妹妹今日見到哥哥上咗大床,又見到哥哥係邊個位到上大床,就有樣學樣,居然俾佢學到,第時要牛咁眼睇住佢啦!
妹妹今日見到哥哥上咗大床,又見到哥哥係邊個位到上大床,就有樣學樣,居然俾佢學到,第時要牛咁眼睇住佢啦!
妹妹今日係公園,要自己爬上去玩!認真大膽妹!(當時無帶相機,只好用手機影短片,所以解像度唔高!)
晚上臨訓前係大床到睇書,妹妹又睇埋一份,佢居然學到一路睇,就一路:「哇!哇!哇!」簡直笑爆嘴!
嘩!我個女十個月啦!就快一歲,不過仲未有牙仔,希望快d有牙仔,唔使佢咁忟啦!
拆利是:今日初十,我決定係正式返工前幫兩個小朋友拆同數利是,左面係卓希豬的,右面係婷婷的!
今日返工前,同妹妹影咗d相,超得意!
妹妹今日九個月啦,咁啱又係星期日,一家人一齊慶祝吓先!
乜嘢係一粒米,咪就係妹妹出牙仔囉!自我出院後,妹妹成個人都好忟,少少嘢都大大聲喊,只係嘈,但無眼淚(如果有眼淚的話,就一定係大鍋嘢)!
今日終於俾我見到佢d牙肉出咗一粒米的白色,係牙仔嚟的,唔怪之得佢咁忟啦!成日都罵姐姐!
不過我無相機係身,又依家做嘢要步步為營,唔想動作太快令到d內臟唔舒服,所以趕唔切影底佢,一有機會就影啦!
另外,今日我哋出走沙田屋企避難,原因係隔離屋裝修打地垃,那些天拿水的味令到我頭痛之餘,條氣管都唔舒服!大人都會有咁的感覺,更何況小朋友呢?所以我哋等卓希一放咗學之後,就出走,去咗沙田屋企成個下午!
全屋只有卓希豬引到婷婷妹妹係咁笑,好得意!
好多人都唔係好信我個女自己識得企起到,嗱,有短片為證!
返工時,突然開一開ip cam,就見到妹妹依個畫面,佢好得意咁自己企係床仔到!
今日下午我帶卓希同婷婷妹妹返工,唉!個個都話妹妹似男仔!!!(我O哂嘴)
今日咁著都唔似男仔y???
我都已經幫妹妹著條裙仔,等佢似番個女仔,點知都係咁!妹妹依的情況,就好似我以前咁,記得七歲時就跟mormor同morfar住,嗰時我的嫲嫲幫我剪咗好好好短的頭髮,mormor已經叫我著咗條吊帶裙,但係都有人問mormor:「is she a boy or a girl?」依個笑話到依家mormor都笑我,可想言之當時的我真的成個男仔頭!
妹妹係無人為意的情況下,自己係床仔到企起嚟,立即叫卓希爸影咗佢,依個大膽妹!
婷婷妹妹食糊仔個樣!
後記:好囉!好囉!pixnet upgrade咗之後,連短片都可以upload到上網,唔使再靠i'm vlog,嗰到多咗好多兒童不宜的嘢,之前無法,依家好好多!
婷婷妹妹六個月啦!今日抱住佢,係咁錫錫,一路望住個女,一路係咁諗依幾個月嚟自己的心路歷程同苦況,但都覺係值得的!(多謝小吉媽的提點,好多字我都識睇,但係要我寫番有一定的難度,因為我係鬼妹仔!哈哈哈!)
妹妹開始食米糊啦!
初初三日前試吓俾佢食,佢好抗拒,點知日日都俾佢食多少少都好似好少少.但係又俾我諗到另一樣嘢,就係奶粉同米糊的牌子唔同,也許一齊的味道唔好味.(因為之前訂奶粉,佢有和光堂米糊,見平平地就試一盒. 點知就出事!)
妹妹依家晚上最後個餐就係食奶粉(我怕有一日無哂人奶後,突然要佢轉奶粉的話,腸胃會頂唔住,所以日日都要佢有一餐係奶粉),所以都會以最後嗰餐的奶奶嚟開米糊,因為想佢飽肚d,唔使好似依家咁,晚晚三四點都叫醒我餵人奶.
今日轉咗米糊,同奶粉同一隻牌子(beanstalk),啍!依隻妹,咁又肯食,又好快咁打開個口要食第二啖,真的好得意.
不過我係負責餵佢,所以無得影相,佢真的好得意!