港楊回憶，樂趣無窮！

我之前咪講過做網上生意最開心係有人要我所選的貨，及最有成功感係影相。不過之前同同事分享影相事情的時候，我的好好同事jason同emily係咁叫我買燈箱，但係一上yahoo bid時，嘩！好貴呀，成五百幾至八百元！我想簡簡單單，唔想咁復雜，同埋只係for興趣啫！

之但係我近來都面對一個問題，就係無時間影相，往往要到晚上兩個小朋友訓咗之後，先有時間，但係就唔夠光！前晚上淘寶時心血來潮，search一番，見到好多都幾貴，e！依一套平平地二百元玩吓啦！點知，一送到嚟，就知“玩大咗”，因為原來好profectional的！

先先有好多個配件，連燈都有埋架！

然後就係個箱，摺摺吓又變咗一個大箱出嚟！

仲有影相的架，送埋白色及黑色的板，仲有四隻腳添！同埋背景轉顏色的布！真係超值！

完成品！！！立即試影先！

對比，上面是今晚影的，下面是之前所影的！

最頭痛係我要搵一個地方好好咁安頓成set咗，仲唔係“玩大咗”？

yahoo嗰個，請安此！

潮爆復古飾物店，請安此！

picasaweb的相薄，請安此！

今晚一開電腦，就見到yahoo拍賣場有個信息：I am interested in Buying your item which i saw on Yahoo auction. I will like to pay HKD 900 for the item I will make my payments via Online Bank to Bank Transfer which as I was told is reliable and secured.i will require Ems speedpost for the shipment I will only need your bank account information so as for me to make the payment through Bank

嘩！開心到我呀！開心唔單只係有生意，而係有人欣賞我入貨的眼光，仲要一買就買咁多！(唔知佢係咪會轉手賣出去呢？)總之我唔好抱咁大希望住，睇定d先！由上個星期到今日為止，我只有兩個街外客，所以都唔係無進賬，只係唔會咁快見效的！

努力，加油，我只玩summer咋！

我以為已經好鐘意載飾物，不過有咗卓希後，手指漲咗，佢出咗世後，又怕會整襯佢，所以一直都無載乜嘢飾物。不過之前係報紙到見到有人賣平的復古飾物，我最鐘意的，好平(我以為)，咁就一直幫襯。不過，近來佢要開始返工，而且佢的款效誇張，唔係我杯茶！所以，依家我晚上又無讀書，今年豬流感，又唔使負責夏令營，就學人攪網上生意。我俾自己只係學校的長假期先會入貸同影相，因為都要係屋企，等小朋友訓咗先可以做到！

我有兩個拍賣網，睇吓邊個方便d！

yahoo嗰個，請安此！

潮爆復古飾物店，請安此！

全部相都係我自己影的，其實係成個過程，我最開心就係訂貨，因為覺得好似大老細咁，跟著就係影相之後係電腦到睇番，覺得自己攞角度好似叻咗咁！嘻！唔該俾d意見！

我已經決定咗，將自己的興趣實行出嚟，所以今晚係咁整，係咁upload d相，嘩！原來我影d相都唔錯，努力，加油！如想知詳情，請e-mail給我啦！

suklaic@hotmail.com

今日返工時，一入到心光，就見到有三個同事係咁對著個海用傻瓜機影相，原來係見到彩虹，同事好快咁用佢的相機影到！

但係到我時，前後唔夠一分鐘，彩虹已經消失咗好多，“雨後彩虹”！

午飯時間，我同個同事約定，要交換鏡頭同相機玩，嘩！勁呀！用我老公的canon 500d加上佢的濶角度鏡頭，好好玩！

跟著，我哋係咁試微距的影法，原來係要另外買過一個微距的鏡頭先影得好。所以我的同事係咁用450d(佢自己部相機)，我就係咁用自己部 power shot的超微距程式(我帶埋自己部相機，要長禁朵花嗰個制就係超微距！)原來我自己部傻瓜機都可以做到幾好的效果，不過我都要學多少少影相的角度先得！

今早好大雨，我哋返唔到教會，主要係大雨的時候，卓希爸就更加懶唔想返，我一個人攪唔點兩個！因為無論停車場，又或者行去教會成段路，全部都係露天的，我要攪兩個小朋友真的超難！以前得卓希一個時，我都會頂硬上，攪得點，但係依家兩個，手得一對，顧得邊嗰呢？

我喉嚨都未好過，日日早上都有好多痰，尤其是深綠色的痰，一定是發ing炎。所以為免我唔傳染俾佢哋三個，我依幾晚都係訓地下，希望自己快d好番啦！

俾個同事提醒，不如係facebook到幫對仔女開個fans club！我都只係用咗十分鐘，就幫佢哋開咗，諗住慢慢的將佢哋的成長記錄下來。

始終，係我個blog到係跟日期，同埋夾雜咗我自己好多嘢，如果用facebook的話，可以獨立哋係佢哋自己的。

所以今晚係咁upload卓希細嗰時的短片，原來我太耐無上v log，嗰戶口無咗，換句話，即是我以前所upload的短片無哂，所以呢，係個blog到有關以前的短片係空白。慢慢做，一定做得哂！分開多幾日囉！

