目前分類:難得出去wet (85)

瀏覽方式: 標題列表 簡短摘要

今日我哋一家的大型活動之一就係去鰂魚涌公園, 去睇已停使的葛量洪號滅火輪. 之前蝦蛟媽問我去唔去, 一定去, 因為我屋企有個好鐘意消防員的楊卓希, 咁啱早上去完嫲嫲到同堂家姐玩, 所以下午又一齊去啦!








葛量洪號滅火輪 - 小智識

        於一九五一年在香港黃埔船塢建造的「葛量洪號」,船身接近四十米長、排水量五百○三噸,航速每小時十二點五海里。船上配備了八座水炮,其中一座安裝於升降塔上,可伸延至離海面約十八米的高度。該船每小時可抽水六十三萬加侖,半小時可製泡沫十五萬加侖,方便撲滅不同類型的船火。這艘以港督命名的滅火輪,是當時世界最先進的滅火輪之一。

  「葛量洪號」是第一艘由康文署保存下來,作為歷史文物的船隻,也是本地博物館所收藏的體積最大的藏品。現在「葛量洪號」已經與展覽館二合為一,以新的面貌和形式,再度為香港社會作出貢獻。

        「葛量洪號」在二○○二年光榮退役的時候,康文署決定將『葛量洪號』保存,並為它興建一所展覽館,開放給公眾參觀,使公眾能進一步了解『葛量洪號』的貢獻和增加對海上救援工作的認識。

該館的開放時間為每日上午九時至下午五時,逢星期二(公眾假期除外)及農曆年初一、初二休館。免費入場。

有關詳情,可瀏覽香港歷史博物館網址
http://hk.history.museum

suklaic 發表在 痞客邦 留言(0) 人氣()

今早卓希爸要帶隊返工,所以得卓希、tun姐姐及我在家。
 
我一大清早就帶埋佢哋兩個外出,去西貢行下,目的係用下卓希的能量。先先到北潭涌的上搖(音)村的博物館去行行走走,卓希好開心,我仲教了他很多有關客家人生活的瑣事。
 
佢話要同d豬(假的)一齊影相
 
仲話要野餐,不過只係食koko脆片
 
跟著我地就行咗去西貢的遊客中心到睇展覽,卓希梗係一路行就一路攪嘢啦!
 



 
下午返到屋企後,卓希就訓到成隻豬咁,梗係啦,依兩日都係一早五點幾就醒咗,真的俾佢玩c!等佢訓醒後,便叫佢做週未的功課。

卓希好鐘意做功課,做完之後,仲會幫手收起佢的枱同椅子,希望佢咁的態度可以維持落去啦!

suklaic 發表在 痞客邦 留言(2) 人氣()

今早先先到鯉魚門掃墓,那是爺爺的嫲嫲。食過午飯後便回家,點知卓希在車上睡得很甜的同時,返到屋企就唔使再訓。為免一家人在家困野獸鬥,我們決定去大埔海濱公園行下。
 
去到海濱公園,卓希便有時要卓希爸抱,有時又自己行。見到小朋友赤腳在草地走,他又要試,不過好快就話要著番鞋。然後又學人行石春路,不過由於好痛的緣故,便轉咗行石春路隔離的石路。
跟著又可以同其他小朋友一齊玩,玩到唔願走。人哋重陽節就登高,我哋就去公園玩。我哋話,下次一定要帶d嘢食去野餐,因為坐係草地到真的好舒服!
 

suklaic 發表在 痞客邦 留言(0) 人氣()

今日我哋係早上決定要出去,好好咁享受的哋開始的假期,第一站,就係上山頂

suklaic 發表在 痞客邦 留言(0) 人氣()

基於一些特別的原因,我有些迪士尼的free ticket,成個summer都無時間同卓希去,下星期卓希爸又要返工啦,所以咪今天去囉。
下午二時四十五分,我哋約了我妹妹,佢仲帶佢個仔同兩個靚妹去,不過一去到大家各自玩,因為卓希仲細,同佢哋玩的嘢都唔同。


去到我們便第一時間去拿巴斯光年的快pass,然後便去玩winne the pooh,都要等成四十五分鐘,卓希好鐘意,仲學我哋咁手指指。

跟著我哋便去坐船,佢都唔係好驚,只是去都有好多steam的地方便有少少怕。不過今天真的好多人,排隊都排咗好耐。
然後便去醫肚,雖然係貴,但都無人哋講得咁利害,只是凍嘢飲就真的好貴啦!
晚飯後,我們玩的策略改變了,先是芳ee同卓希去玩騎木馬,同一時,我便去排小飛象,所以在一小時內可以玩兩樣東西。教咗卓希按制可以上下後,嚇c我,佢係咁又上又下,我差點嘔番d食物出來。跟著便係時間玩巴斯光年,好好玩,我有成四萬幾分。
卓希在迪士尼咁耐都無sleep過,所以到晚上七時多便開始攰啦,我們決定唔睇煙火便在七時五十五分走人,係停車場都見到煙花,卓希仲唔想上車添!
 
總括來說,如果唔係有free ticket,我都唔會去香港的disney,真的很細,香港人做唔到好像美國人的那種氣氛,仲話要係上海開添,邊得呀?中國人咁唔識禮貌及排隊,點可以把disney做得好呢?像今天,已經有個阿太帶著三個小朋友打我尖啦,我好想用並通話話她的,係卓希爸咁住我咋!所以中國人係做唔出嗰個歡樂的氣氛來的。日本的disney,我又覺得太假,吓吓都要點頭。美國就真的好玩好多,人哋的文化係可以做到好開心同忘記一切盡情玩的。

suklaic 發表在 痞客邦 留言(0) 人氣()