話說前晚我訓到半夜，個喉嚨超痛，都知唔對路。快快食感冒藥，跟著昨日起床時，OK，唔係百份百得，但係都不至於失聲及痛。

今早起身，見到工人姐姐好自覺地載口罩，佢話自己只係流鼻水，咁即是開始唔舒服啦！原來佢昨日放假時，係出面食嘢都無胃口(佢好為食，乜都鐘意食！)，昨晚我哋出街食飯，問佢想食乜嘢，佢話唔食，無胃口，等夜D返屋企後先食，唉！咁即是佢病硬！

所以昨晚買咗支2LITE的可樂回來，煲薑，我自己飲咗之後，舒服好多，今早開到聲。但係到黃昏時，我的喉嚨痛又返番嚟，希望無事啦，十二月我唔病得的！

依家只係剩下老公未話有事，但係我諗佢都怕自己有事，因為昨晚和今晚的可樂煲薑佢都有飲，平時要飲同薑有關的嘢佢一定唔肯，但係今次係佢叫我留杯給他，嗯，又要睇吓事情的發展啦！

今日返完教會之後，下午悶悶哋，去咗德福下午茶，回程時係德福到影下相先，不過超多人，下次等無乜人時先慢慢玩光圈！

昨晚想打日記，唉！真係無鬼用，打極都入唔到，後來今天才突然記起，我個LOGIN NAME好似係寫錯咗，所以今日就可以打番！

點解咁失暈？咪又係為咗對仔女，妹妹昨天開始發燒，煩到震。昨晚妹妹訓訓下又大喊，訓訓下又大喊，我無辦法，只好自己挨住坐係到，然後抱住個女抱到..........天光！真的係天光，攰到我Y！

昨晚臨訓個喉嚨都好似有少少唔點，唔係痛，就只係唔舒服，今日仲衰，直頭放工時開始失聲。返到屋企，快快載口罩，免得交叉傳染！

無鬼用係....................我！

今日放工前已經俾一個外讀生激C我，放咗工後仲要去買餸，買麵包，買卓希的茶點。返到屋企都成七點半，我攰到好想唔做嘢啦！

點知老公一聽到之後，唔安慰不得只，仲話係因為我夜訓，個人先係咁攰。今次真係忍唔住，有無攪錯呀，乜都懶我夜訓。我都唔係真係好夜呀，十一點已經預備上床，預備好哂所有返工的嘢後，十一時半就可以訓覺。真係今次同佢吵過，都唔理人哋辛苦，又要照顧屋企，又要返工，仲要放左工之後去買屋企的日用品同食物，呻兩句有錯咩？好唔公平，我個份就唔係工，佢嗰份就係重要的工作，我仲要照顧屋企，仲要記住幾時幫個女申請讀書，幾時要幫個仔做乜嘢做乜嘢。唉！屈住屈住好辛苦！

今日好攰, 唔知係咪昨晚兩個團契一齊攪賞月, 我一個人要走咗五組到, 所以放咗工之後成個人都散哂, 返到屋企, 終於可以上床時又攰過頭, 訓唔到.

今早六點半兩個小朋友已經醒哂, 唔單只醒哂, 仲叫我起身, 都唔夠訓, 頭重重咁.

返到工, 做做做, 頭開始痛, 最痛時係開校務會, 仲開到耐到不得了. 老公見我咁辛苦, 就帶我哋去加太賀食飯, 食完飯好似好少少, 但係頭都係重重地, 應該係太攰.

