目前分類:靚太嬌嬌女 (121)

瀏覽方式: 標題列表 簡短摘要

妹妹今日見到哥哥上咗大床,又見到哥哥係邊個位到上大床,就有樣學樣,居然俾佢學到,第時要牛咁眼睇住佢啦!

 

suklaic 發表在 痞客邦 留言(0) 人氣()

妹妹今日係公園,要自己爬上去玩!認真大膽妹!(當時無帶相機,只好用手機影短片,所以解像度唔高!)

 

晚上臨訓前係大床到睇書,妹妹又睇埋一份,佢居然學到一路睇,就一路:「哇!哇!哇!」簡直笑爆嘴!

 

suklaic 發表在 痞客邦 留言(1) 人氣()

   嘩!我個女十個月啦!就快一歲,不過仲未有牙仔,希望快d有牙仔,唔使佢咁忟啦!

 IMG_2132.JPG

IMG_2136.JPG

 

拆利是:今日初十,我決定係正式返工前幫兩個小朋友拆同數利是,左面係卓希豬的,右面係婷婷的!

 IMG_2140.JPG

suklaic 發表在 痞客邦 留言(1) 人氣()

   今日返工前,同妹妹影咗d相,超得意!

IMG_1689.JPG 

IMG_1692.JPG

IMG_1694.JPG

IMG_1696.JPG 

IMG_1704.JPG 

IMG_1705.JPG 

IMG_1706.JPG 

IMG_1709.JPG 

suklaic 發表在 痞客邦 留言(0) 人氣()

 妹妹今日九個月啦,咁啱又係星期日,一家人一齊慶祝吓先!

IMG_1452.JPG

IMG_1453.JPG 

suklaic 發表在 痞客邦 留言(0) 人氣()

乜嘢係一粒米,咪就係妹妹出牙仔囉!自我出院後,妹妹成個人都好忟,少少嘢都大大聲喊,只係嘈,但無眼淚(如果有眼淚的話,就一定係大鍋嘢)!

今日終於俾我見到佢d牙肉出咗一粒米的白色,係牙仔嚟的,唔怪之得佢咁忟啦!成日都罵姐姐!

不過我無相機係身,又依家做嘢要步步為營,唔想動作太快令到d內臟唔舒服,所以趕唔切影底佢,一有機會就影啦!

另外,今日我哋出走沙田屋企避難,原因係隔離屋裝修打地垃,那些天拿水的味令到我頭痛之餘,條氣管都唔舒服!大人都會有咁的感覺,更何況小朋友呢?所以我哋等卓希一放咗學之後,就出走,去咗沙田屋企成個下午!

suklaic 發表在 痞客邦 留言(0) 人氣()

全屋只有卓希豬引到婷婷妹妹係咁笑,好得意!

 

suklaic 發表在 痞客邦 留言(0) 人氣()

 

好多人都唔係好信我個女自己識得企起到,嗱,有短片為證!

suklaic 發表在 痞客邦 留言(0) 人氣()

返工時,突然開一開ip cam,就見到妹妹依個畫面,佢好得意咁自己企係床仔到!

suklaic 發表在 痞客邦 留言(0) 人氣()

今日下午我帶卓希同婷婷妹妹返工,唉!個個都話妹妹似男仔!!!(我O哂嘴)

 今日咁著都唔似男仔y???

我都已經幫妹妹著條裙仔,等佢似番個女仔,點知都係咁!妹妹依的情況,就好似我以前咁,記得七歲時就跟mormor同morfar住,嗰時我的嫲嫲幫我剪咗好好好短的頭髮,mormor已經叫我著咗條吊帶裙,但係都有人問mormor:「is she a boy or a girl?」依個笑話到依家mormor都笑我,可想言之當時的我真的成個男仔頭!

suklaic 發表在 痞客邦 留言(0) 人氣()

 妹妹係無人為意的情況下,自己係床仔到企起嚟,立即叫卓希爸影咗佢,依個大膽妹!

 

suklaic 發表在 痞客邦 留言(0) 人氣()

 

婷婷妹妹食糊仔個樣!

後記:好囉!好囉!pixnet upgrade咗之後,連短片都可以upload到上網,唔使再靠i'm vlog,嗰到多咗好多兒童不宜的嘢,之前無法,依家好好多!

suklaic 發表在 痞客邦 留言(0) 人氣()

  • Oct 04 Sat 2008 22:08
  • 半歲

 婷婷妹妹六個月啦!今日抱住佢,係咁錫錫,一路望住個女,一路係咁諗依幾個月嚟自己的心路歷程同苦況,但都覺係的!(多謝小吉媽的提點,好多字我都識睇,但係要我寫番有一定的難度,因為我係鬼妹仔!哈哈哈!)

