今晚“暗”卓希訓時〈仲好講,隻豬仔今晚“暗”咗成一小時四十五分鐘,我都要講個“服”字〉,見到天空上有三顆很光的星星,覺得聖誕節的星星特別光亮。我一邊睇,一邊在想,主耶穌出世的那天晚上,東方幾博士跟從的那顆星有幾大呢?又有幾光呢?一定好好好大的,因為我今晚所見到星比起平時所睇的都大,光都一定好光,今晚我所見到已經好sharp,但平安夜那顆就一定好好光的,否則博士們唔會跟得上!就正如今日在教會聽道時,講到星是帶給人盼望,也是宣告主基督的降生。但願我們每個基督徒都能一顆發光的星星!


今日係卓希的堂妹洗禮,禮成後,卓希和堂家姐在門口對著的公園係咁玩,(重豬豬坐係玩具豬豬到!好好笑!)玩玩下仲有一個大姐姐同佢哋兩個玩搖搖搖。卓希係咁要姐姐玩得高高咁,先夠刺激,佢先會大笑咋!所以卓希爸話佢第時一定會係嗰d玩笨豬跳的青年!到時我無眼睇!


今日我整番卓希一歲生日時大伯娘給他的生日禮物,thomas的火車路軌同泊車房,以前佢唔係好識玩車車,但近來愛車如命,一日到黑都車車前,車車後,車到我頭都暈。所以今日拎返出嚟,等佢玩吓。佢又真係好專心咁玩,係咁研究,不過到訓時,佢又開始將d路軌拆散,仲用嚟打個床頭櫃,整到成個床研櫃花哂,氣c我,忍唔住打佢手心,一如以往,又要卓希爸過橋,唏!兩父子!


明晚我哋會好好好夜先返屋企,所以請各位唔好等我哋門呀!
arrow
arrow
    全站熱搜

    suklaic 發表在 痞客邦 留言(0) 人氣()