港楊回憶，樂趣無窮！

依間評審好搵笨，依張CERT都要一百元。我哋四個係咁係三等區到搵張作品，搵嚟搵去都搵唔到，咪問人囉，佢答我：你有無俾展出費？我真係眼突，有獎都要展出費？依家嘢真係好唔點，乜都係錢、錢、錢！我第時會叫畫班姐姐咪再俾婷婷參加依D咁溜的評審，真係當人水魚咁檔！

所以，婷婷攞到獎，但係我哋一D都未睇過副畫！一個大笑話！

真係好景不常, 睇住卓希豬好番少少, 又輪到妹妹發燒, 我都有少少預咗, 因為隻衰豬係咁向住我哋咳, 唔傳染就假啦!

妹妹病, 我好驚, 因為佢一係唔病, 一病就大大鑊的.

同妹妹玩午睡，點知我訓著嗰個係我！

今日崇拜後，我哋一家去咗石梨貝水塘，為咗要出外透透氣，天氣真的好好！

去到一半時，有一個可以玩溪水的地方，我哋就留係到玩一陣水！

點知，事情就係依到發生，初初係卓希話要小便，然後妹妹都話要，但她突然肚痾，量唔多，但已令人擔心，因真的好以卓希上次咁！

晚上都照樣去嫲嫲到食飯，但妹妹初時無胃口，要我氹佢先肯食。點知，一食完飯後，佢就話肚仔痛，要痾大大，又係一輪水大大，唉！我好驚呀，好似卓希咁的話，大人都無命！

婷婷妹妹快些好番，唔好有事呀！(不過晚上佢放的屁，又係勁臭，同卓希上次又係一樣)

妹妹好鐘意跟著基恩個隻詩歌碟嚟敬拜，我哋成日一齊跳舞敬拜的！

基恩：滿有能力

基恩：雲上太陽

今年阿女生日正日，我不單只由本來唔使返工，變成特然要返工，更加係晚上都要去食政治飯，成日都唔可以係屋企，好對唔住個女！

所以，預早一日同佢攪咗個小型生日會，為何小型？因為我唔識佢依家的同學仔，只好請家人及有玩開的隔離屋朋友仔！

唔知點解個個都選今日有特別節目，堂大家姐就有另一個生日會，嚟唔到，MORMOR、MORFAR教會有特別聚會要負責，又嚟唔到！

所以，都算係過咗個冷清的生日會，唔緊要，最重要係婷婷覺得今日自己係主角便可以了！

昨日去了迪迪尼，俾婷婷見到公主裙，平時我哋係唔會買，見佢今次生日，就破例一次，老公俾錢！WAKAKA！

點知佢今日著起條裙，我幫佢SET起個頭，載返上次金EE結婚時載過的皇冠，變身成個公主後，佢就板起塊面，點都唔笑！真係俾佢激C！

妹妹依一個星期都要係咁的樣，希望佢挨得住唔好用手去攪佢啦！

今日恩福團小組外出，我要負責帶隊，五點幾的時候，老公SEND咗依幅相給我，話我知妹妹整親，唉！聽聞佢同哥哥希玩，跌碰書桌的拉櫃位置，但係我真的愛莫能助！

晚上九時多返到屋企，一睇，唔對路，原來個傷口係爆咗，要聯針。立即同老公帶妹妹去聯合醫院到睇醫生，醫生都話要聯針，不過到負責的護士時，佢話如果聯針的話，前後都會有兩個洞，試吓用新的膠布，如果唔出血水，就可以唔使聯針！

護士同妹妹話：「BB，等多陣就得啦！」
我立即望住我個女問：「乜你仲係BB嗎？」
佢發忟地說：「我唔係BB，係公主！」
我唔單只餓到暈，仲笑到暈添！

晚上十一時四十五分返到屋企，我好忟，話工人姐姐，唔使煮很美味的嘢食，最重要係睇住兩個小朋友，唔可以再係咁的事情發生。

唉！訓幾個鐘又要起身返工！

今晚老公要去飲，晚上七時換咗套西裝，婷婷一見到，就話啦：「HI，爸爸，你好似叔叔咁呀！」

笑到我肚痛，因為婷婷口中的叔叔，咪就係樓下的看更囉！

妹妹終於有英文名啦！又要歸工於ANDERS舅父，就係叫做“TINDRA”

