目前分類:靚太寶貝仔 (195)

瀏覽方式: 標題列表 簡短摘要

其實上次甩第三隻時,依隻都已經鬆鬆地,佢唔俾人點,今日下午食飯時,係咁流血,我話叫佢食完飯去嫲嫲到請嫲嫲幫佢大力拉出嚟。點知,嫲嫲話過嚟幫佢,然後就唔使出力拉,就甩咗啦,隻衰豬希話:今次都唔痛的!

IMG_2416[1]    

suklaic 發表在 痞客邦 PIXNET 留言(0) 人氣()

卓希話隻牙鬆咗好耐,其實去韓國前都已經可以用手整甩佢,但係佢話痛,點知今日去嫲嫲到,我打過去請嫲嫲幫佢拉出嚟,就係咁,甩咗啦!

IMG_8202  

IMG_8203  

suklaic 發表在 痞客邦 PIXNET 留言(0) 人氣()

  • Jun 11 Mon 2012 08:52

前幾日我剪頭髮預備返工時,想"的"埋阿仔去剪,佢唔肯,話:要用d頭髮嚟增加考試記憶(大笑,佢自己都話講笑咋)點都要考完試後先肯剪。今日最後一日考試,一落校巴就去剪頭髮,睇,靚仔哂!(我又開始為仔發狂,佢真係好可愛)

382430_10150959621891904_1358277095_n  

suklaic 發表在 痞客邦 PIXNET 留言(0) 人氣()

昨晚見到阿仔大被咁訓, 知道佢一定有唔妥, 一模, 發燒ing, 今日就無返學啦, 燒到成個人都紅紅的, 一定又喺係學校get到的!

564824_10150756532686904_591771903_9333763_44744316_n  

suklaic 發表在 痞客邦 PIXNET 留言(0) 人氣()

卓希明天便七歲了,和他傾好,今年不攪生日會(我會無命),但自家人會和他開開心心地切蛋糕!

他的生日禮物,戰機

page  

mormor、morfar、爺爺同嫲嫲都有嚟自家生日會!

page2  

suklaic 發表在 痞客邦 PIXNET 留言(0) 人氣()

  • Dec 23 Fri 2011 21:56
  • 天灸

卓希同我近來鼻水超多,個個都話天灸好有用,就俾佢試吓,希望有用啦!

381392_10150482426581904_591771903_8468351_1483086243_n.jpg  

suklaic 發表在 痞客邦 PIXNET 留言(0) 人氣()

話說星期三晚卓希出”風爛”,我都未返到屋企,老師已經帶佢去樓下到睇醫生,當時醫生發現原來卓希下面兩隻牙出咗新牙,但前面兩隻郁都唔郁!

380133_10150384701926904_591771903_8151367_652264138_n.jpg  

為咗免得前面兩隻阻礙到後面兩隻的發展,只好去牙醫到脫咗佢,成惠$560兩隻!

300308_10150384870401904_591771903_8152174_1326940236_n.jpg  

之前買定的乳齒盒依家有用啦!今晚要先浸漂白水(1:1),明天乾咗後,可以放入盒啦!YEAH!

卓希不知幾開心,因為佢身邊好多舊同學都已換了牙,只有他無動靜,今次可好了,他成天都好開心咁笑,臨訓前仲話:我真係大個仔啦!(太好笑了)

suklaic 發表在 痞客邦 PIXNET 留言(0) 人氣()

卓希昨天已經只係痾水,為咗安全起見,今日都要佢留係屋企,以免個肚有動靜。工人姐姐話卓希今日識得話要去開大,跟著自己係洗手間到攪得點,唔會好似之前幾日咁賴到成條褲都係,即是佢已經踏入開始好的階段!

依個仔有時都幾底錫,係屋企我都影咗練習佢做,免得無所事事。咁,佢又出奇地好乖,係屋企喺咁做,教我如何不愛他呢!

