目前日期文章:201011 (22)

瀏覽方式: 標題列表 簡短摘要
  • Nov 29 Mon 2010 23:09
  • 小氣

我要重新,我唔係小氣,係你哋好煩,成日將D小事化做大事,然後週圍唱!我無你哋咁得閒,我只係做返自己要做的事,一切都係為咗班學生,如果你覺得我太直而得罪人,咁算數,依個係我的缺點又係我的優點,我自己識得欣賞自己就夠了!請勿在背後再做搖生事,唔合作就由得佢,反正俾人話的係你哋,唔關我事!

suklaic 發表在 痞客邦 PIXNET 留言(0) 人氣()

今早返咗教會之後,車直接到尖沙咀,為咗要買份生日禮物給老公!

點知老公聽到我哋三個去尖沙咀玩,佢唔返教會,係屋企整埋份卷後,就供咗出嚟,等我仲要將份禮物放咗係卓希個書包到,唔好俾佢發現添!

哈!最攪笑係我晚上才發現,原來太過緊張及太過早買,佢係九號生日,唔係嚟緊的星期四,係再多一個的星期四,我太神經緊張啦!

我哋一家人係尖沙咀供咗成三個幾小時,仲去埋換領FORTRESS的$500元現金卷,跟著返屋企,我先有時間同工人姐姐去買餸,攪得所有嘢後,又要去坪石村食飯,好攰呀!

不過一家人開開心心咁自己去玩,唔使帶埋工人姐姐真開心,小朋友開始大啦,唔使再拖埋個姐姐,真好!

suklaic 發表在 痞客邦 PIXNET 留言(0) 人氣()

今日係婷婷妹妹學校的親子旅行,以前卓希讀時我哋無參加,因為當時忙著幫卓希INTERVIEW,今次本來都無參加的,但係原來婷婷的INTERVIEW改到去12月4日,咁就去玩下啦!

其實都唔係好啱小朋友玩,無乜大的地方給他們亂咁跑,只係整PIZZA好好玩,沙樽妹妹好落力咁整,都係整到少少,好趕時間,下午直頭係一日遊個D團必經地方,SHOPPING!

page.jpg 

page2.jpg 

page3.jpg 

page4.jpg 

page5.jpg 

page6.jpg 

 

suklaic 發表在 痞客邦 PIXNET 留言(0) 人氣()

今日帶著口罩做咗好多嘢,做會議記錄、執美勞室士多房、上課、放工、去搵又無貨的mascara、去深水埗批發商到買阿仔及阿女送俾同學仔的聖誕禮物、到九龍城拿餘下的80份報佳音禮物,成個人散哂!

英姑娘及紫勳教我去深水埗福華街,個到有好多嘢買,我都聽吉媽講過,但係真的一生人第一次去!好好彩,買到水樽仔(200ML),但批發價都已經係$5,因為有公仔的,仲係海綿寶寶添!水樽就係卓希的同學仔,妹妹的同學仔係毛巾盒,好便宜呀,$3一個,仲連埋毛巾仔,超底!不過末買到我想要的貼紙,週圍都係人,個個都係一大批咁買,d人見我帶著兩個小朋友,仲差d唔俾我哋進去,話唔做零售!真係買得好開心,最底C就係俾我搵到位泊街邊,半小時半小時咁入錶,我留咗成個鐘!不過真係好多人,我考慮緊第時一開始就去個到買報佳音的禮物,唔使我走咁多轉,不過一定要帶埋工人姐姐,因為佢今日係負責一夠鐘就去入錶個個嚟的!

 IMG_0127.JPG

IMG_0128.JPG 

IMG_0129.JPG 

suklaic 發表在 痞客邦 PIXNET 留言(0) 人氣()

今日同學校班校工一齊佈置聖誕裝飾,連續做咗三小時之後,手軟腳軟咁,我以為自己血糖底,快快咁食糖!

但係之後都無乜點好到,個心仲跳得急,但係又要快快咁去香港仔換西餅,請一眾工友食,佢哋都出咗唔少力水!

到上完堂,開咗會後,我真的好攰,好似無哂力咁,但係要預備聖餐崇拜,唔可以唔郁,係咁迫自己郁快快咁做!到咗禮堂後,一彎底身,條腰痛到火燒咁,哎呀,我發燒就係咁的啦,會腰痛的!

