香港的老字號越賣越少,近來問朋友借了一本飲食男女來看(以前鐘意個個星期都睇,自從卓希出咗世之後都無啦!)吸引我的不是去邊到食乜嘢菜式,而係佢今次講起老字號的醬園。

我個人煮嘢食就覺得調味料好重要,所以一講到有關醬油就好想知多d。尤其是天氣開始涼時,會想食下唔同的煲菜(卓希爸就最鐘意食牛腩)。今次令我好想要的係劉成和醬園的麵鼓,我好想去試下,因為由細到大都好鐘意麵鼓個陣味,也許是潮州人喜歡吧。

好想去買一斤嚟試吓,不過要去到深水步,又要跟著去找,而家我咁的身世係唔會去咁遠啦!如果有邊個去開的話,唔該幫我買一斤嚟試下啦!
劉成和醬園
長沙灣元州街430A
tel:2741 9502
營業時間:8:10am-6:30pm星期日休息

仲有呀,我就好鬼鐘意食酸嘢的,今次仲好,本書仲介紹咗一間係觀塘的醬園,叫大孖醬園。唔係用普通醋浸的,而係用五度陳醋浸的(五度是指可飲用醋的最高酸度,要經過七個月醞釀才成的,功效能增強腎,肝臟功能,陵毒和促進新陳代謝)。今次好啦,係觀塘,都算近d,不過唔知幾時先會去,但係就肯定一定會去,因為佢仲有現成的浸青瓜買,諗起都口水流!
大孖醬園
觀塘崇仁街33號
tel:2342 6378
創作者介紹
創作者 suklaic 的頭像
suklaic

港楊回憶,樂趣無窮!

suklaic 發表在 痞客邦 留言(0) 人氣()