係網到找到佢的意思：

The meaning of the name Tindra is Twinkle

The origin of the name Tindra is Scandinavian

好，我鐘意，咁妹妹以後就叫做TINDRA啦！

老公都係未好番哂，不過卓希係咁煩住要我哋買聖誕禮物，咁晚上就走咗去MEGA BOX的吉之島到，買咗兩份聖誕禮物俾佢哋，開心到佢哋不得了！

今日下午我正在想黃昏家會要做乜嘢好(平時嚟做義工的校友病咗，我要自己做番)，點知工人姐姐來電，婷婷妹妹發ING燒，仲係高燒，39點幾！真係慘，剛好卓希依排食哂屋企的退燒藥！咁就打俾老公啦，橫點佢都諗住明天出開中環要去趙醫生到攞定D藥返屋企，點知佢打去診所時，攪到一鑊泡！又要我自己出馬，先打給趙醫生，確定某幾種藥後，就請同事幫忙帶家會(小學)。本來有一位宿舍同事肯幫我的，但她突然想起要做藥房位，仲要教新人，咁麥太見到我咁求助的眼神，就出手相助，攞咗故事帶給學生們聽！好彩！

攞咗藥，返得屋企都成六點半(好耐都無試過咁早啦！)但係屋企的退熱貼又俾卓希用哂，我又要走落街去買，真係真係好攰呀！男人，你的名字是麻煩，不時乜嘢都唔係點幫忙跟跟，有起事上嚟，想佢幫都真係難過登天，問多句佢又開始有D覺得你煩的語氣。好，我自己做，做死我啦，第時做死咗我時，你哋就大鑊啦，要從頭學做起！

希望婷婷快D好番啦！卓希預計明天返學，不過我諗我會係第四個病的，卓希第一個發燒，老公開始咳到死死吓，芍婷今日開始發燒，下個仲唔輪到我？唉！

返到屋企，妹妹正預備去洗白白，又扭計！一於洗完白白之後罰坐NAUGHTY CHAIR！佢坐咗一陣，我就同佢講道理，然後要佢自己醜自己，就係咁啦！

婷婷係咁唱咗幾次，做阿媽的我真係唔知佢唱乜！阿女，真係對唔住啦，媽媽幫唔到你翻譯添！

然後佢又不停咁唱歌，要好好咁把握依個機會影佢先，想當年，卓希又係讀緊N班的時候，又係被我罰坐NAUGHTY CHAIR而影到短片的！

今早同妹妹去咗郵局，返到麗晶時，人又暈一暈。話說依三日我時不時都暈一暈，好似上次耳水不平行的病徵，應該係我的感冒未清。咁我同妹妹就去咗商場到睇中醫，佢唔係最好的，但起碼佢會慢慢咁解釋給我聽。佢話我的五臟六腑全都壞哂，要好好咁調理吓，人又濕熱。唉，又要飲一個星期的苦茶！

妹妹成日都無去過街，隨咗同我出咗一陣郵局，但係到晚上食飯時佢有少少燒，而俾佢激C又笑C係由昨晚開始：

刷完牙上床後：「我D牙癡咗D嘢！」經我同老公細看一輪後，係無事。

臨訓著前：「我LUCK咗隻牙！」(咁快？兩歲咋！)經我同老公再細看，都係無事。

今日下午開始：「我咬到條脷呀！」經我哋驗證後，條脷係無傷口。

總結：妹妹應該係生“飛知”，但係我哋係咁睇咗好多次，都搵唔到係邊個位，今晚只好快快的煲竹X水，希望佢明天會好少少。但係明天都也許無得返教會，老公唔鐘意佢係燒過後去人多的地方。而且明天教會下午係科學館的演奏廳有一個姊妹的綱琴演奏，我哋全家都有票，睇嚟又無得去啦！我好想去呀！

今晚陪訓時，我坐在桌旁入開會日期及時間到OUTLOOK的CALENDER到，然後轉入手機，唔使大大本日曆成日拎住。點知轉個頭就見到妹妹訓著咗，但係係仲企係到訓的，因為佢當初唔肯訓住，我又唔踩佢，佢咪係到自己係咁玩玩吓就訓咗，超攪笑！

婷婷妹妹九月就開始返學啦！為咗預備佢返學的用品，我係淘寶的HELLO KITTY專門店都留咗唔少的腳毛，今日終於嚟咗訂的第一批！

好多人都無寫BLOG，係因為我唔得閒，要去PPS到睇聊齋，好好睇，都係TVB拍個D好睇D！

朋友成日問妹妹依家叻唔叻，我話好叻，仲識玩爆旋陀螺，但係無乜人信，我今晚有幸可以拍到依段片，不過最叻的時候係會講埋：「THREE、TWO、ONE、SHOT！」

今日卓希及婷婷係教會學咗一首新歌，預備下星期堂慶時唱的，練的時候妹妹勁扭計，所以我以為佢唔會入腦。但係點知晚上陪訓時，佢居然係到：1、2、3，JESUS、JESUS、JESUS！我足足影咗三次佢先肯合作影到依段算係好的啦！

依個係我的心聲，以前就係阿仔，依家輪到婷婷，真係悶到飛起！

妹妹今晚仲玩咗我多過一小時，真係唔想訓住都俾佢攪到訓咗！我仲要陪訓到幾時呀？

去樓下公園玩，妹妹真係頑皮到不得了！

仲自己話“哎呀”添！