港楊回憶，樂趣無窮！

老人院同事話明天佢會帶個女返工(大卓希兩個半月)，我又好想呀！咁我就可以對多d時間同卓希一齊！好！一於咁話，明天帶埋卓希，收佢係三樓同一樓老人院！哈哈哈！


今晚考試，正如我一早所料，係：唔識！答咗都無信心係咪對或錯，所以咪話唔識。走時，行係我後面同前面的同學仔，個個都係到討論緊d考試題目，原來唔係只得我一個唔係好明d研究方法，原來個個都係咁！咁我都安樂d，個個都話係攞住阿sir俾的模擬試題的答案係咁抄，我都一樣，所以咪唔知係識定唔識囉！


CEED 3011考試題目：(2006冬)
甲部：(必答題)
1. 行動研究在教育上的四項特徵。
2. 個案分析：a. 兩項研究目的。b. 行動研究的步驟。
乙部：(三選二)
3. 個案分析：
   a. 兩項實驗研究的特徵。
   b. 一項研究假設。
   c. 自變項與依變項。
   d. 上述研究是屬於哪類型實驗設計？
   e. 這實驗設計有哪項優點？
   f. 此項研究的改善方法。
   g. t-test檢定方法，研究結果
4. a. 質性研究三項特徵。
    b. 個案分析：(i)用甚麼方法獲取資料 (ii)有何優點 (iii)研究步驟與內容
5. 個案分析：(我無選依題，都比較難明佢問乜)
   a. 兩個研究假設。
   b. 自變項與依變項。
   c. (i)研究策略的取樣方法 (ii)問卷數目的分配 (iii)推論統計檢定分析方法 
   d. 設計問卷問題


仲有一樣驚險嘢，話說我今日放五點，崇拜完咗之後仲要執禮堂的手尾，換返普通衫，做得嚟都係四點幾，本來要去聽一個O & M 的talk，不過見到咁晏就唔去啦，仲有就係真的好攰，咁我就返咗屋企見下隻豬仔先。仲係床到昏迷咗十五分鐘，食咗半碗飯就出去返學考試。我已經預咗成四十五分鐘去bu，平時由屋企連渣車去都只係二十至二十五分鐘，但係今晚週圍都勁塞車。七時十五分開考，我七點仲係九龍城到塞緊車，車急到我不得了，立即打電話返屋企，叫卓希爸同卓希兩個為我祈禱，佢哋真的為我祈禱。我係開考前一分鐘到逹，嚇到我個心都離哂！

(哈哈哈！今晚寫咁多，隻寵物blog仲唔食到反肚！)