目前日期文章:200904 (24)

瀏覽方式: 標題列表 簡短摘要

07:00     正式起床,成個人的身都好攰,好似無乜力去撐起。

08:00     食咗半碗粥,喉嚨都係痛,但無昨天咁暈,可以食到幾多就幾多。因為由昨天入院到今天,雙腳都係好凍,要請護士拿多張被給我才啱啱好!(因為無食嘢,身體無能量)

08:10    張醫生又巡房,表示今天應該真的可以回家。後來高級醫生又到來,終於簽了紙,可以給我回家。但原本昨天寫的假紙係諗住昨天出院的,但今天出院就可以多d病假,咁都算依個醫生好人,咁都幫我諗埋!

12:00     mormor到,我先換好衫,剛好護士便拿所有的文件來給我。

14:00     返到屋企!

終於可以係香港半爆發豬流感前返到屋企,都係屋企最好!不過我背脊d骨頭好痛,醫生話,因為打過鬆弛肌肉的針,一定係我平時做工作拉得太行,放鬆後反而會痛!

醫生係我肚皮到開咗四個洞,仲有就係害我咁深的膽石,嘩!只係得一粒,不過都好大粒呀,都有成2cm!

page2.jpg  

suklaic 發表在 痞客邦 PIXNET 留言(0) 人氣()

我現在便要出發到醫院,陪伴咗我三十幾年的膽囊,要離開我了!

07:00     出門口,坐的士

07:20     到醫院

07:30     登記完後上E10

07:45     在E10收完症

08:00     醫生巡房,今次的主診醫生係張醫生,而巡房的醫生包括上次的陳醫生,佢一見我,就file都唔使睇,就話今次快快咁做咗佢啦!唉!連醫生都認得我啦!

09:45     被推去手術室

10:15     入到手術室,肺功能未達到水平,要再吸多些ventaline,10抄後便訓著。手術後,被姑娘叫醒打開雙眼。我第一時間問:是可以做微創定係要開刀,答案係:微創。雖然成個人仲暈暈哋,但開心哂!

12:30     返到自己的床位,護士及嬸嬸留了午飯給我,但我沒有胃口進食。

15:00     第一次落床去洗手間(因為試過係床到用盤,我痾唔到),去時有姑娘扶住,個人都ok,但回程時就開始好暈,返到張床到仲漂冷汗,好想嘔,但嘔唔出!

16:00     張醫生巡房,他給我可以回家。我很想回家,口講好,但成個身都無乜力!

16:30     有一位高級醫生來看我(一定要有兩位醫生簽紙先可以出得院),佢見我面青得咁緊要,問我係咪暈,我話係,咁佢就叫我唔好返屋企住,睇定d先!

18:00     食晚飯時間,但我食唔落,因為個頭好暈,而且手術時插喉,整損哂我的喉嚨,唔好講話食飯,飲水都痛!一d都無胃口!係咁飲水!有一個護士見到我咁,叫我食d嘢,我話食唔到,好痛,佢就後來攞咗碗粥給我,真係超好人。不過,我都係食唔夠十啖就放底,因為真的好痛!

19:00     mormor嚟探我!(我叫卓希爸唔好嚟,免得感染咗d菌會傳染到俾d小朋友)

20:00     mormor扶我去洗手間,突然嘔吐大作,把所飲的水及粥全部嘔出嚟。個胃又空哂啦!但係成個人就舒服咗d,可以坐直都唔係咁暈!

22:30     正式訓!不過係醫院都係訓得唔好,訓一小時又醒一醒,仲有就係半夜有個做完手術的返嚟,兩個醫生係咁照顧佢,好吵耳!

suklaic 發表在 痞客邦 PIXNET 留言(0) 人氣()

今日有同事問我“怕嗎?”,我表示,以我的信仰,是不怕,那是一定的。而且我沒有時間和精神去怕,因為無論家庭或工作,都好忙!(晚上還去上堂)

但,放工後,心情開始有少少緊張,在依稀的記憶裏,半年前的住院經驗中,那躺在冰冷手術床的感覺,我很不喜歡!其實,如果在入院前兩天,能給我時間靜下來,感受和思考自己的內心感覺就最好不過,我現在也是工作行先,手術在後!