 

313484_10150378228741904_591771903_8114304_307618939_n.jpg  

但願我能係屋企好好咁照顧佢!    

有人做媽媽的練習,成日出現咁的字眼:「我不知道」!笑咗出嚟!

310791_10150378691891904_591771903_8117643_1567185155_n.jpg  

跟著,又會見到個「楊」字時,又寫道:「楊卓希的楊」,笑爆咀!

311073_10150378695346904_591771903_8117658_517149890_n.jpg  

suklaic 發表在 痞客邦 PIXNET 留言(0) 人氣()

今早,我都未醒哂,已經聽到老公話卓希又痾過,佢大大話話都痾咗成三至四次(已經少過昨天早上),又係水PAT PAT咁!

終於都要出動到趙醫生,個電話,真係好鬼鐘意趙醫生,唔使一定去睇佢,電話CONSALT都得!就係咁,同醫生傾完後,我又要去德福幫卓希買藥,都係趙醫生的醫好好多!

講起嚟,又真係奇怪,卓希依次的肚痾,全都係一起身,早上的,十二點前就一定痾清咗,然後就無痾!

不過成日係屋企,佢又真係幾悶,我同佢早又溫書,下午溫書之餘,做少少課外練習,希望佢做熟多少少,我下個學期唔使跟得咁辛苦!

384093_10150375863711904_591771903_8096043_215631979_n.jpg    

suklaic 發表在 痞客邦 PIXNET 留言(0) 人氣()

今早一起身無幾耐,卓希就已經又瀉咗,大大話話都五六次。本來逢星期五我返十點時,都會帶妹妹去搭校巴,唉!個仔係咁霸住個洗手間,攪到我趕唔切,要姐姐出手帶妹妹!佢咁瀉法,係屋企,悶到佢C!

下午我去咗東區醫院到做MRI,SCAN個鼻竇,睇吓出咗乜嘢問題,個感覺唔好,回想返上次係九龍法國醫生照個心時的情境一樣,唔鐘意!希望個報告快D出,我可以正正式式排做手術!

返到屋企, 都用咗成兩個幾小時同卓希跟功課,真攞命,明天仲要溫書!

suklaic 發表在 痞客邦 PIXNET 留言(0) 人氣()

不知是否學校的飯餸太肥,希這兩天都肚痾,老公今天測驗週開始,只返半天,下午帶了卓希去看醫生,要戒口幾天。但晚上阿仔痾的屁..................臭到我都頂唔順!佢衰豬係咁話,明天使唔使返學呀?仲問埋醫生添,點知醫生話,明天會開始無乜事的啦!佢想偷懶呀!希望快些康復!

suklaic 發表在 痞客邦 PIXNET 留言(0) 人氣()

明天卓希要經歷人生第一個學校默書,溫咗三個幾星期,終於有成果。佢好緊張,今日問咗我三四次:明天是否中默?睇佢外表無乜嘢,其實內心真係好緊張!

312972_10150332416576904_591771903_7867847_1089381237_n.jpg  

我知道,也許是由於我幾每樣溫書拆開咗幾個星期咁溫,令到阿仔有種無形的壓力,咁樣,總好過只用一個週未同佢溫,否則我會癲的!

今晚臨訓前祈禱,我同卓希話,如果明天還是很緊張,就可以自己安靜祈禱,求天父賜予平安!

 

今日另一樣經歷神的恩典是,車的雨檔終於挨唔住,係我地返緊教會路上的三號幹線路上斷咗,好彩後面無車!

308411_10150332005216904_591771903_7865816_1696289123_n.jpg  

如果後面有車的話,會打到佢的檔風玻璃窗,要陪的!感謝天父!

suklaic 發表在 痞客邦 PIXNET 留言(0) 人氣()

  • Sep 20 Tue 2011 22:07

簡直無哂心機,點解香港的教育制度係咁迫學生?

