港楊回憶，樂趣無窮！

今日又比起昨天好少少，心情好好多，但下午去聖嘉助撒醫院的MRI測試又失敗！

今午我一點已經到逹聖嘉助散醫院，然後便去地庫的掃描部。跟著mormor到，為的是陪伴我，其實前兩天我都已經話不需要，但mormor堅持想陪我，而幸好她陪我，否則我又會面對不到另一個打擊的！護士先先問我很多病歷，然後居然由護士幫我打黃豆針，左右手都要打(在公立醫院，一定要由醫生打黃豆針的，護士一定唔可以！)因為一會兒後，一隻手要打顯影劑，另一隻手打加速心跳劑。然後等一會兒後，就入去個大房到，以前都係喺電視或雜誌到先見到咁大個圓筒，今次真的親身經歷了。訓上張床到後，兩個護士幫我係胸到放好多測試心臟的電線。跟著預備入個大圓垌到，入到去後，個感覺一d都唔好，我想像到日後如果人死了訓係棺材到，就係依個感覺時，就真的唔鐘意，鬼叫自己個心唔爭氣！

跟著視心師就係咁叫我閉氣，又吸氣，做咗好多吓，做到我差唔多訓著！跟著戲肉嚟啦，心臟科醫生到，會睇住我打入心跳加速劑，隨時on call。點知一打d藥入去就出事，都唔夠五seconds就要停，因為原來那些藥打入去體內後，我心跳固然加速，但原來亦引發我的哮喘！哦！原來又係氣管出事！所以心臟科醫生立刻叫停，而且打番去東區醫院到，10E的劉醫生(女醫生)都話咁唔好做，要番去東區到做其他的測試！(今日由於失敗，所以唔收錢！)

我係到等護士幫我折黃豆針時，我係到諗番細嗰時的情節，以前一同爸爸或弟弟做運動時，個心都會跳得好快，跟著就一定會哮喘病發，由細到大都係咁。屋企人就話係我身體唔好，今日我才知道，原來係條氣管令到我個人做唔到好大的帶氧運動！(但係暑假時我日日游水，初時都有少少辛苦，但後來就無乜嘢！)所以今日的任務又失敗！不過我無唔開心，因為正因為失敗，可以向另一個方向去針對我的病！真的！感謝神！

仲有就係，我今日同mormor話，係東區醫院時，我一入依d的測試房時，感覺就像白老鼠一樣。但係今日係聖嘉助撒醫院時，就好似VIP一樣，樣樣嘢都係以客為先，唔鬼得知咁多人話要有好好好好多錢，為的是要有咁的服務。不過後來和mormor下午茶時，又得出一個結論，就係搵到多多錢後得到這些服務的話，會濫用，及狗眼看人底，好彩我的家庭教育是要使得使，唔好亂咁使！

親愛的天父：

感謝祢，今天的我比起昨天的我已經好少少。行路時已沒有昨天那樣的痛，請時常教導我要慢下來，細思想，細觀察自己的身體。感謝祢讓小琪拿了學校的hard disk來我家，讓我今天早下可以完成某一些工作。天父，我知道祢給我病假是要讓我休息，但祢也知道我個人的性格，如未能完成工作的話，個心會不舒服的。所以，我會學習慢慢做，不會太急，真的，我在學習中，請時常提醒我！

今天下午，我去了聖嘉助撒做心臟的MRI，其實這幾天都有點心緒不靈，原來一切都不在人的計劃裏，而是又父你有另一條路給我！今天和mormor分享，人很會自我計劃(我講緊我自己)，往往以為treatment只係得兩條路去走。上星期五，以為做x-ray的顯影劑時只有兩條出路：1./ 如粒石乖乖的跌番入個膽到，而唔係塞住的話，就可以拔咗個膽的導管，可以返屋企先，期間再做有關心臟的test，六星期後做手術做切割膽手術。2./ 如果塞咗的話，就要我自費外出做一個有關心臟的掃瞄test(最快及最清楚的方法,係東區醫院輪要輪成年半才有位)，以確保個心無事,那就可以立即做手術。但結果呢？是第三樣的選擇，睇唔到，完全唔知道！

今天也一樣，以為只有兩條出路：1./ 個心無事；2./ 個心有事，但原來又係出現第三樣，唔做得test，因為條氣管有事。天父，祢往往給我的出人意外的結果，求祢真的教導我順服！及感謝你，有mormor全程在我身邊，我們還行去九龍城買麵包呢！

奉主命求，啊們！