自從有了卓希後，我晚上都唔會再追電視節目，一來唔想為咗電視節目而煩躁不陪小朋友，二來係bu讀有好多功課要做，三來唔想浪費時間。每晚九時半的電視節目老公大都會追，無論好看或不好看，他都會成坐山咁“duck”係梳化前到睇電視。而我會有時經過廚房時，順便坐下睇一節或半節，睇完後就一定會評論為“無聊”或“悶”！

近來的珠光寶氣我真的無興趣，因為都係講上流人士的生活，對我哋依d咁踏實的人係一d關係都無。不過這個星期我個腦不停咁諗康家三姐妹同宋家三姐妹都有d相同的地方。

宋家三姐妹就係影響中國深遠的宋靄齡、宋慶齡和宋美齡，我好鐘意睇以前那些人的衣飾同生活方法(政治就一定唔識)，所以當宋美齡過身時，明報出了本記念冊，都成幾百元的，但老公都訂咗本給我，一口氣用一晚時間睇哂！

講番佢哋的對比，兩家大家姐都係要有錢，二家姐就正直好多，三妹都鐘意權力。不過有時諗，無論宋家好又或者康家好，玩得政治或者權力的，都一定要有$，但係就好傷腦。所以我好感謝天父，周家三姐妹都係平平凡凡的人，無依d的煩惱！

自從2007年6月24日嚟過月經後，依一年幾都無，今次又嚟探我啦！唉！痛到我c，由細到大，我都無好似人哋咁痛到不得了，以前仲會覺得其他人誇張，邊有痛得咁緊要。之但係今次輪到我啦！一陣陣的痛，痛到我無哂力水，唉！天父呀，點解女性要受咁的苦呢？

釘裝咗，今日又交埋，係我能力有限下，唔要求高分，只求合格就得！

今早起身，把聲已經好咗dd咁多，起碼人哋都聽到我講乜嘢，點知去到黃昏，情況又急轉直下，又失咗聲！唉！我幾時先會好番，不過都好感謝神，依兩日乖乖的係屋企，已經無再發燒啦！感謝主！

今日一早六點多就醒咗，一醒時，就覺得個人軟lai lai咁，無力，然後就發現自己失咗聲！唉！我每次病都會無咗聲，今次又係！！！

洪醫生今次俾的藥係好鬼眼訓，一早六點多食咗藥，送卓希豬返學後，回到家時已經好攰，坐係電腦前想做吓嘢，點知好眼訓，居然爬咗係枱到訓咗。後來拖著疲乏的身軀上床，一睡就係昏睡一個多小時。不過今日都有少少見樹，改咗少少篇畢業論文，雖然未改到滿意，但做得幾多就幾多啦！

我要快d好番！

臨訓前，兩個小子依家要一齊飲奶奶，其實真係好好笑！

由星期一開始，日日都係下午開始發燒，昨天頂住，頂到上哂所有堂先請假返屋企。但係今日有好好好好好多嘢要做，簡直係做到眼都花，仲要處理昨天晚禱所發生的事，無哂力水。晚禱時，又發過燒，咁落去唔係辦法，所以一放咗工後，就去樓下的洪醫生到。

洪醫生話，我因為之前有膽囊炎，所以咁樣發燒法都幾危險，要我休息，唔好返工傳染俾其他人。不過如果持續仲發多兩日燒，就要立即入院，怕我唔係感冒咁簡單，咁我只好乖乖的請假，所有嘢又停止哂！唉！

今晚it的高高同事嚟我屋企幫我整無線上網，今次真係快手，唔使一小時就攪點，佢有進步！

要休息啦！

今天早上我到了醫院做腰的物理治療，由八月份開始，大大話話都做了十次有多，條腰真的鬆了很 多。下星期五便是骨科覆診，今天古sir話下星期一下午再去做物理治療時，會給我一封現時情況的信給潘醫生，然後再評估有沒有需要繼續下去。但古sir都有一個好的提議，要諗諗上美勞課時能否坐有wheel的倚，因為我教低小三班的美勞，時常要彎腰，如果有wheel的話就可以條腰唔使咁傷！

親愛天父：

很久沒有把我的禱文寫下來，祢知我是：無事不登三寶殿的，那是因為我這天心情很復雜。在家已經有一張長長的list，寫下一返工後第一時間要做的事情。每每一想到工作時，我真的感覺到心跳很急，唔係心理作用，而係真的感覺到！天父，祢是知道我是一非常性急的人，求祢教我更慢下來！

