見到我個膽到有一粒石(唔怪得知成日un住咁痛啦),膽壁厚,就係膽管發炎,咁就影響到個肝又發炎,一發炎就頂住個胃!不過...............................一切都要等個報告出咗,由醫生再診斷後話我知!感謝神,有醫生跟進。

不過我都唔會放開東區醫院的跟進,今次有私家的報告後,下次覆診就可以快些對症下藥。而且如果真係要做膽手術的話,我相信東區醫院都唔錯!(起碼我熟悉環境)

suklaic 發表在 痞客邦 PIXNET 留言(2) 人氣()

 卓希今日第二日返學,已經要自己搭長途校車啦!佢好興奮,又話自己返學啦!校車早上八時半係樓下,點知卓希八時零五分就已經係咁叫:「返學啦!返學啦!」
  

suklaic 發表在 痞客邦 PIXNET 留言(0) 人氣()

 今日係妹妹五個月啦,佢真係好得意,成日都只係扭我計,但係又氹到我鬼c咁開心。雖然生佢之後身體出咗咁多病痛,但係都係無悔的!

suklaic 發表在 痞客邦 PIXNET 留言(1) 人氣()

1 2