我今日好有成功感，因為我一個人帶卓希去惠康時，我無要求佢坐車仔，反而由得佢自己行。佢今次無走雞，仲成日跟著係我後面。因為這兩個星期我湊佢時，試過佢唔聽我話，我便唔理佢自己走，佢怕我又係咁，所以佢係咁死跟。
惠康賣菜同賣雞肉的ee們好錫佢，係咁講：「嘩！跟著媽媽真係乖好多，平時姐姐要捉雞咁捉！」
而且我昨天叫佢落街叫到口水乾，當時佢玩緊豬仔車，仲要個pat pat對著我，但係識得答我話去街，又唔去著鞋。我唔會求佢的，便自己著鞋，開門走人，我一關門，就聽到佢跑嚟到門到，係咁喊，不過我無立即開門，等多兩分鐘，等佢怕吓先，然後入去，話你仲唔上椅子到著鞋，佢拿拿聲去，無反抗。
今日又落街時，佢無再玩唔理我啦，因為佢知我講得出做得到，所以話，小朋友係要俾d顏色佢睇下先得！
今日芳ee返嚟，不過佢話只可以幫多一個星期，之後就唔得啦！唉！得一個星期？我哋明天才去agent到選，選得嚟仲要等多六個星期個姐姐仔先到，到時我都唔知仲有無命啦！
全站熱搜
留言列表
廚藝“棒” (5)
