今日係開校務會議之前五分鐘，東區醫院打電話嚟，話我上次抽血驗唐氏綜合呈陽性反應。我即是好唔開心，又係咁？？？記得有卓希時都係咁，嗰時我同卓希爸仲抱頭痛哭添，因為以為個仔會有事。
卓希爸同卓希的契媽都安慰我，話上次有卓希時的機會率係四份一，卓希都無事，今次係二百六十份之一，都一定會無事的。不過話唔係咁講，做人點都要為那一份而有心理準備，所以咪唔開心囉！
依家約了下星期五要返醫院到，抽羊胎水，又要照超聲波！我都已經request咗卓希爸要請假都要陪我啦，我唔想自己一個人面對著醫生同護士。其實我係擔心抽的時候會整到小b，而且要等成三個星期才有報告，那等的時間才是最難受！
本來我係諗住今胎一定無事的，因為有了上次的經驗，諗住自己小心d，應該唔會要去抽羊胎水，點知又係咁！我同卓希爸話，點解我哋加起嚟的嘢，往往會有咁的結果？乜唔可以好些嗎？卓希爸安慰我話今次的比率已經係細好多，已經咪好過上次囉！
求天父加給我們力量去面對！
全站熱搜
留言列表
廚藝“棒” (5)
