目前分類:靚太好勞氣 (101)

瀏覽方式: 標題列表 簡短摘要

依幾日我真係嬲到不得了,以前好心將個IPAD密碼話俾老公知,等佢自己時都可以用IPAD,點知我返到屋企,居然改咗密碼我唔知!

當初為咗唔俾佢哋係咁用IPAD打機,我才出此下策,點知,依家反被人咁對我!算!唔係我的嘢,但我覺得唔被尊重!

依幾日令我感受好多,之前都有評論過當年為何UNTIE會狠心留底兩個小朋友自己走咗去,依家我明啦!嗰個不被重視及尊重的感覺,好似自己係屋企都是可有可無的!佢就成日就哂兩個小朋友,討好佢哋為咗讓佢哋鐘意自己,我就為咗要小朋友健立良好的生活而訓練佢哋,咁小朋友鐘意邊個吖?咁處處就佢哋嗰個囉!如有一日我離開咗,唔會有人會想起我的!

為咗阿仔,我不知同佢吵過幾多次,點解可以咁食古不化!唉!現代科技帶來家庭問題!

suklaic 發表在 痞客邦 留言(1) 人氣()

話說去年已係我帶阿仔去健康院做眼檢查,我真係保護得佢雙眼好好,點知有人愛子太痴,早上係街等校車時成日俾佢用手機打機。

由去年的50度近視,攪到今日話250度近視,嘩嬲到我吖!完全不能接受!

車咗佢哋返屋企後,我要一個人冷靜下,否則返到屋企只會大吵,眼已壞,我吵都無用!

阿某人就成日咁同個仔講:「如你有近視,都係關爸爸事,爸爸遺傳俾你的!」個仔聽得多,咪信以為真,依D咪自己騙自己!我真係開始唔識得同佢溝通,太多歪理!遺傳都唔會一年增加200 吖,縱個仔都唔使用依D籍口,成200度,眼嚟架,無得返轉頭!真係嬲到我不得了!

 

 

suklaic 發表在 痞客邦 留言(0) 人氣()

昨天請了病假,今日就九千幾樣嘢要做,雙腳同個腦都不停咁轉!

返到屋企,婷婷病了!返到屋企,姐姐告知妹妹整天多鼻水,剛才臨訓前又氣喘,要噴藥!我無法照顧佢,連攬佢的時間都無,因為要跟卓希的功課。今日功課唔算多,但深,用咗個半小時才對完及改完,做到眼皮都跌!今晚完全無時間溫書,悲哀!

卓希唔使五分鐘已經訓著咗,我都由得佢去訓,大人都無咗半條命,更可況一個七歲的小朋友

suklaic 發表在 痞客邦 留言(0) 人氣()

唉!昨晚訓唔到,半夜條氣唔順,試訓,又坐大班倚,又試訓,又坐大班倚,簡直想死!

本來諗住頂得順返工,已經返到工,點知眼皮真的係咁跌,成個身都好似無力咁!無法,返屋企!

食多一轉強力藥,係咁訓(訓夠佢),手腳震到不得了!希望今晚會好D,明天唔可以請假,德國人嚟,要招乎佢哋!

suklaic 發表在 痞客邦 留言(0) 人氣()

  • Jul 06 Wed 2011 21:34
  • 好嬲

原本,早上臨出門口時,影到兩個小朋友依張相,係好開心的,點知返到工,就急轉直下!

我好嬲呀!今日返工,有一個同CNN合作的活動,唔係我負責,我只係隨堂老師,去帶學生去玩。居然,要負責的人唔係到,自己走返教員室,係禮堂的畫面係亂,另外一個負責的同事係NET,班學生都唔明佢講乜,我只好出手又出口。做人點可以咁唔負責任,兩個老細唔係到的時候,就可以自己走咗去,導盲犬嚟的時候,又ZIP位去影相,完全都唔理班學生,如果第時決定係佢IN CHARGE的話,我一定出聲!

跟著教卓希PHONICS的姐姐話我知,卓希兩個星期內有六個音都唔識,我:吓,咗一聲,乜有咩?卓希一路都只係話得個本書仔,無音要學,所以我只係迫佢讀本書,我好嬲呀,佢拖慢哂朋友仔的進度,真係超唔好意思及超煩!(我都無時間理佢)

晚上,卓希嚟我到道歉之餘,仲俾我睇今日幼稚園LAST DAY所得到的禮物,真係多謝一班小朋友及老師們的愛戴。

263137_10150253159231904_591771903_7220737_670574_n.jpg  

suklaic 發表在 痞客邦 留言(0) 人氣()

 猜疑一:

老公昨日頂唔順,請咗假,佢病咗,不過真係好無公德,成日都唔諗有其他人,就唔肯載口罩!

