目前日期文章:200902 (23)

瀏覽方式: 標題列表 簡短摘要

一大清早:帶卓希去健康院,四歲的checking!

還是早上:帶卓希去基教學畫畫,今日係用腳板嚟畫太陽花!

下午:飲完茶之後,帶兩個小朋友去九龍公園係咁玩!

黃昏:返到屋企後,同兩個小朋友洗澡,仲要落樓買茶點!

晚上:到mormor、morfar屋企食飯,仲行上山散步!

半夜:忙上網!

suklaic 發表在 痞客邦 PIXNET 留言(0) 人氣()

親愛的天父:

今天黃昏的崇拜時,我坐在後排,望著一班同學們正在聽道,內心真的感慨萬千!首先,便是他們的坐姿,完全係“核突”及不尊重別人的坐姿。神情是無目的及空範的。回想十多年前我來心光時,同學們的坐姿很好,有些也很用心的聽,就算不信的也不會騷擾別人。但、但、但現今正正坐在我前面的一班同學完完全全的不同!福音怎樣才能進入他們的內心呢?

突然,我真的感到自己很疲累,不會也不懂怎樣去教導他們。不過在晚上和那幾個頑皮的學生查經時,又覺自己找到方向。

天父,見到班學生這麼懶及問題多多時,我真的很想放棄。不過在我想放棄時,祢又會在一個機緣巧合下教導我。天父,祢放我在心光時,求祢真的給我足夠力量,尤其是在晚禱的問題上,我很想放棄,很無奈!

奉主名求,阿們!

suklaic 發表在 痞客邦 PIXNET 留言(0) 人氣()

  • Feb 24 Tue 2009 22:22
  • 失憶

自從生完妹妹之後,我的記性真係差咗好多。好似依幾日咁,走圍搵都搵唔到接卓希豬時要用的黃色咭,又要寫紙條回校補領!

跟著,連自己的八達通咭都唔知放咗係邊,大大張的八達通,點都係搵唔到!唉..............................

suklaic 發表在 痞客邦 PIXNET 留言(0) 人氣()

我昨晚寫寫吓日記,條腰開始痛到申唔直,個感覺就好似上次入院前,個心好驚,超唔想,攞住個探熱針係咁探熱,因為一發燒就一定要入院,唔使諗!

我見自己無發燒,就食番上次醫生給的止痛藥先,打孖上,然後執定去醫院的走佬袋,如果半夜要入院的話,都唔使到時先執。

感謝神,半夜開始無咁痛,今日成個人無哂力水,到下午,條腰仲痛,但係個胃已經好好多。我都有打孖咁食止痛藥,不過次數少咗,痛先食。

老公就叫我昨晚入院,他說也許天父要我早些做手術呢?但我內心一d都無咁的感受,而且完全無預備,唉!真係攞我命!

suklaic 發表在 痞客邦 PIXNET 留言(0) 人氣()

第二天主要都係兩個小朋友係咁玩,對卓希嚟講,最有興趣就係第一次搭機鐵!

IMG_2354.JPG 

IMG_2356.JPG 

IMG_2360.JPG 

後記:我由酒店走時,個胃已經好痛,到晚上都係好痛,跟著個背脊都有少少痛,我好怕好似上次入院咁呀!我唔想!

suklaic 發表在 痞客邦 PIXNET 留言(0) 人氣()

豆b的e媽有一些coupon,可以給我們去酒店住一晚,仲包晚餐同早餐,真係食之旅!

我哋用的係字母房,中間有道門係通的,依間係我哋的房,張床好大呀,我訓得好舒服,因為卓希豬無乜點踢到我!

IMG_2339.JPG 

依間係姐姐們的房

IMG_2341.JPG 

幾十歲,仲扮cute!

IMG_2342.JPG 

食自助餐,卓希食哂所有的違禁品,尤其是朱古力!

IMG_2347.JPG 

卓希同豆b兩個玩到上妹妹張bb床到!

IMG_2349.JPG 

suklaic 發表在 痞客邦 PIXNET 留言(0) 人氣()

卓希豬終於都四歲啦!咁啱,我要補番之前的假,所以今日係我同佢的相處日,大家都好開心咁去玩!

晚上mormor,morfar同anders舅父佢哋都有嚟,咪又係為咗隻豬仔!

IMG_2269.JPG 

IMG_2271.JPG 

IMG_2272.JPG 

IMG_2274.JPG 

IMG_2280.JPG 

IMG_2286.JPG 

 IMG_2290.JPG

IMG_2301.JPG 

IMG_2324.JPG 

後記:唉!我就快頭爆,好多晚都訓唔著,昨晚好少少,可以訓到,但如第二天要返工的日子,就慘啦!點算?工作壓力攪到我真的回唔到氣!

suklaic 發表在 痞客邦 PIXNET 留言(0) 人氣()

邊有人係咁的?成日唔聽人講,又認叻,又階級觀念重!我唔鐘意咁!超煩!

suklaic 發表在 痞客邦 PIXNET 留言(0) 人氣()

今日下午係我哋宗教部的部門陪訓日,福音事工部,兩個部門主管同一個助理,就咁參加咗影音使團的:挪亞方舟異像分享會。

話明係挪亞方舟,就一定要入馬灣,馬灣發展咗咁耐之後,我都係第一次入馬灣咋!(我係十三年前膽粗粗咁帶住一班學生入馬灣宿營!)

