港楊回憶，樂趣無窮！

是日十一年結婚紀念日，無特別慶祝，只是帶了卓希和婷婷到戶外去玩。

事緣昨天sophie媽媽致電，話今日去燒烤，其實全家人只得我一個喜歡燒嘢食，不過為咗個仔可以同班小朋友見吓面，又玩吓，咁我哋就出動去大攬郊野公園。

唉！每次去親新界(除咗沙田及大埔外)，我都好怕，因為一入到去，全無方向感可言。好彩今天一路行時，一路和sophie媽有聯絡，咁就搵到條路咋！

今日又好奇怪，卓希臨出門口前話要帶車車去，平時我知會去郊外時，都會叫佢唔好，但今日又由得佢。點知，就係因為佢帶咗車車，成班男仔，又玩車車，又玩泥沙，仲玩山泥傾瀉(真係大吉利是)，又玩足幾個鐘，超攪笑！

我同卓希都哂到面紅卜卜，明天返完教會後，要休息一吓先！

(是日只影得六張相)

卓希學校今年第一次攪星期六的親子旅行，都係由旅遊公司承辦，對咁細的小朋友嚟講，有父母一齊去玩就係最開心的！

行程：

香港科技園→香港中文大學(食自助午餐)→有機蔬果農莊(摘士多卑利)→香薰園(玩)

1./ 左：卓希至愛的李老師

     右1：要婷婷坐定定影張相都幾難

     右2：卓希拿著卓希爸的手機週圍亂咁影

2./ 卓希近來的好好同學，之前都一齊去過花卉展的，朗朗。 

3./ 成班小朋友係科學園到最高興係乜？咪就係週圍咁追吹泡泡波

4./ 一家四口

5./ 中大留影，妹妹永遠都係慢幾拍，點都影唔到三個一齊的相

6./ 好專心咁摘士多卑利，不過好多都熟過頭，唔係好靚

7./ 卓希爸介紹小朋友玩怕羞草，仲好玩過摘士多卑利

8./ 係香薰園的活動：

   左上：餵羊       中上：餵魚       右上：玩水蒸氣

   左下：玩水搶，仲噴我添          右下：突然又變超人

9./ 一家人係香薰園留影

10./ 就一定唔少得我的作品

今日學完畫畫之後，我哋就去咗維園的花卉展，最終目的係為咗幫卓希約佢的同學仔去玩，佢哋兩個一見面後，就周圍走，好開心咁玩！

不過我今日無乜幫d花影相，一嚟要睇住兩個小朋友，二嚟見到d影相發燒友嗰d相機，就唔敢拎自己部機出嚟！

今日影d花相，一d都唔靚，都無上次我去海濱公園咁靚！上次嗰d真係靚好多！

花卉展d花唔係話唔靚，係跟本埋唔到身，太多人啦，影相係要講求角度，都攞唔到靚的角度時，我唔會影！

今日我返早，下午off，所以橫點都有disney的annuel pass，泊車又唔使錢，咁就帶卓希去玩！

我一早已經預備咗多件衫，點知睇完巡遊之後，翻風，五點我哋就走人，下次再嚟過，我怕會冷親個仔！

今年我們參加了奧比斯的步行籌款，行大潭水塘，都係我哋平時行嗰條路，不過平時無今日行得咁入。可惜係個天氣麻麻地，微微雨，我好怕凍親d小朋友，係咁要佢哋著衫！

我哋本來的行程係喺屋企搭的士去尖沙咀天星碼頭，然後坐船去中環的9號碼頭，上大會所安排的城巴。但係諗諗吓，十點先起行，八點就要去到中環，去到國際學校咪好早同無嘢做？咁我哋諗諗吓都係一條數的時候，call咗八五折的士，由屋企去大潭水塘，又唔係好貴，加埋隧道費都只係大約$120。

去到時，仲有20min先開始行，卓希同parco就已經係人哋的攤位到係咁玩踢波及搖控車。

到豆b到咗後，預備起程的時候，三個小朋友見到大會週圍放的奧比斯飛機好開心，要玩吓時，班小朋友中的一個一坐落去，就爆咗，居然整爛咗人哋的吹氣飛機，真的好好笑！

我哋因為三家人一齊行，班小朋友又要玩吓，又食吓，所以真係行得好慢！唉！終於去到終點的蓋印地方！

沿路風境都好靚，但係我要顧住推妹妹，無乜手去影相！係咁e影吓d石啦！

後記：我哋走時，就係搭大會的所安排的城巴返中環，然後坐船過尖沙咀，跟著就搭巴士返屋企，又可以順便行吓街街！返到屋企樓下，一時忍唔住，影吓d花，我覺得今年的花開得特別靚，心光都有好多花開得好靚，但無相機在手。