但係成個人都係????又無喉嚨痛,又無頭痛,到底係身體邊到有問題呢?真的不知道,快快的食咗兩粒PANADOL,崇拜完後,走人!一路返屋企的路上真的好驚險,我好眼訓,係咁聽歌,拍打自己的腳,唔准自己訓,因為我楂ING車,好危險呀!

返到屋企後,快快的攪好自己,九時上床訓(自我隔離,去咗細房),半夜一點成身都係汗,早上六點起身時好似好咗少少咁,就返工,因為好多手尾要跟呀!

suklaic 發表在 痞客邦 PIXNET 留言(0) 人氣()

今日真係忙到嘔,先先係平日都要做的上課,然後就係一年一度的買禮物,我今年算係叻,全部一百份禮物都係一式一樣,個個都一定話係好,因為好輕便的東西!

然後,就要趕返屋企,同小朋友去東水涌,去睇清明上河圖,雖然係好多人,但係我哋睇得好開心,而且我又一路講解俾卓希聽,佢都好鐘意,但係我雙手就無哂力!因為初初係抱卓希,後來抱婷婷,兩個都係咁要睇個隻跑出嚟的豬,真係好好笑!

IMG_0120[1].JPG 

(臨走前IPHONE留影)

返到屋企,除咗快快攪兩個小朋友訓覺之後,就係要整陪新的空氣清新機,終於都買咗及送到嚟,希望對我哋一家的氣管有效啦!

嘩!一開部清新機,個燈就去咗大紅色,久久都未轉,即是空氣污濁!今次真係要多謝教會的一個弟兄,佢用咗自己的QOUTA幫我訂的,比起外面便宜好多!

page.jpg 

suklaic 發表在 痞客邦 PIXNET 留言(0) 人氣()

我哋結婚後,用咗十幾年的櫃終於都要報銷,老公話係原位整張書桌,給兩個小朋友有自己的空間與天地,搵咗好耐,終於搵到一張啱心意,不過依張係台灣訂造的!

ap_F23_20080624021901197.jpg 

suklaic 發表在 痞客邦 PIXNET 留言(0) 人氣()

今日長者主日,卓希及芍婷都要幫忙做話劇,依個就係佢哋的造型!

    IMG_0114[1].JPG IMG_0113[1].JPG 

suklaic 發表在 痞客邦 PIXNET 留言(0) 人氣()

我要表達今年初試星期五晚見家長的感受,超好!唔使星期日無咗家庭曰之餘,仲唔使分兩日的車錢,橫點日頭都要返工,一氣呵成,good!

我都聽到有些助教鐘意星期日多D,但係佢哋個個都未有家庭,未明白星期日無咗家庭日的苦況,仲有佢哋有假補,我哋無的!不過如果可以好似阿仔學校咁,夜少少的話,相信會有多少少家長,但係講真,係心光成日就家長,係出面的學校都唔理你咁多,嚟到就嚟,嚟唔到就算!

今日家長日係少咗人,但係因為家長們未習慣依個時間啫,如果成為一個PATTEN的話,佢哋就會識得就時間嚟啦!仲有呀,唔嚟個D咪又係個咋,真係關心個小朋友的話,一定都會請假嚟的!唉!希望以後都係星期五晚就好啦!

suklaic 發表在 痞客邦 PIXNET 留言(0) 人氣()

昨晚卓希係咁咳,又喘,成晚都無乜點訓過,佢好少黑眼圈,但係今日真的好黑!我都同佢一樣,要照顧佢到自己都無乜點訓過,早上五點時,攰到好想嘔,個頭又好暈,我好驚自己頂唔順,始終自己的年齡都唔細,無得咁挨法啦!

所以今早未夠七點,就打給趙醫生,真的好好人,叫我哋九時四十五分到他的診所。原來卓希要兩小時吸成8-10PUMP的VENTALINE,連我的PREVENTION都要吸埋,所以,我一個人係公立醫院所得的藥,全屋企都啱用。咁啱,昨日又攞咗一批藥返屋企,所以仲有貨,好彩咋!最令我感動的係,趙醫生真的係一個好醫生,佢今日給了一支類固醇卓希,不過唔係食住,係用嚟看門口,如果佢真的好喘,要先打給醫生,由佢嚟評估係咪真的要食才用藥。當我要俾錢時,都想今次都要四五百元啦,點知護士話三十大元!我把眼睛睜得大大的,說三十元?護士話係呀,你只係攞藥咋!但係我真的有眼醫生,佢又聽卓希幾次,但係護士話醫生話只係收我三十元!

