close
噚晚我都係頂唔住，一點就走去訓，我記得訓時自己的姿勢係真筆lak的，到早上醒來時，都無郁過個人，可想言之我係幾攰！ 


今早我仲發現自己有少少發燒，條腰好痛，返到學校自己棎熱，微燒，不過真的唔想請假，一嚟係屋企的話，無卓希爸係到，卓希就會係咁癡住我，點會讀到書？同去到年尾要趕快教哂d書，一堂都唔可以少得！仲有就係今日只係早上有課，下午可以自己自閉咁讀書。 食咗粒散利痛，個人好咗少少，下午就唔係好覺自己仲有燒，無再探，雖然唔使上堂，但係要能夠靜靜地讀書又真的不容易，因為會有好多同事及學生嚟找我，所以都係咁e睇下！


 不過到考試時，一答第一部份我就係咁笑啦，因為我tip仲咗呀！(紅色嗰d係我tip中的) 
1. 何謂高質素評核？ 常模參照與標準參照的解釋及分別！ 
2. 計數，計Z標准分，同分析(吹下水啫) 
3. 何謂設計作業？優點與困難 何謂信度與效度？ (跟著個題無時間做，成11分的)
 4. 計數，同分析常模參於某些東西(無答依題，所以唔記得)
 5. 解釋進展性評估、安置性評估及總結性評估，並加以例子。(照抄，仲有係咁作嘢) 


不過係唔夠時間做，今次考試時間只得兩小時，仲有下星期四另外個科，依科我先致怕，上咗成個學期都唔知佢教乜！ 返到嚟屋企，我有少少傷感，因為我今日未同卓希真正的見過面，今早我返工時佢仲未起身，芳ee話佢成七點半先起身，考完試返到嚟都成十點，佢又訓咗啦！我個仔就快唔認得我係佢亞媽啦
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