港楊回憶，樂趣無窮！

卓希爸又大一歲啦！我問他有何感想，佢話咁咪好囉，離退休又近一年啦！(無理頭的答覆) 不過我哋都無乜點慶祝，多咗個仔的時候，就會用多咗精神同時間係個仔身上。好似今日咁，一早又要帶卓希返音樂playgroup啦！今日係最後一次的音樂playgroup，活動真的無乜特別新意，只係好好好好唔捨得小吉，唔知小吉係咪知道今日係最後一日呢？佢今日成日都係咁攪住卓希，又攬，又錫，尤其是聽故事時間，卓希好留心咁聽故事，小吉就係咁走過嚟要攬卓希，我哋兩個亞媽就係後面係咁笑。 到要分手個一刻，小吉都係咁又要攬多次，真的唔好話小朋友唔識嘢，佢哋係知好多事情發生的。小吉一直以來都好cool，但係今日就熱情如火，令到卓希都有少少頂唔順！唏！小朋友！
晚上，我哋一家入咗去山卡啦的屯門去飲，我家姐的那對孖b滿月，同亞媽12號生日，仲有正日的卓希爸，所以就約咗成班親人一齊食飯。卓希仲好開心咁同肥表哥現，肥表哥就負責睇住佢，咁我同卓希爸都有啖好食。我個妹今晚仲high到不得了，係咁週圍療人。笑到肚都痛埋！