小一生啫,生字都未識,就要日日做乜乜乜練習,都未識解題,又未識認字,咁咪又係家長做!做乜鬼係要谷小學生,快快樂樂咁學習咪好囉,攪咁多嘢,小三又要統測,小六又要統測,學校咪就為咗依D統測做好多準備功夫。日日家長放工後就係同小朋友對著功課,邊到有其他溝通時間?唉!灰!

我哋今晚返到屋企後,跟咗阿仔的功課成個鐘,佢乜都未做!然後,仲要同佢重溫默書,仲要溫明天上課的PHONICS呢?連下星期要默的金句都未重溫,英默溫都未開始溫過,一返到屋企就係功課功課又功課!(所以我給學生最多的功課係週未,多D時間做麻)簡直對香港教育制度火滾,點解家長話要多D功課,學校就一定要加多D功課,乜學校無自己立場的嗎?永遠要做被家長牽著鼻子而走的牛嗎?

我呢?唔係嗰D要老師俾好多功課的家長,我寧願同小朋友睇多些課外書,去玩玩,伸展多些大肌,好過咁樣做功課法!香港教育制度,害死人的制度!

suklaic 發表在 痞客邦 PIXNET 留言(0) 人氣()

昨天和卓希參加了同學仔的生日會,傾開話影畢業相,就約好今日係又一城行去城大到影,真係好攪笑,超多人望住,但係小朋友們又算好合作,真係好開心有一班咁會拍的家長們!

suklaic 發表在 痞客邦 PIXNET 留言(0) 人氣()

今日終於都幫到卓希報咗暑期班,第三年啦!感謝天父次次都可以係童軍知友到報到班,因為之前聽朋友說很難報的,但我哋次次都報到,唔係天父的幫助,我真係唔知仲有乜嘢其他的解釋。

我年年都幫佢報一D玩的班,真係唔想佢太大壓力,仲有二十幾年書要讀,太大壓力及期望俾佢,我怕會好似D大學生咁睇唔開!真係好希望佢係開心的環境中學習。

今年報咗:

1/ 專注力強化訓練

2/ 兒童詠春學堂(依個底,350元十堂,平過出面好多)

3/ 兒童天才畫班

4/ 朱古力掌門人

230361_10150196582201904_591771903_6762418_7772404_n.jpg      

suklaic 發表在 痞客邦 PIXNET 留言(0) 人氣()

今日放工時,MORMOR MORFAR打電話給我,話想嚟我哋到見兩個小朋友,我一定明白佢哋的心意,昨天去唔到個生日會,想今晚見個孫!

好彩,昨日剩咗好多食物,今晚全番熱,七個人全飽飽!老公同我仲去買咗美心的MINI蛋糕,又係切蛋糕的時候!

就係依個時候,我的舊同學JOHNNY打給我,原本佢昨天都去生日會(佢住大埔),佢話經過我屋企,想俾份生日禮物給卓希,點知唔係一份,係三架搖控車!我一直都有教卓希唔可以貪心,只可以給他選一架,其餘兩架我就給其他小朋友!因為連大伯所給的在內,兩部搖控車,只是大伯個部未有义電給火牛,我吔唔識配,要大伯先知邊隻啱!所以卓希由上星期六到今天都成日好想開大伯個部搖控車,今晚終於可以一試!不過我落咗ORDER,唔准係屋裏面玩,否則我個地板會無啦!

184721_10150107729686904_591771903_6138972_2610869_n.jpg 

所以佢真係好開心,個個都鐘意佢,我同佢講,只要佢聽話,唔好做我唔准的嘢,咁就好多人都會喜歡佢,依樣佢好受!

suklaic 發表在 痞客邦 PIXNET 留言(0) 人氣()

六年前的今天,我和卓希當時在東區醫院,本來可以在十九號出世的卓希,就係因為媽媽唔夠氣,哮喘病又發,要勞動醫生嚟吸佢出嚟,才拖到二十號凌晨二十一分才出到世。

 依個仔帶俾我哋好好好好多開心,又令到我多咗三條白頭髮,本來靚靚的我變成好多嘢諗!但係如果唔係卓希的出現,我唔會體會到一個媽媽的辛勞!