這是天父的殿,我知,我會好好的保管!

suklaic 發表在 痞客邦 PIXNET 留言(0) 人氣()

  • Apr 25 Sat 2009 21:51
  • 好忙

今日好忙,忙乜嘢?一家幾口去咗禮賢到睇卓希係學校的作品(我昨日無睇到),跟著卓希去旺角畫班,然後再去青衣的英基到學英文,返到屋企,我散哂!好彩下星期係公眾假期,如果唔係做完手術後仲要走嚟走去,我會攰死的!(唔知係咪昨天著高跟鞋,今日左腳的腳掌好痛,晚上仲痛到行唔到!)

page.jpg 

suklaic 發表在 痞客邦 PIXNET 留言(0) 人氣()

今日係禮賢小學五十歲,九龍禮賢堂八十歲。我係心光做咗咁見年,去禮賢會到開會就開得多,都係第一次代表心光,以宗教主任的身份去佢哋的感恩崇拜,真的獲益良多。

坐係禮堂到,回想返二十九年前,小四時,我哋係第一班英文小學的班級同學,只得十八人,但就要負責二十五年慶典的招待,而且當年我還是詩班員,高高的站在紅地毯上獻詩。

今日,成班管弦樂團坐在枱上及枱下,氣勢如洪,連詩班員,都有成六行咁多的學生,可想禮賢的辦學真的很成功。而今天龐建新牧師講道時,提到禮賢初初辦學的目的,連我以前係禮賢讀時都未聽過。佢話,原來禮賢以前同心光一樣,周圍都係爛地,而係禮賢後面,就係一些臨時榙健的木屋。禮賢當時就係要成依班小朋友而有辦學的想法,想法一開始,兩年後就得到政府的批准,開始辦學。最重要,係讓一班無得返學的小朋友,建立一個讀書的環境及機會,讓他們能看見基督的愛在人群中發光!

最令我感動的是,校長係感恩崇拜中,頒發長期服務獎俾老師及其他職員,氣氛真的很好。每一個職員到枱上領獎時,學生都歡呼,見到他們是出自真心的,不過,最耐的職員我都唔識,因為,我都已經畢咗業成二十七年啦!(我只係識得所有牧師,因為佢哋成日嚟心光講道)今日,我真係學咗好多嘢,如果他日心光有120慶祝時,而我仲係到做的話,希望真的可以大派用得著。

感謝天父的慈愛,讓基督的愛,溫暖我們每一個人的心靈!

suklaic 發表在 痞客邦 PIXNET 留言(0) 人氣()

今日請咗成日假,因為要去醫院到做手術前評估及檢查。成日都係醫院,最多時間做乜?咪係“等”囉!

要見麻醉醫生,然後外科醫生,跟著做心電圖,然後照x-光,等姑娘由頭解釋一次,成日就咁無哂!

麻醉科醫生話,先先要種黃豆,然後打麻醉藥,唔使十seconds我就會訓著。跟著就打止痛癠,仲有最重要的鬆弛肌肉的藥。醫生話,依種鬆弛肌肉的藥,係會令到人成身鬆弛到,連訓咗都唔識呼吸,所以要由個口到放一條管入去給氧氣及麻醉藥。之但係最麻煩就係依到,因為我有哮喘底,所以放咗條管入去後,會有可能引發到哮喘病發,所以之前及之後,都會特別要留意我的哮喘情況。

而外科醫生話,今次係會用微創的手術方法,係肚皮到開四個洞,放鏡頭及用具入去,不過有可能係會有積水的後遺症,因為要放少少水入去清一清d血先睇得清楚!不過有兩成的人也許不能用微創的手術,我便是有可能的那一群!因為半年前曾發炎,當人體身體裏發炎時,體內會產生一些煔體,令所有內臟stick在一起,要起碼大半年後才會分開。現在不能斷定我裏面的情況,一定要開刀時,放鏡頭入去,才知道是否要開肚皮!