我一路以來睇人哋的blog就覺得人哋好叻，係咁併d相併得好靚，係無意中問問個同事，哦，原來有一個software仲好用過photoshop的。photoshop我已經好多年無用，唔記得哂，但係今次photoscape好容易用，唔識電腦的我都用得好開心！

係咁二試吓！

近來我的ip cam唔知做乜，上到個網址，之但係就成日都係寫住：connecting，但睇唔到畫面又聽唔到聲。不過我要扮係學校到睇到時，係屋企都會有意無意咁講一兩句嚇吓d姐姐，有一日，我放工後卓希問我嘢！

希：「媽媽，你睇唔睇到妹妹扭計？」(卓希問的時間性是剛放學回到家，正在和我通電，我聽到妹妹在扭計)

媽：「睇到！(扮ing嘢)你放學時麻，我見到你同妹妹，但係妹妹唔聽話，係到扭緊計。」

希：「我都睇到你！」(吓！係屋企睇到我？見鬼咩！)

所以依家一放工後，卓希都會問我睇唔睇到佢，我就會話學校好多嘢做，媽媽無上到網到睇(我真係有好多嘢做，做嚟做去都做唔完咁)。不過紙係包唔住火，我怕有一日姐姐們知道其實我無睇 到時就會放懶，所以就請jj無論如何都要再嚟我屋企一次，睇吓係乜嘢家火攪到咁！

哦！原來係jj上次set的時候，開少咗兩個port，令到我無畫面同聲，依家好啦！又可以開始我的監視工作與生活！

 今日將d新窗簾掛起咗啦！

姐姐問，點解廳的窗簾咁短，我係特登做到咁的，因為怕妹妹咁細個會成日走去拉佢，咁平，第時做多套都無所謂啦！

卓希的房！

大房

 今日放工返到屋企後，見到有一個包裹：

打開第一層，就見到“香港，周小姐”的字樣：

再打開，就見到一疊布：

原來係我喺淘寶網到訂的窗簾，打開佢，真係幾靚！(本來仲以為會麻麻地，我之前已經問咗兩三間店，有d款仲靚，仲大方，不過佢哋都掛住13號放春假，所以唔肯接我的單，只有依間肯，因為佢哋的工人都係本地工人，唔需要好長的時間先返到屋企！)

因為係穿杆式，現在還有個圈圈添！

原來佢仲預備咗一set的“是卑”窗簾俾我

無國界醫生

今晚同卓希傾計，話俾佢知爸爸媽媽會同佢開生日會，不過我哋想請d小朋友唔好買禮物，將d錢捐去無國界醫生到。卓希初初都唔係好想(小朋友係咁的啦)，之但係當我開無國界醫生的網頁俾佢睇時，佢見到咁多小朋友有病，佢都話好！不過，我答應他，爸爸媽媽的禮物是一定會買的，但希望其他小朋友就唔好買，將d錢去幫其他人仲好過！

卓希跟著就好乖咁識得講：「媽媽心光學校到都有好多哥哥姐姐無玩具，等我執好我d嘢時，就送執好的玩具俾佢哋啦！」嘩！聽到我超感動，不過到真係做時，就要睇吓佢的表現啦！

所以，各方親朋戚友，唔好買禮物啦！我哋唔想卓希咁細個就有咁多物質的享受，如果真係想俾，就給無國界醫生啦，助人為快樂之本！

相信有“追”開我的blog的朋友與親人都知我現在乜嘢都係淘寶網到買，可以方便到唔使出街都得。近日我同學校d教學助教講開canon的鏡頭，我表示係喺淘寶網到買，佢哋的興趣好大，仲問好多有關開戶口的問題，但由於我好耐之前開， 好多嘢都唔係好記得，只好教佢哋係yahoo的blog到，睇吓人哋點樣教路用淘寶網！超攪笑，一見面的話題就係“淘寶網”！

今天晚上，臨訓前同兩個小朋友係床到玩自拍，超好玩！

       今日教學助教教咗我用光圈，不過我聽完後都係唔係好明，跟著就落咗花園到試機同鏡頭，好好玩！

為咗我的canon s5 is可以有個連接筒，可以加唔同filter上去玩，我係淘寶網到訂到，之前打去香港的canon，佢哋話我部相機個款太舊，無嗰隻連接筒配。起先都有唔開心，依家終於有時間可以發展吓自己的興趣時，又找唔到配件。好彩我突然想起淘寶網，又俾我找到！一於訂咗兩set嘢，一set就係個連接筒(香港canon要成$590，係淘寶只係$130)，然後加多一set影wilde angle的鏡頭。明天要去玩吓，去試機先！

      之前係同事個facebook到睇到佢影的相好靚，叫佢教我，點知佢話唔使教，只要換過個鏡頭就得：“星鏡”。昨天放咗工後去德福到睇，點知成個德福都無星鏡，今日去旺角買妹妹的奶粉(姐姐昨天才告訴我話無哂奶粉，我訂開嗰幾間都無開，只好自己去旺角一次)，就俾我找到星鏡，之後係荷李活廣場到試鏡頭，好好玩呀！

依張係試驗品：

成功作品一：

作品二：

作品三：

作品四：

依張係我最鏡意的：