今早我要去醫院驗唐氏綜合，所以早上便留在家，又可以帶卓希返學啦！
係返學之前，卓希一定又係“倒塔”咁早起身啦！睇完閃電王之後，就拿了自己心愛的pooh pooh同piglet係到玩，突然心血來潮，去櫃到拿自己的屋企衫(屋企衫的意思係只係喺屋企著，唔出得街見得人的！)將d衫褲全部著哂係pooh pooh同piglet到，好好笑！
跟著就帶佢返學，我真的好鐘意帶佢返學，如果有得接埋佢仲好，不過次次都只限於送返學，因為佢放學的時間我便要返工啦！
P.S.好嘢, 飲完糖水都已經一個星期, 醫院都無打到電話給我, 理應係pass咗的..... yeah yeah yeah!
suklaic 發表在 痞客邦 留言(0) 人氣()
記得當卓希出世那年，剛好電視正在播super nanny，那時的心態是：卓希仲咁細個，都未有用得著的地步，所以只係抱著睇下的心態來看。
不過當卓希漸長後，他的行為問題越來越多，一來是有人縱壞佢(明眼人一睇就知邊個)，二來我一路都係對大的小朋友，對著咁細的小朋友都五體投地。當時好想睇番super nanny，不過已經好out了，連bt的種都找不到。但係我的記憶中，最深刻印象就係naughty chair了。
Naughty chair的原理就係當小朋友唔聽教時，一定要他坐係某一個地方，電視就用naughty mat，我哋屋企無地毯，所以就用naughty chair來代替。當小朋友係到坐時，係俾個空間佢先發洩內心的氣憤，給時間他安靜下來。到他冷靜後，就和他傾所做過錯的事件。
我就會加上要卓希自己講他今次錯的地方，因為這個仔真的很“硬頸”，要他正視自己的問題時。然後去向當時人講對唔住，又要攬番我！
經過昨天的家長日後，這兩天我又罰多咗少少，效果良好，一提naughty chair便會改少少。但我會努力的，因為這是長遠的戰爭！
如果再有super nanny做，我一定會錄起佢，慢慢研究研究！
suklaic 發表在 痞客邦 留言(0) 人氣()
卓希仍然在家中“吽”，簡直悶到佢不得了(tun姐姐都悶，成日都問卓希幾時好番，我係阿媽，夠想佢好番啦！長氣！)。早上佢悶到唔俾姐姐做家務，要陪佢玩。我臨上堂前，打了電話給爺爺，問卓希可否過去佢哋到，食完午飯才回家，爺爺話：無問題！
跟著我就打返屋企，話俾tun姐姐知佢做完家務之後，就帶卓希去爺爺到啦。佢居然同我話，佢諗住一陣帶卓希去公園到玩，我即是有少少火滾(一早頭兩堂已經俾d不知所謂的同事激親！)，我話：唔去公園，去爺爺到！
啍！你以為我唔知咩！樓下公園有好多其他的“姐姐”係到，可以打牙鉸(有次嫲嫲突擊早上過去時，見到姐姐掛住同其他姐姐傾計！我都無話佢住！)依家卓希唔舒服，唔想佢交叉傳染先係屋企者，唔好成日攪d小動作令我擔心啦！唉！就快吐血身亡！
(如果胡小吉係咐近住就好啦，起碼可以有我信得過的人同卓希一齊玩下麻！)
suklaic 發表在 痞客邦 留言(1) 人氣()
依個楊卓希，自從病咗幾日之後，到依家晚晚都夜咗訓。以前佢最遲九點半就一定會訓咗，依家成十點，有時仲夜。咁就要睇係邊個陪佢訓，又，之前做咗d乜嘢(例如有無係咁玩啦！)
如果只係tun姐姐同卓希係屋企的話，卓希係可以九點半就訓著咗的，所以我一直都話，訓前係要有一個安靜的環境先可以入睡的。
suklaic 發表在 痞客邦 留言(0) 人氣()
