<![CDATA[卓希係寶貝仔，芍婷係嬌嬌女，老公係麻煩友，我係靚太太:: 痞客邦 PIXNET ::]]>

<![CDATA[卓希係寶貝仔，芍婷係嬌嬌女，老公係麻煩友，我係靚太太:: 痞客邦 PIXNET ::]]> http://suklaic.pixnet.net/blog Sat, 28 Nov 2009 13:33:00 +0000 suklaic@not-valid.com (suklaic) Copyright 2003-2009 suklaic,Pixnet Digital Media Coporation. All rights reserved. PIXNET Media Digital Coporation zh http://blogs.law.harvard.edu/tech/rss <![CDATA[開開心心外出去，點知...........................]]> http://suklaic.pixnet.net/blog/post/25441703 http://suklaic.pixnet.net/blog/post/25441703 今日我自己帶著卓希去畫班，然後回合姐姐及妹妹，去沙田屋企。約MORMOR同MORFAR飲茶，然後到沙田屋企等聶牧師，仲一大班人去行山！

點知！一返到屋企，卓希訓咗之後，我就發現佢發燒，唉！明天仲有聯合崇拜，咁的話，又會無得去，老公一定唔放我哋去的！超煩！

]]> Sat, 28 Nov 2009 13:33:00 +0000 難得出去wet http://suklaic.pixnet.net/blog/post/25441703#comments <![CDATA[信義宗神學院院長就職崇拜]]> http://suklaic.pixnet.net/blog/post/25437617 http://suklaic.pixnet.net/blog/post/25437617 今日放工，我就係趕著返屋企，換衫，油灰水，然後帶小朋友嚟依到！

一切都係以簡單為主，感謝天父，讓我有這樣好的父母！

]]> Fri, 27 Nov 2009 15:08:00 +0000 希媽生活情趣 http://suklaic.pixnet.net/blog/post/25437617#comments <![CDATA[學生作品]]> http://suklaic.pixnet.net/blog/post/25433577 http://suklaic.pixnet.net/blog/post/25433577 今日終於係午飯時間，飯都唔食的機會下，影咗部份學生作品的相片(當時只係維唔爾族)。跟著要著手佈置聖誕飾物，就請個同事影(蒙古帽)，但係原來佢攞角度唔係好得，下次都係自己影算吧啦！

小三學生的作品

小一、二學生的作品

展能組的作品

以上都係其中的一部份，因為有多時有學生無返學，咪未做得起，所以大家都要努力加油呀！

]]> Thu, 26 Nov 2009 15:38:10 +0000 希媽工作事奉 http://suklaic.pixnet.net/blog/post/25433577#comments <![CDATA[忘我狀態]]> http://suklaic.pixnet.net/blog/post/25429407 http://suklaic.pixnet.net/blog/post/25429407 今日上美勞課，為咗趕制民族帽(蒙古及維吾爾族)，係咁做係咁做係咁做！初初小一、二做起的帽我都已經覺得好靚！跟著前兩個星期展能組的帽開始成形時，我又覺得好靚。到今日小三班的帽完成90%時，真的覺得靚到不得了！唔係講笑，係真係好靚，不過又好忙，忙到我唔記得影相！

所以，我的級數依家可以由司珍升到尚宮啦，以後叫我做“周尚宮”，十隻手指頭都痛到入心，但係好有成功感，不過真係做咗好耐。之但係經過今次之後，我發現展能組又進步咗啦，90%的學生都可以穿到珠仔，連平時話：「珠仔呢？珠仔係邊到呀？我摸唔到D珠仔係邊到！」的同學仔都串穿咗好幾串珠仔。仲有平時成日少少嘢就話：「哎呀，好痛呀！」的同學仔，都串穿咗好多串，簡直令我另眼相看！

後記：今日我同任姑娘都分別係咁噴“力架”上D帽到，吸到我放學時喉嚨開始有D痛，希望唔好因為咁而自己開始病啦，立即返到屋企食咗粒止痛藥，但係都唔係好點！

]]> Wed, 25 Nov 2009 14:35:47 +0000 希媽工作事奉 http://suklaic.pixnet.net/blog/post/25429407#comments <![CDATA[做苦力]]> http://suklaic.pixnet.net/blog/post/25424861 http://suklaic.pixnet.net/blog/post/25424861 今日下午上完堂，正在預備外出之時，老細又搵我，哦！原來係要我係佢放假時做嘢，得，得，得，盡力而為啦！

