其實昨天已收到校監話要請我哋幾個加院長星期四食飯，但係我一早請咗星期四的假去身體檢查，所以咪同院長講話唔得，仲好鬼開心咁由得佢哋自己食。點知！點知！校監都係唔放過我，話說院長今日話要打給校監話我明天不能join一齊，咁校監就話今日午飯好唔好，點都要齊齊整整的幾個人一齊。好彩我一早答應姚姚轉堂，唔使趕住返去，但係就打亂哂我的時間表，又無去開溝通會，我的飯盒又無惦過，仲唔記得帶返屋企添，要英姐星期四幫我攪點佢。
話說我哋次次都係去k k leung的十四樓，原來逢星期三係食buffet，都幾好食，不過我哋d話題就比較敏感d。食到成兩點半才回心光，跟著我一入我的辦公室就想暈，一成個早上所上的堂的所有書同教材都係咁放係枱上，仲有好多未完成的工作，仲有一張好長要做的工作list，我都唔知何時何日才可以做得哂！
由於之前我有學生係咁睇我的blog，睇都唔緊要，仲週圍講同copy我的創意，所以我正在找一個要給錢的網站，唔會再給別人知我的blog地址，除咗我的好朋友之外！決定，等我十一月交咗兩份功課之後就一定會附緒於實行！
今日終於可以用ip cam係到監視住個臭豬仔，雖然會轉動係慢咗d，但係都好過無，多謝哂我it的同事，佢哋研究依壇嘢都研究咗幾日，真的辛苦哂！
全站熱搜
留言列表
廚藝“棒” (5)
