卓希的學校舉辦了「親子動感聖誕吊飾及動感聖誕卡設計比賽」,係通告話係想藉此活動啟發兒童創意思維,但係個小朋友咁細,咁咪又係攞家長嚟“攪飛”!

唉!我諗咗好幾樣嘢可以做,一、聖誕帽,二、聖誕樹,兩樣都係這兩年我在心光時所教學生的題材。之但係昨天再睇張通告,要動感?我“何來”可以諗到有動感的聖誕飾物呢???突然靈機一動,去年開始教小一的學生整聖誕的“大衛之星”,改一改佢,再加個“鈴鈴”,咪可以當係動感的吊飾囉!

今天早上卓希爸打敗仗,我就一早捉卓希做功課同讀書報告,之後就開始漫長的美勞堂。好彩我昨晚已剪好咗大衛星的形狀,今天先先教卓希用一些模來按出公仔,然後就貼在星星上!


卓希好鐘意做手工,係咁貼d星星係大衛星上!


最後的完成品,一共有三種唔同的公仔:星星、熊仔、心心。跟著的工作就係摺佢成立體形狀(依樣都唔難,捉著卓希隻手,但係佢摺咗兩張後就無乜心機,第三張就係我自己摺。)最後的步驟就係三粒星星連在一起,再係下面加個“鈴鈴”,大工告成!
arrow
arrow
    全站熱搜

    suklaic 發表在 痞客邦 留言(0) 人氣()