我真忍咗好耐,今天真的要呻下。係好耐之前,已經和baby kingdom的媽媽們約好一起bbq,本來係十二月進行的,但那次天文台話會好凍,我哋大家都怕會凍親d b,所以便改期,為今天。早兩天我都已經提醒卓希爸了,佢都無乜特別嘢講,到今天真的要去了,佢就氣c我!一早就已經面黑黑,都唔知為乜,然後要叫佢出門口時,佢又懶懶閒咁,今次我知啦。我話你唔想去咪唔好去啦,唔好咁的面口,個仔咁鐘意同你一齊,難得放假又有節目,咪去囉!點知佢就立刻話唔去,我都算,咁我就同個仔出門口,點知卓希見一關門但爸爸無出門口就係咁喊!我話爸爸唔去,得我同你,佢仲咸得大聲d!卓希爸一聽到就話,好啦!咁我同你(卓希)去啦!


去到bbq的地方之後,大細都唔入場住,兩個都唔知係個停車場到做乜,有車嚟都唔去捉個仔。入到個bbq場到,佢就自己咁週圍遊。卓希講咗好多次:爸爸,我就話爸爸一陣返嚟啦,你同小朋友玩吓啦!終於都係忍唔住打電話給他,他又唔聽我電話,然後我餵緊卓希食粥時,收到佢的sms,話佢返屋企,叫我哋自己enjoy個bbq!嘩!我d眼淚真的好想流出嚟,咁的老公都有!卓希都仲係咁問爸爸呢?我就話佢知爸爸返咗屋企,佢唔開心,bin嘴,我都無法,佢爸爸已經對佢食言,我唔可以再騙他。


我同自己講,自己帶得卓希出嚟,就要同佢開開心心咁去玩,唔好俾d咁自私又自閉的影響到我哋!雖然個個媽媽都有另一半燒嘢佢哋食,而我無,但係佢哋見我一個人湊住卓希,都有分少少嘢食給我。不過我咁大個人都餓的,餵飽卓希,就係咁同佢玩,好彩,佢唔似佢爸爸,仲好social咁同其他小朋友玩。我咁章苦一到週未就帶佢去上堂同玩,都係想佢的人際關係好些,唔好只係顧住自己,都要接觸下其他人,擴闊自己的生活圈子!


我都唔知卓希爸點諗,我都知佢鍚個仔,但係鍚就唔代表要買嘢,又就哂佢,而係去教佢做人,人際關係都好重要的。一個星期返足五日工,到週未有機會同個仔出去玩都懶,有時問去邊又話無意見,好啦,終於有目的地去外出時,又黑面。又話我成日攞個仔逹出嚟,但係卓希真的好鐘意爸爸,唔係我逹,而係佢自己都知個仔癡佢,佢點可以咁講的?


我好鐘意同卓希出街,一個星期七天,佢已經有五天成日係屋企了,所以一到週未就會帶佢出外,我自己一個帶係一d問題都無。最多咪雙手為了抱他而痛些,但同卓希有一些共同的美好回憶係我最想有的!就算我好好好攰,我都唔會放過帶佢外出的機會。
arrow
arrow
    全站熱搜

    suklaic 發表在 痞客邦 留言(2) 人氣()