天父，真的一波未平又一波一起，前兩天已經痾ut尿，今天接了卓希放學後，突然痾好多血，嚇親我，迫不得而要到樓下看醫生。天父，看完醫生後，令我明白到為何很多人老們為了不受病魔，而走上不歸路！我不是有自殺的念頭，而是有好攰的感覺，好像一樣嘢都未處理好後，另一樣又出。以為已經抱好大的希望時，但情況又不是自己所能控制的，所以我今日成個人都好depress！天父，求祢給我力量去面對！經過這個月嚟的經驗，我不再像以往一樣，以為只有兩個choice，因為往往都會有出人意外的結果。想返今個月，連醫生都話只有兩個結果的可能性時，點知出現了第三個，所以明天的覆診，我都希望自己抱著平常心去面對！

奉主命求，啊們！

依幾日我無咗影，並唔係又病過，只係一到晚上就趕功課。因為日頭要湊住兩個小朋友都幾忙，一家六口係間屋到都好嘈，起碼我唔能專心做功課。而且當卓希返咗學的時間，我可以處理工作的事務，因為那段時間d同事係心光，我打返去搖控都容易找人。

唉！講起我份功課，我已努力咗兩晚，第一晚做到凌晨兩點，第二晚做到凌晨一時半。已把前測及練習全分析了，做了一個有五張A4紙的表，現只差後測的資料未有。跟著就可以直頭寫在論文內，跟進埋參考文獻就大工告成。不過，最重要係要過我那個麻煩的講師，她真的和我溝通唔嚟，用了三節的時間，原來她一直誤會咗我的意思，所以成日話我做錯咗，又俾得好底分過我。*x* 每次見佢真的好大壓力，仲有兩個月時間見佢，點頂得順呢？

好！我要繼續開工做功課啦！

今日鼓起勇氣上磅(我生完妹妹後都無上過磅)，原來這兩個星期內我瘦了十磅！(因為係醫院到要磅，所以才知自己現時的磅數)，瘦d就係人都想啦！不過我係想健康的瘦，唔想因為病咁的瘦，今日覺得自己的大脾位鬆咗好多！重番我又唔想，不過係要健康的瘦！

親愛的天父：

感謝你！這幾天我的身體開始慢慢的回復，最起碼走路時內臟不再是long 吓long 吓咁！祢知我是貪靚之人，好多年來都祈禱希望瘦d(不過事與願違，往往得到相反效果)！但係因為病而瘦我就唔係好想，因為病真的好辛苦，而且好像現在，都不知醫生可以用何方法幫助我來看心臟的問題。所以求天父給我健康而又瘦的身體，可以不用去買貴貴的大大碼衫，而是可以買街邊的平又多款的衫(嘻，不離我貪靚的本色)！

天父，今天上心光的內聯網看通告時，真的感受到下星期將要面臨的緊張氣氛！在心光工作多年，也認同制度不是太好，但天父，求祢給每位同事都能忠於自己而說出心底話，好讓心光可以有更新，目標更一致地為一班失明的學生。雖然我還放緊病假，但可以想像到班同事為了今次的視學做了不少的工夫，求天父給他們有充足的力量與精神！

奉主命求，啊們！

 生卓希時，餵人奶的經驗不多，而且卓希不是那麼合作，只喜歡大大啖咁食，所以人奶加奶粉。但去到今次生婷婷妹妹後，乳線通咗好多，妹妹直頭係全人奶，不過我都要妹妹晚上最後那餐食奶粉，飽肚而且腸胃會容易適應些。

但今次咁突然入院後，兩個星期以來都係咁密密食好多藥，尤其是抗生素，所以停哂所有人奶。上星期五晚我回來後，妹妹食埋凍箱裏的存貨後真的同人奶say good bye，但係我一直都有泵，為晚乳線炎要再入醫院。但係都係時候要回奶，所以去咗藥房到執兩劑回奶藥回來，正式同人奶say good bye！

 睇吓！我昨晚話就話係最後一晚泵奶，都有好多架！

 今早起身都唔弱，都可以夠妹妹一餐的！

今早飲咗依碗回奶茶後........(似唔似孟婆茶)，人奶.....bye bye啦！

最新發展報告：我都有十四小時無泵奶，但係晚上點都要泵一泵，因為好實，泵到成八安的！

親愛天父：

感謝祢，在今次生產後，祢給我盡了做母親的最大責任，就是把人奶供給妹妹。雖然在這過程中，我受了很多人的說話，時常叫我停人奶，但你所給的母愛讓我堅持下去，所以有今天的成果。求天父給卓希及芍婷有健康的身體，能用他們的力量去愛主及愛人！

奉主命求，啊們！

我今日當然比起昨天好少少,不過行步路個肚都好似long 吓long吓咁,個胃有好多氣,超辛苦.