好震撼,要完成這樣的工程,真的不是人的能力做得到,天父的神蹟也是在其中,今天的心情係,超感動!

室內唔准影相住,全部的相都只係戶外,最suprise的就係安排了簡單的下午茶給一班教牧同工,雖然我同光龍排最尾,攞唔到某d食物,但係無預期中有咖啡飲就已經好滿足了!

(1)正門

IMG_2245.JPG 

(2)船尾

IMG_2246.JPG 

(3)我哋都好似D動物咁出緊嚟

IMG_2248.JPG

(4)再嚟多張

 IMG_2250.JPG

(5)依張係影俾卓希睇的

IMG_2252.JPG 

(6)高高的天,與高高的長頸鹿

IMG_2253.JPG 

(7)方舟頭

IMG_2256.JPG 

(8)樣樣都好迫真的

IMG_2257.JPG 

(9)我自己最鐘意依張

IMG_2263.JPG 

(10)森林之王,但在萬王之王的天父裏,祂只是被保護

IMG_2266.JPG 

(11)香港裏的方舟,人心內又有沒有方舟呢?

 IMG_2267.JPG

 

後記:還有很多動物相,但唔敢UPLOAD咁多,怕個WEB PAGE開得慢!

當我身處180度大電影時,感受真的很大,那是模擬身在方舟裏,當門關上後,洪水來到時那處境會是怎樣。我看到洪水要臨到城巿時,內心滴著淚,很想大哭,正如異像會所分享的一樣,我們身處在方舟,但外在的世界就正和挪亞的時候一樣,如何能以人有限的力量來把福音擴傳呢?

 

當我想到這裏時,內心禱告求問天父,到底放我在心光工作的目的是甚麼?這兩年接種以來的是接二連三的發生好多事情,好希望天父能給我更清澈的指引,自己的方向是怎樣。而且,不單只為自己禱告,也要為心光禱告,越來越多人為了要上位,而去擦鞋,鞋王現在也不止一人,這風氣真的能教好我們的學生嗎?

 

所以,今天決定報名要上挪亞方舟導賞員的訓練,為的是可以引導心光學生以另外的眼光來看信仰!

 

suklaic 發表在 痞客邦 PIXNET 留言(0) 人氣()

卓希係2月20日生日,今年係一個星期五,嫲嫲話做生日有早就無遲,咁我哋就決定早幾日同卓希開生日會。我已經早兩個幾月去德福到訂場,但係都係唔夠人快手,為咗要早幾日,咁就要去遠少少的淘大m記。不過嗰到真係細,無德福嗰間咁闊,好彩唔係個個小朋友都到整,到整的話,大人一定無位坐!

今日所請的朋友類別:bk0502朋友仔、親戚、同學、教會玩伴。

卓希好開心,因為佢之前去咗好多的生日會,自己都唔係主角,今次真係係自己做主角時,又好興奮,仲有請咗幾位同學仔,會同朋友仔話:「佢係我的同學嚟的!」超好笑!

IMG_2170.JPG 

IMG_2172.JPG 

IMG_2214.JPG 

IMG_2204.JPG 

IMG_2233.JPG 

係m記開生日會的好處係d小朋友鐘意食佢哋d食物(大人就麻麻地,我都只係食咗個包),同埋有細聲又斯文到暈的姐姐同小朋友玩遊戲,不過都唔係好pro,有時都未能控制d小朋友,唉!我的職業病又嚟啦!之但係時間方面就少咗d,得一個半小時,小朋友們都好似玩得未夠,就要散band!今次我訂依間的蛋糕都幾好味,如果中間有d朱古力crisp就會更好味!

IMG_2216.JPG 

唉!我哋屋企樓下又無會所,咐近的君豪會我唔敢訂啦,一嚟貴,二嚟怕佢到時又無咗service。開生日會,一定要就腳的地方,因為公公婆婆,爺爺嫲嫲都會到,所以最基本就最好東九龍,只好m記也!如果我哋有會所就好啦,可以大d又玩耐少少!

玩遊戲時,為大家打打氣:加油,加油!

 

派紀念禮物送俾朋友仔!

 

suklaic 發表在 痞客邦 PIXNET 留言(0) 人氣()

有時真的不讚嘆天父的安排,今天心光無溝通會,所以我可以返早又放早,又咁啱,上星期知道今天在下午四時許要見家長!哈!perfect!