成晚都無乜點訓到，一嚟卓希又走咗嚟訓，佢聽到d風聲就話驚，但係就成日訓係我雙腳到，咁我訓係邊邊位，佢一轉身我怕佢跌落床就成日要郁佢！跟著成晚落雨落得好利害，我又要起身睇吓d窗有無漏水。又開電腦睇吓個風行成點，所以睡眠不足，雖然早上話就話可以訓多陣，仲掛緊八號，但係屋企兩個小朋友就有理無理咁叫你起身！

天文台一講話十點左右將會改掛番三號時，個心沉一沉，唉！咁下午咪真係要返工？

未夠十點，我已經油下灰水，預備佢落咗波就返工。十一點先慢慢及不願意地出門口，接埋契媽，返到工都只係十二點！

一返到心光，做做做，係咁做，做到個人都暈暈地！放工仲有一單大生意要接洽，唏！攰c我啦！

晚上係九龍灣地鐵交收了一單生意，跟著返到屋企後，係屋企樓下又做了一單，因為我家的紫砂燉盅自從坐月後都無用，而且以前阿tun姐姐又整爛咗個膠邊，咁就平平哋咁賣咗出去，屋企又多咗d位啦！

今早去了醫院，想睇卓希，點知依家的隔離病房只准一個家長係到，我無得睇個仔。老公出嚟攞日用品，開始面青青，佢話應該係輪到佢，頭痛痛，喉嚨有d唔舒服咁，不過未燒出嚟。 唉！又輪到佢！所以，依個星期同我哋有接觸過的朋友們，尤其是教會及我的同事，留意吓你的身體，唔舒服，就先載口罩，免咁容易傳染別人。

婷婷，工人姐姐同我三個都係燒下，又退下咁！晚上我同婷婷又燒過，唉！真係煩！

基本上，我哋除咗晚上要訓覺時，全屋企都無開冷氣，仲大清洗個冷氣添(係最有力嗰個工人姐姐，唔係我，我燒到無哂力！)到咗晚上六時左右，先覺得熱，係時候開冷氣，不過我哋屋企會開埋空氣清新機，同埋開多一個氣窗，仲有洗手間的抽氣扇，等d空氣流通好d！

老公打過番嚟，卓希的報告證實咗係豬流感，咁即是話我地全家都係豬流感！邊個想病？邊個想攞病假？嚟我屋企啦！(苦中作樂！)

老公好真係好慘，佢話俾醫生知自己都開始有唔舒服時，醫生唔理佢，問可唔可以探熱時，又話唔得，乜醫院咁衰架！

老公同卓希都返咗屋企，卓希退咗燒，要食特敏福， 老公就今晚食住我d藥先，明天先去九龍灣診所到睇醫生。本來係唔可以咁快返屋企的，但係老公表示自己都開始唔點，根本照顧唔到個小朋友，咁醫生就要佢簽一份同意書，本示係佢哋自己話要出院的。 唉!一家終於可以團聚啦!

今早五點就已經醒咗,覺得自己有唔舒服,一探,又發燒,仲係39度.

跟著九時許,全家人到九龍灣診所到做H1N1測試,因為,除咗老公之外,成家人都有病徵.醫生一聽我d病徵,就話我同工人姐姐都確診咗，要食特敏福，兩個小朋友的報告要等三日。但如果小朋友的報告都確診埋，妹妹就慘啦，因為所有兩歲以下的小朋友都要入醫院！兩個小朋友就要驗,六歲以下的小朋友先有得驗,大人就無得驗.

但係去到下午,卓希d燒去到好高,成40.2度都唔退,打咗去九龍灣流感診所問醫生，佢叫我哋立即去聯合醫院急症，兩個都照咗肺，卓希要留院，因為佢太高燒啦！成40.2度！妺妹的體溫已經落到38度！不過我哋發燒嗰d全部都未退燒，燒到我條腰好痛！

上個星期靈匠堂有一個姊妹，佢帶咗個仔嚟我哋屋企同卓希玩，佢就星期二發高燒，又係燒到40度唔退，昨天星期三仲抽筋，要叫白車車去醫院，今晚和他媽媽通電，話個仔驗的報告出咗，真係仲咗豬流感，我諗我哋都走唔到！

早上返緊工時喉嚨開始痛,返到屋企,婷婷,卓希,工人姐姐都發燒,我就失咗聲,唉,到底我哋有乜嘢菌????