猜疑二:

話說同妹妹係急症室時,我哋一直都係企係無人的也方,到護士叫妹妹的名後,我哋先係房門口到等,點知就出事啦!坐我後面的女人向住我同婷婷係咁咳,係咳到我的頭髮都飛起個隻,唉!我哋一家三口只好搬位,但係我好怕佢傳染俾妹妹,也許傳染咗俾我,因為我今個星期的抵抗力好差!

今日我終於都病倒了,早上起來個喉嚨“咭咭”地,但係返到心光後,聲開始變,喉嚨開始痛,仲有最煩的深綠色的啖!所以我上埋下午的課後,就立即去睇醫生,本來真係唔想睇樓下個個洪醫生,但係灣仔林醫生下午兩點後無得睇,只好睇樓下。不過佢今次好似俾重咗藥,我食咗後,又訓咗成個鐘,起身時好似好咗少少,希望今次有用啦!

我今日係辦公室的殘樣:(好肉酸)

IMG_0248.JPG 

睇吓我要食幾多藥:

 IMG_0249.JPG

suklaic 發表在 痞客邦 留言(0) 人氣()

  • Nov 29 Mon 2010 23:09
  • 小氣

我要重新,我唔係小氣,係你哋好煩,成日將D小事化做大事,然後週圍唱!我無你哋咁得閒,我只係做返自己要做的事,一切都係為咗班學生,如果你覺得我太直而得罪人,咁算數,依個係我的缺點又係我的優點,我自己識得欣賞自己就夠了!請勿在背後再做搖生事,唔合作就由得佢,反正俾人話的係你哋,唔關我事!

suklaic 發表在 痞客邦 留言(0) 人氣()

  • Oct 08 Fri 2010 21:10
  • 磨心

為何要把學生的資料當作辦公室政治呢?我不喜歡這樣,做教育工作的人員是不可以把學生當作磨心來利用的,工作態度要不得!

suklaic 發表在 痞客邦 留言(0) 人氣()

我好想係我個blog到將d顏色轉做黑及灰色,但無奈我的電腦底子不好,只能在這篇的blog掛上一條黑絲帶,真係心酸!

41800_147873168571326_2157_n.jpg 

suklaic 發表在 痞客邦 留言(0) 人氣()

本來今晚打算高高興興地寫今日係黃金海岸的日記,但係被晚上電視的一幕幕的直播新聞影響到我全個心情!

一個人,為咗自己的私慾,用其他人的性命來申訴,這樣做,一定是不對的!但活生生的就是有這些人,連累了一班無辜的人,性命就白白的沒有了。一家人原本想開開心心去旅行,到行程最後的一天便出這樣的事情,本來一家人齊齊整整的,但現在已分散到不能覆合。人的自私真的能影響很多,我的心情很復雜,本來已平靜預備開始返工的心情又再次起波浪,求天父賜我力量去面對自己,及教導醫生怎樣去幫助我!

黃金海岸最後一天的行程,是很短,如明晚心情好少許,才補上!

菲康泰挾持事件流血收場

(明報)2010年8月23日 星期一 21:30

菲律賓    康泰旅行團被槍手挾持,最終開槍流血收場,多名被挾持港人生還,當地傳媒稱,槍手已被殺。

菲律賓特警在傍晚7時多,見旅遊巴開始移動,狙擊手首先射穿旅遊巴車胎,然後包圍旅遊巴,當時傳出多下槍聲。

菲警包圍旅遊巴後,曾嘗試攻入車廂內,但多次打爛破玻窗後,均無功而還,並召來一部汽車,打開旅遊巴車尾的安全門。特警審視車內情況後,隨即撤離。

當特警撤離後,突傳出多輪槍聲,現場可見有人掛在車門的玻璃窗上,明顯沒有生命迹象。特警後來攻入巴士,救出生還人質,當時車上共有15名港人,14人是團員,1人是領隊。菲籍司機成功逃生。

槍手是一名遭革職的警員,他要求當局讓他復職,他今早持M16自動步槍,挾持旅遊巴,事件歷時約12小時。

(即時新聞)

suklaic 發表在 痞客邦 留言(0) 人氣()

就嚟俾楊芍婷激C,佢星期二返教會的暑期聖經班都好哋哋,由星期三到今天星期五,都係咁喊!昨天我的STARBUCKS早餐已經無啦啦咁飛走咗,今日決定唔返轉頭,我一返到教會接兩個小朋友時,個個導師都話妹妹好長氣,第時可以做歌聲,激C!明天我都會走開,但係未諗到走去邊,因為BOOK唔到做FACIAL!

