凌晨三點半,妹妹係咁唔訓,我"武"到佢六點幾先可以再訓返,五點先聞氣(我怕吵醒全家,點知都真係嘈醒哂),唉!晚晚都係咁,人都癲!

所以我哋成八點先醒,今日卓希開始要去學過游水,所以便嗱嗱臨起身,攪好哂所有嘢就出門口,妹妹就留係屋企!我哋三個好快咁去到青衣,諗住咁早(都未到九點),運動場就一定有位泊車啦,點知已經full哂,仲有幾輪車係出面排緊隊.我只好先放底卓希爸同卓希,等佢哋去找豆b一家.

今日卓希開始同豆b一齊學游水,嘩!豆b真的好叻,卓希就成日想逃走,因為佢之前的基本功學得唔好(卓希爸成日幫住哂,咪好多時都唔使學啦!)所以今日係咁學番d基本功.走時豆媽問卓希下星期仲嚟唔嚟游水,佢係咁擰頭,好攪笑!

游完水之後,我哋就快快的返教會,本身我預計會遲十五分鐘,點知卓希同豆b兩個唔願分開,一路行一路玩,咁就遲咗成二十五分鐘.好彩都未講道,卓希仲趕得上分班.

牧師仲報告緊的時候,我哋就走人,因為要去堂家姐的生日會:德福m記(我都係諗住明年二月同卓希係嗰到攪生日),玩到成三點先走人.卓希攰到係小巴到訓咗,不過返到屋企就醒咗.

妹妹基本上已經好好多,不過都係唔肯飲奶.最叻嗰餐就係一早起身嗰餐奶(六安),跟著成日就唔肯飲,我只好時不時就埋身,希望佢少少都飲d.到晚上仲要用針筒迫佢飲兩安(pool girl).

arrow
arrow
    全站熱搜

    suklaic 發表在 痞客邦 留言(0) 人氣()