下午我提早走咗，唔係去咗玩，而係去買聖誕禮力，又係一年一度做苦力的時間。其實依家已經係好好多，以前我自己一個人買成二百份禮物，依家只係買一百份，但係我都搬到手無力！今日都未買哂，下星期要再嚟過！哎呀！手好痛！

]]> Tue, 24 Nov 2009 14:42:54 +0000 希媽工作事奉 http://suklaic.pixnet.net/blog/post/25424861#comments <![CDATA[結婚介]]> http://suklaic.pixnet.net/blog/post/25418463 http://suklaic.pixnet.net/blog/post/25418463

自從懷著小卓希後，由於成個人都水腫，手指也漲起來，連婚介也載不下。前陣子見吉媽試載婚介，我也很想試一試，只是苦無記憶要拿出來。今天返工前，突然記起這重大的任務，就試載，一載就.......................得咗！

]]> Mon, 23 Nov 2009 12:52:32 +0000 希媽隨口up up http://suklaic.pixnet.net/blog/post/25418463#comments <![CDATA[香港動植物公園]]> http://suklaic.pixnet.net/blog/post/25406865 http://suklaic.pixnet.net/blog/post/25406865 今日要先等卓希學畫畫，然後就一齊出發去中環，事關兩個小朋友都要打流感針，婷婷仲要打埋歲半針。等得嚟都成兩點先係趙醫生到走，求其係中環食嘢，諗住係普普通通的翠華食算吧，點知一座下都唔知食乜嘢好，因為原來中環競爭大，連茶餐廳都花樣百出。我選咗冬陰公的米線，嘩！好好味！

跟著就係我哋今日的目的，香港動植物公園！

]]> Sat, 21 Nov 2009 13:39:35 +0000 難得出去wet http://suklaic.pixnet.net/blog/post/25406865#comments <![CDATA[The First time with 89B]]> http://suklaic.pixnet.net/blog/post/25403800 http://suklaic.pixnet.net/blog/post/25403800 今日我返返吓工時，MORMOR打電話嚟，話好想見，咁就去沙田屋企！之但係逢星期五老公都會楂車，佢個衰人一定唔會特登楂車出番嚟九龍接我哋，我就只好發揮我的小宇宙，放咗工之後，鞋都無除到，就帶著兩個小朋友同姐姐，係觀塘道搭巴士去沙田！

睇兩個小朋友幾迷茫，真係好攪笑！去到大圍火車站，我決定同佢哋行去沙田屋企，因為佢哋係屋企成日，都無點運動過。連妹妹都乖乖的自己行，都有好長的時間，真係可愛極！

後記：我仲係嬲緊個大細超的老公！

]]> Fri, 20 Nov 2009 15:18:00 +0000 難得出去wet http://suklaic.pixnet.net/blog/post/25403800#comments <![CDATA[Painful with my shoulders for two weeks already, and headache since last Sat, am I going to get sick？？？]]> http://suklaic.pixnet.net/blog/post/25381873 http://suklaic.pixnet.net/blog/post/25381873 我的肩膀痛咗多過兩個星期，朝朝早一起身，條頸連肩膀就痛到眼淚水都出埋，要隔一陣先好少少。上星期六開始日日頭痛，咁就頭痛藥，敏感藥日日咁伴我走，走到我口都苦埋！

但係今日要開始返工，昨晚便唔食敏感藥，嘩！今早一起身，肩膀同頸痛到我不得了，再係咁，我又要睇醫生，但係我唔想，因為除咗一開學的H1N1連累到我，及要覆診的話，其餘的時間我都好乖乖咁無請到假，我唔想又開始痛及請假！

今日做做做，做到無停手，週會、開會、備課、上美勞課X2、LUNCH開會、上宗教課X3、開會，到我真係可以返自己個位坐底時，都已經係五時正，當時我就發現自己隻腳好痛，返到屋企一睇，原來雙腳行到起咗兩個水泡，好痛呀！依對鞋已經著過好多次，也是我最舒服的其中一雙鞋，咁都會行到起水泡，可想言之係無時停！跟著晚禱時仲要帶著熙X同埋雅X行圈，因為學生輔導組給我的任務就係唔好俾佢哋咁早係晚禱到訓，要令到佢哋唔好訓的話，晚上就可以訓得到，咁我晚晚的晚禱就要同佢哋兩個一齊行圈，D腳趾攰到我麻俾咗！唉！