而且,通常一般人做完微創手術後,即日可以回家休息,但因我半年前的病徵,所以手術後一定要起碼留院觀察一天。

手術我不怕,但那些後遺症才是kick手救天父加給我力量!

suklaic 發表在 痞客邦 PIXNET 留言(0) 人氣()

前兩晚,係facebook到,見到有一個以前的朋友add我,我真的好震撼,立即諗都唔諗,好快咁add咗佢。佢以前係我教會的,大家一大大班人一起成長,不過因為一d個人的意見不合,領到教會分裂,當時有一個傳道人,帶住一大班人走咗,而依一大班人,就係同我由細玩到大的。

今晚不經意地又去睇佢個facebook,但係諗諗吓,唔對路。以前個識嗰個朋友,佢係姓葉,但係佢英文串法係IP,而依個又係姓葉的人,佢的串法係YIP。突然,一陣好失落的感覺,然後係互聯網到係咁找,最update的係佢2001-2002年係某一間中學到做班主任。

然後,我又找到嗰班走咗的教友,佢哋自組咗另一間教會,好近我的教會,但係十幾年以來,我都無見過佢哋!有些係我以前教過的團契青年人,原來都已經結咗婚,仲有一個三歲的女。但係我唔敢去add佢哋,只想遠觀而不想近之。

心情好復雜!

suklaic 發表在 痞客邦 PIXNET 留言(0) 人氣()

昨晚返學時,老公send sms話我知妹妹有牙,我好似耶穌的門徒多馬一樣,要自己睇過先信,因為之前幾個月姐姐們已報流料,所以要我親眼睇過先得。

但係昨晚返到屋企兩個小朋友都訓哂,今早我又要返工,放咗工後,拿著相機,決心要影妹妹的牙,點知攪咗好耐,妹妹忟哂都影唔到,終於都放棄!

估吓妹妹出幾多隻牙?登...........登..................登..........................登....................................係一次過六隻,六隻呀,上面四隻,下面兩隻,忟過忟薑!

以後,就無得再叫佢做“無牙妹,舉手”!(以下影片,係今早返工前影的!)

 

suklaic 發表在 痞客邦 PIXNET 留言(0) 人氣()

如果唔係入咗教師依行,也許我會做咗考古學家!

點解咁講?今晚的方舟訓練,講咗好多關於世界各地有關洪水的印證,我以前細細個已經好鐘意睇有關考古學的紀錄片,尤其是一些關於古文明的世界。不過當時就無諗到自己要做考古學家,但今晚又講起所有的世界印證時,個心係咁跳得好急,好想好想好想知多d。好快,兩小時又過去,楂車回家的路上係咁想,如果唔係有兩個小朋友,又如果唔係有份工,或者我會有興趣去搜羅不同有關挪亞方舟的資料。做一個導賞員,就係要對自己的信仰扎根更深。

line10.gif 

SMS對話

今晚由心光到油麻地上堂,一直最担心的係泊車問題,因為嗰到無停車場,只係得街邊十個車位。心理準備都預要等,但係等咗二十分鐘,都無位,好多車位都被嗰到兩間的快递工司罷著。等著、等著,便打sms給老公:

老婆:「點算,無位泊車!」

老公:「回家!」

老婆:「吓!但係我想上堂!」

隔咗十分鐘後:

老婆:「終於等到有位泊,感謝主!」

老公:「神愛世人,甚至將車位也賜給我們,叫一切信祂的不..........」

suklaic 發表在 痞客邦 PIXNET 留言(0) 人氣()

今日約咗卓希一班同學仔出嚟玩,返完教會之後,草草食過飯後,就出發:聽濤雅苑

唉!我怕今次之後,班女同學唔會再肯同我哋d仔再出嚟玩,因為男仔真係好吵耳,吵到我耳都痛!

page.jpg 

page2.jpg 

page3.jpg 

suklaic 發表在 痞客邦 PIXNET 留言(0) 人氣()

想咗好耐,今日見到吉島減價,就買咗張雙人梳化返嚟,我諗唔使幾耐,就會報銷的!

page.jpg 

suklaic 發表在 痞客邦 PIXNET 留言(0) 人氣()

  • Apr 16 Thu 2009 23:05
  • 公義

在天父的手裏,才有真正的公義與平安!yeah!

suklaic 發表在 痞客邦 PIXNET 留言(0) 人氣()

今天晚上,在祈禱時,內心忽然記得一首歌,一首好多年前,我還是小女孩的年代。那時,mormor同morfar已經係屋企成日播詩歌,不過,如果唔係瑞典話,就係普通話(我嗰時唔知何謂普通話,以為他們唱歌所咬的字不準確)!

