今日早上卓希爸話去飲早茶，咁我哋就一家人及芳ee一齊去九龍灣的酒樓。本來卓希已經開始想訓的，但係有得出街及玩，便乜嘢眼訓都唔記得哂，之後回家時，在停車場開始開車而還未到付款押口時，佢已經頂唔住，係車到訓咗啦！仲訓得好鬼“林”，最衰當時我哋無影相機，如果唔係就一定影佢個“林”樣嚟睇睇！
下午卓希和爸爸過去探爺爺，回來後又讓著要出街，咁我便帶他落樓下找他爸爸(卓希爸去剪頭髮)，行了一會兒後便回家食粥粥。無幾耐翠雯姐姐便來我們家，今晚芳ee煮泰國餸，咁我哋咪一齊試吓佢的手勢啦！有很多香港人都好鐘意飲的“冬陰公湯”、“抄通菜”和“青咖哩雞”，所以嘢初初食落口都唔覺得點，但後來食食吓先覺得d火出緊嚟。
今晚卓希和翠雯玩得好開心，有時卓希又會走去翠雯到“聊”佢，有時大家又搶奶樽。所以今晚卓希爸和我係休息時間，唔使吓吓都要social個仔，有人可以同佢玩係我哋一大樂事！
不過仲有兩天我就要考試了，個人越讀就越覺得很無奈，個考試範圍很大，大到所有的材料都沒有時間去睇，就算睇咗都只係過眼雲煙，完全係記唔到入腦的。尤其是那些文學的乜派物派，佢哋的內容和分別就真的令到人都頭痛，最煩的是連毛主席的說話都有文學的意義。已經唔係好分得清佢哋的分別啦，有時仲要比較兩者之間的差別。真的唔想讀下去，越讀個心就越跳得急同快，真的有壓力同緊張。求天父給我力量及平安！
耶和華開了瞎子的眼睛；耶和華扶起被壓下的人。耶和華喜愛義人。
詩篇146：8
全站熱搜
留言列表
廚藝“棒” (5)
