目前日期文章:200905 (26)

瀏覽方式: 標題列表 簡短摘要
  • May 30 Sat 2009 23:27
  • 練車

卓希逢星期六下午都要入青衣,去英基上英文堂。卓希爸對由青衣返屋企的路效熟,所以都係由佢楂!今日仲負責楂入青衣!下次我會預早通知大家,千祈千祈唔好行街住呀!(哈哈哈!)

suklaic 發表在 痞客邦 PIXNET 留言(0) 人氣()

卓希好耐已經好期待今日,因為係佢學校的玩水日,即是可以攞正牌玩水!

不過,由於兩個星期前,我無去到家長會(星期四晚我要返夜),所以我唔知佢哋今日需要義工老師,如果唔係我一定去幫手的!

page.jpg 

page2.jpg 

下午我就自己辦私人的嘢,跟著黃昏時,mormor、morfar突然話要嚟我哋屋企,又係我下廚的時間!(半小時內用光波爐整好幾樣餸)

page3.jpg 

suklaic 發表在 痞客邦 PIXNET 留言(0) 人氣()

  • May 28 Thu 2009 16:50
  • 退役

婷婷妹妹依家用緊的車仔,係卓希四年前開始用的。當時我都諗住生第二個,所以卓希兩歲後我便收起咗,為咗可以俾妹妹用,但係真的人算不如天父算,近來架車仔壞壞地,都係時候買過部。但係bb的嘢真係好貴,所以我又發揮我的小宇宙,係淘寶係咁搵,終於俾我搵到部唔係好貴的combi車仔,圍起港幣都只係五百多元!

部舊車仔好貴的,因為當時卓希仲細,希望可以有架的避震會好d!

page.jpg 

多謝豆父,老遠由廣州幫我哋拎部車仔返嚟,第時一定請你嚟我哋屋企食嘢!(哈)

page2.jpg 

新車仔真係改良咗好多,連後面個袋都多咗好多!好嘢!(不過要防止工人姐姐係咁放嘢入去)

page3.jpg 

新舊車仔大比併!

page4.jpg 

suklaic 發表在 痞客邦 PIXNET 留言(0) 人氣()

今日要返醫院覆診,醫生話我咁痛法,不如照照胃鏡,排期都排到明年一月!明年一月?我都唔知係唔係到啦!不過醫生話攞咗我個膽去化驗,原來個膽有慢性發炎,如果無切到的話,終有一日又會要入院的!唉!有好有唔好啦!

下午二時多三時正返到屋企,開始我今日的大計,就係要用光波爐整嘢食!昨日已經請姐姐幫我買咗隻雞(整燒雞),今早送咗卓希上校車後,又去超巿買梅頭(整叉燒)。

所以,昨晚醃好隻雞,今日教一教姐姐,晚上就有美味的燒雞食。

卓希好鐘意整嘢食,所以佢成日都要我整蒜蓉包,好啦!我哋試吓整先!

page.jpg 

蒜蓉包(德國寶,12L)

先搽上牛油,
放香蒜粉
搽上切片法包
低架 220 度 3-4 分鐘

即外脆內軟.

 

page.jpg 

叉燒(德國寶,12L)

材料:一斤梅頭肉
醃料:鹽 1/tsp
糖 1/tsp
老抽 1/tsp
麥芽糖 1/sp
叉燒醬 1/sp

把買回來的梅頭洗澡,印水,吹吹風
把所有醃料和梅頭一起醃,我今次只是醃了三小時,應該醃過夜會入味d!
250度,10分鐘,反轉,230度,10分鐘,再反轉(上面加錫紙)250度,3分鐘!

 

page.jpg 

鹽焗雞(德國寶,12L)

材料:雞一隻
醃料:糖 1/tsp(tea spoon)
鹽 1/tsp
生抽 1/tsp
老抽 1/tsp
鹽焗粉 1/tsp
麥芽糖 1/sp(soup spoon)
醋 2/sp

洗淨隻雞,用kitchen paper印乾水,放在枱吹吹風
把糖、鹽、生抽、老抽、鹽焗粉,mix在一起,然後搽在雞身上
醃兩小時後(我今次醃過夜),就放在一煲熱水,10seconds就拎出嚟,印乾水,吹吹風。
最後,麥芽糖和醋mix在一起,搽在雞身上,待乾!
放入光波爐,250度,雞肚向上,15mins先,然後反轉,再嚟多15mins。
(下次我要先用錫紙包咗d雞腳同雞翼,唔使燒得咁燶)

 

p.s.:我仲學人係facebook到整咗個“光波爐食譜會”,希望多d人將佢哋的食譜放上去,參考參考!