今日我哋終於可以去大埔海濱公園,天父真係有好好的安排,無落雨,無大風,無好曬,每個小朋友都玩得好開心(我認為)!

 page.jpg

page2.jpg 

page3.jpg 

page4.jpg 

suklaic 發表在 痞客邦 PIXNET 留言(0) 人氣()

老公由一開始知道我同卓希一齊想攪個草皮生日會時,已經係咁話會落雨,佢把烏鴉口,真係俾佢講中!

上星期日,老公仲係度咁講,卓希係佢的IPHONE的天文台APPS到睇天氣,仲指俾佢爸爸睇有半個太陽,無雨落!點知,去到星期三,突然出咗兩滴雨水的天氣報告,我同卓希都好唔開心,因為我哋已經PLAN好哂所有集體遊戲(卓希自己諗的),訂好哂嘢食,差不多所有嘢都攪好,就話會落雨!依個星期我哋的禱告都係求天父俾我哋好的天氣,真係信心的功課,我用摩西過紅海的例子同卓希分享(係咪誇張咗呢?但係我當時諗唔到其他的例子啦!),話即是咁大個海係我哋前面,天父都會有佢奇妙的預備!

今天下午同卓希一起CHECK IPHONE的天文台的APPS,發現由原來的有兩滴雨變咗做寒冷天氣,我哋都禱告,貪心少少,希望生日會時係草皮會有陽光!

卓希緊張到訓唔著,因為終於論到佢攪生日會,老公終於好似明明哋點解我年年都咁堅持為個仔開生日會,一年一次做主角,都唔覺過份,第時大咗,佢都唔會要我哋幫啦!

今次第一次自己全部預備,真係好多嘢做:

1/ 禮物仔回禮,男同女要分開,仲有就係朋友仔的細路妹又會唔同,依樣先用咗架車好多的空間

2/ 摺椅、摺桌、野餐墊,生日會食具

3/ 訂食物,依樣係我最頭痛的,因為都唔知會唔會訂得太多,希望明天佢哋同我食哂佢!(不過我已預備好膠盒,食唔哂就拎返屋企)

4/ 訂蛋糕,只係三磅,因為有其他食物,我堅持唔使咁大個蛋糕

5/ 飲品,特登買咗麥精及維他奶,係屋企整熱佢,然後拎去可以暖暖哋咁飲,好似七十一的熱維奶咁!

suklaic 發表在 痞客邦 PIXNET 留言(0) 人氣()

午飯時和卓希傾電話,我問佢凍唔凍,佢話唔凍,我話心光好凍,跟住佢話:「你咁凍,做乜你唔返嚟呀(屋企)?」 so cute!阿仔,如果你係我老細就好啦,咁我就可以返屋企!

suklaic 發表在 痞客邦 PIXNET 留言(0) 人氣()

今天返完教會後,急急腳去卓希同學的聖誕聯歡會。我被委派做負責遊戲,點知其他時候都要幫手,都好,見到班小朋友咁開心,我個心酸得一陣陣,因為有好多朋友仔要離開禮賢,去另一間學校到讀書。我自己就好唔捨得,因為依班媽媽同我建立咗好好的默契,而且係佢哋面前到教仔一D都唔覺係一回事,因為個個都已經睇慣慣熟。

晚上老公去咗飲,我同卓希早早就上床傾計(因為妹妹乜嘢都扭計,我哋唔啋佢!)我告知好多同學都會離開禮賢時,卓希唔開心,要求我日後都要同依班同學仔一齊開聖誕聯歡會,我話要同其他媽媽夾吓先!

自己先幾日先搵返失散咗的小學同學,阿仔的心情我係好明白,唉,佢大個仔啦,分離的STAGE一定要經歷,但會唔會太快咗少少呢?

suklaic 發表在 痞客邦 PIXNET 留言(0) 人氣()