第二天主要都係兩個小朋友係咁玩，對卓希嚟講，最有興趣就係第一次搭機鐵！

後記：我由酒店走時，個胃已經好痛，到晚上都係好痛，跟著個背脊都有少少痛，我好怕好似上次入院咁呀！我唔想！

豆b的e媽有一些coupon，可以給我們去酒店住一晚，仲包晚餐同早餐，真係食之旅！

我哋用的係字母房，中間有道門係通的，依間係我哋的房，張床好大呀，我訓得好舒服，因為卓希豬無乜點踢到我！

依間係姐姐們的房

幾十歲，仲扮cute！

食自助餐，卓希食哂所有的違禁品，尤其是朱古力！

卓希同豆b兩個玩到上妹妹張bb床到！

   老公明天要返工，我明天也要做少許學校的工作，後天正式返工(職員培訓日，連續兩天)，所以好想帶一對仔女外出。終於決定去長洲，開開心心郊遊去！

卓希見到人哋踩單車，佢又想，咁我哋問價錢又好合理，$30租一日，咁就租咗成日，卓希係咁踩，都無要抱到，依架單車真係使得！

我哋仲見到d一舊舊的石，都唔知點樣形成的。

上次到長洲時，卓希連累到morfar受傷，要去長洲急症室，今次我哋又舊地重遊，依隻豬隻希，仲記得咁話俾me姐姐知。(因嗰時me姐姐仲未到！)

咁好的機會，一定唔少得我的所謂藝術相啦！哈哈哈！

後記：回到家後，我仲自己一個人去咗mega box的大眾書局，睇睇吓嘢就俾我發現依張ABC，仲係Thomas，希望能激發起卓希對英文的少少興趣，再一次，我哋係唔會俾壓力佢的！

今日老公要去維園，因為他參加咗渣打馬拉松十公里，所以要去攞衫同號碼牌。跟著我哋就係維園玩咗差唔多三個小時才走，連妹妹都玩得好開心，因為維園就有最多bb韆鞦(終於識寫依兩隻字，係之前睇電視時recall番的)。

晚上我仲同老公去mega box的spotlight，為咗買一些小禮物，等卓希的生日會可以俾d朋友仔帶番去！睇到我眼都花！

後記：今日老公發現卓希有白頭髮，哎呀！慘啦！好似唔似，似佢爸爸有白頭髮，咁第時咪成日要用染髮劑？

    今日天氣好到不得了，昨日焗咗係屋企一日(依個楊卓希唔肯出街，只肯落樓下，悶c我！)，我哋決定要外出，諗住去西貢行吓，mormor，morfar又話嚟join我哋！

西貢的新年氣氛真係好好，有好多舞獅進行中，我最鐘意依隻白色的舞獅！

仲有好多的，不過其他都是黑黑的，唔靚！

我哋先先飲茶，成一點幾都未食飯，皆因我哋係屋企太過me me more more咁啦！

然後就去咗海榜的公園玩，也在這個時候mormor，morfar找到我哋！

唏！我又影所謂的藝術相，不過今日無加到鏡頭(我懶)，所以影得唔好！

都係用鏡頭d相靚好多！

   昨天我要返工，卓希同老公去咗嫲嫲到，聽姐姐講，妹妹成個下午自己爬去大房，又爬去細房到拍門，想找我哋！聽到我心都痛麻，所以決定今日去完教會之後，下午一定要帶埋妹妹出街玩！

我哋決定咗去荔枝角公園，玩吓玩吓，都玩咗成差唔多三個小時！

後記：原來我之前所用的wild angle鏡頭是影單人才好看，因為它會令到背景有少少模糊，所以一人多就唔好睇！唔怪得知昨天幫卓希契媽影畢業相，睇番d相時，都係d單人相靚好多。原來仲有好多嘢我要去學的！

      妹妹昨晚二時開始發燒，唉！擔心c我，都係黑面神攪到佢咁，成日都話唔記得洗澡時開暖爐，嗱！依家凍親妹妹，咁點先？

所以今日的節目全部無妹妹份，其實我都無乜心情去玩，一來昨晚訓得唔好，二來真的擔心妹妹。但係為咗個細的，連大嗰個都無得去玩時，就會好唔公平，尤其是我係家裏唯一一個的司機媽媽。所以就帶卓希去見好耐無見的friend，蝦蛟、小魚、gingin、natali！