其實以前都試過有咁的情況,佢都係唔收我哋醫生費,只係收藥錢,只係今次的藥錢特別少,所以我話佢係好醫生唔係佢濫收,而係會睇情況,所以先將佢介紹給心光做義診醫生,真的希望心光學生可以多多受惠啦!

 

suklaic 發表在 痞客邦 PIXNET 留言(0) 人氣()

今日吹紙筒條氣管唔合格,要食一個星期的類固醇及氣管舒張劑!

係近日天氣差,半夜都喘(好多晚都已經係半夜十二點幾先訓),同埋小人當道,所以我好接納自己身體差的事實,就當我財多身體弱啦!但係罵人時絕不口軟!哈!

六個星期後再要見醫生,唔准SAY NO,今日係高級高級醫生見我,我話耐少少先覆診啦,仲俾佢同我講大條道理點解唔可以,我都知,不過請假係好鬼痳煩的一件事,後來發現原來係假期,好囉,唔使調堂調到七彩咁!

suklaic 發表在 痞客邦 PIXNET 留言(0) 人氣()

昨晚我早早就上咗床訓,UNBELIVABLE,十點就上床,無耐就訓咗,半夜兩點醒一醒,五點又醒一醒(我好多晚都係咁),然後今早起身都係好攰呀!救命!

不過今晚就無得咁早訓啦!因為要趕一份PROGRESS REPORT及ANNUEL PLAN,週未時我忙於同家人外出,無做過,明天DEADLINE,我點都一定要做,唉!開工!

suklaic 發表在 痞客邦 PIXNET 留言(0) 人氣()

卓希經我努力同佢係咁吸藥下,昨晚終於訓到,雖然今早五點醒過,又要吸藥,但係已經好咗好多,唔使行步路都咳又喘!所以決定帶埋佢及妹妹,跟教會去戶外崇拜,及步行籌款。

今日真攞命,教會戶外崇拜及步行籌款,去到山卡啦咁遠:沙頭角鳳坑家樂徑。卓希成日係郊外,條管氣無乜點喘到,最重要連咳都無,所以玩得好開心。但係返到九龍灣後,又勁咳,咳到嘔,又喘過,OHHHHH,NO!

然後趕著返心光家教聯大會(3:25PM開車,4:10PM到心光),及聽一個TALK。

真係香港一日遊:

九龍灣→鳳坑→薄扶林,由一早八時半到晚上六時半先返到屋企,真係勁攰!

不過出面的天氣及空氣真係好好,日後要多D咁的外出,等兩個小朋友同我都要吸多D大自然的空氣,唔使次次去覆診都唔合格!

suklaic 發表在 痞客邦 PIXNET 留言(0) 人氣()

卓希由昨晚開始,條氣管都好喘,半夜要老公抱住佢先訓到,今早又咳醒,真係慘!我細個時,都試過咁的經歷,所以好明白佢辛苦。以前我試過辛苦到訓係張床到,阿嫲以為我懶,其實係我唔夠氣去起身,去做一些帶氧的動作,後來要抱我去診所到睇醫生,仲要打一技針,因為我連行都行唔到呀!

所以今早卓希的家長會後,我哋就只係係屋企,指示佢唔准走圍走,要睇書,休息吓!對咁細的小朋友嚟講,真的好辛苦,但係佢又唔夠氣時,佢又知大人的說話係真的,才會乖乖的坐好!晚上聽趙醫生所說,PUMP多幾PUMP VENTALINE給卓希,果然條氣順到可以訓到,不過都係要學我咁坐係到訓,因為怕佢喘,唉,我個仔呀!

希望明天好些,可以跟教會去戶外崇拜,吸些新鮮的空氣,對身體都好些。唔好講卓希咁細個,我條氣管近來都唔點啦!如果唔係就唔會次次去覆診都唔合格,嗱!下星期四又要去啦,超熕!我昨晚都同卓希一樣,半夜要起身吸藥,成兩次咁多!唉!超唔鐘意病!

suklaic 發表在 痞客邦 PIXNET 留言(0) 人氣()

今日心光學校旅行,為咗可以幫麥太同班中三班熟少少,就同佢一齊帶中三班。跟我個兩個都係平時俾我罵到七彩的,所以初初都好怕我,後來見到我出咗嚟玩得咁開心,佢哋都放鬆咗好多!不過其實我好頭痛,早上食咗一粒散利痛,但係都痛,也許因為每月親戚剛來探我,所以成個人都麻麻哋咁!