我心想,都未真正做手術都已經係咁痛,到真係做時咪痛到嘔,真的不敢想像,但長痛不如短痛,如期咁樣痛法,我好想快d做手術攪點佢,香港人都係講效率的.

昨晚訓得不好，由於怕卓希豬會踢到我個傷口，所以我係廳的sofa訓，到半夜兩點醒咗後訓唔到，係咁諗工作，又係咁諗屋企。而家我才明白到原來天父要我咁多日係醫院係要安靜自己。

個d內臟真的痛到我不得了，一深呼吸個傷口同裏面就痛到我不得了。唔知係咪心理作用，條腰同個胃都係yim yim痛，我點可以挨到25號覆診呢？

親愛天父：

首先，要同你講聲對不起，昨天我真的不開心，不過今天我明白了。我自己的身體真的太弱，也許未必能承受到壓力，所以祢安排了我在醫院休息，多謝祢！

奉主命求，啊們！

   心水清的朋友就會見到我個blog上面的相係我哋一家人的臭腳，近來我們愛上了影這些得意相，我視之為藝術，卓希爸視之為攪笑，卓希視之為好玩，婷婷妹妹視之為都唔知你哋班人做乜？

我哋一家係咪sort，sort哋呢？

  今天細想，我大大話話都有成四年無返鄉下了！

潮州鄉下，我不是喜歡那兒的生活，又不是喜歡那兒的人，而是我最愛的祖父母長眠在那遙遠的山頭！

當年(1995)祖父先去世，一聽到家中大一輩的說要把他運回鄉下已經好唔想，祖父雖然對我們個個都嚴厲，但係嚴的背後都是很愛錫我們的。後來才知道原來早在祖父去世前十幾年，他已經回鄉下選擇自己與祖母長眠的地方，而且經細叔一提，也覺得那是他們長大的地方，也是最思念的地方！

到祖母去世時(1997)，又是把她運回鄉下。之後每年的重陽及清明，我都會跟一大班長輩們浩浩蕩蕩的回鄉下，為的是想看看兩老的墳墓。有時以孫的那輩計，也許只會得我一個和長輩們返鄉下，有時都會惡頂，但大家的心都是抱住看看祖父母的墳時就會忍下去。

自從有了卓希豬後，我都無返去，因為我要全力照顧卓希。不過今天在想，也許明年清明想回去走走，大掛念兩老了！

大頭蝦姐姐們

話說今日t姐姐放假(我迫佢一定要放，激親我就係咁，唔想放都唔得！)，佢六點返咗嚟之後，就話我知佢唔見咗個銀包。連最重要的身份證都唔見埋，令到我晚上仲要同佢去牛頭角警署到報案。

唉！我家姐姐們每次出街都一定唔見嘢，m姐姐就唔見咗本電話薄，t姐姐就唔見銀包！真一兩隻大頭蝦！

攬埋一“舊”

一早起身，我就係一到泵奶，佢哋三個就係大床到玩，仲要攞post要我係咁影相，真的好好笑！

住咗醫院幾日，日日都有泵奶的，不過相隔的時間有會長咗先泵，所以奶量就少咗d！

今日係屋企，兩小時就泵一次，感覺就返番去妹妹啱啱出世的第一個月咁，成日泵奶，係咁泵，為的是要佢上奶！

全日都可以趕得上妹妹的食量(佢依家一次食成八安，要泵兩次就夠)，但係去到黃昏時間，唔知係咪有壓力，居然泵唔夠，要運用冰箱裏的儲備！

等我休息多幾日，我諗d奶量會返哂嚟，今晚仲叫姐姐煲咗木瓜湯我飲，希望在明天！也許仲會好似以前咁，多到可以儲係冰格，又或者做別人的奶媽，賣d奶出咗，等我有多少少外快先！哈哈哈

 昨天去了海洋公園，aeon信用咭攪了個玩夜場的function，所以今天早上醒時個人超攰，好彩今日唔使游水，下星期再游！

昨天請卓希爸幫我錄奧運金牌得主在香港的表演，今期我最欣賞的時陳一冰，佢唔單只笑容滿臉(人人都只係睇佢靚仔)，而我睇佢個blog時，就發覺佢係一個好真的人。天真、及像我一樣，有嗰句講個句！

仲有我覺得自己真係井底之娃，因為今次奧運後，先發現原來好多運動員都有自己的blog。我以前認為好國內的人都唔會好似我哋咁寫blog，不過原來唔係，佢哋仲寫得好精彩！(自己係facebook到找找吧！)