係草地都玩一餐飽！

玩到飛起！

天若有情，只係gingin唔敢坐車尾！

預備出發去摘草莓啦！

好專心地剪呀，剪！

兩母子合作，一齊摘呀，摘！

   今日同卓希學完畫畫後，我哋去咗新地方玩，就係多貴嘢的：圓方。

唉！去到我真係超無方向感，要係咁打住電話先問到蝦蛟媽點樣去到平台到，我今日個人都係比較忟咗少少。

 今日卓希學校教師發展日,為免大家係屋企困獸鬥,我就帶咗佢哋去西貢行吓,卓希同妹妹都玩得好開心.

以下資料係copy from軒佑媽！紅色係我哋已經去過，哈哈！原來仲有好多地方未去過的！

(1) Ocean Park 兒童皇國
(2) 山頂
(3) 市政大廈既遊戲室 http://www.lcsd.gov.hk/b5/ls_fac_playroom.php
(4) 愉景灣沙灘
(5) 中央圖書館既玩具圖書館 (預約電話: 2921 0386 )
(6) 黃金海岸+沙灘
(7) 嘉道理農場 http://www.kfbg.org.hk/
(8) 大埔海岸公園 (可踏單車+放紙鷂) http://www.lcsd.gov.hk/parks/tpwp/b5/index.php
(9) 清水灣大拗門 (燒烤/野餐+放紙鷂)
(10) 粉嶺香薰園 (燒烤+釣魚+餵羊+兒童游樂場+香薰園+自制香薰蠟燭+stepping pond) http://www.lavendergarden.com.hk/TraditionalChinese/Introduction.asp
(11) 西貢海傍長廊睇狗狗
(12) 將軍澳寶康公園(好多野玩)
(13) 香港動植物公園 http://www.lcsd.gov.hk/parks/hkzbg/b5/map.php
(14) 求其一個公園吹下番泡都好開心
(15) 白泥釣魚+BBQ
(16) 赤柱買BB衫
(17) 沙田行公園, 城門河單車徑+新城市廣場
(18) 大尾督, 睇海, 踏單車, 食野, 放風箏
(19)馬鞍山公園,環境幽美,可以在大草地上玩(怕熱可到旁邊的圖書館or體育館內的兒童遊戲室)http://www.lcsd.gov.hk/parks/mosp/b5/index.php
(20)長洲遊吓船河,行吓沙灘
(21)彭福公園踩草地
(22)淺水湾切沙堆&野餐&玩
(23)天水圍濕地公園 http://www.wetlandpark.com/
(24)南丫島
(25)元朗偉記士多燒烤場($58閒日,$68假日任食,款式多,食物GOOD,地點正)有撈金魚攤位,有大電視,有遊戲機,夾公仔機.......
(26)石澳玩沙游水
(27)元朗荔枝山莊 http://yl.com.hk/taitong/index.htm
(28)元朗天水圍綠田園
(29)城門郊野公園http://www.afcd.gov.hk/tc_chi/country/cou_vis/cou_vis_cou/cou_vis_cou_sm/cou_vis_cou_sm.html
(30)梅窩銀礦灣沙灘 (BBQ+踩單車)
(31)獅子會自然教育中心
http://www.travelinsaikung.org.hk/chinese/land/lion_nature.shtml
(32)珀麗灣 (荃灣西西鐵站搭船去)
(33)粉嶺龍山寺
(34)粉嶺黃帝祠
(35)粉嶺綠野仙終
(36)錦田鄉村俱樂部
http://www.yl.hk/ktcc/index.htm
(37)科技大學 (LG7那層: 有冷氣canteen、噴水池(小朋友玩水都得)、草地及沙池(無人打沙灘排球時，可玩沙)(G/F那層有酒樓 China Garden)
(38)大埔鐵路博物館
(39) 大埔滘小白鷺餐廳 (有人類民俗館, 兒童跳彈床, 手工藝, 餵山羊...)
(40)西沙茶坐對面個沙灘放風爭捉蟹仔可以BBQ
(41)東涌東薈城商場記(有factory outlets, 兒童室內遊樂場)
(42)沙田文化博物館（好益智）

(43)西九海濱長廊