今日媽媽話帶我去見我d朋友仔,係以前上playgroup的朋友仔。唔知係咪好耐無咁正經咁上堂(上次同小吉係音樂農莊都係玩玩下咁),今日我好唔慣,一開始就係咁要媽媽抱!


不過點完名之後,我哋唱番係以前playgroup的歡迎歌時,我又好似記得少少咁。老師話今日要整一個太陽伯伯,媽媽都有幫手,不過我就最鐘意就係將隻手指係咁义入d“將糊”到,同埋最鐘意攞筆畫個口,好容易麻!


跟著我哋就上天台玩,一上到去,見到咁多車車同滑梯,我開心到不得了,差d唔記得要聽老師話!嗰到有成十幾輪車,我係咁轉車,大大話話都有成五至六駕,媽媽都話我係車癡!


落番課室後,我哋有茶點食,蛋糕同餅餅,我就唔鐘意食蛋糕仔,只係鐘意食餅餅同用杯杯自己飲水。舉咗手好多次要老師加水水。


然後就係跳舞唱歌,我都唔知係乜歌,只知道有好多動物的歌,好得意!最後就係聽故事時間,小狗波波的生日會,原來有好多動物去參加波波的生日會,我哋要負責搵番佢哋出嚟!


完咗之後,媽媽就帶我搭好少搭的地鐵返九龍灣,仲要行去皇冠到攞車!媽媽話我今日叻叻,全程自己行,無要媽媽抱,所以媽媽今日獎咗好多粒我心愛的羊奶片給我!哈!
arrow
arrow
    全站熱搜

    suklaic 發表在 痞客邦 留言(1) 人氣()