港楊回憶，樂趣無窮！

我搵咗好耐的金桶牛油，一路都搵唔到，梗係無時間上烘焙店啦！工人姐姐居然係牛池灣的印尼店幫我搵到，仲係平過網上其他人買，$37一罐。

今早太早醒咗，上網睇人哋的食譜，見到依個食譜，好簡單，立即去整，半小時唔使就已經可以用光波爐整好，真係快靚正！

jennie's cookies

100g 牛油加25g糖霜打到奶黃色，

篩入25g粟粉及75g低粉，

攪拌。180°c 波12分鐘中架。 

可以返教會前整好，成功感陪增！

我將JULIA CHILD的“紅酒燉牛肉”改良”作屋企有的材料來創作

(一切步驟，以BLOGGER為準)

我係超巿買了一支好細紅酒，只是$11.9，因為家裏有很多人不能飲有酒精的。其他材料，請參考原註的BLOGGER。

先用中國人的方法，把所有牛肉(加豐訂)出水

用真空鍋，倒入橄欖油後，將牛肉煎至各面都上色，煎好後撈起

把已切片的紅蘿蔔及洋蔥在鍋中炒到表面變為咖啡色為止，然後把牛肉放回鍋中，最重要的是牛肉鋪在蔬菜上面，然後灑上鹽及配料

鈞勻灑上都粉，直至合部沾滿後牛肉翻面再灑一次

放入光波爐內，160度，3分鐘，轉牛肉面，再160度，2分鐘

把紅酒與湯底加入，要讓湯蓋過所有的肉

一路用小文火加熱，一路加入蕃茄醬、百里香、大蒜等香料

由於第二天用饍才享用，故晚上先用真空煲，明天再用光波爐的慢火來煮！

待續..........................

第二天早上，先用明慢火翻熱

然後轉去一個可以放入光波爐耐熱耐的鍋內

預熱光波爐

160度，書寫要在焗爐內三小時，但因是用光波爐，會快，所以我預計只光兩小時。

待續...............................

參考BLOG：http://flambo.pixnet.net/blog/post/29545990-julia-child%E7%9A%84%E7%B6%93%E5%85%B8%E9%A3%9F%E8%AD%9C%E2%80%9D%E7%B4%85%E9%85%92%E7%87%89%E7%89%9B%E8%82%89%E2%80%9D-boeuf-bourgu

今日主要都係休息，唔知係咪D藥的及麻醉藥的原故，好攰，多多都訓得到！

我個鼻仲有血絲流出，都係唔係好止到血住！唉！家有兩個小鬼頭，頭先爭嘢時我一大聲話佢哋，又流過血啦！激C我！我應該搵個荒島住上一頭半個月就差唔多！

本來我好有大計，想係屋企的今個星期整多D好嘢食，但係我真的好攰，所以今晚都係工人姐姐整好豉油雞批，跟著用光波爐光咗佢十分鐘，嘩！好入味同個皮好脆！

明天的大計係整木糠布丁，不過未買齊嘢，睇吓有無先！

自從有咗光波爐之後，為咗自己的方便，係FACEBOOK到開咗個群組，點知原來有好多人JOIN，仲寫咗好多食譜。

見到人哋整南孔吊燒雞，好想食，請工人姐姐協助，整咗，好好味呀！

本來我的鼻血已止得七七八八，連去開大都要好小心，因為醫生話過如果開大時唔好谷得咁辛苦，如果唔係會流過血。所以成日我都好小心，又唔可以抱妹妹，又唔可以彎底身做嘢，又唔可以做依樣，又做個樣！

不過晚飯時，我為咗自己一家人可以有啖好食的嘢時，除咗整南乳吊燒雞之後，仲整咗沙X牛肉煲，用力拎起個鑊時，之後又流過鼻血，唉！真係煩，又要好似日本個D偷仔咁整個紗布係塊面到，超煩！最唔舒服係D瘀血流到去喉嚨時，嗯，好難的氣味，如果嘔到出嚟就好，如果唔係食咗落去都幾難食！

放假先嚟落雨，有乜嘢好做呢？卓希咁鐘意食嘢，又咁鐘意整嘢，堂家姐又嚟咗我哋屋企，咁就試吓用光波爐整腸仔牛角包啦！

我係facebook到開咗個光波爐食譜會，真係好，有好多志同道合的人士upload佢哋的食譜同埋相，所以，今晚係照足佢哋的食譜，整咗焗豬排飯，食到個個都話好食！

材料 : 豬扒 3 塊, 蕃茄 4 個, 洋蔥 1 個, 新鮮菠蘿 1 個, mozzarella 芝士適量, 雞蛋 3 隻, 冷飯 5 碗

豬扒醃料 : 新鮮菠蘿半個打成蓉, 豉油, 糖, 老抽, 胡椒粉, 麻油適量 - 醃 2 個鐘頭

獻汁 : 雞湯 1 + 1/2杯, 蕃茄膏 3 湯匙, 茄汁 3 湯匙, 麵粉3湯匙加水攪至漿, 鹽半茶匙, 糖2湯匙.

