港楊回憶，樂趣無窮！

時間過得真快，又係時候SAY GOODBYE！

早上十時正，我們便CHECK OUT，然後去三清洞到行街，依到係老公個堂妹，話好有特色的一條街，好多大店都整得好靚！

兩個小朋友肚餓，係街到見到著紅衫的旅遊大吏，便捉住他們說我們想吃韓式燒烤，有無好介紹，佢哋就介紹咗依家好好味又好鬼貴的店舖給我們！

以為唔夠食，但都飽！

然後我見原來街頭有間銀行可以做退稅手續，就去試試看，唔使到機場咁趕！點知，得兩個號碼係前面都等咗成半個小時，然後輪到我時成間銀行的人都唔識得退稅，我想C，快快走人，唔想再浪費我D時間！

我哋仲去咗食WAFFLE，真係趕趕趕，但好好玩，尤其無老公係到阻住我哋，玩乜都無人有意見！

之後返酒店，我又想試係LOTTE FITTI到退稅，點知輪到我時佢話只可以係UNDER樂天GLOBLE旗下的店舖單才可以退稅，真係麻煩，只好去機場一次過攪點！

我哋三人由LOTTE FITTI用咗五分鐘就急步行到返酒店，為咗要趕機場巴士！

好彩坐到三點的機場巴士，我哋晚上七點幾機，給咗UNTIE係機場到等，我原先都以為太早，點知，點知，首爾真係好塞車！我係車到訓醒都未到機場，由酒店到機場用咗兩小時的車程！然後仲要係機場到把UNTIE要我帶回港的東西入喼，跟住排好長好長的隊才CHECK IN到。UNTIE又要請我哋食飯先可以入閘，成七點先才得閘，跟住飛快去退稅，點知自動退稅機就退到，但樂天GLOBLE的隊把咗好多個蛇餅，放棄，因為我只得一張咁的單！

今日成日都行得急急腳，又急急咁去搵7號閘口要上機了，我從未試過起機前20分鐘才去到閘口，首爾是我的第一次！

係飛機到等起飛，我們仨又玩起自拍，真係好開心！

返到香港十點幾，係等行李等得耐，因為一次過幾班機到香港，返到屋企都成十二點，好開心，希望可以同小朋友去多幾次(首爾)旅行！

今天一大早我哋決定行到邊就食到邊，横點咁早D店舖都未開，所以我哋就近近地去咗一個公園行下玩下，就係首爾林！

我上網找資料時搵到依個公園，近近地，就同佢哋去玩下，點知原來都好大，又好舒服，都未走就話下次要再嚟多次！

去到公園，由於好大，我哋決定由右邊行一個圈咁

向住右邊走，就係有錢人的住宅，靜雞雞講個秘密：金秀賢就係住係到！當然，我唔係為咗佢，所以我都無話俾兩個小朋友知，我係為咗放咗隻羊d電，同埋唔好阻住我行街街炸！

點知去到兩楝大廈到，就見到coffee shop，好吖，嚟個醒神早餐先！

食完早餐，我哋就繼續行，繼續走，真係好舒服，兩個小朋友都好開心，我哋學到好多嘢，原來韓國人真係好鐘意盤腳咁坐，連在公園都有特別的枱俾佢哋盤住雙腳坐(我初時以為係台仔，點知睇多見到有d人坐上去，才明白)！

