close
話說我家有個thomas狂，佢乜嘢都要用thomas，而我的工作就係上網為佢找有關thomas的日用品！

近來卓希要學游水，但係佢唔肯用潛水鏡，好想買thomas的鏡，咁就上網找一找，居然俾我見到有thomas的水袖！

但係我覺得貴，自從我學識係網上買嘢後，覺得好方便同埋平！最主要係方便，如果貴出街十元我都由佢，起碼唔使我又搭車，又用時間去找那樣物件。之但係今次直覺上覺得貴，便hi下對方，問吓佢可唔可以平d，佢話已經好平！咁我就算數，橫點個仔又唔知有件咁的嘢！

點知我有少少唔死心，我記得係永安見過有thomas的專門店，就在今天唔楂車返工的日子，係佐敦的永安睇咗先返工。啍！居然只係$26，我有永安咭仲有九折添！學豆媽話齋，嗰d媽媽係網上抄貴哂所有的嘢，第時都係格清楚好d！

不過最失敗係我今日掛住買其他有關thomas的嘢，唔記得最重要的嘢→潛水鏡！失敗！
arrow
arrow
    全站熱搜

    suklaic 發表在 痞客邦 留言(1) 人氣()

    E-mail轉寄