先將3隻蛋打勻, 先煎一半份量雞蛋至半生熟時落冷飯炒, 加鹽少許, 炒至所有飯鬆開, 再落剩餘一半份量嘅雞蛋再炒至所有飯粒都有蛋包住, 將炒好嘅飯先放入錫紙盤中.
起鑊煎豬扒至8成熟, 放於飯面.
油起鑊爆香洋蔥, 再加茄蕃, 剩餘半個菠蘿炒至香, 加少少紹酒炒勻, 放雞湯, 茄膏, 茄汁炒勻, 再慢慢加麵粉漿至汁收緊即可, 將獻汁均勻鋪嚮飯面.
芝士切薄片或刨粗條, 平均鋪於飯面獻汁上面.
用低架, 以200度先預熱光波爐 5 分鐘, 之後就可以將整盒飯放入去爐, 轉 180度大約 8 - 10分鐘左右直至芝士變成金黃色就 ok.

今日要返醫院覆診，醫生話我咁痛法，不如照照胃鏡，排期都排到明年一月！明年一月？我都唔知係唔係到啦！不過醫生話攞咗我個膽去化驗，原來個膽有慢性發炎，如果無切到的話，終有一日又會要入院的！唉！有好有唔好啦！

下午二時多三時正返到屋企，開始我今日的大計，就係要用光波爐整嘢食！昨日已經請姐姐幫我買咗隻雞(整燒雞)，今早送咗卓希上校車後，又去超巿買梅頭(整叉燒)。

所以，昨晚醃好隻雞，今日教一教姐姐，晚上就有美味的燒雞食。

卓希好鐘意整嘢食，所以佢成日都要我整蒜蓉包，好啦！我哋試吓整先！

蒜蓉包(德國寶，12L)

先搽上牛油,
放香蒜粉
搽上切片法包
低架 220 度 3-4 分鐘

即外脆內軟.

叉燒(德國寶，12L)

材料：一斤梅頭肉
醃料：鹽 1/tsp
糖 1/tsp
老抽 1/tsp
麥芽糖 1/sp
叉燒醬 1/sp

把買回來的梅頭洗澡，印水，吹吹風
把所有醃料和梅頭一起醃，我今次只是醃了三小時，應該醃過夜會入味d！
250度，10分鐘，反轉，230度，10分鐘，再反轉(上面加錫紙)250度，3分鐘！

鹽焗雞(德國寶，12L)

材料：雞一隻
醃料：糖 1/tsp(tea spoon)
鹽 1/tsp
生抽 1/tsp
老抽 1/tsp
鹽焗粉 1/tsp
麥芽糖 1/sp(soup spoon)
醋 2/sp

洗淨隻雞，用kitchen paper印乾水，放在枱吹吹風
把糖、鹽、生抽、老抽、鹽焗粉，mix在一起，然後搽在雞身上
醃兩小時後(我今次醃過夜)，就放在一煲熱水，10seconds就拎出嚟，印乾水，吹吹風。
最後，麥芽糖和醋mix在一起，搽在雞身上，待乾！
放入光波爐，250度，雞肚向上，15mins先，然後反轉，再嚟多15mins。
(下次我要先用錫紙包咗d雞腳同雞翼，唔使燒得咁燶)

p.s.：我仲學人係facebook到整咗個“光波爐食譜會”，希望多d人將佢哋的食譜放上去，參考參考！

係bk到睇到好多媽媽介紹，好想買，不過一直都唔買住，因為好貴呀。但，前幾天見到永安將會大減價，仲有所有配件都送埋，一於take action！

今日用咗嚟烤雞翼，真係好好味，而且又無乜油，好似剛剛bbq完的雞翼一樣！

部光波機仲有好多功能，能夠烤、煮、燒、煎、蒸、焗、烘、炸、燉甚至解凍。詳細係依到！

雖然我近來無乜胃口，但係今日整嘢食時，好享受，卓希仲食咗好多隻雞翼添！