]]> Mon, 16 Nov 2009 14:18:44 +0000 希媽隨口up up http://suklaic.pixnet.net/blog/post/25381873#comments <![CDATA[大戰]]> http://suklaic.pixnet.net/blog/post/25377278 http://suklaic.pixnet.net/blog/post/25377278 今日我睇住姐姐攞冬天衣出嚟，氣到我火C咁！姐姐真係唔識乜嘢為之循序漸進，一次過鋪哂所有夏天、秋天及冬天的衣服出嚟，完全無STEP BY STEP。我只好自己動手做，由下午四時正，做到晚上十時半左右(中間去咗食飯)，唉！依個姐姐真係唔識執嘢，每次都要我跟手尾，今晚連老公都話佢做嘢唔諗吓，激C人啦！

天氣轉涼，又係時候拎番個豆漿機出嚟，今晚我又整咗芝麻糊，好好味！明天又開始整豆漿啦！

]]> Sun, 15 Nov 2009 15:16:53 +0000 希媽生活情趣 http://suklaic.pixnet.net/blog/post/25377278#comments <![CDATA[轉天氣]]> http://suklaic.pixnet.net/blog/post/25370472 http://suklaic.pixnet.net/blog/post/25370472 一轉天氣，我個鼻又受罪！昨晚係咁流鼻水，連續食咗兩粒PIRTON，陪訓時連自己都訓咗，所以到今早為止，我訓咗十二小時，真係勁！

天氣冷，最好的活動就係打邊爐，我哋邊打時，個身體開始慢慢暖番哂！

]]> Sat, 14 Nov 2009 13:40:19 +0000 希媽生活情趣 http://suklaic.pixnet.net/blog/post/25370472#comments <![CDATA[係去晨運定係學校旅行呢？]]> http://suklaic.pixnet.net/blog/post/25370449 http://suklaic.pixnet.net/blog/post/25370449 今日係心光學校旅行，我係同中一去，但係感覺就係做咗一日晨運客，原來係去行晨運的地方，真係離譜。學校的旅行應該係去一D學生少去同埋有得玩的地方，但係班中一生就悶C咗佢哋啦！

D學生悶到C，只好做做晨運客，但真係好哂同好熱。有一個弱視的女學生，我教咗佢點樣影相之後，佢唯一的活動就係影相，所以除咗我自己影嗰D之外，佢哋影咗好多！

依D全部都係我自己影的，之後就過佢手俾佢影啦！

回到家真好！

晚上我哋又一家出動去德福食飯，德福今期聖誕主題係BEAR，好多好靚的熊仔，最得意的全是結婚熊！

]]> Fri, 13 Nov 2009 13:09:00 +0000 希媽工作事奉 http://suklaic.pixnet.net/blog/post/25370449#comments <![CDATA[新傑作]]> http://suklaic.pixnet.net/blog/post/25360879 http://suklaic.pixnet.net/blog/post/25360879 這是我第三頂傑作!全部用珠仔一粒一粒hand made的!

]]> Thu, 12 Nov 2009 12:31:36 +0000 希媽工作事奉 http://suklaic.pixnet.net/blog/post/25360879#comments <![CDATA[有朋自遠方來]]> http://suklaic.pixnet.net/blog/post/25357492 http://suklaic.pixnet.net/blog/post/25357492 今晚好開心，以前係禮賢小學的校長嚟我哋屋企食飯，我諗到無邊個讀書讀到好似我咁，父母同校長係好朋友。為何會係好朋友？因為校長的丈夫係牧師，而且當時我好頂皮，爸媽就攪我唔點，只好請校長同我傾計，睇睇我的需要。點知，咁就做咗朋友，而且今晚我仲送咗份禮物給他們，禮賢五十週年的紀念冊！

]]> Wed, 11 Nov 2009 14:57:02 +0000 希媽生活情趣 http://suklaic.pixnet.net/blog/post/25357492#comments <![CDATA[周司珍]]> http://suklaic.pixnet.net/blog/post/25350920 http://suklaic.pixnet.net/blog/post/25350920 依幾日心光測驗週，唔使好似平時咁趕住上唔同的堂，不過下午要負責展能的美勞堂，正好用這段時間預備十二月的中華文化週活動所用的帽子。

這幾天，覺得自己好似做咗尚宮局的人，係咁整整整，先整好兩頂帽。好彩班展能同學係手指運用方面有進步，依兩日係咁班兩位女同學的蒙古帽串珠仔。唔記得影相，等我明天返心光影下先！

我自己真係好鐘意做依D美勞，最衰就係自己係完美主意者，求其的話過唔到自己個關，所以又出錢又出力，係咁自己試試試。試咗邊個方法好的話，就可以教班學生，所以今日係美勞室備課咗成個幾小時，但係好開心！

