目前日期文章:200912 (26)

瀏覽方式: 標題列表 簡短摘要

新年快樂!

咁又到2010年,我哋一家人無出到去,只係屋企攪個小型大食會,全都係卓希同我諗的食物,好好味!

page.jpg 

page2.jpg 

suklaic 發表在 痞客邦 PIXNET 留言(0) 人氣()

我要大大聲咁講:「終於出哂卷啦!」都唔係好明白,間間學校都係放假前考哂試,但係我哋年年都係放假之後,攪到年年的假期都係到做做做,做到無停手!

我要好好咁睡一覺,放心咁做其他嘢!

suklaic 發表在 痞客邦 PIXNET 留言(0) 人氣()

是日我哋返柴灣,去探細叔公,當然又去食嘢啦!

跟著就一家人去咗行水塘,好開心!卓希係咁照顧妹妹,而妹妹去到後期行到攰,居然連哥哥都唔放過,要哥哥抱,超攪笑!

page.jpg 

page2.jpg 

page3.jpg 

suklaic 發表在 痞客邦 PIXNET 留言(0) 人氣()

今日同卓希傾計,問佢想去邊到玩,本想約佢的同學仔或朋友仔出嚟玩,點知個個都係明天離開香港,去第二度玩,我哋只好自己找節目!

不過,傾咗一陣,都係無結果,都係順期自然啦!

suklaic 發表在 痞客邦 PIXNET 留言(1) 人氣()

MORMOR打電話嚟,話想見,又話想我哋去探MORFAR的工作地方,咁好啦!向信義宗神學院出發!GO!

page.jpg 

page2.jpg 

然後仲去埋道風山叢林嗰邊,向十字架走去!

 page3.jpg

page4.jpg 

page5.jpg 

suklaic 發表在 痞客邦 PIXNET 留言(0) 人氣()

  • Dec 25 Fri 2009 23:08
  • 婚禮

今日係聖誕日,又係老公的學生的結婚好日子,見到一對新人咁開心,就真係替佢哋開心。另一個開心事情就係,我咁多年都係做背後的女人,今次都係第一次老公帶埋我哋去見佢的同事及學生,所以都要好好咁打扮,今日仲好有心機咁化妝!

卓希仲唔小心,跌親時,被玻璃整到隻腳,好彩有彭護士係到咋!仲有可以食雪糕,妹妹又點會放過咁的機會,一於一齊食,不過兩個都係咳緊的!唉!鬼叫佢整親咩!

page.jpg 

suklaic 發表在 痞客邦 PIXNET 留言(0) 人氣()

今日係假期的第一日,又係平安夜。早上老公一早同同事去打波,我同兩個小朋友落樓去踏單車,然後下午到我出動,去做FACIAL,嘩!好耐無做,真係超舒服!

晚上我哋就去咗MORMOR同MORFAR的屋企,當然有一年一度的聖誕大餐,唔知係咪細路無時間,今年的食物好似有少少失色咗咁!成晚最開心的,就一定係楊卓希啦,佢係咁等分禮物,拆開佢心愛的超人客機,仲做埋聖誕老仔添!

page.jpg 

page2.jpg 

page3.jpg 

suklaic 發表在 痞客邦 PIXNET 留言(0) 人氣()

今日返心光,都係玩玩同食食,不過我都有做建樹的嘢!

心光聖誕班會聯歡會,唔知係咪人老咗呢?無以前個種動力去個個班房到行及睇,我大多數時間都係停留係三樓,一小段時間係四樓。又或者,我的嘴角損咗,無心機食嘢,所以咪唔想週圍走!本來午飯我係諗住出去食,但係見到剩咁多嘢食時,就同班助教掃光佢,都係盡量食,因為我嘴角痛!

另一樣開心的事情,就係帶咗對仔女返學,由得佢哋係我身邊玩,佢哋有佢哋玩,我有我做嘢!下午我哋仲去咗安老院到慶祝,很開心,D婆婆見到小朋友都好開心咁療佢哋玩同傾計!但係我點都做唔哂今日的TARGET,因為我都想起碼出一份卷,但係真的無心機,放過自己吧!

放工後,老公嚟咗接我哋,我哋一齊上咗山頂到走走走,吸吸新鮮空氣!

page.jpg 

page2.jpg 

page3.jpg 

suklaic 發表在 痞客邦 PIXNET 留言(1) 人氣()

今日我返八點,但係由八點到下午四點,我D腳都無停過,做到人癲,所以我好怕聖誕節,因為好似自己有時會失去聖誕的真正意義!

不過今天很開心,因為一切都很順利,銀姐話我係完美主意者,係咁做做做,改改改,不過大家都合作得好愉快!YEAH!

今年我自己親自帶咗部CANON 500D返去,因為都係覺得學校部450D影得D顏色唔係好靚,而且我指定要某個IT同事影,所以今年D相應該可以放多D去年報到啦!