求天父加給我力量與忍耐,去面對所有的攻擊及困難!

G 調 4/4 我有平安如江河


56│1-1.2│33 32│1-1.1│65
˙˙ ¯ ¯ ˙˙
我有   平   安   如   江河,我有  平 安    如   江河,
我有   喜   樂   如   江河,我有  喜 樂    如   江河,
╭────╮
56│1-1.2│3321│2---│2-32│
˙˙ ¯
我有  平    安   如   江河在我   心,         我   有
我有  喜   樂    如   江河在我   心,         我   有
1-1.2│33 32│1-1.1│65 56│
¯ ¯ ˙˙ ˙˙
平   安   如   江河,我有 平   安   如   江河,我有
喜  樂    如   江河,我有 喜   樂   如   江河,我有
╭────╮
1-1.2│3 3 2 1 2│1---│1-∥
¯ ¯ ¯
平    安  如   江 河 永 在 我  心。
喜    樂  如   江 河 永 在 我  心。

suklaic 發表在 痞客邦 PIXNET 留言(0) 人氣()

婷婷妹妹學行路,真係超得意!

 

suklaic 發表在 痞客邦 PIXNET 留言(0) 人氣()

我細的堂妹結婚啦!想番起佢出世的時候,就好似昨日一樣,時間過得真係,佢又話結婚啦!不過,今次又係嫁到去美國,唉!月亮真的是外國的大又圓嗎?

page.jpg 

(相片來源,堂家姐的相機)

suklaic 發表在 痞客邦 PIXNET 留言(0) 人氣()

近日芍婷妹妹識聽好多嘢,不過,也是由於佢識聽多咗,脾氣也因此大咗。

 妹妹已經一歲,係我的字典裏,一歲就已經要訓練佢的責任心,所以晚上臨飲奶之前,都會要兩個小朋友執玩具,這幾天我放假在家時,要他們執玩具時,卓希就會慢十拍咁執,而妹妹會點?咪就爬係地上,發脾氣唔肯做,仲踢腳添。

然後,我抱起妹妹,把玩具拿到她手裏,要她負責放係玩具箱到時,佢居然拒絕拿玩具,然後又唔肯放到個箱到。就算被我迫放咗係個箱到時,佢都會係個箱到拿回同樣的玩具,跟著扔係地面。我一於有理無理,再捉住佢隻手,要佢再執過。經過幾天以來的訓練,有明顯的進步,不過都係唔想執。依個女真係難教過個仔,卓希個時我都係教咗一個星期多少少,佢就會以後自己執。真一小姐脾氣,我會一一教過佢。

suklaic 發表在 痞客邦 PIXNET 留言(0) 人氣()

是日十一年結婚紀念日,無特別慶祝,只是帶了卓希和婷婷到戶外去玩。

事緣昨天sophie媽媽致電,話今日去燒烤,其實全家人只得我一個喜歡燒嘢食,不過為咗個仔可以同班小朋友見吓面,又玩吓,咁我哋就出動去大攬郊野公園。

唉!每次去親新界(除咗沙田及大埔外),我都好怕,因為一入到去,全無方向感可言。好彩今天一路行時,一路和sophie媽有聯絡,咁就搵到條路咋!

今日又好奇怪,卓希臨出門口前話要帶車車去,平時我知會去郊外時,都會叫佢唔好,但今日又由得佢。點知,就係因為佢帶咗車車,成班男仔,又玩車車,又玩泥沙,仲玩山泥傾瀉(真係大吉利是),又玩足幾個鐘,超攪笑!

我同卓希都哂到面紅卜卜,明天返完教會後,要休息一吓先!

(是日只影得六張相)

page3.jpg 

suklaic 發表在 痞客邦 PIXNET 留言(0) 人氣()

  • Apr 09 Thu 2009 21:47
  • 牛一

是日是小女子的牛一(人哋阿媽都做咗,仲係女子?),之前全無計劃的一天,只係是但咁過一天!

