早上由於心情不好，所以自己出外走走，在麗晶的商場給我看到這一set的家家酒(煮飯仔)遊戲，睇過一些文章及聽到一些媽媽說現在會買給小朋友玩。我一直都無諗過要買，因為卓希每個星期天都會去爺爺家玩堂家姐的玩具，但係前幾天聽到吉媽好想買及小吉玩，當時我都無諗過會買，因為卓希對玩具只係三分鐘熱度。不過今天經過見到時，係被佢的價錢所吸引，$20，平過小吉個套，所以決定買，卓希真的唔玩我都唔會肉痛。
 
初初卓希都玩得很開心，不過唔使半小時，佢已經對這套玩具無乜興趣，所以話，唔使買玩具給他，他只會玩我哋大人手上所有的東西，但一定唔係玩具！
 
下午決定要同卓希出去，但只限我們兩母子，因為卓希爸要返工，我又唔想芳ee去，所以我一個人帶著卓希去西貢。成個暑假我都想帶他去走走，一來那裏有好多不同品種的狗，卓希鐘意睇。二來又可以由他自己行。但係卓希爸就成日都話熱又話其他理由，就等佢要返工我哋兩母子出發！
我好喜歡同卓希兩人外出，想想今天便是返工前最後的機會，下星期我又會開始返工同返學，邊有時間陪佢，所以要好好把握這個時間。自從放完產假後，我都無乜機會同卓希兩個這樣外出，很多時唔係芳ee就係卓希爸，所以我好enjoy今天的時間，因為我知佢無其他人撐著的話，會是一個很聽話的小朋友。
果然不出我所料，佢好乖的跟著行，我們又見到幾隻好靚的狗。然後兩個子仲走去食下午茶，我飲凍咖啡同食栗子蛋糕，卓希就食波羅包。回程時我們仲去沙田接卓希爸放工，不過下午茶就無佢份！
 
原來卓希有咁多fans的，嗯！等我諗諗幫佢開返個fans club，試吓做星媽的感覺先！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