目前日期文章:201003 (17)

瀏覽方式: 標題列表 簡短摘要

今日青年恩福團去旅行,一早起身以為天氣唔好,會落雨,點知係新界就不知幾好天,太陽都出埋嚟!今日仲有好多草苺,依班學生食量真係勁,食足四小時的BBQ!

仲有呀,今次真係難找義工,因為係平日,所以我問准咗院長、副校、IT負責人,請咗幾個同事嚟幫手,好彩有佢哋咋,如果唔係我都唔使旨意有得食嘢!

page.jpg 

page2.jpg 

page3.jpg 

page4.jpg 

page5.jpg 

suklaic 發表在 痞客邦 PIXNET 留言(0) 人氣()

經過兩日好操勞的職員培訓日,我都散得七七八八,但係仲未放得假住,仲要帶埋團契仔去旅行,先可以放下心頭大石!

今日下午去咗天主教的:伯大尼修院,我一早聽講嗰到好靚,仲有以前嶺南的學生年尾會係嗰到結婚,所以重到不得了的單反相機點都要拎,如果俾多少少時間同空間我,相信D相會更靚!

 page.jpg

page2.jpg 

page3.jpg 

page4.jpg 

page5.jpg 

page6.jpg 

suklaic 發表在 痞客邦 PIXNET 留言(0) 人氣()

話說所有怪獸都只係去日本,自從睇完超人之後,我屋企一家大細都係超人同怪獸!所以咪係變咗做日本囉!

婷婷同卓希一樣,都係頑皮到不得了!

 

 

suklaic 發表在 痞客邦 PIXNET 留言(0) 人氣()

卓希學校一年一度的親子旅行,又係皇朝旅行社包辦!


嶺南之風→青衣IVE午飯→綿上路跳虱巿場→綿田鄉村俱樂部

page.jpg 

page2.jpg 

page3.jpg 

page4.jpg 

suklaic 發表在 痞客邦 PIXNET 留言(0) 人氣()

攰到我C!返到屋企全無反應!

一早返工就手腳都未停過,上堂上堂又上堂。

午餐得十五分鐘倒個飯盒落個胃到,然後又要開交流會。

跟著上堂上堂又上堂,一放哂學後就去家政室幫學生會整蜜汁雞翼義賣,班衰仔攞哂D雞翼後得我一個人係到洗洗洗。到收拾好哂所有嘢之後,就到晚禱。攰到我跟本唔想郁,晚禱後先係今日第一次坐係自己個位到,真係人都癲。

好啦!諗住放學後去醫院探人,點知差唔多到醫院時,就收到SMS話轉咗醫院,返到屋企,真係虛脫。無同對仔女玩,只係坐埋一邊睇住佢哋玩,連阿仔的功課都係老公攪點,我好攰呀!

suklaic 發表在 痞客邦 PIXNET 留言(0) 人氣()

周主任:唔該你尊重吓人!

以上的說話,係出自一個家長。話說逢星期一,我會忙到不得了,更何況今個星期是「福音週」,下午要帶一班中學生外出。

問題來了,前個星期的週未已經發了通知,說今天下午會外出。但今早週會時,才突然有一位老師告知,有一位家長要求今天的活動後,在地鐵站接回子女。然後要我立即CALL他,早會一完後,我已第一時間CALL給他,但是留言信箱,咁我便只好留言,說沒有人手而且回校後還未到放學時間。然後,要和福音事工部的同事祈禱、分享,然後就做一堂文件後,又要上堂。上完堂後,只得十五分鐘食飯時間,因要帶隊外出,有半盒飯沒有時間食,只好又向外出去!這樣的時間表,可想言之我真的沒空!

但係當我係參觀的地方時,急CALL就嚟啦,一請學校的同事告知當時的情況,但一定要我覆。好啦!咁我覆時,便得到很不禮貌的回覆,直指我不尊重他人,沒有覆電話,打了很多次也找不到我!我不是在心光接電話的,我是有自己的工作要做,又要上堂,然後佢就話:「周主任:唔該你尊重吓人!」

如果不是在他人的地方,我一定會好好的教訓他,自己身為家長,何以會這麼不禮貌?要是我真的給你的子女在那裏離隊,我真的會失職,因為三時從那裏走,回到校最多也是三時四十五分,還未到放學的時間。

真的,為何這兩個星期都是這樣,要盡職責,是那麼困難的啊!

suklaic 發表在 痞客邦 PIXNET 留言(0) 人氣()

近日天氣轉嚟轉去,我哋一家四口敏感症又發作,鼻水長期流,我依兩三日塊面又紅紅地,仲腫到一舊舊。最慘就係兩個細路,係咁鼻水倒流,婷婷妹妹昨天開始咳咳哋,昨晚就哮喘病發作,真係慘,見到佢喘得咁辛苦,我真係寧願辛苦嗰個係我!

