依架car seat係由卓希出世坐到現在,經歷了差不多二十二個月的使用,終於我“的”起心肝,拆咗seat 位,然後拎去洗。因為卓希係大汗精,又係餵食鬼,整到張car seat又係汗水又係餅碎。洗完後,我同卓希爸都用咗一段時間先將佢還原,因為d帶真的有少少麻煩!

今日一開學校的內聯網時,到我飛起,因為收到一封e-mail,就係成日偷睇我網上日記的學生,佢將我的日記copy and paste,然後用作自己陸運會的文章,仲,仲,仲,週圍sent。有無攪錯呀!雖然係我的日記,但係都係我自己的心血,點可以咁的?我只好安慰自己,那個網站仲有三日便關門大吉,唔好再有下次!我知佢喜歡又或者欣賞我,但都唔係咁做,已經唔係第一次啦,係幾次!我唔介意人睇我的日記,但係要有公德心,唔好睇完週圍“唱”,仲侵略我這個創作人的作品,簡直不可原諒!明天!明天!我一定話到佢飛起,如果唔係我唔姓周,跟卓希爸姓!

我由星期一到今天為至,溫書寫筆記已經寫咗成十一頁紙,不個都係好似,越睇上堂時的notes就越覺得自己有好多嘢都唔識,尤其是係怕到時唔識運用返出嚟。今晚仲要加油,因為明晚要係心光留夜,無得讀書,所以今晚唯有有幾多就睇幾多!

注意:我越來越鐘意個新網上日記,好靚,同好靈活,就好像正在用word一樣,方便又容易,不過仲有些html的碼要吉媽幫一幫我!

留意:係我個網的左面拉落少少,有個好好細的藍色公仔,佢就係我養咗兩日的blog寵物公仔,佢仲好細。不如果要佢成長的話,就係要靠我每日寫日記,因為佢的食糧就係我寫日記的字。所以無無謂謂的嘢我都會寫一餐半餐,為的係要餵飽佢!

arrow
arrow
    全站熱搜

    suklaic 發表在 痞客邦 留言(0) 人氣()