目前日期文章:200911 (20)

瀏覽方式: 標題列表 簡短摘要

之前因為肩頸痛,返工已經係咁做,返到屋企唔想做,所以一直以來都無時間及機會UPLOAD新貨,今晚有時間啦!(因為睇完宮心計囉!HAHAHA!)

suklaic 發表在 痞客邦 PIXNET 留言(0) 人氣()

我昨晚都無訓過,因為卓希的啖聲好可怕,又嘔過幾次,所以到凌晨三點佢的呼吸聲平靜咗後,我先SLEEP一SLEEP,每小時就醒一醒睇佢,所以今早起身,成身散哂!

第一將臨期,卓希發燒,無得去葵興參加聯合崇拜。咁,只好在家佈置聖誕裝飾,預備迎接聖誕節的心!

page.jpg 

page2.jpg 

page3.jpg 

page4.jpg 

page5.jpg 

卓希下午退過燒,但係到黃昏又再燒過,煩C我啦!

suklaic 發表在 痞客邦 PIXNET 留言(0) 人氣()

今日我自己帶著卓希去畫班,然後回合姐姐及妹妹,去沙田屋企。約MORMOR同MORFAR飲茶,然後到沙田屋企等聶牧師,仲一大班人去行山!

page.jpg  

page2.jpg 

page3.jpg 

page4.jpg 

page5.jpg 

點知!一返到屋企,卓希訓咗之後,我就發現佢發燒,唉!明天仲有聯合崇拜,咁的話,又會無得去,老公一定唔放我哋去的!超煩!

suklaic 發表在 痞客邦 PIXNET 留言(0) 人氣()

今日放工,我就係趕著返屋企,換衫,油灰水,然後帶小朋友嚟依到!

一切都係以簡單為主,感謝天父,讓我有這樣好的父母!

page.jpg 

page2.jpg

page3.jpg

page4.jpg

 

suklaic 發表在 痞客邦 PIXNET 留言(0) 人氣()

今日終於係午飯時間,飯都唔食的機會下,影咗部份學生作品的相片(當時只係維唔爾族)。跟著要著手佈置聖誕飾物,就請個同事影(蒙古帽),但係原來佢攞角度唔係好得,下次都係自己影算吧啦!

小三學生的作品

page.jpg 

page2.jpg 

page3.jpg 

 

小一、二學生的作品

page4.jpg 

展能組的作品

page5.jpg 

page6.jpg 

page7.jpg 

page8.jpg 

page9.jpg 

以上都係其中的一部份,因為有多時有學生無返學,咪未做得起,所以大家都要努力加油呀!

suklaic 發表在 痞客邦 PIXNET 留言(0) 人氣()

今日上美勞課,為咗趕制民族帽(蒙古及維吾爾族),係咁做係咁做係咁做!初初小一、二做起的帽我都已經覺得好靚!跟著前兩個星期展能組的帽開始成形時,我又覺得好靚。到今日小三班的帽完成90%時,真的覺得靚到不得了!唔係講笑,係真係好靚,不過又好忙,忙到我唔記得影相!

所以,我的級數依家可以由司珍升到尚宮啦,以後叫我做“周尚宮”,十隻手指頭都痛到入心,但係好有成功感,不過真係做咗好耐。之但係經過今次之後,我發現展能組又進步咗啦,90%的學生都可以穿到珠仔,連平時話:「珠仔呢?珠仔係邊到呀?我摸唔到D珠仔係邊到!」的同學仔都串穿咗好幾串珠仔。仲有平時成日少少嘢就話:「哎呀,好痛呀!」的同學仔,都串穿咗好多串,簡直令我另眼相看!

後記:今日我同任姑娘都分別係咁噴“力架”上D帽到,吸到我放學時喉嚨開始有D痛,希望唔好因為咁而自己開始病啦,立即返到屋企食咗粒止痛藥,但係都唔係好點!

suklaic 發表在 痞客邦 PIXNET 留言(0) 人氣()

今日下午上完堂,正在預備外出之時,老細又搵我,哦!原來係要我係佢放假時做嘢,得,得,得,盡力而為啦!

下午我提早走咗,唔係去咗玩,而係去買聖誕禮力,又係一年一度做苦力的時間。其實依家已經係好好多,以前我自己一個人買成二百份禮物,依家只係買一百份,但係我都搬到手無力!今日都未買哂,下星期要再嚟過!哎呀!手好痛!

suklaic 發表在 痞客邦 PIXNET 留言(0) 人氣()

page.jpg 

自從懷著小卓希後,由於成個人都水腫,手指也漲起來,連婚介也載不下。前陣子見吉媽試載婚介,我也很想試一試,只是苦無記憶要拿出來。今天返工前,突然記起這重大的任務,就試載,一載就.......................得咗!

suklaic 發表在 痞客邦 PIXNET 留言(0) 人氣()

今日要先等卓希學畫畫,然後就一齊出發去中環,事關兩個小朋友都要打流感針,婷婷仲要打埋歲半針。等得嚟都成兩點先係趙醫生到走,求其係中環食嘢,諗住係普普通通的翠華食算吧,點知一座下都唔知食乜嘢好,因為原來中環競爭大,連茶餐廳都花樣百出。我選咗冬陰公的米線,嘩!好好味!

