目前日期文章:200910 (19)

瀏覽方式: 標題列表 簡短摘要
  • Oct 31 Sat 2009 23:57
  • 影相

攞咗件畢業袍好多日,但係都未影相,今日下午有一小空檔,影下啦,不過妹妹懶床,唔肯起身影!

page.jpg 

page2.jpg 

suklaic 發表在 痞客邦 PIXNET 留言(0) 人氣()

校友胡桐桐已經安息在主懷,今天是她的安息禮拜,看都牧師和一眾教友為她所作的一切,真的很感動,希望桐桐的父母也有機會多些返教會!

suklaic 發表在 痞客邦 PIXNET 留言(0) 人氣()

妹妹昨天接哥哥放學時,不小心摔了一交,就此變咗花臉貓,直頭成隻大花貓!

 page.jpg

今晚放工,去德福買麵包,順道買咗蛋橽回家,睇吓卓希食成點?佢只係食咗個牛油皮,中間最好味的蛋就話唔知,都唔識食!

page.jpg 

suklaic 發表在 痞客邦 PIXNET 留言(0) 人氣()

放幾日假,除咗去學畫畫及返教會之後,都無乜出去玩過,老公又話不如去玩,唔去掃墓住,咁我哋就約咗MORMOR MORFAR去大埔玩,好開心,開心到玩到下午三點幾先返到屋企!

page.jpg 

page2.jpg 

suklaic 發表在 痞客邦 PIXNET 留言(0) 人氣()

今日靈匠堂戶外崇拜,我就帶埋兩個小朋友返靈工堂,始終我個心都係屬於靈工堂。

之後,我哋就去咗APM,因為答應咗卓希,帶佢去睇雙頭動物。今次的活動都係由影音使團負責,但係今次的理念我真係唔係好明白!

page.jpg  

 

suklaic 發表在 痞客邦 PIXNET 留言(0) 人氣()

  • Oct 24 Sat 2009 21:49

有一天早上,出門時卓希還未醒,我返到心光時,開IP CAM看,卓希已穿好衣服,預備出門口。突然,發現他的褲都吊腳了,致電給他,要他站直給我看,原來這小子在不經不覺中長高了很多。

所以,我都忙著上網,到淘寶找找東西給兩個小朋友,另外一方面,找的煩煩供同事們又要我幫佢哋訂CONVERSE鞋,晚晚係到幫佢哋格價,又傾運費事項,所以無時間上自己的BLOG到寫日記。連快要上新貨的相片也未影,可想言之我近來晚上多懶。因為我有肩週炎,唔可以打太多電腦,也許前陣子在學校趕工,勞損了,現在晚晚都要就住就住咁訓!辛苦!

我又去淘竇啦!

suklaic 發表在 痞客邦 PIXNET 留言(0) 人氣()

好多謝一班有承諾的同事們,佢哋上星期六又去咗貝澳挖蜆,今次我哋一家有份食啦!好味,連卓希都話好味道!(我煮得好味咋!哈哈!) page.jpg

suklaic 發表在 痞客邦 PIXNET 留言(0) 人氣()

我到底係咪近排做到SORT咗呢?今晚又上TVB.COM到睇前晚的小鳳仙,又心UP咗一輪,我真的好感動呀!

今日係我哋一家人的家庭日,事關工人姐姐放假,我自己一手一腳湊番個女,都OK,就嚟出街都唔使姐姐啦,因為妹妹又唔使帶好多嘢,連食都同我哋一齊食同樣的嘢!YEAH!

黃昏時間,我哋去咗MORMOR MORFAR屋企,去外出走走,係屋企食飯,兩個小朋友一齊係大大的浴缸玩水(因為屋企嗰個係企缸咋!)好開心!

suklaic 發表在 痞客邦 PIXNET 留言(0) 人氣()

我哭了!我今天上網看返昨晚的劇習,忍唔住哭了。哭,不是因為蔡鍔與小鳳仙身處困難,而係小鳳仙終於等到蔡鍔講出喜歡她。

我好有同感,因為我老公都係同樣的一個咁的人,唔係咁容易講自己鐘意的感受。我不會好似其他人咁,將自己受感動的感受寫出嚟,因為我不會(除非係寫激嬲我的嘢啦!),我內心現在只有感動及UN 住 UN住。

我好耐都無睇電視,今次睇係因為想知更多有關歷史,點知就觸發到我自己心內的感受!

suklaic 發表在 痞客邦 PIXNET 留言(0) 人氣()

photo.jpg 

suklaic 發表在 痞客邦 PIXNET 留言(0) 人氣()

唉!依兩日做到人都癲,好攰!攪到裏面個傷口有少少陰陰痛!(唔好又嚟啦掛!)

我已經唔去諗個傷口,但係一坐靜後,佢就會好似嗱住嗱住咁痛。老公話仲有無得覆診,我立即睇吓叠覆診紙,無錯,係一叠。明年一月先要睇外科,手術後的跟進,一係唔好睇,一睇就慘啦!原來寫明係要睇番上次好粗心大意嗰個張醫生,唔係掛,我好想睇OLIVA CHAN!不過睇外科之前,又要有一日去照胃鏡,唉!一係就唔理個身體,一理就百病癡身,病係超煩到C的!

suklaic 發表在 痞客邦 PIXNET 留言(0) 人氣()

卓希係地上玩車仔,婷婷有樣學樣咁玩,簡直笑到我肚痛!(工人姐姐無理醒目,隻腳係咁咗住!)

page.jpg 

page2.jpg 

suklaic 發表在 痞客邦 PIXNET 留言(0) 人氣()

今早我帶咗婷婷去母嬰健康院,因為佢要做歲半的測試,所有嘢都OK,只係護士話要教佢學講多D嘢,佢明就明好多,但係唔肯講!兩歲時又要再去過,無法啦!