今日開視藝科會，一如以往，我在其他事項就一定講store room的儲物方法同放東西的地方。我今年好有決心要幫手，出一分力去幫忙，因為有整潔的地方，工作先會開心。之但係，點解唔俾我幫手？點解唔接納人哋俾的儲物意見？點解係公用的地方，放咁多一箱箱寫住自己個名的私人嘢？又話已經用咗“五常法”，但係我唔覺。

究竟什麼是『五常法』？

這個名稱，大多數人聽起來，便聯想到經濟學家張五常。其實，五常法最初起源於日本的『5S』現在更被大多數的日本大小機構廣泛採用。簡單來說：五常就是『常組織、常整頓、常清潔、常規範、常自律』。

五常法的簡介：

Structurice 常組織：判斷物品的重要性及使用量，例如組織來貨及分類，存放在貨架上，把無用的東西棄掉。

Systematise 常整頓：決定物品的擺放地方和存量，例如工具台上的工具，必須整齊排列，務求在三十秒內可找到想要的東西。

Sanitise 常清潔：由上層至下級，經常保持廠內清潔、明亮，強調個人衛生責任。

Standardise 常規範：增加各項貨品的『透明度』及貼上合適標記，利用創意及『視覺管理法』。

Self-Discipline常自律：用完的工具和物品，必須放回固定的『家』。

最慘就係，有時去拿東西時，會突然有“小強”出現，我最怕係依d嘢，所以，如果可以乾淨d的時候，就可以避免哂依d的問題。我可以點做呢？唔通想乾淨同整潔係有問題的嗎？我已經出到聲話幫手，但都唔俾幫，唔通我真係好難相處？唉！............................係咁落去，我會申請唔再教，跟本合作唔理！

Anders 舅父生日

舅父明天才是正日生日，但原來佢已經約咗朋友，星期五又約咗朋友(其實我昨晚已經落咗想訂一個蛋糕)，所以改咗係今晚慶祝，morfar話一定要帶我哋去食日本菜。

昨晚mormor同morfar嚟食飯，佢哋都應同我的諗法，依個星期豬流感爆得咁利害，為咗保護d小朋友，唔返一個星期住。原來爸媽的教會，諗過連主日學都取消，但係取消咗的話，就有好多家長唔返的啦，因為d小朋友坐唔定的！

我隻天殘腳好痛，近來因為飲緊中藥，清理我的感冒底，順道清吓隻腳d瘀血。不過真係好核突，肉酸到我自己都唔想睇，成隻腳都黑哂！(如果怕，以下就唔好睇啦！)

今早趕着帶阿仔去畫班，阿女去Playgroup，令到我唔小心撞親左腳，依家腫到豬腳咁，好痛呀！

下午六時影的，未搽去瘀膏前！

晚上八時半影的，搽完去瘀膏後兩個半小時！

點解會有咁多人，咁鬼得閒，去玩辦公室政治？我做嘢做到無哂力，佢就咁鬼多時間同精神，真係煩！

剛才教會的姊妹打給我，話佢姐姐之前都係做咗微創的手術，嗰種痛係持續咗成六個月，跟我一樣，成日都想返醫院，醫生話佢無問題，但係d痛係唔知幾時會出現的。而佢妹妹又做咗微創手術幾個月，都係痛咗三個多月！聽咗依兩個例子後，我心諗，唔係嘩！痛成幾個月，仲係唔知幾時會痛的，我超唔想呀！救命！

(是日請病假，真係羞家，返咗一日工，就要休息一日，邊有人咁樣做嘢的？)