跟著就係我哋今日的目的,香港動植物公園!

  page.jpg

page2.jpg 

page3.jpg 

page4.jpg 

page5.jpg 

page6.jpg 

 

suklaic 發表在 痞客邦 PIXNET 留言(0) 人氣()

今日我返返吓工時,MORMOR打電話嚟,話好想見,咁就去沙田屋企!之但係逢星期五老公都會楂車,佢個衰人一定唔會特登楂車出番嚟九龍接我哋,我就只好發揮我的小宇宙,放咗工之後,鞋都無除到,就帶著兩個小朋友同姐姐,係觀塘道搭巴士去沙田!

IMG_6917.JPG 

IMG_6918.JPG 

睇兩個小朋友幾迷茫,真係好攪笑!去到大圍火車站,我決定同佢哋行去沙田屋企,因為佢哋係屋企成日,都無點運動過。連妹妹都乖乖的自己行,都有好長的時間,真係可愛極!

後記:我仲係嬲緊個大細超的老公!

suklaic 發表在 痞客邦 PIXNET 留言(0) 人氣()

我的肩膀痛咗多過兩個星期,朝朝早一起身,條頸連肩膀就痛到眼淚水都出埋,要隔一陣先好少少。上星期六開始日日頭痛,咁就頭痛藥,敏感藥日日咁伴我走,走到我口都苦埋!

但係今日要開始返工,昨晚便唔食敏感藥,嘩!今早一起身,肩膀同頸痛到我不得了,再係咁,我又要睇醫生,但係我唔想,因為除咗一開學的H1N1連累到我,及要覆診的話,其餘的時間我都好乖乖咁無請到假,我唔想又開始痛及請假!

今日做做做,做到無停手,週會、開會、備課、上美勞課X2、LUNCH開會、上宗教課X3、開會,到我真係可以返自己個位坐底時,都已經係五時正,當時我就發現自己隻腳好痛,返到屋企一睇,原來雙腳行到起咗兩個水泡,好痛呀!依對鞋已經著過好多次,也是我最舒服的其中一雙鞋,咁都會行到起水泡,可想言之係無時停!跟著晚禱時仲要帶著熙X同埋雅X行圈,因為學生輔導組給我的任務就係唔好俾佢哋咁早係晚禱到訓,要令到佢哋唔好訓的話,晚上就可以訓得到,咁我晚晚的晚禱就要同佢哋兩個一齊行圈,D腳趾攰到我麻俾咗!唉!

suklaic 發表在 痞客邦 PIXNET 留言(0) 人氣()

  • Nov 15 Sun 2009 23:16
  • 大戰

今日我睇住姐姐攞冬天衣出嚟,氣到我火C咁!姐姐真係唔識乜嘢為之循序漸進,一次過鋪哂所有夏天、秋天及冬天的衣服出嚟,完全無STEP BY STEP。我只好自己動手做,由下午四時正,做到晚上十時半左右(中間去咗食飯),唉!依個姐姐真係唔識執嘢,每次都要我跟手尾,今晚連老公都話佢做嘢唔諗吓,激C人啦!

天氣轉涼,又係時候拎番個豆漿機出嚟,今晚我又整咗芝麻糊,好好味!明天又開始整豆漿啦!

suklaic 發表在 痞客邦 PIXNET 留言(0) 人氣()

一轉天氣,我個鼻又受罪!昨晚係咁流鼻水,連續食咗兩粒PIRTON,陪訓時連自己都訓咗,所以到今早為止,我訓咗十二小時,真係勁!

天氣冷,最好的活動就係打邊爐,我哋邊打時,個身體開始慢慢暖番哂!

suklaic 發表在 痞客邦 PIXNET 留言(0) 人氣()

今日係心光學校旅行,我係同中一去,但係感覺就係做咗一日晨運客,原來係去行晨運的地方,真係離譜。學校的旅行應該係去一D學生少去同埋有得玩的地方,但係班中一生就悶C咗佢哋啦!

page.jpg 

D學生悶到C,只好做做晨運客,但真係好哂同好熱。有一個弱視的女學生,我教咗佢點樣影相之後,佢唯一的活動就係影相,所以除咗我自己影嗰D之外,佢哋影咗好多!

page2.jpg 

page3.jpg 

page4.jpg 

依D全部都係我自己影的,之後就過佢手俾佢影啦!

page5.jpg 

page6.jpg 

 

回到家真好!

