close
好好好好攰！
話說卓希昨晚又係訓訓吓係咁大哭，我都俾佢攪到無攪好訓。返工都無乜心機，點知一返到工，就知道平時常常無端端請一天病假的同事又請假，仲係兩個一齊嚟，真的好嬲d咁的老師，影衰哂！
放咗工後同卓希爸去中環律師樓，要簽埋層新樓的一些文件，然後便快快的回家。平時如果好似有咁的機會時我會好鐘意行吓街先，但係唔知點解個心好好好掛住卓希，連食飯都無乜心機。回到家後，聽到卓希的氣管有少少唔對路，立刻同佢去番昨天晚上那位醫生到，真的有少少燒。醫生話係d痰係喉嚨同氣管到，所以咪有聲，咁我就問佢點解會發燒，佢話因為喉嚨發炎，我就一句問返佢轉頭：噚晚嚟睇你時你只係話佢上下唇同喉嚨有少少鵝脛菌，但係無聽你話佢發炎？依個醫生我真係想殺佢，成日都係咁，要問一句先答一句，自己見到家長咁緊張就報多d料啦，佢俾我問到口啞啞。到攞葯時，我同卓希爸都以為聽錯：唔使錢！都算佢有番d良心啦！我好想帶番卓希去中環睇趙醫生，但卓希爸話睇吓佢食哂d葯先啦！
全站熱搜
留言列表
廚藝“棒” (5)
