今天早上起床時，快快的檢查卓希的皮膚，原來玫瑰疹姐姐又來探訪我們。記得上次係一個月前，即六月一日(星期四)開始發燒，六月五日開始退燒後d玫瑰疹開始出。今次又係燒成四日就出玫瑰疹，到底卓希係咪同玫瑰疹好friend呢？我希望唔係，希望今次出完之後就快快的再無就好啦，所以我今日一早芳ee到後就去街巿買莞茜來煲水沖涼，又買竹蔗回家煲水給他飲。(幸好今天我放假，因補回水運會那天的工作時間)
其實我一見到d玫瑰疹真的有些無奈，因為真的要攪好耐先好返的，仲要明天無得去playgroup，不過我已決定自己去playgroup，睇吓明天教甚麼遊戲，回家後就教小卓希玩。
上午大約十時，有人按門玲，我以為是奶奶過來看小卓希，點知是管理處派了個師傅來。哎呀！我真係無記性，原來約好了今天來整理洗手間的天花問題，因為師傅話會轉牆的，為免小卓希吸入大量的灰，我決定和他開始逃亡的生涯。因為小卓希唔好吹風，外面又熱又哂，我唯一諗到的就是渣車和他週圍去，但又唔可以咁遠，因為快到食粥時間(個時粥還在煲緊)。就這樣，我倆母子渣車先去飛鵝山走一轉。我哋兩個就好像拍拖的情侶咁(因卓希和我一超坐車頭，佢的car seat在車頭)，一起上山，卓希一見到所有的雀仔都會好開心咁講“吱吱”。我們預備落山的同時，嫲嫲打電話來，叫我們到她的家，但我表示怕卓希會把玫瑰疹傳染給堂家姐，原來兩老一早已帶了堂家姐及工人返到大伯的家，所以我同卓希便有一小時的容身之處，卓希仲可以在那裏食嫲嫲親手弄的粥粥添。
因為卓希要沖莞茜水的原故，我們便回家(師傅午飯時間)，沖完涼之後，卓希扭眼訓，我便關上房門關冷氣，由得他在家訓，訓醒後才再作逃亡之旅。點知卓希一訓便是三小時，我都同佢一齊訓咗兩小時，成四點才醒，連師傅都走了。不過家裏還是有一陣陣的油漆的天拿水味，所以我便和卓希又開始大逃亡(順便等芳ee收捨全屋，唔使卓希攪攪震)。我先同卓希去睇中醫，中醫叔叔話佢現在還有點虛，但虛得嚟裏面又好熱，所以要飲一次中葯。咁我哋然後就去剪頭髮，唔係我要剪，係卓希要剪，剪完後真的係“爽”，個樣仲似佢爸爸！
今天晚上卓希係咁講“爸爸”，唔知係咪佢都好似我咁好好好掛住卓希爸呢？卓希與一般同齡的小朋友不一樣，佢唔肯講完整的詞或字，只係鐘意講自己的外星話，所以當今晚佢成日講“爸爸”時，我真的好開心，表示他又進一步了！
全站熱搜
留言列表
廚藝“棒” (5)
