目前日期文章:201206 (6)

瀏覽方式: 標題列表 簡短摘要

由星期二到今日都有的肩頸痛,今日直頭痛到入心,一早起身,MIX樽勁香薰,要姐姐幫我按摩!唉!都唔知點解會係咁,姐姐按時今次發現三粒好大粒LACTIC ACID,按到我鬼柞咁嘈,小朋友就好似睇戲咁睇!

昨天醫生俾的消炎藥原來真的好利害,平時的消炎藥也沒有今次那麼多的提示,所以真的不為意!

521381_10150970587836904_986432337_n  

昨晚食咗一粒後,十一時未煲劇已經雙眼開唔到,一上床就訓咗!今早居然五時才醒(這個星期,我日日凌晨四時就醒咗),諗起可以懶床,就立即食消炎藥,可以一路懶床一路再訓,果然不出我所料,我係全屋最遲一個,成八時多才肯離開張床嗰個,可想言之這隻消炎藥好勁!我諗下星期返工,都係返到工先食,依家得我一人楂車返工,容乜易訓咗有交通事故!然後返到屋企就快快食,咁可以訓得好少少!其實我今晚七點已食咗,八點在廳的沙發訓著咗,但係要等姐姐幫我按肩頸後,又醒哂,希望今晚訓得好D啦!

suklaic 發表在 痞客邦 PIXNET 留言(0) 人氣()

今日,妹妹放假,所以早上唔使送妹妹上校巴。我便早咗半小時出門口,因為昨天成日無返心光(早上開會,下午覆哮喘科)。八時正開車,行東隧,睇住佢開始多車,都好快,八時四十五分已到心光。本來返十點的我,未夠九時已返到心光,跟著就係手腳不停咁做嘢、上堂、做嘢、上堂!

今日下午要覆耳鼻喉科,手術後覆診!不過去到時好肚餓,早上返工,做埋手尾太遲走,遇著警察封路綵排七一國家領導人到港車隊路線,好晏才到醫院!

398934_10150967653146904_1703404506_n  

等咗一小時,終於今次見到我至愛的唐醫生,,佢幫我拆線,上次嗰個副顧問醫生真係不聞不問,令到我都唔知自己係咩情況。我同唐醫生表示,左邊現有很多綠色鼻水,唐醫生話也許是那些線癡咗一些LIM物,所以影響到個傷口損咗,而有發炎,又要食消炎藥,真係唔想!今日跟住我之後嗰個慘啦,因為我見醫生見咗半小時,整咗好耐。然後要等一百個號碼先攞到消炎藥,等藥其間已去71咬咗嗰包!

我呀,真係大頭蝦到不得了,昨天早上忙出門口去開會,點知忘了拿放在桌面上的覆診紙,下午去到醫院才知道,幾驚唔俾我睇呀!好彩,可以用身份證,然後佢PRINT過一張給我,所以昨晚嗱嗱林將今日的覆診紙放入手袋,免得自己又忘記!

跟著就諗住返屋企放底架車,然後出尖沙咀MEET老公同小朋友及我的表弟,點知我一上到車,就收到老公電話,佢哋剛係藍田入境事務處拿了PASSPORT,居然要我去車埋佢哋!我都唔識去,佢話係匯景,咁我就硬著頭皮去找他們。點知去到匯景時,一路問個看更去邊個方向可以接到由商場行上來的人時,老公一時話匯景,一時話啟田!唉!我就快被依個無方向感的人激死,原來佢哋去咗啟田,等我仲去咗匯景接佢哋!連個看更都笑,瘀爆!佢哋一上車,我就係咁係倒後境“超”住老公,佢仲想攪便,真係俾佢吹到暈!

返屋企,泊好車,都已五時多。老公答應小朋友先去科學館,又等唔到巴士,只好飛的去啦!小朋友在科學館玩了一小時,週圍都無乜人,好舒服!我哋跟著就去OUTBACK到食飯,都係為咗我可愛的表弟,佢話要食RIPS麻!

所以,一個鐵人都會被做死,返工多嘢做到死,又俾個老公點到死,仲激到死,鐵人都快爆啦!

suklaic 發表在 痞客邦 PIXNET 留言(0) 人氣()

今天凌晨四時肩頸好痛,醒咗,點知仲流埋鼻血,坐係床邊成半小時血才停,都好耐無咁流過,唔知係咪昨天幫忙搬辦公室枱,用咗力,所以流鼻血呢?

返到工,一日內流咗三次鼻血,真係唔知裏面傷口咩事?要等星期五覆診先知!