雖然恩望同學們嚟唔到,但係崇拜都好有氣氛,我知道天父的聖靈在當中有工作,自己要記著責任只是撒種,收割的是天父!

page.jpg 

page3.jpg 

page2.jpg 

我最最開心的,是今年由學生負責全程錄影及影相的角色,之前去禮賢會的感恩崇拜,已經被他們的教導與學生參與的氣氛所感動,原來我們學校的學生也是可以做到的!這正正是我想心光邁向的目標,多訓練學生自立,及對自己有自信地去學習一技之長!感謝天父!

suklaic 發表在 痞客邦 PIXNET 留言(0) 人氣()

由一放工開始,我就下定決心,今晚一定要早訓,所以我依家就寫日記,然後一陣陪訓時就訓埋佢!

今晚第四將臨期慶祝會,係我係心光十幾年工作以嚟第一次咁少人,都唔夠二十人係心光!唉!無法啦,有人唔依規則做嘢,都唔去睇吓有無其他活動先,就答應咗海洋公園去唱歌,如果係以前兩個德國sisters係到的話,一定唔會俾學生外出!

好,準時八時半就預備上床,我要大訓特訓!

suklaic 發表在 痞客邦 PIXNET 留言(0) 人氣()

唉!終於有一晚可以係屋企啦!要慢慢坐下來,寫寫依幾日的日記先!

今日教會聯歡會,我哋都留咗一陣就走,因為妹妹坐係到都訓著咗,我又好攰,不過卓希唔捨得走,下次等我身體好d先啦!

page2.jpg 

suklaic 發表在 痞客邦 PIXNET 留言(0) 人氣()

原本諗住今日可以好好咁懶床,因為代表心光去食飯都係晚上,點知真係人算不如天算!

全家都醒哂,我點都要懶床,就算妹妹係咁癡住我,我都唔理佢住,因為真係無力,好攰,而且食咗止暈藥好眼訓的。點知,一早我的手提就响,我第一句便問:「依家幾點鐘?」因為我猜是徐先生、太太找我,但原來係艷嫦找我,話我知:「凌姑娘病咗!佢喉嚨痛!」唉!佢咁講嘢法,我都叫佢小心自己,終於都出事!本來兩位SISTERS係同徐先生、太太參加視福包團的香港一天遊,但現在不可以了。不過又要退房,又要看醫生,怎辦呢?我話嚟我屋企,我帶佢去睇醫生,10到樓下接佢哋。跟著打給視福主任,告知我會照顧凌姑娘,因為她真的不可以再在酒店,她是不可能休息的!

怎知,當我正在換衣服時,艷嫦致電給我,話視福會安排,房間可以四時才退房。但我表示,我不放心,她自己一個人在酒店房,而且S.RENATA話過試過有幾次凌姑娘就這樣的走咗出房間,所以萬萬不可以。更何況,每個校友都知她住在YMCA,突然又會有人探她的,所以,我打給視福主任, 以有生以來的肯定及照顧著的身份(其實我只是負責徐先生、太太的),要凌姑娘到我的家,不讓其他人找到她!

十時十分,我到逹酒店時,開房門的,居然是校友(共三位),所以她怎樣可以休息呢?先幫她去CHECK OUT,跟著車她回到我的家,在樓下看洪醫生。真的感謝天父,不是傷風感冒,而是講得太多說話,及鼻敏感鼻水倒流,令到成個喉嚨都腫哂,醫生話要STOP TALKING,真的難啦!只得我和她時,她把所想的都講出來,真的無時停!

回到我的家,因姐姐要放假,我便要做飯,很簡單的粟米肉粒飯。嘩!咁多天以來,我第一次見到凌姑娘添飯!可以是可以靜靜的坐下來食,所以覺得特別好味!飯後,安排了她去睡覺,卓希去學畫畫,我和妹妹在家玩一會兒後,便齊齊休息,全屋人都訓哂!凌姑娘訓咗成兩小時,不是我叫她起來預備及飲咖啡的話,她是可以繼續訓的!

終於到晚宴的地方,食得不多,因為九時又要出發,送兩位SISTERS到機場。其實本來不是我做的,只是我不忍視福中心的安排,便說我照顧埋他們吧,十一時多,我才從機場回家,到家時又是十二時,食完嘢,訓得嚟又係二時,唉!好攰呀!

頭暈情況還是一樣,沒有特別的進展,老公話也許是我沒有好好的休息,我只覺左面頭很不通!再是這樣,星期三食完哂D藥後,便要去看多次醫生!

suklaic 發表在 痞客邦 PIXNET 留言(0) 人氣()

嘩!依日超辛苦!先先,本應返12點的我,未夠11點就已經返到心光,帶兩位客人坐校車到中環的天星碼頭,坐船到尖沙咀去和凌姑娘她們會合。為了不用四位老人家行太多,近近的到星光行飲茶。飲茶期間,我要和他們討論下一步要怎樣做時,真的差一點吵大架!凌姑娘的記性很差,聲音開始太勞損,我真的要貼身照顧著她,但她不想外出,要返房打電話,又不准我們陪她返酒店,後來我騙她說不是陪,是我們都要經過時,她才GIVE UP!