晚上我哋又一家出動去德福食飯,德福今期聖誕主題係BEAR,好多好靚的熊仔,最得意的全是結婚熊!

page7.jpg 

page8.jpg 

suklaic 發表在 痞客邦 PIXNET 留言(0) 人氣()

這是我第三頂傑作!全部用珠仔一粒一粒hand made的!

page2.jpg 

suklaic 發表在 痞客邦 PIXNET 留言(0) 人氣()

今晚好開心,以前係禮賢小學的校長嚟我哋屋企食飯,我諗到無邊個讀書讀到好似我咁,父母同校長係好朋友。為何會係好朋友?因為校長的丈夫係牧師,而且當時我好頂皮,爸媽就攪我唔點,只好請校長同我傾計,睇睇我的需要。點知,咁就做咗朋友,而且今晚我仲送咗份禮物給他們,禮賢五十週年的紀念冊!

IMG_6909.JPG 

suklaic 發表在 痞客邦 PIXNET 留言(0) 人氣()

依幾日心光測驗週,唔使好似平時咁趕住上唔同的堂,不過下午要負責展能的美勞堂,正好用這段時間預備十二月的中華文化週活動所用的帽子。

這幾天,覺得自己好似做咗尚宮局的人,係咁整整整,先整好兩頂帽。好彩班展能同學係手指運用方面有進步,依兩日係咁班兩位女同學的蒙古帽串珠仔。唔記得影相,等我明天返心光影下先!

我自己真係好鐘意做依D美勞,最衰就係自己係完美主意者,求其的話過唔到自己個關,所以又出錢又出力,係咁自己試試試。試咗邊個方法好的話,就可以教班學生,所以今日係美勞室備課咗成個幾小時,但係好開心!

我一定會影相,然後POST上嚟,因為會好容易散的!

page.jpg 

page3.jpg 

suklaic 發表在 痞客邦 PIXNET 留言(0) 人氣()

今日係兩年一次的飛行服務隊開放日!

好多謝TAMMY,佢俾咗兩張票我!今次係第二次去,上一次係兩年前,當時妹妹在肚內,TUN姐姐仲有去,但係相比起好玩的程度,係兩年前好玩D!

其實我都唔知幾時有票派,每次都係D媽媽們讓給我,如果係BK都開一個TOPIC有關依個活動的話,就會有好多人嚟問你要唔要票,不過要你的錢!(兩次我都係唔使錢的!)

page.jpg 

page2.jpg 

page3.jpg 

page4.jpg 

suklaic 發表在 痞客邦 PIXNET 留言(0) 人氣()

由未有卓希就已經報咗名的BU學土課程,今日終於完滿結束!完成咗成期五年半的讀書生涯,畢到業都鬆一口氣!

今日望到自己個名係畢業禮的程序到,見到自己的名後面的成績,立即有一個想法:「我唔係一個讀書的料子!」因為,自問理解力由細到大都無其他人咁強,另外,文字上的表逹能力又不及別人,真的有感而發!我讀咗BU咁多年,都無時間去佢大學的圖書館到借過書,以前係HKIED到讀,都借過好多次書,所以有幾科都拿到A,但係到喺BU到讀時,都只係上網係巿政局圖書館到訂書,什飯時去香港仔到拿!(自認為係最快的方法)而得出嚟的成績同係HKIED到真的差天共地。以前老公成日安慰我,話係HKIED到讀時我未有小朋友,又有好多私人時間,但係由一開始係BU時,就已經注定我係無時間。因為當時仲係芳EE日頭湊卓希,晚上我哋自己湊番,我個仔又唔係易湊過人,半歲開始後每晚都會哭很多次,嗰段時間我連楂車都會訓得著!

識咗老公咁多年,佢第一次買咁多花給我!好開心,仲有MORMOR同MORFAR嚟我的畢業典禮,成為席上客,老公就帶著兩個小朋友係出面到等我,好開心,開心係一家人很齊心,連兩個小朋友都無扭計,全程好合作咁一齊參與!

IMG_6831.JPG 

page2.jpg 

page3.jpg 

page4.jpg 

page5.jpg 

suklaic 發表在 痞客邦 PIXNET 留言(1) 人氣()

踏入十一月,真的很忙,忙到雙肩都很痛,晚晚要請姐姐幫忙,否則不能入睡。所以每天到要寫BLOG的時候,總是提不起雙手打字,只好給自己時間休休息!

為學校中華文化週預備的維吾爾族的帽子完成了,但雙手的手指頭變黑,因為太長的時間沒有拿起針線做花紋,但今次做得很開心!有時間等我影吓相再UP上嚟先!

晚上約了卓希同學仔的媽媽們外出用饍,由一開始便笑笑笑,笑到十點走為止,回到家時失咗聲!真係好開心,卓希能有依班同學們,真的要感謝天父,無論日後會否一起升小學,大家都有一個開心學習的時間!

suklaic 發表在 痞客邦 PIXNET 留言(0) 人氣()