 

 

 

suklaic 發表在 痞客邦 留言(3) 人氣()

  • Oct 03 Fri 2008 21:41
  • 米糊

妹妹開始食米糊啦!

初初三日前試吓俾佢食,佢好抗拒,點知日日都俾佢食多少少都好似好少少.但係又俾我諗到另一樣嘢,就係奶粉同米糊的牌子唔同,也許一齊的味道唔好味.(因為之前訂奶粉,佢有和光堂米糊,見平平地就試一盒. 點知就出事!)

妹妹依家晚上最後個餐就係食奶粉(我怕有一日無哂人奶後,突然要佢轉奶粉的話,腸胃會頂唔住,所以日日都要佢有一餐係奶粉),所以都會以最後嗰餐的奶奶嚟開米糊,因為想佢飽肚d,唔使好似依家咁,晚晚三四點都叫醒我餵人奶.

今日轉咗米糊,同奶粉同一隻牌子(beanstalk),啍!依隻妹,咁又肯食,又好快咁打開個口要食第二啖,真的好得意.

不過我係負責餵佢,所以無得影相,佢真的好得意!

suklaic 發表在 痞客邦 留言(0) 人氣()

 今日係妹妹五個月啦,佢真係好得意,成日都只係扭我計,但係又氹到我鬼c咁開心。雖然生佢之後身體出咗咁多病痛,但係都係無悔的!

suklaic 發表在 痞客邦 留言(1) 人氣()

  • Aug 05 Tue 2008 22:00
  • 笑容

今日卓希爸幫婷婷影了幾張好靚笑容的相

婷婷道:爸爸你做乜影我呀?


卡!卡!卡!咁笑!

suklaic 發表在 痞客邦 留言(3) 人氣()

mmmmm!我都覺得自己有少少大細超,以前卓希第一年時,每加一個月,我哋都會有一個生日蛋糕給他,但現在婷婷今日四個月,不單無生日蛋糕,仲要佢打針.

婷婷今日要打兩支針,近來佢唔鐘意訓係到,所以都未打針,只係檢查,佢已經喊到飛起,我都唔理三七二十一,一於要醫生快快的打針.

suklaic 發表在 痞客邦 留言(0) 人氣()

妹妹病咗成個星期,都係咁敢帶佢出街,不過今日就一定帶,因為係好耐之前已經答應咗judy ee會帶兩個小朋友去佢屋企玩!今日等卓希放學,佢一茖咗校車後,就好快咁返心光,泊底我的車後,就坐校車去judy ee的屋企,同行仲有今年中三班的同學。大家都玩得好開心,尤其是玩按摩椅!

跟著我哋就走,返咗柴灣,去攞卓希想咗好耐的單車。卓希今早終於儲夠五十個印花啦,所以就可以有單車。佢由昨晚已經好開心,因為我昨晚獎了他一個印花,所以他只差一個,今早表現良好,就獎埋嗰最後嗰個,嘩!笑到佢好開心!

suklaic 發表在 痞客邦 留言(0) 人氣()

唉!妹妹果然遺傳咗我d哮喘病,之前我已經傳染咗d感冒病菌俾佢,今日下午開始佢發燒,我返到屋企發現佢喘多咗。晚上就打給趙醫生,趙醫生教我用自己用開的ventaline,但係都唔係好得,只好快快的車妹妹去養和醫院,因為趙醫生係嗰到堂值。

去到後,check咗好耐先check到妹妹的含氧度係85,心跳又快。所以係醫院要吸耐d及多d ventaline,之後含氧度去到94。趙醫生話本來咁的情況係唔俾我哋返屋企,不過見d藥對妹妹有效,咁就俾我哋走。要我第二日去佢中環的診所到借機聞氣!

我好唔開心,都係自己唔好,傳染咗d感冒菌俾妹妹(雖然我知一定會係咁,但有咗心理準備都係咁唔開心),而另一方面又遺傳咗哮喘俾佢,妹妹,對不起!

suklaic 發表在 痞客邦 留言(1) 人氣()

今日我返晏,係房到做做下嘢時,突然見到妹妹爬咗係到訓覺,跟著我依個媽媽梗係整估佢啦!將佢反番轉身,要佢自己再轉過身,超可愛!



我幾時先可以放假呀?昨晚半夜四點醒咗,喉嚨超痛,好似又感冒,好鬼煩的啫!

suklaic 發表在 痞客邦 留言(1) 人氣()