下午我同卓希有二人世界,就係去咗一年一度的書展,本來都想帶埋妹妹一齊去,但係佢又未訓,同埋佢成日扭我,所以都係俾個教訓佢,我只帶卓希去!卓希都唔話得,行足三個半小時,不過第一站係兒童天地,行咗一個多小時佢都唔原走,到一樓大人區時就成日話攰,又話想走,我厲眼都厲到攰!但係其實我好ENJOY同兩個小朋友出的時候,因為老公成日係咁幫住佢哋,有時真係佢仲煩過兩個小朋友!

page.jpg 

page2.jpg 

page3.jpg 

page4.jpg 

suklaic 發表在 痞客邦 留言(0) 人氣()

  • Jul 07 Wed 2010 15:47
  • 癲!

瘋癲地趕趕趕, 傻頭傻腦地做做做! 做乜事攪到個個都壓力咁大? 下星期校務會, 一定要出聲!

suklaic 發表在 痞客邦 留言(0) 人氣()

今早卓希都仲有高燒, 老公請假在家湊仔, 帶咗落樓下睇醫生, 醫生話係普通的感冒!

我就超多嘢做, 點解其他學校依個時間咁嘆, 我哋就做到cc咁! 點解唔可以早d考試? 早d有試後活動, 點解d嘢推到咁後做? 點解年年都提出依個問題, 但係年年都唔肯提早? 點解? 點解? 又點解?那是校曆表的編排,因我校實在有太多活動,常常編在平日,而到頭來在學期尾便不夠時間教哂所有課程,我相信全港都無一間學校,到6月30日都係到考緊試。仲有就係,中學部的學生慘到不得了,一日考兩至三科,雖然話只係其中一科要溫,但這樣的制度,如何給學生們到主流學校適應呢?上星期係咁考試,今個星期就三、六年班、中三同學,係咁考ATTAIMMENT TEST,佢哋都未休息過!科老師要係考完試後的兩天後交哂所有分(今年好少少,隔咗個週未),班主任就要今明兩日趕哂所有分入電腦,唔單只要對印刷字(即我哋正常視力人所睇的字)仲要轉譯做點字,然後星期三一定要入到去校長室,遂個簽名!而星期五就係家長會,你話我哋做教師的,邊有氣係咁去追!真的是制度問題,年年開會都提出,但年年校曆表出嚟的結果都係一樣,超不現實!

我好忟咁下午打咗去問副校,係咪校曆表已落實,佢話未,仲要通過多次校政會,好,我一定要出聲!咁樣一個星期之內要做哂咁多嘢,有壓力之餘係好容易出錯,點解要咁對D同事呢?話我係衰人都係咁話,一定要出聲!真係無陰公,個個都做到成個木乃伊咁!

suklaic 發表在 痞客邦 留言(0) 人氣()

今日心光舉行集思會,(本來係想叫做記者招待會,唔知點解會叫咗做集思會,都係一句,有記者,要俾外界知教育局對我哋好差),我個腦不停地係咁想,想好多嘢。到有家長發言時,我個心真的痛,一班咁可愛又激氣的視障學生,為何會彼教育局咁樣對待,職員走咗又嚟新的,真的對年紀少的他們是不好的影響,尤其是會令他們對成年人的世界失去信心。

跟著我係到諗,一個大人,話要走就走,但係班學生呢?他們有選擇嗎?連基本的訓練也沒有的話,可以在外面的學校立足?可以用文字、說話、溝通來表逹自己?

要套用李卓仁的兩個字,依個政府,依個教育局,真的:「可恥!」專係弱勢的一群內去慳錢,但係佢哋自己本身就亂咁洗錢!當今晚新閒見到那些所謂高官落區去SELL政制改革時,真的好想學自閉學生一樣,雙手按在耳邊,不想聽!

好想GATHER一班基督徒同事,為心光祈禱,但真的苦無機會,只好內心不斷的禱告!多禱告多有能力,明天的職員敬拜時間一定要為這事代禱!

suklaic 發表在 痞客邦 留言(1) 人氣()

一早,我就同老公去咗德福幼稚園,為咗幫妹妹買校服。以前卓希讀時,只係著圍裙仔,自己預備哂杯同盒,依家依間幼稚園,居然連校服同餐具都要統一,全部要收錢,我真係覺得好過份,好似以前咪好囉。老公都講得啱,唔同的餐具的話,小朋友都容易D認,依家全部都係鮮黃色的,好肉酸!

今日所有課外活動都係尖沙咀,咁我哋一早就出發,諗住去九龍公園到玩吓,所以我帶哂所有重力力的單鏡反光相機,仲有長鏡,好大個袋,諗住要影相!