卓希食咗藥，所以成日都喺食咗藥之後個半小時就要訓，一訓就係兩小時。我梗係一齊訓啦，依個仔，我一起身(正確嚟講，係佢身邊無人陪訓時)，就會好快醒。所以我今日都陪咗佢訓咗好耐，就算我醒咗後，都唔起身住，怕佢會醒，要睇定d個情況先可以起身。
卓希昨天晚上訓覺時條氣都順咗好多，今晚訓覺都無乜聲啦！我諗今次趙醫生的藥真的可以幫助他快些好番！其實我明天係想佢返學，但係佢仲有咳，又唔肯帶口罩。我怕又會同其他小朋友“互傳”就唔好啦！睇下明天佢的狀態如何先決定！
suklaic 發表在 痞客邦 留言(0) 人氣()
卓希昨天晚上條氣管好大聲，直頭係hehe hurhur咁的聲。成晚醒咗好多次，為咗要找一個好的位置嚟訓而又可以條氣管好d。我成晚都無乜點訓，好擔心佢，因為真的好大聲。
所以今早就call趙醫生，佢好好，唔使半小時便覆我哋，仲可以今天立即俾我哋睇。咁我哋一家就“拱”咗出中環，我都話樓下的醫生睇唔好卓希的啦，不過阿某人又唔信我，好啦，星期三去睇咗樓下，咁咪又waste咗二百大元！
醫生話佢當時聽佢的氣管又唔覺佢喘，不過都開定藥俾我哋！卓希今晚食咗d藥之後，訓覺時真的無咁大聲，希望佢快d好番啦！(請為卓希代禱！)
suklaic 發表在 痞客邦 留言(0) 人氣()
卓希今日成個人都“吽吽”哋，名孚其實的真係病了！我哋兩公婆唔係屋企時，佢對著爺爺就成個忟薑咁。唔准爺爺聽我的電話，又唔准爺爺攪佢的玩具。
今早佢都係用對付卓希爸的語氣嚟對著我，我一於唔鬼理佢，佢係咁跟著我後面，又扭又要我注意佢。我同佢話，如果佢仲係用咁的語氣同我講嘢的話，我一定唔理佢，我唔係佢爸爸咁“順灘”。佢初初都唔理我講的嘢，都係咁扭，不過後來見到我唔理佢後，佢就會好好咁同我講佢的要求，咁我就會理佢。小朋友係要教的，唔可以佢一大喊，又或者扭的時候就順佢意。
suklaic 發表在 痞客邦 留言(0) 人氣()
今日基本上卓希都係退咗燒，早上本來想返教會的，但他有鼻水，諗過如果唔俾佢上去主日學，佢一定唔肯過我。但係去主日學，又怕會連累到其他小朋友，咁就只好係屋企啦！
下午卓希訓醒晏覺時，一模他，又有微燒，立即同佢食退燒藥，不過唔使半小時，藥力都未生效時佢又無咗燒！所以都唔知佢係咪真係好返，已經決定明天唔返學，做逃學威龍，係屋企睇定d先決定後天會否返學！
不過佢精神到不得了，鼻水少咗，但係聲就變咗，所以都唔知佢係乜嘢病！
suklaic 發表在 痞客邦 留言(0) 人氣()
今早我同卓希爸預備返工時，卓希仔唔俾我哋返工，佢今日主力係要拉住心軟的媽媽(因為佢好少lur我的，而今早係咁癡住我，做媽媽的實心甜！)但係為咗可以出得門口返工，咁點算呢?卓希話要睇bambi，咁就開俾佢睇啦，點知一開始就係個森林黑哂，佢次次睇到依度又會扮驚。咁做亞媽的我只好陪一陪佢，想以為可以走得到時，佢又喊。我只好答應佢晚上媽媽放學回家後帶火車頭給他！
事緣昨天在惠x，見到一輪無名的火車頭，卓希好想要，但我話佢唔聽我話，所以唔肯買，不過係找數時，我又偷偷的買咗，係想有機會可以攞出嚟獎佢的。咁我晚上放學後回家(正確嚟講係中途休息便回家，因為我有好好的講師)，卓希本來已合上眼睛，但他一聽到我開門聲，便坐起身，話媽媽返嚟，有火車頭。又會有咁好記性的，平時叫佢乖乖的又唔記住，火車頭又咁記得！！！！！
suklaic 發表在 痞客邦 留言(0) 人氣()
今日下午上哂所有課後, 終於可以返自己的座到坐一坐. 上ip cam到睇下卓希訓醒覺未先?
