close
我今日好開心呀！
今天，做了一樣三十六年年未做過的事情(咁你知我幾歲啦，唔准講出去！)就係同個妹一齊安排親生父母一起食飯。也許我等這天等咗好耐啦，所以今晚去赴約時居然胃痛，痛到連卓希我都抱唔到，要卓希爸代勞。去到後，大家很開心的有傾有講，我們係咁影相，由不同的組合咁一齊影，影到這張三十六年來都未有的相！
(e，好似唔係woooh，我結婚時都好似影過，不過唔記得啦，今晚的最寶貴。)影這張相時，我哋仲推亞媽去老豆身邊，笑到我哋肚都痛麻！
話說前陣子和我個妹msn，和她提到約老豆同媽出來食飯時，便利用妹生日的藉口，
約哂所有人一齊見見面。仲有就係我老豆好少見個孫(卓希)，等佢今晚一次過見哂咁多個孫，問佢知老未？
卓希好開心，因為可以同表哥及表姐玩，今晚佢都算乖，坐定定咁食咗一輪嘢之後，仲油圖畫，然後先茖地同表哥佢哋玩波，跟著先同卓希爸出去睇魚(都唔知係咪卓希爸話悶，要攞個仔過橋咁走咗出去)，但係整體嚟講，卓希都算乖！
今日我哋仲做咗一個重大的決定，就係新屋的的裝修決定給樓下的金源做負責，今日去同佢哋傾時，佢哋仲話會好快開工。選擇佢哋的原因係因為佢哋的價錢合理(不過唔係最平個間)，而且最重要係佢哋熟悉麗晶的格式，我哋會放心d！
今晚返到屋企都已經成十點，好彩出去之前幫卓希洗好澡，所以回到家後只要洗臉同手，換過睡衣就可以。話說我同佢戒緊奶咀，也許太夜啦，佢一定要個奶咀先肯訓，之前一個星期都唔使的，所以我都投降咁俾咗佢食，只此一次，下不為例！
全站熱搜
留言列表
廚藝“棒” (5)
