下星期學校全面考試，所以今個星期學校的所有活動都要停止，團契也不例外，所以我今日返早，但係唔使留夜！成年都只係得兩晚唔使留夜，本來真的好想帶卓希去街街(例如去apm)，無奈地約咗佢上嚟屋企到報價搬屋。
渣車返到屋企停車場，就見到卓希爸抱住卓希嚟接我，仲有就係我爸爸(morfar)。原來爸爸送了媽媽去觀塘的聚會後，便來我家想拿電話咭。話說佢哋兩個去咗瑞典時，為了保留個電話號碼，我就幫佢哋將個電話由月費轉做儲值電話咭(係我做，因為係我名下的)，只係得一百大元在內，唔用佢的話，可以有效為半年，剛好就係佢哋返香港的時間。
但係佢哋返咗嚟之後，媽媽就好緊張咁要轉返做月費，因為佢話自己係“busy man”，咁又係，一日九百幾個電話打給她，佢又唔學飛線，係屋企都係咁用著個手提傾電話(爸爸話佢e d係濫用)，一百大元的儲值咭又真係唔夠佢用的。所以我依個乖乖女，就係今日lunch的少少時間內快d去香港仔幫佢哋攪惦佢。攪好之後，咪打電話叫媽媽去完觀塘的聚會後來我家pick up，點知佢真的咁心急，駛咗佢的蝦子餅來。所以我哋一家就同爸爸一齊食飯(好彩我預備咗今晚有湯飲，如果唔係會唔夠餸食)，爸爸仲同卓希玩得好開心。
今晚又多一間搬運公司嚟報價，$1300，貴一百忟，但係我覺得幾好，因為之前個間係會計埋我哋其他唔用紙箱的雜物。依間佢話唔使用佢的紙箱的話，都唔使加錢，而且佢哋會有成四個人嚟，包拆同包裝番。等睇埋明天那間報價報成點先！
全站熱搜
留言列表
廚藝“棒” (5)