 

suklaic 發表在 痞客邦 PIXNET 留言(2) 人氣()

點解會有咁多人,咁鬼得閒,去玩辦公室政治?我做嘢做到無哂力,佢就咁鬼多時間同精神,真係煩!

suklaic 發表在 痞客邦 PIXNET 留言(0) 人氣()

係bk到睇到好多媽媽介紹,好想買,不過一直都唔買住,因為好貴呀。但,前幾天見到永安將會大減價,仲有所有配件都送埋,一於take action!

今日用咗嚟烤雞翼,真係好好味,而且又無乜油,好似剛剛bbq完的雞翼一樣!

page4.jpg 

部光波機仲有好多功能,能夠烤、煮、燒、煎、蒸、焗、烘、炸、燉甚至解凍。詳細係依到!

雖然我近來無乜胃口,但係今日整嘢食時,好享受,卓希仲食咗好多隻雞翼添!

suklaic 發表在 痞客邦 PIXNET 留言(6) 人氣()

卓希今日放假,因為高班的同學仔有畢業營,所有的老師都要去,咁佢得K1,就要留係屋企啦!

我怕得ME姐姐一個人要睇住佢哋咁長時間,怕頂唔順,橫點我今日只返半日,就帶埋佢哋啦!

佢哋兩個小朋友就係咁玩(ME姐姐睇住),我就係咁做,好多學生功課要改呀,成幾個星的功課,改極都未改完!不過都完成咗好多!

page.jpg

 下午食完飯,都未返到屋企,兩個小朋友已經係車到訓 咗,到我泊好車,返到屋企時,就見到妹妹訓到成隻FROG咁(左下興右下),真係同卓希細個時一樣樣(左下與右上),好得意!

page2.jpg

今日係星期五,卓希要學普通話,已經係第五堂,卓希咬字好清,只係第五堂,佢係語言方面好似好有潛質!哥哥係到上堂,妹妹就一齊(不過無計佢錢),仲係到睇書!

 page3.jpg

suklaic 發表在 痞客邦 PIXNET 留言(1) 人氣()

  • May 21 Thu 2009 09:20
  • 近照

今日返工前,同妹妹影咗一d近照,真的好得意!

page.jpg 

卓希近來都叻咗好多,好多嘢都自己做,不過都係嗰句.................................同老公一樣,要叫好多聲先肯去做!

page3.jpg 

 page4.jpg

suklaic 發表在 痞客邦 PIXNET 留言(1) 人氣()

返到工,真係有好多嘢要跟,好多嘢要做,苦命的我!

下午係學校中華文化週的節目,雖然我對唱大戲無乜興趣,但係好欣賞同事的即場表現!

另外,我話過要係個blog到罵人,衰家俊,大大聲咁播我個blog的題目,真的找c!(我講得出,就做得到!)

suklaic 發表在 痞客邦 PIXNET 留言(0) 人氣()

剛才教會的姊妹打給我,話佢姐姐之前都係做咗微創的手術,嗰種痛係持續咗成六個月,跟我一樣,成日都想返醫院,醫生話佢無問題,但係d痛係唔知幾時會出現的。而佢妹妹又做咗微創手術幾個月,都係痛咗三個多月!聽咗依兩個例子後,我心諗,唔係嘩!痛成幾個月,仲係唔知幾時會痛的,我超唔想呀!救命!

(是日請病假,真係羞家,返咗一日工,就要休息一日,邊有人咁樣做嘢的?)

suklaic 發表在 痞客邦 PIXNET 留言(0) 人氣()

好多日無寫日記,一口氣寫咗幾日,係因為我好唔得閒,要整卓希學習的字咭!

而且,我快返工,要執好屋企先,所以昨晚係咁做,D塵整到我個鼻係咁流鼻流。訓覺時仲倒流,所以今早起身,喉嚨好痛,好似火燒咁,把聲仲失失哋!我唔想病呀!

suklaic 發表在 痞客邦 PIXNET 留言(0) 人氣()

由於我有好多過膠片,咪將所有字咭過膠,日後妹妹都有機會用的!

但係次次落樓下過膠都幾貴,所以決定自己買部過膠機。係FOTOMAX見到依部,仲有切割器及圓角器送,底!