跟著就睇到咁鬼嘆的情境, 令到我都想同佢一樣訓地下!
suklaic 發表在 痞客邦 留言(0) 人氣()
卓希去完旅行後，變咗大懶蟲，成日掛住完，唔講話要去洗手間痾尿，戒咗尿片變咗成日賴尿。
suklaic 發表在 痞客邦 留言(1) 人氣()
今日有兩位小客人，佢哋都係跟父母嚟我哋屋企探卓希。
suklaic 發表在 痞客邦 留言(1) 人氣()
今日係開心荳芽組的畢業典禮，也是我這個聯絡人可以做到的最後一次！
suklaic 發表在 痞客邦 留言(0) 人氣()
卓希三四個月大的時候，已經係要攬住隻pooh pooh訓覺(相，後補)，鐘意到不得了。連半歲大入咗醫院，都係攪住隻pooh pooh，不過出院時，我同卓希爸都認為要拎去洗，所以就買一隻新的，以為咁就可以慢慢的唔要隻舊。
suklaic 發表在 痞客邦 留言(1) 人氣()
近來係屋企的時間少咗，對著卓希的時間相對地也少了，所以好珍惜每一段可以係一齊的時間。前陣子，天氣太熱，卓希一日都會洗幾次澡，尤其是佢同卓希爸一齊。
suklaic 發表在 痞客邦 留言(0) 人氣()
卓希今早見到佢爸爸戴上我的太陽眼鏡，便吵著都要戴。我們試過去啟業村到找，通常小朋友的玩意在那裏都會找到的，但今次真的無。因為卓希的頭比較大，有小朋友的太陽眼鏡都戴唔到(所以我生佢時，真的生得很辛苦！)。
suklaic 發表在 痞客邦 留言(0) 人氣()
今日返開心荳芽組，對卓希及我嚟講，都係一個新的突破，因為杜老師話，要所有小朋友的家長都係走廊到等。等小朋友自己同老師做手工，我就覺得好好，其實之前個次我都已經行開咗(去咗南山村買生果)，TUNT姐姐就係走廊到坐standby。我自己前兩次就覺得，咁多家長係課室到傾計，小朋友係唔會專心的，所以自己便乘勢走開。
suklaic 發表在 痞客邦 留言(1) 人氣()
前兩日，我晚晚要返學的時候，卓希爸居然剪咗卓希後面有個“轉”的尾，令到成個卓希都“leung”哂。我依個做亞媽的，只好等有時機就帶個仔去剪型佢。
所以今日我就有機會啦，要返晏，所以早上有少少的時間。而髮型店的叔叔好好人，我哋無book到，都俾我哋剪(仲唔收錢！哈！)
suklaic 發表在 痞客邦 留言(0) 人氣()
近來卓希會講多咗多的句字，好多時都係佢自己諗，然後表逹出來的！
唔好玩啦，訓覺啦！
睇完我哋叫佢影相的情況後，佢自己記番起然後喺到係咁講：「一、二、三、笑！」直頭笑c我哋！
suklaic 發表在 痞客邦 留言(0) 人氣()
係百忙的工作中，開一開internet，就見到屋企的情況。一睇，就覺得好好笑，爺爺又過咗嚟，兩爺孫係到預備睇bob the builder，原來佢哋兩個的頭形真的好似！
suklaic 發表在 痞客邦 留言(0) 人氣()
廚藝“棒” (5)