卓希今天還要返學,所以我哋一早起身,就帶佢去搭校車!佢開心到不得了,因為今次唔單單係妹妹同我,連爸爸都嚟送佢返學!咁,放學我哋就去禮賢會接佢,本來諗住求其係九龍城食飯,但mormor來電,好想同我哋一齊食個birthday lunch。咁我哋就近近地,係又一村到食。Teddy's cafe,我都係第二次去,環境真的好舒服,又唔貴,一個lunch set都只係$40!

食完午飯後,就返屋企,此時,嫲嫲帶堂家姐嚟我哋到玩,咁就一齊食生日蛋糕啦!多謝老公!(不過仲未諗到要乜嘢生日禮物!)

page.jpg 

line10.gif 

我係淘寶精

香港買嘢,認真太貴。話說我哋由卓希一出世就用厚的地墊,半年前才買了一張新的,但家有兩破壞王,令到地墊破孄不x(唔記得點寫)。前兩天在plaza hollywood到見到,嘩,好貴呀,要成五百多元。心有不忿的我係咁上淘寶網找,真的給我找到了,連運費都只是三百大元,連size都比香港的大好多!

我又上網找過頭套的口水肩,連運費,都平過香港的bk媽媽們賣的好多,(我之前是向他們買的),令到我心思思,好想學人做一個網上生意,幫補下我的零用錢!哈哈哈!

page2.jpg 

後記:今日係設立聖餐日,本來今晚我真的好想去天恩堂有聖餐崇拜,但帶著兩個小朋友,又無baby sit,好怕佢哋嘈到其他人,所以都係留守係屋企好啦!

suklaic 發表在 痞客邦 PIXNET 留言(0) 人氣()

卓希上星期學校舉行生日會,題目是宮廷服飾,我以前都唔會理係乜嘢主題,不過今次佢有份做主角,所以就係咁係淘寶到搵到依件王子套裝,簡直笑到我肚痛!

page.jpg 

SDC11872.JPG 

話說今日卓希返咗學,得我同婷婷係廳到,兩個姐姐做ING家務,婷婷居然好有心機咁寫字,超得意!

寫子的妹妹1.jpg 

寫子的妹妹2.jpg 

 

line10.gif 

學行的婷婷

婷婷依幾日學行咗多幾步,不過都係對自己無乜信心,慢慢嚟啦!

 

 

line10.gif

點蟲蟲

今晚卓希係咁教妹妹玩點蟲蟲,佢自己都忘記得一乾二淨!

 

哥哥教完之後,妹妹自己係咁點蟲蟲,好得意!

 

 

line10.gif

小學母校

今日走咗去卓希學校接佢放學,也即是我的母校,後花園有好多花,不過天氣太差,唔係影得好靚!

禮賢後花園.jpg 

suklaic 發表在 痞客邦 PIXNET 留言(0) 人氣()

今日我開始放假了,但有點兒無聊,因為老公和卓希都是下星期才放假,偏偏自己這個星期,又不能一起放了!

本來諗住等卓希放咗學後,又“共”入disney到玩,但落雨,又凍咗,所以都係留守係屋企咐近!

晚上,我去了上堂!又上堂?係呀,不過今次只係得六堂,每堂兩小時,相比起bu嗰d課程,真係輕鬆!

我今晚去咗上“方舟導賞員訓練課程”,無錯,係導賞員。我未諗轉工住,不過報名讀,只係想知多d方舟內的聖經理念,第時無論帶學生又或者其他人時,自己都會識得講解。

不過如期話係訓練,我話似奮興會多d,第一堂,時常提醒我們每個基督徒都是生命的導賞員,連主耶穌也是一個很好的導賞員,無論祂到甚麼地方,祂也能拿起身邊任何一樣東西來講解天國的福音。令我更能反思自己與天父的關係,多默想,多接近!今天晚上真的給我很大的鼓勵,因為之前有同事係咁鐖笑我要做導賞員(講俾佢聽我的原意,佢都唔聽),但我都堅持自己的理念去報讀,因為我有一對很好的父母,從小便教導我職業無分貴賤,大家都要忠於自己的工作。所以,如果有機會的話,我都會忠於天父所給我的知識及機會,把方舟的信息傳開去!

suklaic 發表在 痞客邦 PIXNET 留言(0) 人氣()

1 2