今日我又去做facila啦(咪係一個月前就要book定個隻，今年只book到兩次咋)，上次美容師話現在做彩光有個promotion，用EPS就可以以$400做一定(平時成$2000)一次，不過唔包眼同頸，但會送軟模。我覺得一試無防，因為依間美容院我幫襯了十幾年，對佢的國際水平好有信心。而且咁平，試下啦！

做完之後，我覺得成塊面緊咗，滑咗(依個感覺好耐都無啦，由有卓希到依家都無，仲有就係仿個星期由於個人太緊張，d濕疹出咗嚟，仲上到塊面到，整到塊面high到不得了！)照鏡就覺得自己白咗同塊面好有光彩。不過我都同美容師表示，我唔會開course，因為，一、依家好難book到時間同美容師(我有指定的美容師)，二、近來家庭開支好大，唔想使錢，三、係最重要，跟本無時間，嚟緊一月至三月我有幾個星期六都要返學，邊有時間？

下午約了吉媽同小吉去飲茶，在飲茶的後期，卓希同小吉一齊坐，兩個好似塘癡荳咁，好好笑！尤其是兩個媽媽笑到唔停嘴。我叫卓希攬下小吉時，佢哋兩個就攬得好好好實，然後我話要錫錫時，今次唔係錫面面，而係嘴嘴，笑到我肚痛！依兩個小朋友跟著仲好yin un 咁坐，好似小鳥依人咁，簡直就係笑到你c！

下午返到屋企，就約咗歡歡，佢哋嚟我哋七座到睇吓D裝修係點，因為佢都係請陳師傅做裝修。卓希咁就又有聖誕禮物(今年收到的第二份啦)！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