話說依個新同事返工的時間日日都唔同，又無同佢的PARTNER黃先生交代。事情係由我昨天發現的，學校ARMA問佢有無返，如果唔係就要熄燈，我話問問黃先生先，點知黃生又唔知，個探訪簿又無寫，白板又無寫！奇就奇在成十一點先返工，話係補OT？？？(乜佢的職位可以咁補法的嗎？以前JUDY的補法都唔一樣)，但係就五點鐘準時走人。
今日仲奇情，佢又係成個早上唔見人，黃生同我又要CHECK佢的BOOKING，但係都係無寫到，下午一時才見佢出現。
當時黃生問佢：今早唔見你的？係咪補OT？
佢就一路寫嘢一路話：我現在忙計番D數給院長，一陣遲些才同你傾，仲有，今日係我的LAST DAY。
當時，黃生的眼都大埋，立即嚟問我是一回怎樣的事？我都成頭問號，因為我哋只係知道佢昨天見過院長，但係見完之後，面無改變地繼續做嘢。(果然係高招，死要面子！)跟著遲少少，黃生問佢點解會咁突然要走的，佢話都唔突然啦，係一路以來都睇緊自己是否適合做這份工作，而且同周老師又唔係咁合作到，做的嘢又唔同，但係又同一個DEPARTMENT(即是話同一個DEPARTMENT有兩個HEAD，係SECTION HEAD，因為我唔使聽佢話的！我有我主見)
有無攪錯呀，燒到我個啖到，又關我乜事，自從上次開會事件後，我一句都無同佢講過嘢，因為我睇唔起佢做嘢的手法，太過過份！我同黃生講，算！我忍埋佢依幾個鐘頭，好彩我係心光做咗咁多年嘢，人人連包括校友都知我份人係點，唔怕佢週圍唱歌咁唱！
好啦！咁跟著我就去咗開財務會議，開完會之後，上到辦公室，黃生過嚟話：劉姑娘走咗！！！我哋兩個都打咗個突，如果唔係院長打電話上嚟找佢的話，我兩都唔知佢已經執好哂嘢，仲走埋添。一聲：再見，都無講，無鬼禮貌。
跟著我同黃生仲要接佢的SO州史，佢居然把所有聯絡人的咭片扔哂，又唔出聲校友名錄去咗邊，我哋係咁找呀找呀，原來係院長到。佢真係好鬼差，又死要面子，好啦，十二月份福音事工部大把嘢做，又只係得我兩個人，唉！苦命一條！不過都好，唔使再好似以前咁防賊咁防，成日又怕佢會出乜嘢的鬼注意，等我哋兩個好好咁計劃一下要點做先。不過最先都係要買聖誕禮物，又要約一日出嚟買，同叫校車車！
全站熱搜
留言列表
廚藝“棒” (5)