我一定會影相，然後POST上嚟，因為會好容易散的！

]]> Tue, 10 Nov 2009 14:31:54 +0000 希媽工作事奉 http://suklaic.pixnet.net/blog/post/25350920#comments <![CDATA[飛行服務隊開放日]]> http://suklaic.pixnet.net/blog/post/25339987 http://suklaic.pixnet.net/blog/post/25339987 今日係兩年一次的飛行服務隊開放日！

好多謝TAMMY，佢俾咗兩張票我！今次係第二次去，上一次係兩年前，當時妹妹在肚內，TUN姐姐仲有去，但係相比起好玩的程度，係兩年前好玩D！

其實我都唔知幾時有票派，每次都係D媽媽們讓給我，如果係BK都開一個TOPIC有關依個活動的話，就會有好多人嚟問你要唔要票，不過要你的錢！(兩次我都係唔使錢的！)

]]> Sun, 08 Nov 2009 14:53:04 +0000 難得出去wet http://suklaic.pixnet.net/blog/post/25339987#comments <![CDATA[我畢業啦！]]> http://suklaic.pixnet.net/blog/post/25334873 http://suklaic.pixnet.net/blog/post/25334873 由未有卓希就已經報咗名的BU學土課程，今日終於完滿結束！完成咗成期五年半的讀書生涯，畢到業都鬆一口氣！

今日望到自己個名係畢業禮的程序到，見到自己的名後面的成績，立即有一個想法：「我唔係一個讀書的料子！」因為，自問理解力由細到大都無其他人咁強，另外，文字上的表逹能力又不及別人，真的有感而發！我讀咗BU咁多年，都無時間去佢大學的圖書館到借過書，以前係HKIED到讀，都借過好多次書，所以有幾科都拿到A，但係到喺BU到讀時，都只係上網係巿政局圖書館到訂書，什飯時去香港仔到拿！(自認為係最快的方法)而得出嚟的成績同係HKIED到真的差天共地。以前老公成日安慰我，話係HKIED到讀時我未有小朋友，又有好多私人時間，但係由一開始係BU時，就已經注定我係無時間。因為當時仲係芳EE日頭湊卓希，晚上我哋自己湊番，我個仔又唔係易湊過人，半歲開始後每晚都會哭很多次，嗰段時間我連楂車都會訓得著！

識咗老公咁多年，佢第一次買咁多花給我！好開心，仲有MORMOR同MORFAR嚟我的畢業典禮，成為席上客，老公就帶著兩個小朋友係出面到等我，好開心，開心係一家人很齊心，連兩個小朋友都無扭計，全程好合作咁一齊參與！

]]> Sat, 07 Nov 2009 13:55:15 +0000 希媽生活情趣 http://suklaic.pixnet.net/blog/post/25334873#comments <![CDATA[好開心]]> http://suklaic.pixnet.net/blog/post/25331420 http://suklaic.pixnet.net/blog/post/25331420 踏入十一月，真的很忙，忙到雙肩都很痛，晚晚要請姐姐幫忙，否則不能入睡。所以每天到要寫BLOG的時候，總是提不起雙手打字，只好給自己時間休休息！

為學校中華文化週預備的維吾爾族的帽子完成了，但雙手的手指頭變黑，因為太長的時間沒有拿起針線做花紋，但今次做得很開心！有時間等我影吓相再UP上嚟先！

晚上約了卓希同學仔的媽媽們外出用饍，由一開始便笑笑笑，笑到十點走為止，回到家時失咗聲！真係好開心，卓希能有依班同學們，真的要感謝天父，無論日後會否一起升小學，大家都有一個開心學習的時間！

]]> Fri, 06 Nov 2009 14:53:16 +0000 希媽隨口up up http://suklaic.pixnet.net/blog/post/25331420#comments <![CDATA[影相]]> http://suklaic.pixnet.net/blog/post/25305490 http://suklaic.pixnet.net/blog/post/25305490 攞咗件畢業袍好多日，但係都未影相，今日下午有一小空檔，影下啦，不過妹妹懶床，唔肯起身影！

]]> Sat, 31 Oct 2009 15:57:00 +0000 希媽生活情趣 http://suklaic.pixnet.net/blog/post/25305490#comments <![CDATA[桐桐，安息吧！]]> http://suklaic.pixnet.net/blog/post/25303490 http://suklaic.pixnet.net/blog/post/25303490 校友胡桐桐已經安息在主懷，今天是她的安息禮拜，看都牧師和一眾教友為她所作的一切，真的很感動，希望桐桐的父母也有機會多些返教會！

]]> Sat, 31 Oct 2009 15:55:00 +0000 希媽工作事奉 http://suklaic.pixnet.net/blog/post/25303490#comments