599355_10150965155831904_1848051298_n  

唔知係咪因為肩頸痛,又流鼻血,返工這一個星期心情極之底落,雖然只係無返工三個星期,但係好似好多人和事都好生疏咁!感覺唔好,連今天開學生輔導組會議,我十幾年來未試過跟唔上,哈,覺得自己好無用!心光好似個個都好忙,忙都只係見到面,點下個頭,無時間傾一兩句。而我,居然跟唔上工作,覺得別人好有用,自己有些多餘的感覺。這兩年,我時常提醒自己要做好自己的位份,有幾成功都是天父的恩典,不要太自負。

幸好,係我覺得自己好無用的時候,都迫自己完成咗夏令營的兩篇查經及兩篇靈修,咗給牧師看看有沒有修改的地方(今年我怕我寫得深,因為係講2012未世),希望下星期開始可以整成本營刊的LAYOUT啦!忙,我都係,不過忙得嚟,我常提醒自己要親近天父,不要被世俗的權力蒙蔽了自己!

suklaic 發表在 痞客邦 PIXNET 留言(0) 人氣()

  • Jun 11 Mon 2012 08:52

前幾日我剪頭髮預備返工時,想"的"埋阿仔去剪,佢唔肯,話:要用d頭髮嚟增加考試記憶(大笑,佢自己都話講笑咋)點都要考完試後先肯剪。今日最後一日考試,一落校巴就去剪頭髮,睇,靚仔哂!(我又開始為仔發狂,佢真係好可愛)

382430_10150959621891904_1358277095_n  

suklaic 發表在 痞客邦 PIXNET 留言(0) 人氣()

係好好好好耐之前,我仲未知自己幾時做手術前,MORMOR已經約咗我哋今日要開生日PARTY!都唔知爸爸係邊到搵到依間CAFE CAPE,細細地幾好,仲包哂成個場!

page  

page2  

IMG_7978    

 

然後就係今天的戲玉,兩個小朋友留係MORMOR,MORFAR屋企過夜,兩老咁喜歡,就由得佢哋癡住兩個孫!

兩個小朋友一去到就博命幫手掃花園的樹葉,因為要掃完樹葉先可以玩水(洗車),然後仲成班人去士多仔(好彩仲開緊)去買汽水飲,我哋兩公婆走時,佢哋就咁BYE BYE一聲就走咗去飲汽水,就由得他們吧!

我哋車咗表弟返屋企後,就先返屋企沖個浪先,然後就去旺角找食!其實沖完浪後,真係唔係好想郁,但係唔想次次得兩個人時到樓下的「椰林閣」,只好忍著郁出去。去到旺角咪又係「花園餐廳」,我話唔好食之餘,無下次!

suklaic 發表在 痞客邦 PIXNET 留言(0) 人氣()

好耐無寫BLOG,因為做完鼻中間骨手術後,成個人都好攰,成日都想訓!所以日日都無寫,當坐定定時又不知從何寫起,只好,唔寫,等我有一天有心機後,試補補!

今天是病假後第二天返工,好辛苦,一來好熱,二來好多嘢跟同做,做到忟忟地!昨天第一日,放學後頭痛到爆,四點忍唔住,係辦公桌到小眠一陣,後然再趕一陣夏令營資料給牧師。返到屋企,又流鼻血,老公已話我一定係搏命咁做,你估我想的咩?真係唔跟就唔得,想放慢嚟做,個個都係崔崔崔!我崔你哋就唔得,你哋係咁崔我就得,唔公平!

今日仲衰,由於之前三天JUDY無唔到我代課,我要自己調堂上番哂所有堂,本來返十點,九點十五分就返到學校。十點零五分就有堂,一直到放學!成個早上一路上堂,就一路流鼻血(相比起以前唔多,但都成張紙巾係血),嚇到坐係前面弱視的同學CC吓!只好又要安慰佢哋,又要顧點自己!LUNCH休息咗一陣,鼻血停咗,但聞到成個鼻都係血(因我要戴口罩上堂),同學生約法三章,我會坐多些,遲鈍些,要有耐心等我的幫忙!好難先挨到落堂,返到屋企,第一時間逹落張床,超攰!

當我係屋企時,同兩個小朋友講今天上課流鼻血的經歷時,阿仔真係無良心,係咁掛住睇電視(之前話過考試期間NO TV),都唔關心我。阿女就唔同呢,佢一聽到我係咁流鼻血,就話:「你係咁流鼻血,就要返屋企囉喎,要休息,如果唔係鼻血會唔停!」真係心甜!連老公都無問候我今天如何,只係掛住個仔,班姓楊的男人真的無良心!

suklaic 發表在 痞客邦 PIXNET 留言(0) 人氣()