我未見李老師之前,都已經有心理準備,以為卓希係學校好“活潑好動”,點知...........................相反,原來卓希係學校係好靜的,老師話靜到有時連答問題都唔會舉手答。仲話佢係學校好helpful,時常幫老師服務(但係喺屋企就要我哋服務佢)。不過都有弱點,就係喺學校所學的兒歌背得唔熟,鬼咩!我一打開本薄,佢就一支箭咁走開,又或者讀多兩句就話唔想讀,咁又點會學到y?我都要努力加油!

suklaic 發表在 痞客邦 PIXNET 留言(0) 人氣()

我今晚捉住個頭話:「頭痛!」時,妹妹又學我,真的好攪笑!

佢今晚拍手時,都可以在短時間內不用扶住,我諗佢就快學識自己企啦!

 

suklaic 發表在 痞客邦 PIXNET 留言(0) 人氣()

放假前係facebook收到一個媽媽的訊息,話奧比斯會舉行步行籌款,我見又係大潭水塘,平時我哋自己都有行開,就同老公講話想參加,老公都贊成。點知我一直懶,又無乜時間,一有時間就上網週圍遊,攪到今日先正式填FORM。吓!乜要咁快填埋贊助人個名同地址?所以今晚就好快咁週圍問人可否贊助吓呢?

如果你都想贊助我哋一家人行哂五公里的話,請告知,留E-MAIL,我一定覆的!唔怕遲,因為我今晚報咗名後,都可以加多D SPONSOR的!

suklaic 發表在 痞客邦 PIXNET 留言(0) 人氣()

SL381113.JPG 

今日係中國人的情人節,梗係要嚟一碗湯丸啦!

 

佢哋三個似唔似樣?

SL381106.JPG 

 

 

兄妹情心

SL381105.JPG 

suklaic 發表在 痞客邦 PIXNET 留言(1) 人氣()

今早老公三點幾已經起咗身,預備要跑十公里的賽事。我哋就分別五點幾同六點起身,跟著就俾奶兩個小朋友食,換衫,出門口。老公係六點出發那批,本來我預計佢會跑一個半小時,大約到七時半就返維園,點知一路楂車聽收音機時,佢哋話大部份人一個小時就已經完成到,所以我都快快咁去維園。

好彩俾我係大球場咐近找到錶位,然後就好快咁行去維園,嘩!好好好好多人!都未找到終點,老公已經打電話嚟話過咗終點啦!唉!只好等佢回合我哋之後嚟張大合照啦!

IMG_2156.JPG 

IMG_2157.JPG 

IMG_2158.JPG 

suklaic 發表在 痞客邦 PIXNET 留言(0) 人氣()

妹妹今日見到哥哥上咗大床,又見到哥哥係邊個位到上大床,就有樣學樣,居然俾佢學到,第時要牛咁眼睇住佢啦!

 

suklaic 發表在 痞客邦 PIXNET 留言(0) 人氣()

  • Feb 07 Sat 2009 18:04
  • 波兒

今早卓希學完畫之後,我哋係朗豪坊的food court求其食d嘢,之後就去咗新世紀廣場,因為睇完波兒後,卓希有時都係咁講,咁咪去睇吓囉!

嘩!一嚟多人,二嚟仲可以行入去波兒的屋企,又有滑梯,我個仔緊係唔想走啦!但無計佢亞媽我好攰呀!

suklaic 發表在 痞客邦 PIXNET 留言(0) 人氣()

今晚我的腦好忙,因為要幫自己的母校寫感想。其實都要多謝facebook,讓我可聯絡上禮賢的舊生,在慶祝五十週年的同時,也能寫點點感想,所以要諗得比較仔細及文雅。努力,加油!

不過,仲有一件令人發笑的事情,話說我們的舊屋已經到期要續租。今晚同老公傾起時,一講曹操曹操就到,租戶打電話來。先先講到自己係幾咁好的租客(我先唔踩佢),又話大家係基督徒(但係我唔覺佢哋有好的見證),然後就講佢哋的要求,想依張租約完咗之後,一個月一個月咁租到佢哋找到屋買為止。我唔會立即答佢,先先問問老公,然後問經紀,經紀都話遂個月好麻煩,不如三個月三個月(要寫合約,有利於我們),而且我係會加租的!睇吓佢哋會唔會再租啦,我已經做到最好人的啦!

suklaic 發表在 痞客邦 PIXNET 留言(0) 人氣()

妹妹今日係公園,要自己爬上去玩!認真大膽妹!(當時無帶相機,只好用手機影短片,所以解像度唔高!)

 

晚上臨訓前係大床到睇書,妹妹又睇埋一份,佢居然學到一路睇,就一路:「哇!哇!哇!」簡直笑爆嘴!

 

suklaic 發表在 痞客邦 PIXNET 留言(1) 人氣()

   嘩!我個女十個月啦!就快一歲,不過仲未有牙仔,希望快d有牙仔,唔使佢咁忟啦!

 IMG_2132.JPG

IMG_2136.JPG

 

拆利是:今日初十,我決定係正式返工前幫兩個小朋友拆同數利是,左面係卓希豬的,右面係婷婷的!

 IMG_2140.JPG

suklaic 發表在 痞客邦 PIXNET 留言(1) 人氣()

1 2