點知,由於依家相機要放係防潮櫃到,但係SD CARD要拎出嚟,否則就會壞,就係咁,我居然無帶SD CARD!!!!(當時我真係想求其搵個人嚟殺) 唉!個袋又重到C,一心諗住重都唔緊要,只要可以影到兩個小朋友的相就可以,點知都係落空!OH,TOOOOOOOOO BAD!

suklaic 發表在 痞客邦 留言(0) 人氣()

昨晚半夜四點,醒咗,發現喉嚨好痛呀,左邊的喉嚨痛。快飲飲多多水,早上起身,成臉都......................朣!

唉!左眼仲有吉吉哋的感覺,左眼痛,左邊喉嚨又痛,唔痛我左邊半身發炎?又或者係淋巴腺塞哂?

今日又勁多鼻水,為咗唔傳染俾小朋友,口罩不離身。上課時又要勁多嘢要講,痛到我真的想大喊!

返到屋企,係咁飲羅漢果水,希望可以將D熱氣排出體外,喉嚨會舒服D!

我返到屋企,工人姐姐話妹妹下午開始都有鼻水,快快要佢食止鼻水藥,要預備訓時,聽到佢條氣好似唔係好順,快快食氣喘藥,免得有事起嚟係會發燒的。唉!到底係邊個傳染邊個?工人姐姐話卓希傳染俾我哋先,但係卓希個D係鼻敏感的鼻水,咳又係鼻水倒流的咳,一食咗止鼻水藥後,就兩樣都無事。但係我同妹妹呢?快D養好個身體!

上星期院長已經同我哋講咗,收到縮班信,今日院長親自同ARMA講,見到個個人心枉枉,真係慘!我都唔係好鐘意宿舍個阿頭的所作所為,但係一時間見到其他同事咁担心,真係替佢哋慘!求天父給他們力量去面對一切!

suklaic 發表在 痞客邦 留言(0) 人氣()

今早返工,臨返到心光後,隻左眼有刺痛的感覺,都唔理佢住,預備週會先。之但係痛的感覺越來越強,去咗護士到借生理鹽水,洗眼同CON,但係都好痛,所以週會完咗之後我就返咗屋企。成個週會都脫咗左邊隻CON,FOCUS唔到,成日要單起隻眼,我諗嗰時自己的樣真的好攪笑。週會完咗,拎咗去浸的CON載返上眼,唔知係咪浸軟咗呢?又好似好咗少少,不過我都係唔敢博,一於返屋企,我要眼鏡呀!

返到屋企,工人姐姐故然八掛想知乜事,但係我SO都唔SO佢住,顧點我自己先!除哂兩隻CON後,用生理鹽水係咁洗眼,兩小時就洗一次。感覺無早上咁痛,但係都係吉吉地,同埋除咗CON之後,雙眼好似打唔開咁,成日都想訓!

而且天氣轉嚟轉去,我個鼻有好多鼻水,一於食粒PIRITON,眼訓到我都唔理佢哋,一於係大床自己一個訓!

到咗晚上,情況好似好咗少少,但係都係搵唔到原因,我諗依個星期都要做住公認的四眼太先得啦!

suklaic 發表在 痞客邦 留言(0) 人氣()

我成個假期都咳到CC吓!到咗上星期五開始,先好少少,每日都咳少咗。但係今日一返到心光後,太過多嘢講,到咗下午最後個堂,直頭把聲沙咗!

認真黑仔!要飲柑桔先!

今晚幫兩個小朋友數利是,卓希68封(因為係生日月,會多少少),芍婷62封!我細個時都無咁多呀!

page3.jpg 

suklaic 發表在 痞客邦 留言(0) 人氣()

今日臨放工前,都要開一開會,吾出道理係,其實可以好快咁傾點D嘢,不過有人自以為事的時候,就唔合作,乜都唔得,就點傾都唔得!本來應該四點幾可以完的會議,傾到五點半到無好結果,咪就係有D咁的人,乜都唔合作!

傾點幫學生,講到天父龍鳳都得,但係一講到要點做,有關政策的嘢,就退縮,唉!點解心光會有D咁的人!

唉!開始放假啦!但係我喉嚨開始痛,到晚上的啖仲有綠色,又發炎!唉!

suklaic 發表在 痞客邦 留言(0) 人氣()

  • Jan 21 Thu 2010 23:14
  • 頭痛

本來依幾日都好地地,但係今日超頭痛,尤其是鼻對上額頭位置!明天覆診,請醫生CHECK CHECK!

suklaic 發表在 痞客邦 留言(0) 人氣()