好彩,我哋之前拎定D藥放係屋企,所以可以用住先,但係成晚見到妹妹呼吸咁辛苦,真係慘,正考慮會唔會買醫生以前教用的噴霧式的藥機。但係如果有一段時間唔使用的話,又會浪費金錢,但係要用的時候,妹妹又會舒服D!唉!點算好呢?

suklaic 發表在 痞客邦 PIXNET 留言(0) 人氣()

老公又返工,我同姐姐帶著兩個小朋友,晨咁早就去維園,實得與花晨運也!

我哋一早九時四十五分到,花展個邊已經好多人,但係兒童遊戲區就無乜人,我哋都唔使排隊就已經可以係咁玩!好開心!

page.jpg 

page2.jpg 

兩個小朋友係兒童區玩咗好多唔同的遊戲,仲換到禮物,違禁品:朱古力!

page3.jpg 

page4.jpg 

當然唔少得我自己影相,但係見到其他人的相機與鏡頭,都係唔敢拎部相機出嚟,所以作品唔多!

依個花圃好靚,但係就週圍都係人同影相的腳架,我哋只好站高少少先可以影到,當時影的時候係抱住影相可以將佢哋聯在一起,居然真的做到!

page5.jpg 

花展的工作人員剛淋了花,所以所有花都有水珠,很美,如果有太陽的話,便更美!

page6.jpg 

其實工人姐姐今日放假,佢見得我一個人帶兩個,就話幫我多一陣,所以由花展去旺角卓希的畫班時,就係得我一個人,卓希大個啦,好多時佢都會識得跟著,不過最辛苦係週圍都係樓梯,我要連妹帶車仔咁枱上又枱落!

點知,到晚上妹妹病咗!又哮喘病發作,攪到我一頭煙!

suklaic 發表在 痞客邦 PIXNET 留言(0) 人氣()

昨晚好夜先訓,因為要搵我細個時的相,卓希朋友仔的媽媽們成日讚妹妹,又話佢似鬼妹,又話唔知係咪係產房調轉咗,所以我要證明佢同我細個時好似樣,咪係咁搵!

原來我都無乜相,個時要影一張相都唔係咁容易!

POST咗上FACEBOOK,有D朋友就話似,但係我個多口妹就話一D都唔似,因為我光頭的!哈!

page.jpg 

page2.jpg 

page3.jpg 

page4.jpg 

唉!我都知我無頭髮的啦!所以一直都唔POST出嚟,但係今次真係要講清楚,婷婷係我個女嚟的,就算真的調轉咗都唔會俾返人的!哈哈哈!

suklaic 發表在 痞客邦 PIXNET 留言(0) 人氣()

  • Mar 17 Wed 2010 22:06
  • 傷感

我成個星期都無寫BLOG,唔係我無嘢寫,係唔知點寫!都係因為工作上,得唔到理想的解決方法,個人好DOWN,成晚都係到開咗YOUTUBE唱詩歌!

兩個小朋友同我一齊,係咁唱唱唱!

 

 

 

我一路唱,眼淚不自覺地想喊!內心係唔開心,係有委屈,無人能明白。

suklaic 發表在 痞客邦 PIXNET 留言(0) 人氣()

今日早上老公要返工,唉!依家逢星期六佢都要返工,帶小朋友去興趣班的責任就落到我一個人身上,好攰呀!

我自己又一早要去睇醫生,因為近來經期好有問題,都係睇吓好D,趁妺妹的興趣班還未開始,就約TUN姐姐飲茶,都都係想見妹妹啫!

page.jpg 

跟著老公終於嚟接埸,舉家陪卓希去畫班,今次係到沙田文化博物館,看面譜,然後親手造!

page2.jpg 

page3.jpg 

page4.jpg 

page5.jpg 

完哂所有興趣班,都已經係五點啦!去M記醫肚之餘,MORFAR同MORMOR又嚟JOIN我哋,跟著就去咗沙田屋企。我居然攰到睇睇吓新閒,係沙化到托住個頭就咁訓著,唉!做週未媽媽真係唔容易,攰到我無哂力!

suklaic 發表在 痞客邦 PIXNET 留言(1) 人氣()