晚上返到屋企後,收到禮賢小學的來信,得知卓希入到禮小,本應是應該高興的,但因為有些事情發生,我裏面正在忟忟地及生氣,所以高興程度不如我所料!但係我真的以個仔引以為榮,佢其實都幾叻仔。依家我訓練到佢要自己做哂功課,練埋PHONICS,我回家後只是對和改錯,聽佢練PHONICS的要點,然後就靠佢自己啦!這兩次的PHONICS默書都係錯得一個起兩個止,當然老師JO JO都提得唔少,但係佢係自己練都可以得依個成績的時候,我真的很開心!

suklaic 發表在 痞客邦 PIXNET 留言(0) 人氣()

今日係到諗,要搵番卓希豬兩歲時的短片先得,真係俾我搵到!yeah!

佢當時同婷婷妹妹依家一樣,都係兩歲幾!超得意!又係被我罰坐naughty chair時影的!

太陽伯伯   

abcd  

打開蚊帳  

一閃一閃  

suklaic 發表在 痞客邦 PIXNET 留言(1) 人氣()

返到屋企,妹妹正預備去洗白白,又扭計!一於洗完白白之後罰坐NAUGHTY CHAIR!佢坐咗一陣,我就同佢講道理,然後要佢自己醜自己,就係咁啦!

 

婷婷係咁唱咗幾次,做阿媽的我真係唔知佢唱乜!阿女,真係對唔住啦,媽媽幫唔到你翻譯添!

然後佢又不停咁唱歌,要好好咁把握依個機會影佢先,想當年,卓希又係讀緊N班的時候,又係被我罰坐NAUGHTY CHAIR而影到短片的!

 

 

suklaic 發表在 痞客邦 PIXNET 留言(0) 人氣()

一放工返到屋企,工人姐姐話妹妹塊面有好多紅色一點點,我立即檢查佢手腳,手有幾點,腳有一點,舌頭就好似無點點。但係為咗安全計,都係落樓睇醫生,我怕係手足口病,原來唔係,醫生話應該係學校有嘢咬,真係虛驚一場!
 
不過話時話,頭先落樓下睇洪醫生,只係七點咋,佢話已經唔再收症,因為太多人睇。嘩!真係多人到咁?所以只好行去啟業村,去睇個個所謂的兒科醫生,佢講兩句,同埋一小小藥膏已經大拿拿二百五元!係醫生唔收症時我都有打俾趙醫生,但係佢當時無立即覆我,係我哋返到屋企後先打嚟!趙醫生聽咗妹妹D紅點點情況後,就話應該唔係手足口病,不過都不可以掉以輕心,因為有可能係另一種過濾性病毒,希望唔好啦,小朋友病仲煩過大人病的!
 
趙醫生話,就算真係手足口而睇佢都無用,因為係無藥醫,都只係要小心唔好發燒,要有定退燒藥係屋企,所以我咁鐘意趙醫生,佢係唔會令到家長好緊張的,只會俾多D放心!

suklaic 發表在 痞客邦 PIXNET 留言(0) 人氣()

今日天氣真的很好,下午等妹妹訓咗醒後,就出去玩,要好好咁享受咁靚的天氣!

page.jpg 

page2.jpg 

page3.jpg 

suklaic 發表在 痞客邦 PIXNET 留言(0) 人氣()

今天我去了信義宗神學院,為的是要去聽一個分享,及見見一位老朋友,就是瑞典現任的大主教:Archbishop Anders Wejryd

17年前認識他的,兩年婦真的很好人,尤其當時有成二百人申請請執士,瑞典的北部只得二十個位,佢同當時的校長居然給我這個瑞典話半桶水的人去讀!佢變咗好多,以前靚仔好多,今次見番佢,真係老咗好多(我都老公好多啦!)但係佢都係咁熱心中國事工,真係好欣賞佢!

而18年前,就係佢按立我做DEACONES的,所以真的心存感激!

IMG_1206.JPG 

IMG_1208.JPG 

IMG_1211.JPG 

suklaic 發表在 痞客邦 PIXNET 留言(0) 人氣()

1 2