好多日無寫日記，一口氣寫咗幾日，係因為我好唔得閒，要整卓希學習的字咭！

而且，我快返工，要執好屋企先，所以昨晚係咁做，D塵整到我個鼻係咁流鼻流。訓覺時仲倒流，所以今早起身，喉嚨好痛，好似火燒咁，把聲仲失失哋！我唔想病呀！

今日老公早上要返工，咁就由我帶卓希去畫班。我呀！真係大頭蝦到暈，坐咗係幼稚園嗰d椅子到，一起身去聽電話時，覺得右面的內臟好痛，唔知係咪坐係嗰d椅子到，屈個身時整到裏面的傷口，痛到我不得了！返到屋企後，第一時間就係食止痛藥！

我今日覺得好熱，之但係我仲有四個洞的傷係身，未拆得聯線膠布及妙布，所以日日都只係洗下身，上身就只係抺身，無用bath gel就好似唔係好清潔咁，成身都唔自然！唉！外面個傷口快d好番啦！

我個頭由昨天開始，就已經陰陰痛，個人一訓底，五臟六腑好似大倒亂似的，痛，但唔知係邊個位置。但係，我又唔好想食咁多止痛藥，真的會好似食咗fing頭丸咁，暈暈地。所以我都係晚上臨訓時先食，唉！

妹妹的燒都係唔退，不過今日就唔高，全部都係38度以下，剛才打電話給趙醫生consalt，佢話如果無鼻水、又無其他嘢的話，怕會係尿道炎，唉！我好怕！因為想起卓希半歲大時，就係因為尿道炎，係醫院出入咗一段時間，好鬼煩的。

早早就應承flo去佢屋企的會所到玩，及bbq。卓希好耐都無同嗰d小朋友玩啦，所以玩得勁開心。點開心法？咪開心到，肚痛都唔理住，一於有理無理玩咗先，跟著就“懶大大”，好彩豆B有多條spare褲咋，如果唔係，我都唔知點同佢返屋企？

 唉！開完會！睇到人為咗保護自己而大話連篇，仲係做緊事奉，一個大話接一個大話，咁樣做人唔辛苦的嗎？

我一講到問題所在，佢就拉開話題，超難受。當初，當初，仲係highly recommend的決定，是否大錯特錯呢？

「現在後悔已經太遲了！」(心光校友的經典金句)

天父，祢要我所做的都已經做過了(我想我已經盡了自己的最大努力)，求祢保守帶領心光的福音事工！心好痛，我真的跌哂眼鏡，為何局面會這樣的？天父，我今日已經用盡自己的力量，求祢安慰我受傷的心靈！阿們！

今日滿懷希望去覆診，一來是看上次的報告，二來是在試藥後再一次測試。報告顯示vantaline對我很有效，但下午的測試結果是不合格，醫生話要加重藥，下星期再去過！超灰！

我今日同醫生要求抽血，並表示上星期試過膽痛，之後這個星期發現小便深色咗，情況和九月時的膽管炎有相似的地方。點知就出事啦，醫生係咁罵我，話當時我有事時，為何不入院？我話怕要留醫，我唔想，唔想突然要代課。足足被醫生話咗我成二十分鐘，唉，有頭髮又點會想光頭啫，有苦自己知。橕得住我都會，因為突如而來的話，真的會有機會找不到代課，而且如果當時我入急症的話，佢一定會要我入院的，因為我有前科麻！咁樣咪要住好多日醫院？依家都要覆診，都要調堂，但係就唔使咁多日，指定日期先去！如果我將依個理論同醫生講，我諗佢會一係唔再睇我，一係就罵到我飛起！

唉！本來今個星期團契的分組外出活動，我要帶一隊出去，但由於我請咗假，廷至下星期四，但係依家又要再廷期啦！得我一個，咪又係我自己做，都無人幫到我！灰！=_=

自從生完妹妹之後，我的記性真係差咗好多。好似依幾日咁，走圍搵都搵唔到接卓希豬時要用的黃色咭，又要寫紙條回校補領！

跟著，連自己的八達通咭都唔知放咗係邊，大大張的八達通，點都係搵唔到！唉..............................