晚禱,可以話係我係心光重要的JOB DUTY,但係近兩年就發生好多事情。

由上星期開始,已經有同學話:「唔想去!」心光有成百多年歷史,而且仲係基督教學校,無理由你的一句:「唔想去!」就破壞哂!所以我成日都會巡樓,又會捉到人。由上兩個星期開始,尤其是係女仔,都會係個段時間去洗澡。邊個話視障學生好乖的?假的,係主流學校扮乖扮聽話,返到嚟心光就唔守規矩,話佢唔可以唔嚟晚禱就話自己可以有自由。當初選擇得寄宿,就知道其中一樣就係每晚五時十五分要去禮堂晚禱,要自由就返屋企,屋企就最自由。依家的學生簡直係打橫嚟講,一日係心光畢咗業出咗去主流學校後,又要係心光到繼續住就完全無哂規矩。簡直係令人氣憤,唔好煩我,全部返屋企住,我唔想日日黃昏時間同人吵過,無意思,令我失見證!

今晚開咗部電腦後,有校友告知,有學生係FACEBOOK到開咗個FORUM要反我,我一睇,咪又係個兩個!唉!GIVE ME A BREAK!仲係負責開嗰個今晚事件發生時不在現場,係咪好可笑!

 由得佢哋講,一笑置之!

 唔巡及捉佢哋的話(如果有其他學生負責而我行得開的話),係我的失職!巡及捉到佢哋的話,係對我的“衝激”!(激C嗰個激!)

 

我所愛的卓希 

今日卓希學校去咗動植物公園,我同佢預備五粒燒賣、兩條腸、三至四隻雞翼,仲有阿華田!今日真係好多謝恩霖媽的幫忙及“睇住”,卓希的書包仲可以用到,唔使洗又唔使報銷。工人姐姐話,卓希食哂所有嘢(除咗蛋糕之後),只剩下雞骨,笑C我啦!

suklaic 發表在 痞客邦 PIXNET 留言(0) 人氣()

卓希明天學校要去動植物公園, 為咗做專題研習要搜集資料, 但係明天係最凍, 真係怕佢凍親!

卓希同學仔的媽媽係fb到話要帶暖的嘢食, 吓, 無我係到, 佢點攪得點個暖壺?所以晚上臨訓前就嚟一個特訓, 要佢學識開同關暖壺及熱水樽, 我最怕佢倒哂的話, d汁係書包到, 咁就要報銷, 唉!為何每次佢學校有大型外出的function時都係凍凍凍?真係唔多明.

suklaic 發表在 痞客邦 PIXNET 留言(0) 人氣()

之前都未聽過「智樂」,一切都係豆媽介紹,原來有間咁的服務機構去幫一些住院的小朋友,教導他們從遊戲中刻服害怕住醫院,很有意思,所以決定一家大細出動啦!

為咗一班住係醫院的小朋友,天氣涼咗同落雨都要去愉景灣步行籌款,如果唔係落雨的話,一定會好好好好玩的!

page.jpg 

page2.jpg 

page3.jpg 

page4.jpg 

今日真係凍,好彩我預備咗D厚少少的衫俾兩個小朋友,但係妹妹D手都係凍,希望佢唔好病啦,不過我自己今日D鼻水係咁倒流,味道係苦的,希望無事啦,星期二要去覆鼻科!

suklaic 發表在 痞客邦 PIXNET 留言(0) 人氣()

 

suklaic 發表在 痞客邦 PIXNET 留言(0) 人氣()

本來,今日放工後心情真係麻麻地,唔係好想寫日記,但係依個係我唯一寫自己感受的地方,要忠於自己的感受!

為咗令學生們可以得到一個特別小小的宿營,但係就受咗好多氣。老公話,使乜理,如果上頭唔贊同,咁仲做得舒服添!

但係我唔係為咗舒唔舒服,而係想藉著宿營,令學生可以學到一D平時係學校學唔到的嘢,但係就打沉我,完全唔支持福音事工部,好DOWN!

我都有同自己講,唔好咁上心,但係真係好HURT!

suklaic 發表在 痞客邦 PIXNET 留言(0) 人氣()

天氣太濕啦!我哋十幾年前已經有一部抽濕機,但係隨咗間屋大咗,要乾的衫又多咗,部機都係咁有用,所以係老公反對的情況下都要睇睇邊隻好!

我的心水係16L,太大屋企無位放!

hitachi:RD1699L

 

 

panasonic:f-yhc12x

 
 
 

 

kdk:

 

suklaic 發表在 痞客邦 PIXNET 留言(0) 人氣()