依個人形架好好玩，我幾驚婷婷攪唔點，點知佢又無問題，仲話要玩多次，真係好好笑！

跟住就去兒童公園繼續玩，如果時間多d的話，留係到成日都得呀！

週圍好多又大又靚的太陽花！

我哋因為趕住去玩具街，所以只係行咗中間嗰一忽咋！

跟著就去咗玩具街，但係因為星期日，好多店舖都無開(好彩)，希希就選唔到嘢，但係婷婷就係咁買frozen文具，睇到我眼都再大多一個圈！

拎嘢返酒店前食個所謂簡單什飯先！

係酒店放抵D嘢之後，我哋就搭的士去「南山谷韓屋村」依個係2012年的行程，但當時佢哋行唔到咁多，所以今次就同兩個小朋友自己去行下去玩吓！

真係好靚，最衰無導賞講解，否則會好有趣！

依個伯伯日日都係咁織織織，真係替佢悶，而且好似無乜人識得欣賞，只有我們仨企係到睇，後來才多咗些外國人！

依個鐵圈好難玩，卓希係咁失手，婷婷就更加唔使講→唔識玩啦！

依到D屋，大多數都係大錢人的，所以效乾淨！

依隻妹，肯合作影相時又真係幾靚女！

時間廊，話首爾巿已經有600年，400年後D子孫先可以開！

都唔夠高，又要影！啍！

因為近明洞，所以就係我shopping的時間，佢兩個都好合作咁等(唔合作，未死過咩)，所以我就係咁獎佢哋食嘢！

炸薯仔，佢哋話好好食，我掛住SHOPPING，回頭佢兩已食哂！

晚餐去番兩年前我哋去過的鐵板雞，重遊舊地，好掛住老公啊！

食完我又shop多一陣，打的返酒店，又出嚟東大門買過，佢兩個又有收穫，真係大家都開心！

一早起身去搵早餐食，住得WESTERN CO-OP就一定有佢的好處，就係容易搵食，今日試咗ISAAC的包，我自己就覺好好味啦！

我哋今日預咗要JOIN埋芍婷個同學仔WUN WUN，然後一齊去樂天玩！

一早我哋就去咗弘大的3D館到玩，係咁影相，可以我自己一個同兩個小朋友去玩真係好開心，佢哋突然間變得又乖又聽話，但我自己就辛苦D囉！

係弘大個HELLO KITTY CAFE係咁等芍婷的同學，用咗我哋好多時間，無法，應承咗麻！

只好食下嘢先啦！

去到樂天，我要照顧佢哋三個，真係無乜時間影相，樂天相比起愛寶，真係無咁好玩，我哋玩咗→應該係排名咗成四小時不同隊後，就走人了！

然後我哋去同都教授食拉麵，真係好好味，又真係好多人，人流不停咁，無法，50年老字號！

之後我哋返酒店之前，居然被我氹到個三隻嘢陪我SHOPPING吓，我用咗極快速行咗四間店，係咁指住張LIST要的嘢，D SALES係咁好快幫我執D貨，所以D小朋友都唔覺買咗耐，仲幫我手拎返酒店添呀！

晚上，WUN WUN的親戚嚟接她走，大家都唔捨得呀！

第二日完！

老公要帶學生去五天絲綢之路，我就帶兩個小朋友去四天韓國！

0830所CALL的八五折的士來接我們，雖然學校未放暑假，但係機場真係好多人，尤其是已有好多父母帶小朋友去旅行！我哋CHECK IN時不是太多人，只係等一陣就到我們，但當我們CHECK IN 完後，後面超多人，所以都話早到機場好好多！CHECK IN完我哋就過入境處，計畫入禁區食早餐，我的AE信用咭可以免費去VIP房到食嘢，今次老公唔係一齊，所以我決定補少少錢帶埋小朋友入去食嘢！拿了這張信用咭好多年，都係第一次入去食嘢及享用，早餐都不過不失，我哋共拿了四支水入落水樽到，原來都成六十幾元了！小朋友食完後仲去玩電腦，打咗一陣機，我哋就開始行去7號閘！到閘口都要等好少時間就可以上機啦！

KE604(747)    12:05-16:45 

到首爾都已經下午1645，出機場時就見到AUNTIE，真係十幾年無見，都無改變！原來佢已再結婚，老公姓崔，的士司機。所以佢見到我一個大人帶著小朋友就話車我哋去酒店，真係好好人，我唔使將D行李搬嚟搬去！未上車前，我去7號出口的OLLHE到拿訂咗的WIFI蛋，真係超方便！

我哋坐咗一個鐘頭的士才去到巿區(已經快咗了，如果坐機場巴士要成個半至兩小時)，然後都搵咗一陣才搵到WESTERN CO-OP RESIDENCE，唔係靚酒店，但勝在近地鐵，而地鐵站「東大門設計廣場」又有三條地鐵線，去邊都好方便！

去到房到NO 1211，又唔太差，總之唔太多時間係酒店！

不過我哋無留係酒店耐，因為六點半才到酒店，CHECK 得IN嚟，又安排好D嘢都成七點，我哋要趕去“追星”，之前係香港已訂了一張大人票(都係為咗張CASH BEE)，然後仲PRINT定張六月先可用的八折票給小朋友們，我哋玩得好開心！

我哋仲玩埋TIME SILENCE，笑到我C，請按下這裏！

之後我諗住去食出名的穚村炸雞，但妹妹開始唔願行，所以係酒店後面條街到求其一間店到食炸雞，真係好好味，但又真係好貴！

然後返酒店休息，一日就咁就過去了！