帶了凌姑娘回酒店,我便帶S.RENATA及徐先生、太太去RICKY LAU,去幫母親會買賣物會要用的物品,及每親會給每位SISTERS的聖誕禮物。跟著便要帶徐先生、太太去買衣服,因為他們想不到香港這麼冷,所帶的不夠暖!不單只買衣服,我還要帶他們行一遍S.ANDREWS CHURCH,因為他們星期天要到那裏有普通話崇拜,要教他們怎樣找!

由於兩位SISTERS要換回出席大場合的黑色制服,故要回酒店,一來會合凌姑娘,二來換衣服,三來可以給徐先生、太太休息一下,他們不景都已是老人家了!

我和艷嫦說五時要出發,但五時十分才可以走動,真的如我所猜,六時才到逹大會堂。失察地,沒有打電話到大會堂的美心酒樓,原來給別人全包了場,那只好到美心西餐廳!連在西餐廳也遇到很多相熟的人,怎叫凌姑娘不失聲呢?又令我膽心了,給她金桑子,她說不是喉嚨痛,不用,但我說那是可以開聲的,她便說,口有一粒糖而和別人傾計,那是不禮貌的!好,我由得她,那是她的選擇!

音樂會開始了,也許我太疲倦,不是太投入,而且還坐在S.RENATA後面,要全程的翻譯,很疲憊!一開始是心光的學生,其實他們可以唱得更好的,要好好的培養!

終於都完了,我不放心就這樣放下他們,依個視福主任,連理都唔理佢哋,我只好又係等一輪,之後拉凌姑娘走。先安排徐先生、太太坐的士,然後和凌姑娘他們坐船到尖沙咀,再走過去酒店。到我真的可以返屋企時,連等咗半小時都無一輪的士,只好行去搭13X,返到屋企半夜十二時半,仲要食嘢呢!訓得嚟都成一點多!散哂!

suklaic 發表在 痞客邦 PIXNET 留言(0) 人氣()

今早,頭暈的情況日潮嚴重,不得不在早上去樓下的洪醫生到睇佢,佢話我耳水不平行,大多數人都是在感冒前後便會這樣,要多些休息就會好,醫生給了三天假,但放得嗎?NO,因為有很多事情要我去做!

跟著便去YMCA接凌姑娘及S. RENATA,唉,佢真係一刻都無停過,連食早餐都有校友同佢食!接咗佢哋之後,就好快咁返到心光,當然就係凌姑娘週圍去見人啦!

不過最重要的是見從北京嚟的徐先生及太太,金鈅匙的創辦人,我安排咗大多數的部門主管及PROF DUGGAN共進午餐!

page.jpg 

依間五餅二魚都幾好味,只不過到我食時,食物都涼了很多,要下次唔使我做時再慢慢嘆!

下午便是帶她們四處參觀,然後凌姑娘在晚禱分享。再安排福音事工部同事和四位客人共進晚餐,跟著合團的聖誕聯歡會,大家都很開心!

九時多,我便拉著凌姑娘走人,要不的話,她是不會走的,只會碟碟不休的和別人說話!

suklaic 發表在 痞客邦 PIXNET 留言(0) 人氣()

就因為凌姑娘從德國回來了,所以校友們攪了個晚宴在YMCA,也有請我,不過我通常都是自己給錢的,因為校友會只是在初步階段,所以我樣樣嘢都是自己給錢的。

是晚見到好多校友,不過由於我的頭很暈,所以很早,八時多便回家,要休息一吓,因明天還有很大的事情要做!

suklaic 發表在 痞客邦 PIXNET 留言(0) 人氣()

  • Dec 15 Tue 2009 23:10
  • 興趣

工作真的好忙,但係晚上返到屋企,都係忍唔住要攪下自己的生意,真的好好玩!

 

近期仲學人玩吓賣斗篷,又真係有很多人有興趣,已經賣咗一件啦!

我的拍賣網址:http://hk.store.auctions.yahoo.com/hk/suklaic

suklaic 發表在 痞客邦 PIXNET 留言(0) 人氣()

  • Dec 12 Sat 2009 22:54
  • 晚飯

本來我的好弟弟話要去旅行,點知又唔係,不過昨天已約了今晚食飯,哈!爸爸又咁鬼馬咁BOOK咗枱係西貢,好少何!

page2.jpg 

suklaic 發表在 痞客邦 PIXNET 留言(0) 人氣()

之前辛苦做的美勞作品,今日終於大派用場,見到班學生載得咁靚,真係開心!

page.jpg 

suklaic 發表在 痞客邦 PIXNET 留言(0) 人氣()

聖誕我真的超忙,老公話我好似賣咗身俾心光,唉!我都唔想,得我一個人做!

suklaic 發表在 痞客邦 PIXNET 留言(0) 人氣()

今日係老公生日,原本訂咗枱去食自助餐,點知卓希咁的款,只好留係屋企啦!

page.jpg 

今日打電話回校幫卓希告假時,黃老師提到要整蝴蝶,仲係要著上身個隻,難度好高!

page.jpg

suklaic 發表在 痞客邦 PIXNET 留言(0) 人氣()

1 2