著手開始整埋英文啦!

page2.jpg 

suklaic 發表在 痞客邦 PIXNET 留言(0) 人氣()

我依個媽媽真係唔係做得咁好,因為卓希由返BB班開始,我都唔係點跟佢學咗乜嘢。不過由於佢慢慢大個,要好好的同佢溫習,但係如果用一般的方法,佢係坐唔定的,所以我諗咗一套字咭遊戲出嚟,為咗要鞏固佢係學校學咗的嘢!卓希最鐘意同佢爸爸玩依套字咭!

page.jpg 

suklaic 發表在 痞客邦 PIXNET 留言(0) 人氣()

由於仲食醫止痛藥,見自己可以走到,就等卓希放咗學之後,去西貢走走。係九龍時仲落緊雨,點知去到西貢就好好的陽光!

page.jpg 

suklaic 發表在 痞客邦 PIXNET 留言(0) 人氣()

昨晚係醫院到訓,好痛,右邊條腰後面好痛。今早我好鐘意的DR. OLIVER CHAN嚟睇我,佢好好人,立即有支止痛針給我。嘩!放鬆咗好多,下午仲可以走出走廊!

照咗超聲波,報告係我裏面無發炎,感謝天父!但係就搵唔到痛的原因,晚上DR YAN巡房,佢批我出院,我就自己出院啦!帶埋止痛藥,搭的士返屋企!

suklaic 發表在 痞客邦 PIXNET 留言(0) 人氣()

  • May 11 Mon 2009 22:15
  • 入院

由星期六開始,裏面的傷口好痛,今日仲痛到去腰後面,嗰種痛法好似去年十月膽囊發炎嗰種痛法。但係我已經係無膽之人,又點會咁呢?所以有少少怕,早上十時打電話返東區醫院,護士後來再打給我,叫我下午三時返去,醫生要見我!

先先去D8,跟住就係串串的周醫生嚟睇我,點知佢攪我唔點,要出返上次的主診醫生,張醫生,今次佢要我留院,睇清楚到底係乜事。

返到E10病房,差唔多個個護士都認得我,唉!真係超“瘀”!

照咗X-光,抽咗血。好痛!

suklaic 發表在 痞客邦 PIXNET 留言(0) 人氣()

今日係母親節,雖然我的內傷痛到不得了,但係我哋一家都返咗教會,好多謝一班弟兄姊妹為我代禱。

 

我同妹妹著咗母女裝,教會個個都以為我哋訂做的,但係我真的綱上訂購!

page.jpg 

 

卓希好鐘意玩lego,今日仲同老公一齊整咗一條大橋,佢話依條橋叫做:「哥哥大橋,所以妹妹唔可以整爛!」(吹漲ing.............)

page2.jpg 

 

今個母親節,卓希共整咗三張唔同的母親節咭給我,太感動啦!(哂命呼..................)

page.jpg 

suklaic 發表在 痞客邦 PIXNET 留言(0) 人氣()

  • May 09 Sat 2009 22:19
  • 內傷

今日老公早上要返工,咁就由我帶卓希去畫班。我呀!真係大頭蝦到暈,坐咗係幼稚園嗰d椅子到,一起身去聽電話時,覺得右面的內臟好痛,唔知係咪坐係嗰d椅子到,屈個身時整到裏面的傷口,痛到我不得了!返到屋企後,第一時間就係食止痛藥!

我今日覺得好熱,之但係我仲有四個洞的傷係身,未拆得聯線膠布及妙布,所以日日都只係洗下身,上身就只係抺身,無用bath gel就好似唔係好清潔咁,成身都唔自然!唉!外面個傷口快d好番啦!

suklaic 發表在 痞客邦 PIXNET 留言(0) 人氣()

前兩天妹妹發燒,到退咗燒的第二天,就即是今日,佢成身都出紅點,唉!原來佢出玫瑰疹,個人忟到不得了,成日都要癡住我。晚上同mormor,morfar係我哋樓下食飯,但唔想妹妹出去,就留佢同me姐姐係屋企。返到屋企,見到佢眼濕濕,原來我哋落咗樓咁耐,佢就喊咗咁耐,仲週圍搵人添!唉!第時我返咗工,點算?老公話要高薪請返tun返嚟,我唔想,佢應該去吓人哋其他屋企試吓,唔使成日話我惡!

我同老公講,不如我唔做嘢,湊返兩個小朋友,但係佢唔答我!煩.........................

suklaic 發表在 痞客邦 PIXNET 留言(0) 人氣()

  • May 07 Thu 2009 22:36
  • 字咭

卓希原來係學校學咗一d中文字,但係由於我哋兩公婆成日都好夜先返,而且盡量顧住做功課,所以一直都無同佢溫習。今天把心一橫,做一些字咭出來,當中的圖片,盡量是他日常生活時常見到的,希望他明白啦!

爸爸

弟弟

suklaic 發表在 痞客邦 PIXNET 留言(0) 人氣()

1 2