之後我哋去咗BU,因為今日可以攞畢業袍啦!如果唔係明天要返工,我一定會走出去影相,玩吓先得!

另外,我決定整靚D我的拍賣網,自己都睇得舒服D啦!14/10上新貨,所以D小朋友訓咗之後,找就要密密做!

suklaic 發表在 痞客邦 PIXNET 留言(0) 人氣()

今晚放工後返到屋企,攪好哂自理後,就預備上網打日記,點知上極都唔得,只好,一、打電話到PCCW,二、用NETVIGATOR條手指上網。PCCW話今晚九時半發生咗問題,依家搶修緊,又一次證明我隻手指好有用,因為依家有時我帶NOTEBOOK返學校,都係用隻手指上網,學校個FIREWALL BLOCK咗好多大用的圖,睇唔到,只好用PCCW的手指。

今早,送咗卓希上校車後,我帶著婷婷妹妹去德福幼兒園報名讀書。不過我諗今次佢無卓希咁順利,一定會哭到不得了,因為佢癡身癡到不得了。交完報名表之後,我帶妹妹去STARBUCKS食早餐,一份早餐兩個分,仲可以飲我致愛的咖啡,真係好開心呀!

suklaic 發表在 痞客邦 PIXNET 留言(0) 人氣()

今日放工前已經俾一個外讀生激C我,放咗工後仲要去買餸,買麵包,買卓希的茶點。返到屋企都成七點半,我攰到好想唔做嘢啦!

點知老公一聽到之後,唔安慰不得只,仲話係因為我夜訓,個人先係咁攰。今次真係忍唔住,有無攪錯呀,乜都懶我夜訓。我都唔係真係好夜呀,十一點已經預備上床,預備好哂所有返工的嘢後,十一時半就可以訓覺。真係今次同佢吵過,都唔理人哋辛苦,又要照顧屋企,又要返工,仲要放左工之後去買屋企的日用品同食物,呻兩句有錯咩?好唔公平,我個份就唔係工,佢嗰份就係重要的工作,我仲要照顧屋企,仲要記住幾時幫個女申請讀書,幾時要幫個仔做乜嘢做乜嘢。唉!屈住屈住好辛苦!

suklaic 發表在 痞客邦 PIXNET 留言(0) 人氣()

星期五見完個校友之後,我就係咁打電話俾佢以前班同學,佢哋真係好,由昨天到今天,都不停咁有舊同學去睇佢,但係佢的反應無星期五咁好,佢隻手唔係好肯俾反應人。唉!天父,多謝祢安排依班同學認識,就像他們所說,雖然有好多次都吵架,但係其實大家都好團結的。今日我再陪佢哋一齊去(因為一開始返工的話,我就無時間),大家一起唱詩歌,又一起回憶以往的一切,笑聲與淚水充滿了整個病房!

感謝天父,讓我們能彼些認識!

suklaic 發表在 痞客邦 PIXNET 留言(0) 人氣()

是日中秋節, 我哋無街去, 係屋企都玩吓, 訓吓, 休息吓! 其實我有好多嘢要出去買, 但係都無動力做嘢, 休息吓啦!

晚上mormor同morfar嚟我哋屋企食飯, me 姐姐今日放假, 就由我一手包辦, easy job, 半小時就整咗四個餸同一個湯.

食完飯之後, 我哋就同mormor morfar去咗信義宗神學院到賞月, 真係好好玩, 初初得我哋一家人, 係成個大廣場到玩, 後來都有另一個家庭的上咗嚟, 但係大家都玩得好開心!

page.jpg 

page2.jpg 

suklaic 發表在 痞客邦 PIXNET 留言(0) 人氣()

今日的情緒真係大起大落!

一早, 我便約了光龍及禮賢會牧師, 到黃大仙的聖母醫院探一個校友, 五年無見, 一見便是在病床上. 她, 還已不能開眼睛望我們, 也不會講說話, 只能用手的力度來回答我們的問題. 眼淚不停的落下, 傷心的和她說話. 但感謝天父, 就是因為她的手有反應, 牧師可以問她有關認信的問題, 今天便可以在病床上受洗, 歸入教會. 天父啊, 求祢讓她不要太辛苦, 給她見過所有以往的同學們後, 平平安安的回到祢身邊. 也為她的媽媽祈禱, 真的看到天父的種籽已落在她的心裏, 希望有一天她也能回到你的愛之下.

黃昏時, 返完工之後, 就同卓希返去禮賢會到玩. 今次真係好, 禮賢幼稚園真係直得讚, 中秋慶祝會係黃昏至間上, 令到我哋依d要返工的父母都可以一齊玩, 今日好開心.

page4.jpg 做太空人及整望遠鏡

page5.jpg 睇月餅的故事

page6.jpg 玩豆袋

page7.jpg 和好朋友分享

page8.jpg 禮賢留影

晚上去咗西環到食飯, 雖然當中有d驚險嘢, 但係大家都好開心, 老豆, 生日快樂!(部相機留咗係車到, 所以無影到相添!)

suklaic 發表在 痞客邦 PIXNET 留言(0) 人氣()

知道結果後,成個人RELEASE哂,感謝天父,深信這是最好的決定!

今早睇完少少閱兵後,就約咗MORMOR同MORFAR去行山,好開心!

page.jpg 

page2.jpg 

page3.jpg 

suklaic 發表在 痞客邦 PIXNET 留言(0) 人氣()